Mɑtʉ̈ɔ 5:3 - Kɑɑ Fí

³ «Pɛpɔ́ttú pʉɔ pinɛ pɔ́p jínɛ ŋɡɔ pɔ́p mbi-Sɛ́ ḿbɔɔ yɛcɔ́ yúu kuꞋ, mbíꞋŋɡɔ pɔ́p jʉ́ pii nɛfɔɔ-Sɛ́.

Mɑtʉ̈ɔ 5:3 ပူးပေါင်းရင်းမြစ်များ

Mɑtʉ̈ɔ 11:25

Yɛ́su ɡɛ ńcú ŋɡɔ: «Tɑ̌ɑ mɔ, Tsɑpʉɔ, ɡu ẅí ɔ sɑ́Ꞌnɛ tʉ́nɛ́pú mbɑ tsɛ́tsɑ́Ꞌ, ŋ ɡɑ́ pɑ́Ꞌlɑ́ mbɔ̌ ɡu pɑ́Ꞌ ɔ kɑ nyɛtnɛ mɔnɛ mɛnu mbɔ̌ pɛɡɛɡʉʉ, ńdʉɔ mbɔ̌ pɑjínu pɔ́p pʉɔ pínɛ pɔ́p kɑ zíꞋnɛ.

Mɑtʉ̈ɔ 11:6

Pɔ́ttú ŋu ẅi ɑ kɛ́ kɔɔtɛ nǔu mɔ ḿvu sɛ́ pɔ́!

Mɑtʉ̈ɔ 13:16

Lɑ́ ɛ́ ɡʉ nǔu pʉʉ, mbɔ pʉʉ pɛpɔ́ttú, mbíꞌŋɡɔ mík mʉ́ʉ sɛ́ ńjʉ́ɔ zʉꞋ, mɛtúutɛ́ mʉ́ʉ pɔ́ ńzúꞋ zʉꞋ.

Mɑtʉ̈ɔ 19:14

Yɛ́su cú ŋɡɔ: «Pʉʉ nɑ́ mbɔ́ŋkʉ̈ɔ́ pɔ́p tɔ́ ŋ́kẅɛ́ɛtɛ wɑ́ɑ, kɔɔ pʉʉ zuŋ wɔ́p, pʉɔ pínɛ pɔ́p pɑ́Ꞌ mbɔ́ŋkʉ̈ɔ́ ɡẅɛɛnɛ nu nǔu nɛfɔɔ-Sɛ́,

Mɑtʉ̈ɔ 24:46

A pɔ́ttú pɑ́Ꞌ tɑ́fɑꞋ wɛ lɑɑ ŋ́ɡɔ ḿbɛn nzʉʉ, ńjʉ́ɔ ɑ pɔ́ ɛ́fɑꞋ yîyɑ́ fɑꞋ.

Mɑtʉ̈ɔ 25:34

Fɔɔ ɡɔ́ɔ ŋ́kɛ́ ńcú mbɔ̌ pʉɔ pí pɔ́p nǔu ɡúŋ-pɔ́ yɛ́ yi tʉʉ ŋɡɔ: «Pʉʉ ẅínɛ tɑ̌ɑ mɔ kɑ níꞋnɛ mbɔ́tnɛ nǔu pʉʉ, pʉʉ tɔ́ ŋ́kúu tsɛt nɛfɔɔ ní Sɛ́ kɑ lɑ́Ꞌ ńniitɛ ńdɔk ńzẅíꞋlɛ wʉ́ʉ tɛ ɛ́fú nɛnɔŋ ŋɡɔŋ.

Mɑtʉ̈ɔ 3:2

«Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»

Mɑtʉ̈ɔ 8:11

Mɔ ńzɛɛ ḿbɛn ɛ́sẅíi wʉ́ʉ ŋɡɔ pʉɔ tɛ ńzɑ́ɑ ɡʉ ńdɑ́Ꞌ ɛ́fú mɛshʉ́ mɛshʉ́ ndǔ tsɛ́tsɑ́Ꞌ, ńtɔ́ ŋ́kúu tsɛt ŋɡɔŋ fí ẅi Sɛ́ sɑ́Ꞌnɛ, pɔ́p pɛ́ Ábɛlɛhɑ̂m, nɛ́ Ɛsɑk, mbɑ Yɑkɔ̂p tɛmtɛ ńjʉ́ ndínɑ.

