Mɑtʉ̈ɔ 6:16 - Kɑɑ Fí

¹⁶ Pʉʉ lɑɑ ŋ́kɔŋ kɔŋnɛ ńnɑ́ŋ njí nɛcɛꞋlɛ Sɛ́, kɔɔ pʉʉ kɔk shʉ́ wʉ́ʉ pɑ́Ꞌ ɡɑŋnyɛtmbʉʉ. Pɔ́p kɔk shʉ́ wɔ́p, ńdɔk ńnyɛt ŋɡɔ pɔ́p sɛ́ ńnɑ́ŋ njí nɛcɛꞋlɛ Sɛ́. Lɑ́ ɛ sẅíi wʉ́ʉ, kwɑꞋ nɛ́nẅín, pɔ́p ńdɑ́Ꞌmɔ́ ŋ́ɡẅɛɛ tsɔ́ꞋfɑꞋ yɔ́p.

Mɑtʉ̈ɔ 6:16 ပူးပေါင်းရင်းမြစ်များ

Mɑtʉ̈ɔ 6:1

Yɛ́su pɛn ńcú ŋɡɔ: «Pʉʉ lɑɑ ḿbɔ́ ŋ́ɡʉ ŋ́ɡɛ yúu mi nɛpʉ́ʉ-Sɛ́ píkŋɛnɛ, pʉʉ lɑk tú yʉ́ʉ nɛɡɛ zʉꞋ lɑ́Ꞌ zúꞋu, nǔu ntɛ́ yi pɛ́ ɡʉ ḿbɔ́ ńdíŋɛ wʉ́ʉ. Pʉʉ lɑɑ ŋ́ɡɛ pɔ́Ꞌɔ, mbɔ Tɑ̌ɑ wʉʉ ẅí ɑ tʉ́nɛ́pú kɛ́ ɡɛ ńtsɔ́Ꞌ fɑꞋ yʉ́ʉ pɔ́.

Mɑtʉ̈ɔ 6:2

Ɔ lɑɑ ḿbɔ́ ŋ́ɡʉ ŋ́ɡɑ́ ŋkɑ́p mbɔ̌ pɑkɛ́yúu, kɔɔ ɡɛ pɔ́ pɑ́Ꞌ pɛ́ ɡʉ tʉ́ʉ ḿbɔ́ ńjʉ́ɔ. Gɑŋnyɛtmbʉʉ ɡɛnɛ pɔ́Ꞌɔ. Pɔ́p kúu ndɑ́-cúꞋlɛ, ńtʉ́ʉ mbɑ mɛtú-ndúŋ lɑ́ ŋ́ɡɑ́ yúu, pɔ́Ꞌɔ, ŋɡɔ pʉɔ ɡʉ̈ɔꞋlɛ wɔ́p. Lɑ́ ɛ sẅíi wʉ́ʉ, kwɑꞋ nɛ́nẅín, pɔ́p kɑ lɑ́Ꞌmɔ́ ńcẅɛ́ɛ tsɔ́ꞋfɑꞋ yɔ́p.

Mɑtʉ̈ɔ 6:5

Pʉʉ lɑɑ ḿbɔ́ ńcɛꞋlɛ Sɛ́, kɔɔ pʉʉ ɡɛ pɑ́Ꞌ ɡɑŋnyɛtmbʉʉ, pɔ́p kɔŋ nɛtʉ́ʉ tsɛt mɛndɑ́-cúꞋlɛ mbɑ mɛtú-ndúŋ lɑ́ ńcɛꞋlɛ Sɛ́, pɑ́Ꞌ pʉɔ tsʉʉ ɡʉ ńjʉ́ɔ wɔ́p. Lɑ́ ɛ sẅíi wʉ́ʉ, kwɑꞋ nɛ́nẅín, pɔ́p kɑ lɑ́Ꞌmɔ́ ńcẅɛ́ɛ tsɔ́ꞋfɑꞋ yɔ́p.

Mɑ́lɛ́kúshi 2:18

Ɛ́ kɑ pɔ́ yɛcɔ́ lɛ́Ꞌ, ɡɑŋku-Jɑ̂ŋ Mbɑptíshi pɔ́p Pɑfɑlísɑy pɔ́ ŋ́kɔŋ kɔŋnɛ ńnɑ́ŋ njí, ńcɛꞋlɛ Sɛ́. Pɛcɔ́ pʉɔ tɔ́ ḿbíkŋɛ Yɛ́su ŋɡɔ: «Gɑŋku-Jɑ̂ŋ Mbɑptíshi pɔ́p pɛ́ Pɑfɑlísɑy kɔŋ kɔŋnɛ ńnɑ́ŋ nji, ńcɛꞋlɛ Sɛ́. Pú pɛn ŋ́kɛ́ ḿbɔɔ ŋ́ɡɛ yɔ́p pɔ́Ꞌɔ pɔ́, mɛlɑ́Ꞌ kʉ̈ɔ́?»

Lúkɑ́shi 18:12

Mɔ, n dɔ ŋ́kɔŋ kɔŋnɛ ńjúk nji ŋkɑ́ yɛpɑ́ nǔu ŋɡɑplɑ́Ꞌ, ḿbɛn ŋ́ɡɑp yúu pɑ́ɑ nji nɛɡɛ́m, ŋ́ɡɑ́ tɑ́Ꞌ nji mbɔ̌ ɡu.

