Mɑtʉ̈ɔ 5:37 - Kɑɑ Fí

³⁷ Ɔ́ɔŋ wʉʉ pɔ́ pɔ Ɔ́ɔŋ, ŋɡɑ́ŋ wʉʉ pɔ́ pɔ ŋɡɑ́ŋ, yi pɛ́ kẅiꞋnɛ nǔu fú mbɔ̌ Sɑttɑ.

Mɑtʉ̈ɔ 5:37 ပူးပေါင်းရင်းမြစ်များ

Mɑtʉ̈ɔ 13:19

Mbʉʉ-sɛ̂ndúŋ yi mɛcɔ́ mɛmbɑŋ vunɛ zúꞋu, pʉɔ pínɛ pɔ́p zúꞋ nu-nɛfɔɔ-Sɛ́, mbɔɔ zúꞋ tɛ ńzúꞋ pɔ́. Sɑ́ttɑ tɔ́, ɛ́fú tsɛt tʉ́m yɔ́p ńcẅɛɛtɛ.

Mɑtʉ̈ɔ 13:38

Ŋkɑ́Ꞌ pɔ́ ndǔ mbí, mbiyúu sʉ́Ꞌnɛ pɔ́ pʉɔ pínɛ Sɛ́ sɑ́Ꞌnɛ wɔ́p, mbiyúu yi kɛpɔŋ pɔ́ pʉɔ pínɛ Sɑ́ttɑ sɛ́ ɛ́sɑ́Ꞌ wɔ́p.

Mɑtʉ̈ɔ 15:19

MbíꞋŋɡɔ mɛkwɑŋɛ kɛpɔŋ zɛɛ ńcẅɛt pɔ tsɛt tʉ́m-ŋu, mîmɑ́ tsʉ́ʉnɛ́nɛ ŋu ɑ jẅí wɛcɔ́, ŋ́ɡɛ ɡɑp, mbɛ́ɛnɛ lɔɔ pɑŋɡɛ́, pɑŋɡɛ́ lɔɔ mbɛ́ɛnɛ, ɑ jʉ̈ɔ, ńcɔt nu zʉꞋ yí pɛ́ ŋɑknɛ mɛtsɑŋ zúꞋu, ŋ́ɡúunɛ ŋu.

Mɑtʉ̈ɔ 5:36

Kɔɔ kɛ́ ńdɔk tú yú ŋ́kɑɑ nu, mbíꞌŋɡɔ ḿbɔ́ ɔ pɔɔ ɡɛ tɑ́Ꞌ nuk-tú yu fúk pɔ́, ŋ́kɛ́ mbɔɔ ɡɛ nuk fúfú sʉ́ʉ pɔ́.»

Mɑtʉ̈ɔ 6:13

Kɔɔ nɑ́ wɛk pɛk kúu tsɛt ŋkwɑꞋnɛ, cẅɛ́ɛ wɛ́k mbɔ̌ Sɑ́ttɑ. MbíꞋŋɡɔ ɡu pɔ́nɛ fɔɔ, mɛtʉʉ tsʉʉ pɛn ḿbɔ́ pɔ mú, pɛ́ sɛ́ ŋ́ɡúꞋlɛ pɔ ndɑꞋ wú mɛŋɡuꞋ mɛŋɡuꞋ. Ɛ́ pɔ́Ꞌɔ.»

Jɑ̂ŋ 17:15

Ŋ kɑ́ pɔ́ ḿbúꞋ mbɔ́ mbɔ̌ ɡu ŋɡɔ ɔ fú ndǔmbí ńcẅɛɛtɛ wɔ́p pɔ́, m búꞋ mbɔ́ mbɔ̌ ɡu pɔ ŋɡɔ ɔ pɑ́ɑ wɔ́p nǔu Sɑ́ttɑ ŋɡɛnu kɛpɔŋ.

Jɑ̂ŋ 8:44

Wʉʉ tɑ́t ɑ sɑ́ttɑ, pʉ́ʉ pɛn mbɔ̌ ŋ́kɔŋ nɛɡɛ yúu mi ɑ sɛ́ ńtsɑ́ɑ. Ɛ́ ɡʉ nǔu wɛ́, mbɔ tɛ ɛ́fú nzɛnɛ, ɑ pɔ́ pɔ njẅíŋu. A ŋkɑɑ mɔ́ ńnɛn tsɛt nu nɛ́nẅín pɔ́. MbíꞋŋɡɔ ɑ kɑ́ ɡẅɛɛ nu nɛ́nẅín tsɛt tʉ́m yɛ́ pɔ́, tɛ kɑ́ɑ mɔ́zʉꞋ. A pɔ́ tɛ ḿbɔ́ ńcɔt nu, ɛ́ pɔ́ pɔ kwɑꞋ sẅiŋɛ yɛ́, mbíꞋŋɡɔ ɑ ŋɡɑŋ cɔtnu, ḿbɔ́ ŋu ẅi jʉ́ kɑ nɔŋnɛ cɔtnu.

Ɛ́fɛ̂zɛ 4:25

Ɛ́ lɑɑ ḿbɔ́ pɔ́Ꞌɔ, pʉʉ mɛꞋ cɔtnu. Ŋu cú pɔ nu nɛ́nẅín mbɔ̌ pɔ́ɔpɛ́mɑ́ pɛ́, mbíꞋŋɡɔ pɛkŋɛ tɛmtɛ ḿbɔ́ pɔ mɛkɛm-tɑ́Ꞌ mbʉʉ yɛ́mɔ́Ꞌ.

