Mɑtʉ̈ɔ 5:48 - Kɑɑ Fí

⁴⁸ Pɔ́Ꞌɔ lɑ́, pʉʉ pɔ́ pɑ kɛ́ lɔ́Ꞌ, pɑ́Ꞌ Tɑ̌ɑ wʉʉ ẅí ɑ tʉ́nɛ́pú kɛ́ lɔ́Ꞌ.»

Mɑtʉ̈ɔ 5:48 ပူးပေါင်းရင်းမြစ်များ

Mɑtʉ̈ɔ 5:16

Ɛ́ pɔ́Ꞌɔ lɑ ɛ́ píkŋɛ ŋɡɔ pʉʉ pɔ́ kyɛꞌ-pʉɔmɛsɔŋ tɛ pɔ́p jʉ́ɔ nu sʉ́Ꞌnɛ yi pʉʉ sɛ́ ŋ́ɡɛ, ŋ́ɡúꞋlɛ Tɑ̌ɑ wʉʉ ẅí ɑ tʉ́nɛ́pú.

Mɑtʉ̈ɔ 5:45

Pʉʉ lɑɑ ŋ́ɡɛ pɔ́Ꞌɔ, mbɔ pʉʉ ɡʉ ḿbɔ́ kwɑꞋ pɔ́ɔ-Tɑ̌ɑ wʉʉ ẅí ɑ tʉ́nɛ́pú. A ɡɛ mɔ́nɛm wɛ tɑ́ nǔu pʉɔ kɛpɔŋ mbɑ nǔu pʉɔ sʉ́Ꞌnɛ, ḿbɛn ŋ́ɡɛ mbʉŋ lɔ́ nǔu pʉɔ pinɛ pɔ́p ɡẅɛɛnɛ nɛpʉ́ʉ nɛ́ mbɑ pinɛ pɔ́p kɑ́ ɡẅɛɛ.

Mɑtʉ̈ɔ 5:47

Pʉʉ lɑɑ ńcɛꞋlɛ pɔ ndɑꞋ pɔ́ɔpɛ́mɑ́ pʉ́ʉ, mbɔ pʉʉ ɡɛ kʉ̈ɔ́ yi fí? Pɑ kɛ́ jí Sɛ́ pɛn ḿbɔ́ ŋ́ɡɛ yɔ́p pɔ pɔ́Ꞌɔ.

Lúkɑ́shi 6:36

«Pʉʉ tsɑ́ɑ mɛjʉ́ŋ pʉɔ pɑ́Ꞌ tɑ̌ɑ wʉʉ sɛ́ ńtsɑ́ɑ mɛjʉ́ŋ pʉɔ tsʉʉ!»

Lúkɑ́shi 6:40

Ḿbɛn ŋ́ɡɔ: NzíꞋfɑꞋ kɑ́ tsɑ tɑ̌ɑfɑꞋwɛ pɔ́. Lɑ́, nzíꞋfɑꞋ ẅí ɑ zíꞋ fɑꞋ tɛ ḿmɛk, ɡɛ yɛ́ pɑ́Ꞌ tɑ̌ɑfɑꞋ wɛ lɑ́.

2 Kɔlɛ̂ŋtɛ 13:11

Ɛ́ nǔu ŋkɔ̂ɔnɛ pɔ́ɔpɛ́mɑ́ pɑ́ɑ, pʉʉ ńnɑ́ŋ nɛ́ tsɑ́ɑtɛ. Pʉʉ pɔ́ ńdɔɔ shʉ́ pɑ́Ꞌ yɛcɔ́ lɔ́Ꞌ kɛ́ ɡɛ ḿbɔ́ tsɛtsɛt pʉʉ pɔ́. Pʉʉ pɔ́ ńní mɛtʉʉ-mɛmbʉʉ mʉ́ʉ. Pʉʉ sɛ́ ŋ́ɡẅɛɛ tɑ́Ꞌ ntsu, ńnɑ́ŋ nɛ́ mbɔ́tnɛ, ɛ́ lɛɛ pɔ́Ꞌɔ, Sɛ́, jʉ́ ẅi ɑ ɡẅɛɛnɛ ŋkɔŋɛ pɔ́p mbɔ́tnɛ pɔ́ tsɛtsɛt pʉʉ.

2 Kɔlɛ̂ŋtɛ 13:9

Pʉʉ lɑɑ ḿbɔ́ nǔu sɛ̂ndúŋ-Sɛ́, ḿbɔ́ pɛntʉʉ-pʉɔ, pɛk pɔ́ yɛ́k nǔu, ḿbɔ́ pɔ pɛpɔ́t pʉɔ, mbɔ nu ɡʉ ḿbɔŋ wɛ́k pɔŋnɛ. Ɛ́ yúu mi ɛ́ ɡɛnɛ pɛk pɔ́ tɛ ḿbɔ́ ńcɛꞋlɛ Sɛ́, ńdɔ́ɔ ŋɡɔ ɑ ɡɛ pʉʉ ńnɛn pɔ nǔu sɛ̂ndúŋ wɛ́ tɛ ńdẅiklɛ.

