Mɑtʉ̈ɔ 6:13 - Kɑɑ Fí

¹³ Kɔɔ nɑ́ wɛk pɛk kúu tsɛt ŋkwɑꞋnɛ, cẅɛ́ɛ wɛ́k mbɔ̌ Sɑ́ttɑ. MbíꞋŋɡɔ ɡu pɔ́nɛ fɔɔ, mɛtʉʉ tsʉʉ pɛn ḿbɔ́ pɔ mú, pɛ́ sɛ́ ŋ́ɡúꞋlɛ pɔ ndɑꞋ wú mɛŋɡuꞋ mɛŋɡuꞋ. Ɛ́ pɔ́Ꞌɔ.»

Mɑtʉ̈ɔ 6:13 ပူးပေါင်းရင်းမြစ်များ

Mɑtʉ̈ɔ 26:41

Kɔɔ pʉʉ pɛn ńdɛ́, pʉʉ cɛꞋlɛ Sɛ́, ḿbɔ́k mɛnu nɛkwɑꞋnɛ wʉ́ʉ, pʉʉ vu. Tʉ́m-ŋu tɛntɛ tɛꞋ lɑ́, mbɑp-mbʉʉ pɔ́t pɔ́tnɛ.»

Mɑtʉ̈ɔ 28:20

ńzíꞋ wɔ́p nɛtík ku nǔu mɛnu tsʉʉ mi mɔ ńzíꞋnɛ wʉ́ʉ. Pʉʉ jí ŋɡɔ, kwɑꞋ mɔ, ŋ ɡʉ ńdɑ́Ꞌ ḿbɔ́ pɔ tsɛtsɛt pʉʉ tɛ ntsɛ́llɛ́ lɑ́Ꞌ mɛ.

Mɑtʉ̈ɔ 5:37

Ɔ́ɔŋ wʉʉ pɔ́ pɔ Ɔ́ɔŋ, ŋɡɑ́ŋ wʉʉ pɔ́ pɔ ŋɡɑ́ŋ, yi pɛ́ kẅiꞋnɛ nǔu fú mbɔ̌ Sɑttɑ.

Mɑtʉ̈ɔ 6:10

Gɛ nɛfɔɔ nú tɔ́. Gɛ pɛ́ pɔ́ ńzúꞋ ntsu wú ndǔ tsɛ́tsɑ́Ꞌ, pɑ́Ꞌ pɛ́ sɛ́ ńzúꞋ tʉ́nɛ́pú.

Jɑ̂ŋ 17:15

Ŋ kɑ́ pɔ́ ḿbúꞋ mbɔ́ mbɔ̌ ɡu ŋɡɔ ɔ fú ndǔmbí ńcẅɛɛtɛ wɔ́p pɔ́, m búꞋ mbɔ́ mbɔ̌ ɡu pɔ ŋɡɔ ɔ pɑ́ɑ wɔ́p nǔu Sɑ́ttɑ ŋɡɛnu kɛpɔŋ.

1 Kɔlɛ̂ŋtɛ 10:13

MɛŋkwɑꞋnɛ mi ɛ́ kɑ kúunɛ wʉ́ʉ, ɛ́ mi ɛ́ kúunɛ ŋumɛsɔŋ. Sɛ́ ẅi ɑ lɔɔ ńcú nu ḿbɛn ŋ́kúpmɛ pɔ́, ɑ kɛ́ pɛ́m ŋɡɔ ŋkwɑꞋnɛ kúu wʉ́ʉ tɛ ŋ́ɡɑ́Ꞌ mɛtʉʉ mʉ́ʉ pɔ́. ŊkwɑꞋnɛ ɡʉ ḿbɔ́ tɛ ńtɔ́, ɑ ɡɑ́ mɛtʉʉ mbɔ̌ pʉʉ nɛlɔk sʉk ḿbɛn ŋ́ɡɑ́ shʉ́ nɛlɔk ɛ́fú tsɛtú ńcẅɛt.

1 Kɔlɛ̂ŋtɛ 14:16

mbíꞋŋɡɔ ŋu lɑɑ ḿbɔ́ pɛ́Ꞌnɛ ŋ́ɡɛ́mtɛ Sɛ́ pɔ ndɑꞋ nǔu ntɛ́ yi Zẅikŋɛ tsʉ́ʉnɛ́nɛ wɛ́ ŋɡɔ ɑ ɡɛ, mbɔ ŋu ẅí ɑ nɑ́ŋnɛ sɛ́ mbɔɔ ḿbɔ́ ńjí nu nǔu yîyɑ́ ntɛ́ pɔ́, ɡʉ ŋ́ɡɔ cú ŋɡɔ ɛ́ pɔ́Ꞌɔ, ńdɔk cɔ́kŋɛ nu yi ŋɡɑŋ lɔknɛ ŋ́ɡɛ́mtɛ Sɛ́, ɛ́ ɡɛ ŋɡɔ́ku pɑ́Ꞌ ɑ kɑ́ pɔ́ ńzúꞋ nu yi ɑ cúnɛ pɔ́ ɔɔ?