Lúkɑ́shi 2:37

A kɑ tsʉ́Ꞌ mpfúk pɔ́Ꞌɔ, ŋ́kɛ́ ḿbɔɔ ńtẅí ndɑ́-nɛnɔŋpɔꞋ pɔ́, ńdɛn tɛ ńtsʉ́Ꞌ ŋ́kɔŋ kɔŋnɛ ńnɑ́ŋ ńji ŋki, ŋ́ɡúꞋlɛ Sɛ́, ńtswɛ́ ŋ́ɡúꞋlɛ wɛ́ nɛnɛm mbɑ nɛtúꞋ,tɛ ńdɑ́Ꞌ ŋ́ɡẅɛɛ ŋɡuꞋ ntsɔ̌pɛ́nɛ́kwɑ mɛɡɛ́mɛ́nɛ́fɔ́m.

ŊwɑꞋnɛ-Gɑŋntúu Yɛ́su Kɛlístɔ 10:30

Kɔ̂lnɛ́ɛ tsɔ́Ꞌ mbɔ̌ Pyɛ̂ ŋɡɔ: «Ɛ́ ŋkɔ̂ɔnɛ ḿbɔ́ lɛ́Ꞌ pɛ́nɛ́kwɑ, pɑ́Ꞌ ɛ́ ḿbɔ́nɛ nǔu nɛm yɛ́tɑ́t mbɔ́tnjí pɑ́Ꞌ ŋkɔ̂ɔnɛ lɑɑnɛ, m bɔ́ ndɑ́ mɔ ḿbɔ́ ńcɛꞋlɛ Sɛ́, ŋ́ɡɔ ńjʉ́ɔ wɛcɔ́ ŋu vukŋɛ vukŋɛnɛ ńcẅɛt ńtʉ́ʉ mbi mɔ, ḿmɑꞋ mɛndẅí ɛ́ pɔ́ ŋ́ŋwɑŋɛ ŋwɑŋɛ́nɛ,

ŊwɑꞋnɛ-Gɑŋntúu Yɛ́su Kɛlístɔ 14:23

Tsɛt mɛtʉ́sɔŋ mɔ, zʉꞋ cúlɛ-pʉɔ-Kɛlístɔ zúꞋu pɔ́p tsɔ́Ꞌ pʉɔ pí pɔ́p ɡʉ ńcẅɛ́ɛ mbi tsɛt yîyɑ́ cúlɛ-pʉɔ-Kɛlístɔ. Tɛ ɛ́ kuꞋ, pɔ́p kɔŋ kɔŋnɛ, ńdʉꞋ yúu pɛjʉ́, ńcɛꞋlɛ Tsɑpʉɔ Sɛ́, ŋ́ɡɔ́ɔ ŋ́kɛ́ fɛ́ɛ wɔ́p mbɔ̌ Tsɑpʉɔ ẅi pɔ́p pɛ́mnɛ nu yɛ́.

1 Kɔlɛ̂ŋtɛ 7:5

Kɔɔ ŋu mbɛ́ɛnɛ lʉꞋ nu mbɔ̌ nzwɛ́ wɛ, kɔɔ mɑŋɡɛ́ kɛ́ ńdʉꞋnɛ yɛ́ mbɔ̌ ndúu mɛ. Ɛ́ lɑɑ ḿbɔ́ pʉʉ ɡɛ pɔ́Ꞌɔ, pɔ nǔu mɔ́ɔ mɔ́ŋkɑ́ ẅi pʉʉ lɔknɛ tɑ́Ꞌ ntsu ńjʉ́ɔ ŋɡɔ pʉʉ ɡʉ ḿbúꞋ mbɔ́ mbɔ̌ Sɛ́, ḿbúꞋ mbɔ́ mbɔ̌ Sɛ́ tɛ ḿbɔ́tnɛ ńnɑ́ŋ, pʉʉ pɛn ńnɑ́ŋ tsɛt lɑ́ɑndɑ́ yʉ́ʉ pɑ́Ꞌ pʉʉ zɛɛnɛ ńnɑ́ŋ, ḿbɔ́k nɛpɔ́ yi ɛ́ lɑɑ ḿbɔ́ Sɑ́ttɑ lɔk pɑ́Ꞌ pʉʉ kɑ́ɑnɛ nɛɡẅɛɛtɛ mbʉʉ yʉ́ʉ ŋ́kwɑꞋnɛ wʉ́ʉ.

2 Kɔlɛ̂ŋtɛ 11:27

ńjúk ɛ́fɑꞋ mɛfɑꞋ mi ɛ́ tɛnnɛ tɛ ńzúꞋ ŋ́kɑ́ɑ tɛꞋ, ńjúk ńdɛ́ kɛ́ lɛ́. Nji júk ńzɑ́ŋ wɑ́ɑ, ɡɑ́k yɑ́ɑ júk ɛ́shí, ḿbɔ́ yɛcɔ́ ŋkɑ́, yúu pɛjʉ́ ḿmɛ mbɔ̌ mɔ, fɑ́k ɡɔ́ ŋ́kɔ́ wɑ́ɑ, mbɔ n jɑ́k ndẅí.

2 Kɔlɛ̂ŋtɛ 6:5

kɛ pɔ ŋkɑ́ yi pɛ́ sɛ́ ńtswɑ́ɑ wɛ́k ɔɔ, kɛ pɔ ŋkɑ́ yi pɛ́ níꞋnɛ wɛ́k tsɑ́ŋ ɔɔ, kɛ pɔ ŋkɑ́ yi pɛ́ tsʉ́ʉnɛ́nɛ lɑ́Ꞌ ḿmɑꞋ nzʉʉ pɛk ɔɔ, kɛ nǔu ŋkɑ́ yi pɛk tʉ́ʉnɛ nǔu mɛfɑꞋ mi ɛ́ tɛn tɛnnɛ ɔɔ, kɛ nǔu ŋkɑ́ yi pɛk sɛ́ ńdɛ́ kɛ́ lɛ́ ɔɔ, mbɑ nǔu ŋkɑ́ yi pɛk sɛ́ ńnɑ́ŋ kɛ́ ŋ́kwɛ́t yúu.