Mɑ́lɛ́kúshi 10:14

Yɛ́su jʉ́ɔ pɔ́Ꞌɔ, ɛ́ pɔɔ wɛ́ pɔŋ, ɑ cú mbɔ̌ ɡɑŋku pɛ́ ŋɡɔ: «Pʉʉ nɑ́ ɡɛ́ɡɛ́ mbɔ́ŋkʉ̈ɔ́ pɔ́p tɔ́ ŋ́kẅɛ́ɛtɛ wɑ́ɑ! Kɔɔ pʉʉ kíꞋ wɔ́p nɛtɔ́! Pʉɔ pi pɔ́p pɑꞋ mbɔ́ŋkʉ̈ɔ́ ɡẅɛɛnɛ nu nǔu Nɛfɔɔ-Sɛ́.

Lúkɑ́shi 11:28

Yɛ́su pɑ́Ꞌ ńcú mbɔ̌ wɛ́ ŋɡɔ: «Ɔ ḿbɔ́ ŋ́ɡʉ ńcú pɔ ŋɡɔ: “Pɛpɔ́ttú ɛ́ pʉɔ pinɛ pɔ́p zúꞋ sẅíŋɛ-Sɛ́, ḿbɛn ŋ́ɡɛ pɑ́Ꞌ ɑ sɛ́ ḿbíkŋɛ.”»

Lúkɑ́shi 18:14

Yɛ́su mɑꞋ tú yɔ nu ŋɡɔ: «Tsʉ́nɛ ŋ kɛ sẅíi wʉ́ʉ, wɔ ńcẅɛ́ɛ ntsup kɑ ɡɔ́ ḿbɛn nɛ ndɑ́ yɛ, Sɛ́ pɔɔ pɛ́t ḿbɔ́ ńdɑ́Ꞌ wɛ́ pɔ́. Lɑ́, ŋ́ɡʉ nǔu ŋu-Pɑfɑlísɑy ɛ̂wɑ́, Sɛ́ kɛ ḿbɔ́ ńdɑ́Ꞌ wɛ́ lɑ́Ꞌnɛ. Ɛ́ pɔ́Ꞌɔ, lɑ́ ḿbɔ́ yi ŋu lɑɑ ŋ́ŋɑ́Ꞌ mbʉʉ yɛ, mbɔ pɛ́ ɡʉ ŋ́kɔk wɛ́, ŋ́kɔk mbʉʉ yɛ, mbɔ Sɛ́ ɡʉ ŋ́ŋɑ́Ꞌ wɛ́.»

Lúkɑ́shi 22:29

Ɛ́ yɛ́t lɑ́, ndʉ́ŋndʉŋ pɑꞋ Tɑ̌ɑ mɔ kɑ ɡɑ́nɛ nɛfɔɔ mbɔ̌ mɔ lɑ́, ŋ ɡɛ ńdɑ́Ꞌ ŋ́ɡɑ́ nʉ́ʉ nɛfɔɔ.

Lúkɑ́shi 22:30

Ŋkɑ́ yi mɔ ŋ́ɡɛ ḿbɔ́ Fɔɔ lɑ́, pɛkŋɛ tɛmtɛ yúu ńjʉ́, ńnɔ́, pʉʉ pɛn ńnɑ́ŋ ndǔ mɛkɔꞋ-nɛfɔɔ, ŋ́ŋɑk njẅɛtndɑ́-Íslɑyɛ̂l ntsɔ̌ppɑ́ nɛ́ nɛɡɛ́m.

Lúkɑ́shi 4:18

«Zẅikŋɛ-Tsɑpʉɔ nǔu mɔ, mbíꞋŋɡɔ ɑ kɑ zɔ́Ꞌ wɑ́ɑ, ńtúu wɑ́ɑ ŋɡɔ ŋ ɡʉ, ɛ́sɑ́Ꞌ Ŋkʉʉ sʉ́Ꞌnɛ mbɔ̌ ɡɑŋɡʉ̈ɔ́Ꞌ, ńtúu wɑ́ɑ ŋɡɔ ŋ ɡʉ ɛ́sɑ́Ꞌ mbɔ̌ ɡɑŋtsɑ́ŋ ńcú ŋɡɔ: Pɛ́ ɡʉ ńcẅɛɛtɛ wɔ́p ndɑ́-kwɑɑ, ńtúu wɑ́ɑ ŋɡɔ ŋ ɡʉ, ŋ́ɡɛ pɛfʉmík jʉ́ɔ zʉꞋ, ŋɡɔ ŋ ɡʉ, ńtɔ́ɔtɛ nzʉʉ pʉɔ pinɛ pɛ́ sɛ́ ɛ́fyɛ́t wɔ́p,

Jɑ̂ŋ 20:29

Yɛ́su tsɔ́Ꞌ mbɔ̌ wɛ́ ŋɡɔ: «Ɔ ɡɔ́ɔ ŋ́kɛ́ ḿbɛ́m, mbíꞋŋɡɔ ɔ jʉ́ɔ wɑ́ɑ. Pɛpɔ́ttú sʉ́Ꞌnɛ pʉɔ pínɛ pɔ́p pɛ́m kɛ zɛɛ ńjʉ́ɔ.»