2 Kɔlɛ̂ŋtɛ 1:20

Jʉ́ zɛɛnɛ ḿbɔ́ ŋu ẅí ɑ ɡɛnɛ ŋɡɔ kʉ̈ɔ́ lɑ́ yi Sɛ́ kɑ kɑꞋnɛ lɑ́ puutɛ. Pɔ́Ꞌɔ, pɛkŋɛ lɔk lík yɛ́, ńcú ŋɡɔ ɛ́ pɔ́Ꞌɔ, ńdɔk pɔ́Ꞌɔ, ŋ́ɡɑ́ mɛkuꞋ mbɔ̌ Sɛ́.

Ŋɡɑlɑ̂t 1:4

Pʉʉ sɛ́ ńjí ŋɡɔ Kɛlístɔ ɛ̂wɑ́ kɑ ɡɑ́ tú yɛ́ nǔu mɛnu kɛpɔŋ mɛkŋɛ nɛlɔk ɛ́fɛꞋ ndɔɔ yɛkŋɛ, pɔ́Ꞌɔ nɛfú mbɔ̌ yɔ kɛm njí yi ɛ́ yɛ kɛpɔŋ ńcẅɛɛtɛ wɛkŋɛ. Mɔnɛ mɛnu pɔ́ pɔ pɑ́Ꞌ Tɑ́t wɛkŋɛ Sɛ́ kɑ zɑ́pnɛ.

1 Tɛsɑlɔník 1:10

Pɔ́Ꞌɔ, ńtsʉ́Ꞌ ńzẅíꞋlɛ pɔ ŋɡɔ Mɔ́ɔ nɛ fú tʉ́nɛ́pú ńtɔ́, Mɔ́ɔ nɛ ɛ̂wɑ́ Yɛ́su, mbɔ Sɛ́ kɑ zẅíimɛ wɛ́ nǔu nɛvú. Jʉ́ sɛ́ nɛ mbɑ́ɑ wɛkŋɛ nǔu zɑ́ŋlɔ́ŋ-Sɛ́ yi ɛ́ sɛ́ ńtɔ́.

2 Tɛsɑlɔník 3:3

Tsɑpʉɔ, ɑ kɛ́ ḿbɔɔ ŋ́kúpmɛ pɔ́. A ɡʉ ŋ́ɡɛ pʉʉ pɔɔ kɑ́ɑ, ḿbɛn mbɔɔ pɛ́m Sɑ́ttɑ zɑ́p pɔ́ nǔu pʉʉ pɔ́.

1 Timɔtɛ́ɛ 1:17

MɛkuꞋ pɔ́p ɡúꞋlɛ ńdɑ́Ꞌ ḿbɔ́ mɛŋɡuꞋ mɛŋɡuꞋ, pɔ mbɔ̌ fɔɔ ẅí ɑ ɡʉ ńdɑ́Ꞌ ḿbɔ́ pɔ ɡú. Jʉ́ ẅí ɑ ndɑ́Ꞌ Sɛ́, ḿbɔ́ kɛpfú, ḿbɔ́ ẅi pɛ́ kɑ́ pɔ́ ńjʉ́ɔ wɛ́ nɛ́ lík pɔ́. Ɛ́ pɔ́Ꞌɔ.

Ɛ́bɛlʉʉ 11:36

ḿbɛn ŋ́ɡʉ nǔu pɛcɔ́ pʉɔ, pɛ́ tɛ́m sʉ́ʉ nǔu pɔ́p, ńdɔk ŋɡwɑɑ ńtswɑ́ɑ wɔ́p, ńtɔ́ nǔu pɛcɔ́ pʉɔ pɛ́ pɔɔ ɡɛ pɔ ndɑꞋ pɔ́Ꞌɔ pɔ́, ḿbɛn ŋ́kút wɔ́p nɛ́ mɛcɛ̂n, ḿmɑꞋ wɔ́p ndɑ́tsɑ́ŋ,

1 Pyɛ̂ 5:8

Kɔɔ pʉʉ mɛꞋ mbʉʉ yʉʉ, kɔɔ pʉʉ lɛ́. Ŋɡɑŋmbuu wʉʉ, Sɑ́ttɑ, ɑ sɛ́ ḿbɔ́ ŋ́kɑ́t ńzɛmɛ, ńdɔ́ɔ ŋu ẅí ɑ ɡʉ ŋ́ɡẅɛɛ wɛ́, pɑ́Ꞌ púꞋntʉʉ ẅí ɑ kíinɛ ḿbɔ́ ńdɔɔ yúu mi ɑ ɡʉ ŋ́kwɛ́t lɑ́.

