Mɑtʉ̈ɔ 5:25 - Kɑɑ Fí

²⁵ Ŋu lɑɑ ḿbɔ́ ŋ́kɑ́ ŋu nɛ́ nzɔ́, pɔ́pmɛ́ pɛ́t sɛ̂ndúŋ nɛɡʉ zʉꞋ-ntsɑŋ, ɑ lɔɔ shʉ́ pɔ́pmɛ́ mɛk ntsɑŋ, tɛ ɛ́ pɔɔ pɔ́Ꞌɔ pɔ́, mbɔ ɑ ɡʉ ŋ́kúu mbɔ̌ tɑ́tndɑ́-pɑzɑ́Ꞌntsɑŋ, ɑ ɡɑ́ ŋɡɑŋ mbɔ̌ pɑpyɛ́p ndɑ́tsɑ́ŋ, pɔ́p ɡʉ ḿmɑꞋ wɛ́ tsɑ́ŋ.»

Mɑtʉ̈ɔ 5:25 ပူးပေါင်းရင်းမြစ်များ

Mɑtʉ̈ɔ 26:58

Ŋ́ɡʉ nǔu Pyɛ̂, ɑ cʉ́ɔ nzʉʉ Yɛ́su lɑ́ ŋ́kɛ́ ḿbɔ́ pɔ ŋɡɑ sɛsɑ, ŋ́ɡʉ tɛ ńtɔ́k ŋ́kúu tɛtɑ́ɑ-nɔŋpɔꞋ wɛ ɡwɛ́, ŋ́ɡʉ ńnɑ́ŋ sɛ́ tsɛtsɛt ɡɑŋfɑꞋ, ḿbɔ́ ńdɔɔ nɛjʉ́ɔ pɑ́Ꞌ yɔ nu ɡʉ ńdẅiklɛ pɔ́Ꞌɔ.

Lúkɑ́shi 18:3

Wɛcɔ́ mpfúk mɑŋɡɛ́ pɛn ḿbɔ́ yɛ́ ɡú, ńnɑ́ŋ ńtɔ́ ŋkɑ́ tsʉʉ, ńcú mbɔ̌ wɛ́ ŋɡɔ: Ŋɑk yɑ́ɑ ntsɑŋ, ɛ́fɑk wɛk ŋɡɑŋmbuu wɑɑ.»

2 Kɔlɛ̂ŋtɛ 6:2

Sɛ́ kɑ zɛɛ ńcú ŋɡɔ: Ŋkɑ́ nɛcẅɛ́lɛ wú kɑ pɔ́ tɛ ŋ́kuꞋ, n zúꞋ ŋɡi yu, lɛ́Ꞌ nɛɡɛ pʉɔmɛsɔŋ luk kɑ kuꞋ, n tɔ́ ńcẅɛ́lɛ wú. Pʉʉ jí ŋɡɔ ɛ́ kɛ́ ḿbɔ́ ŋkɔ̂ɔnɛ pɑ́Ꞌɑ ḿbɔ́ ŋkɑ́ sʉ́Ꞌnɛ, yɔ lɛ́Ꞌ yi ḿbɔ́ ŋu luk.

Ɛ́bɛlʉʉ 12:17

Pʉʉ tsuŋ ḿbɔ́ ńjí ŋɡɔ ŋkɑ́ yi tɑ́t wɛ kɑ pɔ́ ŋ́ɡʉ ńníꞋ mbɔ́tnɛ nǔu wɛ́ kɑ ɡɛ ŋ́kuꞋ, tɑ́t wɛ tsʉ́Ꞌ ḿbɑꞋnɛ wɛ́ pɑꞋnɛnɛ. A lɔk nɛkíi, ńdɔɔ shʉ́ pɑ́Ꞌ tɑ́t wɛ ɡʉ ŋ́kúp kwɑŋɛ yɛ́, ḿbɔɔ nǔu kuꞋ.

Ɛ́bɛlʉʉ 3:13

Lɑ́, pʉʉ pɔ́ ńníꞋ mɛtʉʉ-mɛmbʉʉ mʉ́ʉ pʉʉ nɛ́ pʉʉ, pɔ́Ꞌɔ ńjí ŋɡɔ nu kɛpɔŋ kɛ́ ɡɛ ɛ́fúklɛ wɛcɔ́ ŋu wʉ́ʉ, tɛ tʉ́m yɛ́ tɛn, ɑ pɔɔ pɛn ńzúꞋ ŋɡi-Sɛ́ pɔ́ pɔ́. Pʉʉ ɡɛ pɔ́Ꞌɔ, lɛ́Ꞌ tsʉʉ, mbíꞋŋɡɔ yɔ lɛ́Ꞌ yi pɛ́ tsɛt ŋwɑꞋnɛ-Sɛ́ ɛ́fúŋ ŋɡɔ ɛ́ lɔ́Ꞌnɛ. Yɔ pɔ́nɛ lɛ́Ꞌ yi ḿbɔ́ pɛ́ zúꞋ ŋɡi-Sɛ́.

Ɛ́bɛlʉʉ 3:7

Ɛ́ yúu mi ɛ́ ɡɛnɛ Zẅikŋɛ Lɛ́ɛnɛ́nɛ cú ŋɡɔ: Pʉʉ lɑɑ ńzúꞋ ŋɡi-Sɛ́ lɔ́Ꞌnɛ