Ɛ́fɛ̂zɛ 6:16

Wʉʉ kíꞋ-ntsɔ pɔ́ pɔ nɛzɑ́p tʉ́m nǔu Sɛ́ tɛ mbɑ pɑ́Ꞌ pʉʉ lɑɑ ńtʉ́ʉ pɔ nǔu wɛ́tɛ́ shʉ́-tsɔ lɑ́. Ẅîwɑ́ kíꞋ-ntsɔ cẅɛ́lɛ́ wʉ́ʉ nɛpík múk ẅi Ŋɡɑŋmbuu lyɛtnɛ nǔu mɛkɔŋ lɑ ńdɔk ḿmɑꞋ wʉ́ʉ.

Kɔlɔsíyɛ̂ŋ 3:9

Pɑ́Ꞌ pʉʉ cẅɛɛtɛ mɔ́ mɑt pɔ́p mɛnu mɛ́ nǔu pʉʉ tɛ ḿmɛꞋ lɑ́, kɔɔ cɔtnu pɛn ḿbɔ́ tsɛtsɛt pʉʉ.

Kɔlɔsíyɛ̂ŋ 4:6

Pʉʉ pɔ́ ŋkɑ́ tsʉʉ ŋ́ɡẅɛɛ pɔ ntsu-ŋɡwɑ́ŋ, ńcú pɔ nu yi ɛ́ ɡʉ ńcẅɛ́lɛ́, ńtsɔ́Ꞌ nu mbɔ̌ ŋu pɔ pɑ́Ꞌ ɛ́ zɛɛ ḿbɔŋ ŋɡɔ pɛ́ tsɔ́Ꞌ.

2 Tɛsɑlɔník 3:3

Tsɑpʉɔ, ɑ kɛ́ ḿbɔɔ ŋ́kúpmɛ pɔ́. A ɡʉ ŋ́ɡɛ pʉʉ pɔɔ kɑ́ɑ, ḿbɛn mbɔɔ pɛ́m Sɑ́ttɑ zɑ́p pɔ́ nǔu pʉʉ pɔ́.

Jɑ̂k 5:12

Pɔ́ɔpɛ́mɑ́ pɑ́ɑ, ɛ́ lɑɑ ḿbɔ́ pɔ nu kʉ̈ɔ́ ɔɔ, kɔɔ pʉʉ cú nu tɛ ŋ́kɑɑ. Kɔɔ pʉʉ lɔk nɛpú ŋ́kɑɑ nu, kɔɔ pʉʉ lɔk tsɛ́tsɑ́Ꞌ ŋ́kɑɑ. Ɛ́ pɔŋ ŋɡɔ wʉʉ ɔ́ɔŋ pɔ́ pɔ ɔ́ɔŋ, wʉʉ ŋɡɑ́ŋ pɔ́ pɔ ŋɡɑ́ŋ. Ɛ́ lɛɛ pɔ́Ꞌɔ, lɑ Sɛ́ pɔɔ ɡɛ ŋɡɔ pʉʉ vu ntsɑŋ pɔ́.

1 Jɑ̂ŋ 2:13

Mɔ sɛ́ ɛ́sẅíi wʉ́ʉ pɛlʉ́m ŋɡɔ: Pʉʉ pɛꞋnɛ ḿbɔ́ ńjí ŋu ẅí ɑ ɡú tɛ ɛ́fúnɛ nzɛnɛ, ḿbɔ́ ɛ́sẅíi wʉ́ʉ pɔ́ɔsuu ŋɡɔ pʉʉ kɑ kɛ́ ńtɛn ńdɛɛ ŋu kɛpɔŋ.

1 Jɑ̂ŋ 3:12

Kɔɔ pɛkŋɛ pɔ́ pɑ́Ꞌ Kɑyin ẅí ɑ kɑ pɔ́ nzʉʉ-Sɑ́ttɑ, ńjẅí mɔ́ɔmɑ́ wɛ pí tɑ́Ꞌ mɑŋɡɛ́. A kɑ jẅí wɛ́ mɛlɑ́Ꞌ kʉ̈ɔ́? Ɛ́ kɑ pɔ́ mbíꞋŋɡɔ mɛfɑꞋ mɛ́ kɑ pɔ́ mɛ́ kɛpɔŋ, mɛ́ mɔ́ɔmɑ́ wɛ pɔ́ mi ɛ́ ndʉ́ŋndʉŋ mbi Sɛ́.

1 Jɑ̂ŋ 5:18

Pɛkŋɛ sɛ́ ńjí ŋɡɔ ŋu pɔ́ tɛ ńtsʉ́Ꞌ mɔ́ɔ-Sɛ́, mbɔɔ pɛn ńnɑ́ŋ ɛ́fɑɑnɛ nu fɑɑnɛ́nɛ pɔ́, mbíꞋŋɡɔ mɔ́ɔ-Sɛ́ sɛ́ ńtík wɛ́, ŋu kɛpɔŋ pɔɔ ɡẅɛɛ shʉ́ nɛzɑ́p pɔ́ nǔu wɛ́ pɔ́.