2 Pyɛ̂ 2:9

Pɛ́ fú nǔu mɔnɛ mɛnu ńjʉ́ɔ ŋɡɔ Tsɑpʉɔ kɔŋ nɛfú tsɛt ŋɡʉ̈ɔ́Ꞌ ńcẅɛɛtɛ pʉɔ pi pɔ́p jínɛ pɔ ndɑꞋ wɛ́, ɛ́ tsʉ́Ꞌ pʉɔ kɛpɔŋ ɑ nyɛt wɔ́p ŋɡɔ pɔ́p ńzẅíꞋlɛ ŋɡʉ̈ɔ́Ꞌ lɛ́Ꞌ nɛŋɑk mɛtsɑŋ.

1 Jɑ̂ŋ 3:8

Ŋu lɑɑ ŋ́kɛ́ ńnɑ́ŋ ŋ́ɡɛ yɛ́ pɔ nu kɛpɔŋ, mbɔ ɑ ŋu-Sɑ́ttɑ, mbíꞋŋɡɔ Sɑ́ttɑ ŋɡɑŋ mɛfɑɑnɛ tɛ ɛ́fú pɔ nzɛnɛ ŋɡɔŋ. Mɔ́ɔ-Sɛ́ kɑ zɛɛ ńtɔ́ pɔ nɛɡɛ kʉ̈ɔ́? A kɑ tɔ́ nɛpík mɛfɑꞋ-Sɑ́ttɑ.

Mɛnu ɛ́ ńdɑ́Ꞌ ńcẅɛt 1:18

Mɔ pɔ́nɛ ŋu ẅí ɑ ntʉʉ. Ŋ kɑ pfú, lɑ́ mɔ ŋkɔ̂ɔnɛ ḿbɔ́ ɡú, ŋ́kɛ́ ńdɑ́Ꞌ ḿbɔ́ pɔ ɡú. Ŋ ɡẅɛɛ mɛtsɔ́Ꞌ mɑ́jɔ́Ꞌ, mi ɛ́ ɡɑ́nɛ wɑ́ɑ nɛ́ mɛtʉʉ nɛlɔk ńjʉ́ɔꞋ zʉꞋ yi pɛpfú zúꞋu, kɛ pɔ nɛlɔk ńtsɔ́Ꞌ ɛ́fú zúꞋu ńcẅɛɛtɛ pʉɔ ɔɔ.»

Mɛnu ɛ́ ńdɑ́Ꞌ ńcẅɛt 19:1

N jʉ́ɔ mɔnɛ mɛyúu tɛ ḿbɔ́tnɛ ńnɑ́ŋ, ńzúꞋ yɛcɔ́ ŋɡi tɛnnɛ ɛ́ pɔ́ pɔ pɑ́Ꞌ ŋɡi mɑ́mɑ́ nɔɔ lɑ́Ꞌ lɑ́, ɛ́ pɔ́ tʉ́nɛ́pú ḿbɔ́ ńcú ŋɡɔ: «Alɛlúyɑ, luk ŋ́ɡɛ nɛɡúꞋ mbɑ mɛtʉʉ mbɔ̌ Sɛ́ wɛkŋɛ,

Mɛnu ɛ́ ńdɑ́Ꞌ ńcẅɛt 19:4

Pɛlʉ́m pɑ́ ntsɔ̌pɛ́nɛ́kwɑ nɛ́ mɛɡɛ́mɛ́mbɑ́, mbɑ mɛyúumɛku mɑ́ mɛ́nɛ́kwɑ kẅíꞋlɛ sɛ́, ŋ́ɡúꞋlɛ Sɛ́ ẅi ɑ nɑ́ŋnɛ ndǔ kɔꞋ-nɛfɔɔ, ḿbɔ́ ŋ́ɡúꞋlɛ wɛ́, ńcú ŋɡɔ: «Ɛ́ pɔ́Ꞌɔ! Alɛlúyɑ!»