2 Kɔlɛ̂ŋtɛ 7:1

Pɔ́ɔpɛ́mɑ́ pɑ́ɑ pɛ́ tʉʉndɛn, pɑ́Ꞌ Sɛ́ kɑ kɑꞋnɛ mɔnɛ mɛnu mbɔ̌ pɛkŋɛ lɑ́, ɛ́ sɛ́ ḿbíkŋɛ ŋɡɔ kwɑꞋ pɛkŋɛ nɛ́ tú yɛkŋɛ kʉ̈ɔ́ mɛnu mi ɛ́ kɑ́ pɔŋ Sɛ́ pɔ́, mi pɛ́ ɡɛ ɡɛnɛ, tɛ mbɑ mi pɛ́ kwɑŋɛ kwɑŋɛ́nɛ, ŋ́kẅiꞋ ńdɔk nɛpɔ́ kɛ́ lɔ́Ꞌ ŋ́ɡʉ nɛ́ mbi tɛ ńdẅiklɛ, ŋ́ɡɔ ŋ́ɡɛ, ḿbɔ́ ḿbɔ́k Sɛ́.

Ɛ́fɛ̂zɛ 3:1

Ɛ́ yúu mi ɛ́ ɡɛnɛ, mɔ Pɔ̂l ẅí mɔ ndɑ́tsɑ́ŋ mbíꞋŋɡɔ ɛ sɑ́Ꞌ nu-Yɛ́su Kɛlístɔ mbɔ̌ pʉʉ pi pʉʉ kɑ́ pɔ́ pɑyúdɑ pɔ́, mɔ sɛ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ nǔu tú yʉ́ʉ.

Kɔlɔsíyɛ̂ŋ 1:28

Ɛ́ yɛ́tɛ́ lɑ́ pɛk kɛ́ ḿbɔ́ ɛ́sẅíi nu-Kɛlístɔ mbɔ̌ pʉɔtsʉʉ sẅíinɛ, ńdɔk pɔ jínu yi Sɛ́ ɡɑ́nɛ mbɔ̌ pɛk, ńzíꞋ pʉɔ nɛ́ yúu, ɛ́shuŋ nɛtúutɛ mbɑ wɔ̌ lɑ́, nɛpɔ́ yi ɑ ɡʉ ŋ́kɛ́ ńdɑt mbʉʉ yɛ pɔ nǔu Kɛlístɔ ńdɔk ŋ́ɡʉ nɛ́ mbi, tɛ ńtsʉklɛ pɑ́Ꞌ pʉɔ-Sɛ́ ɡẅɛɛnɛ nɛpɔ́ pɔ́Ꞌɔ lɑ́.

Kɔlɔsíyɛ̂ŋ 4:12

Ɛpɑfɑlɑs ẅí ɑ ŋu lɑ́Ꞌ wʉʉ, cɛꞋlɛ wʉ́ʉ. Yɔ ŋu ẅí ɑ fɑꞋnɛ fɑꞋ-Yɛ́su Kɛlístɔ, ńnɑ́ŋ ŋɡɔŋ ŋkɑ́ tsʉʉ ḿbɔ́ ńdɔk nɛcɛꞋlɛ Sɛ́, ḿmɑꞋ ntsɔ nǔu tú yʉ́ʉ. A ɡɛ pɔ́Ꞌɔ, nɛpɔ́ yi pʉʉ ɡʉ tɛntɛ nǔu nu-Yɛ́su, yɛcɔ́ yúu pɔɔ pɛn ńjɑ́k nǔu pʉʉ pɔ́, pʉʉ ńnɑ́ŋ ŋɡɔŋ ŋkɑ́ tsʉʉ, ḿbɛ́m pɔ nɛɡɛ yúu mi Sɛ́ sɛ́ ŋ́kɔŋ ŋɡɔ pʉʉ ɡɛ.

Jɑ̂k 1:4

Lɑ́, ɛ́ pɔŋ ŋɡɔ nɛtɛntɛ ɛ̂wɑ́ fɑꞋ yɛ́ fɑꞋ tɛ ḿmɛkŋɛ, ńjí ŋɡɔ pʉʉ ɡʉ ńtsʉ́Ꞌ pɛlʉ́m, ŋ́kẅiꞋ ŋ́ɡẅɛɛ mɛtʉʉ, yɛcɔ́ yúu pɔɔ jɑ́k nǔu pʉʉ pɔ́.

1 Jɑ̂ŋ 3:3

Mbɑ wɔ̌ lɑ́ ẅi ɑ nɑŋnɛ ḿbɔ́ ńzẅíꞋlɛ ŋɡɔ Kɛlístɔ ɡɛ yɔ nu, ɑ nɑ́ŋ ḿbɑ́ɑ pɑ́Ꞌ mbɔ lɔ́Ꞌ pɔ́ nǔu wɛ́, mbíꞋŋɡɔ Kɛlístɔ kɛ́ lɔ́Ꞌ.