Jɑ̂k 1:10

Ẅi ɑ ŋɡɑŋyúu tsɑ́ɑtɛ yɛ́ mbíꞋŋɡɔ Sɛ́ kɑ kɔk ndɛn wɛ́, lɑ ɑ jí ŋɡɔ ɑ ɡʉ ńdɑ́Ꞌ ḿmɛ yɛ́ pɔ pɑ́Ꞌ tɔ̌ɔtɔ̌ɔ mɛ nǔu nɛɡíi lɑ́.

Jɑ̂k 1:12

Pɔ́ttú, ŋu ẅí ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛ́nɛ, mbíꞋ pɑ́Ꞌ ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛnɛ lɑ́, Sɛ́ ɡʉ ńtɔꞋ ŋɡúꞋ tú yɛ́. Ɛ́ lɔk ḿbɔ́ luk kɛ́ mɛ yí ɑ kɑ kɑꞋnɛ mbɔ̌ mbɑ wɔ̌ lɑ́ ẅi ɑ ŋ́kɔŋnɛ yɛ́ Sɛ́.

Jɑ̂k 2:5

Pɔ́ɔpɛ́mɑ́ pɑ́ɑ pɛ tʉʉndɛn, pʉʉ zúꞋ sʉ́Ꞌnɛ: Sɛ́ kɑ tsɔ́Ꞌ pʉɔ pí pɛ́ fúŋnɛ ndǔmbí ŋɡɔ pɛpúŋ, ńdɔk ŋ́ɡɛ pɑzɑ́p tʉ́m nǔu wɛ́ tɛꞋ, pɔ́p ɡẅɛɛ yɔ́p zʉꞋ tsɛt nu-nɛfɔɔ ni ɑ kɑ kɑꞋnɛ mbɔ̌ pʉɔ pí pɔ́p kɔŋnɛ wɛ́.

Mɛnu ɛ́ ńdɑ́Ꞌ ńcẅɛt 19:9

Wɛcɔ́ Cʉ̈ɔꞋ-Sɛ́ cú mbɔ̌ mɔ ŋɡɔ: «ŊwɑꞋnɛ tsɛt ŋwɑꞋnɛ ŋɡɔ pɛpɔ́ttʉ́ pʉɔ pí pɛ́ fúŋnɛ wɔ́p zʉꞋ-ndínɑ lɑ́ɑndɑ́-mɔ́ɔ-Njinjɔ, ḿbɛn ńcú mbɔ̌ mɔ ŋɡɔ: Ɛ́ sẅiŋɛ yi ɛ́ cẅɛtnɛ kwɑꞋ ntsu-Sɛ́.»

Mɛnu ɛ́ ńdɑ́Ꞌ ńcẅɛt 22:14

Pɛpɔ́ttú ɛ́ pʉɔ pí pɔ́p suknɛ mɛndẅí mɔ́p tɛ ɛ́ lɛ́ɛnɛ, nɛpɔ́ yi pɔ́p ɡʉ ŋ́kuꞋ nɛfú nǔu mɛntsu-ŋkɑ́Ꞌ, ŋ́kúu tʉ́sɔŋ, ńjʉ́ ntɑ́ɑ-tʉ́ yɑ́ yi ɛ́ ɡɛnɛ pɛ́ tsuŋ ḿbɔ́ ɡú lɑ́.

Mɛnu ɛ́ ńdɑ́Ꞌ ńcẅɛt 3:17

Pɑ́Ꞌ pʉʉ sɛ́ ńcú ŋɡɔ pʉʉ ɡɑŋyúu, ŋɡɔ pʉʉ kɑ ɡẅɛɛ mɔ́ ŋkɑ́p tɛ ɛ́ zɑ́ɑ, tɛ pʉʉ tsʉ́Ꞌ ḿbɔɔ ńjɑ́k yɛcɔ́ yúu pɔ́ lɑ́, pɑ́Ꞌ pʉʉ kɑ́ pɔ́ ńjí ŋɡɔ pʉʉ ɡɑŋ ŋɡʉ̈ɔ́Ꞌ tɛ ḿbɔ́ pɛ́ tsɑ́ɑ mɛjʉ́ŋ mʉ́ʉ tsɑ́ɑnɛ pɔ́ lɑ́, mbɑ pɑ́Ꞌ pʉʉ kɑ́ pɔ́ ńjí ŋɡɔ pʉʉ pɛpúŋ, ḿbɔ́ pɛfumík, ńtʉ́ʉtɛ kɛ́ zẅík ndẅí pɔ́ lɑ́,