Mɛnu ɛ́ ńdɑ́Ꞌ ńcẅɛt 2:10

Ɛ́ nɛ́nẅín ŋɡɔ pʉʉ ɡʉ ńjʉ́ɔ ŋɡʉ̈ɔ́Ꞌ, lɑ́, kɔɔ pʉʉ kɛ́ ḿbɔ́k. Pʉʉ jí ŋɡɔ Sɑ́ttɑ ɡʉ ḿmɑꞋ pɛcɔ́ pʉɔ pʉ́ʉ ndɑ́tsɑ́ŋ nɛlɔk ŋ́kwɑꞋlɛ wʉ́ʉ ńjʉ́ɔ. Pʉʉ jʉ́ɔ ŋɡʉ̈ɔ́Ꞌ jʉ́ɔnɛ nǔu lɛ́Ꞌ lɑ́Ꞌ nɛɡɛ́m. Pʉʉ kɛ́ ńjí pɔ ndɑꞋ wɑ́ɑ, tɛ mbɑ pɑ́Ꞌ pɛ́ lɑɑ ḿbɔ́ ńjẅítɛ wʉ́ʉ ntɛ́ pɔ́Ꞌɔ. Mɔ, ŋ ɡʉ ńdɑ́Ꞌ ńtɔꞋ ŋɡúꞋ yʉʉ, ɛ́ pɔ́ pɑ́Ꞌ pʉʉ ɡʉ ńdɑ́Ꞌ ḿbɔ́ pɔ ɡú.

Mɛnu ɛ́ ńdɑ́Ꞌ ńcẅɛt 21:4

A ɡʉ ŋ́ɡɛ ńtuk ŋki-mík mɔ́p tsʉʉ. Nɛvú kɛ́ ɡɛ ḿbɛn ḿbɔ́ ɡú pɔ́. Pɛ́ pɔɔ pɛn ńdɑɑ nɛvú pɔ́. Pɛ́ pɔɔ pɛn ŋ́kíi pɔ́. Pɛ́ pɔɔ pɛn ńjʉ́ɔ ŋɡʉ̈ɔ́Ꞌ pɔ́. Ɛ́ mbíꞋŋɡɔ ŋɡɔŋ lwɛn kɑ mɛ mɔ́.»

Mɛnu ɛ́ ńdɑ́Ꞌ ńcẅɛt 3:10

Pɑ́Ꞌ pʉʉ kɑ ɡẅɛɛnɛ sẅiŋɛ yɑ́ɑ tɛ ḿbɔɔ kɑ́ɑ lɑ́, mɔ yɑ́ɑ ŋ ɡʉ ŋ́ɡɛ ńtʉ̈ɔ́Ꞌlɛ wʉ́ʉ nǔu ŋkɑ́ yi ŋɡʉ̈ɔ́Ꞌ ɡʉ ŋ́ɡɛ ńtɔ́ ndǔ yɔ mbí tsʉʉ, ŋ́kwɑꞋlɛ pʉɔmɛsɔŋ pi pɔ́p ndǔ tsɛ́tsɑ́Ꞌ.

Mɛnu ɛ́ ńdɑ́Ꞌ ńcẅɛt 3:14

Ɔ ŋwɑꞌnɛ mɛnu mɔnɛ, ńtúu ŋ́ɡɑ́ mbɔ̌ Cʉ̈ɔꞋ-Sɛ́ ẅi ɑ líŋɛ́nɛ cúꞋlɛ-pʉɔ-Kɛlístɔ yi ɛ́ tʉ́sɔŋ-Lɑɔdisɛ́. Ŋwɑꞌnɛ ŋɡɔ: Ŋu ẅí lík yɛ́ ŋɡɔ ɛ́ pɔ́ꞌɔ, ɑ pɔ́ jʉ́njʉ́ɔ wɛ kɛ́ kúpmɛ sẅiŋɛ, ẅi ɑ cúnɛ nu yí ɛ́ nɛ́nẅín, ẅi jʉ́ nzɛnɛ nǔu kʉ̈ɔ́ lɑ́ yi Sɛ́ kɑ niitɛ́nɛ, ɑ sɛ́ ńcú ŋɡɔ:

Mɛnu ɛ́ ńdɑ́Ꞌ ńcẅɛt 5:13

M bɛn ńzúꞋ, kʉ̈ɔ́ lɑ́ yi Sɛ́ kɑ niitɛ́nɛ, yi ɛ́ tʉ́nɛ́pú, yi ɛ́ ndǔ tsɛ́tsɑ́Ꞌ, yi ɛ́ tsɛt tsɛ́tsɑ́Ꞌ, yi ɛ́ tsɛt ŋki kɛ́ nɛpɑt tɛ mbɑ kʉ̈ɔ́ lɑ́ yi ɛ́ ndǔmbí lɑ́, ɛ́ pɔ́ ńzɔp ńcú ŋɡɔ: Pɛ́ zɔp lík, ŋ́ɡɛ mɛkuꞋ ńtɔꞋ ŋɡúꞋ yɛ, ŋ́ɡɑ́ nɛsɑ́Ꞌ mbí mbɔ̌ ŋu ẅí ɑ nɑ́ŋnɛ nǔu kɔꞋ-nɛfɔɔ, mbɑ mbɔ̌ mɔ́ɔ-Njinjɔ nǔu mɛŋɡuꞋ mɛŋɡuꞋ.