Mɑtʉ̈ɔ 5:22 - Kɑɑ Fí

²² Lɑ́ n cú yɑ́ɑ mbɔ̌ pʉʉ ŋɡɔ: «Ŋu lɑɑ ńzɑ́ŋ lɔ́ŋ nǔu mɔ́ɔmɑ́ wɛ, mbɔ pɛ́ ɡẅɛɛ nɛlɔk wɛ́ ŋ́ɡʉ mbi nzɑ́Ꞌmɛntsɑŋ. Ŋu ẅí ɑ fúŋnɛ mɔ́ɔmɑ́ wɛ nɛ́ ɡʉɡʉʉ, pɛ́ ɡẅɛɛ nɛlɔk wɛ́ ẅi ɑ fúŋnɛ ŋ́ɡʉ mbi-cúꞋlɛ-pɑsɑ́Ꞌlɑ́Ꞌ. Ŋu ẅí ɑ fúŋnɛ mɔ́ɔmɑ́ wɛ ŋɡɔ pʉ̈ɔt ɔ kɛ́jísɛ́, ɑ kuꞋ ŋu ẅí ḿbɔ́ Sɛ́ mɑꞋ wɛ́ múk.

Mɑtʉ̈ɔ 5:22 ပူးပေါင်းရင်းမြစ်များ

Mɑtʉ̈ɔ 10:17

Pʉʉ lɑk tú yʉ́ʉ, mbíꞋŋɡɔ pʉɔmɛsɔŋ ɡʉ ŋ́ɡɛ ɛ́fɛn wʉ́ʉ pɛ́ ŋɑk wʉ́ʉ, ńdɔk ŋɡwɑɑ ńtswɑ́ɑ wʉ́ʉ tsɛt mɛndɑ́-cúꞋlɛ mɔ́p.

Mɑtʉ̈ɔ 10:28

Kɔɔ pʉʉ pɔ́k pʉɔmɛsɔŋ, pɔ́p kuꞋ pɔ ndɑꞋ nɛjẅí mbɑp-mbʉʉ, ḿbɛn ŋ́kɛ́ mbɔɔ kuꞋ nɛkuu zẅikŋɛ pɔ́. Pʉʉ pɔ́k pɔ ndɑꞋ Sɛ́, mbíꞌŋɡɔ ḿbɔ́ ɑ tɛmtɛ mbɑp-mbʉʉ pɔ́p zẅikŋɛ ŋ́ɡwɛ́tnɛ, ḿbɛn ŋ́kuꞋ nɛmɑꞋ tsɛt múk.

Mɑtʉ̈ɔ 12:24

Lɑ́ pʉɔ-fɑlísɑy zúꞋ pɔ́Ꞌɔ, ńcú ŋɡɔ: «Bɛlzɛbûl, tɑ́tndɑ́-mɛzẅikŋɛ kɛpɔŋ ɡɛnɛ lɑ Yɛ́su kuꞋ nɛzuŋ mɛzẅikŋɛ kɛpɔŋ.»

Mɑtʉ̈ɔ 17:5

A pɛ́t ńcú cúnɛ, yɛcɔ́ lɑ́ɑ, yi ɛ́ ŋwɑŋɛ ŋwɑŋɛ́nɛ ńcúŋ ŋ́kẅíipɛ wɔ́p, ŋɡi-ŋu fú tsɛtú ńcú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ, pʉʉ zúꞋ ntsu wɛ́.»

Mɑtʉ̈ɔ 18:21

Pyɛ̂ ɡɔ́ɔ ŋ́kɛ́ ńtɔ́ ḿbíkŋɛ Yɛ́su ŋɡɔ: «Ndɛ, mɔ́ɔmɑ́ mɔ lɑɑ ɛ́fɑɑnɛ nu mbɔ̌ mɔ, n dikŋɛ ŋ́ɡɑ́ mbɔ̌ wɛ́ ŋkɑ́ yɛsʉ́Ꞌ? Ŋkɑ́ sɑɑmbɑ́ kíi.»

Mɑtʉ̈ɔ 18:35

Yɛ́su lẅiklɛ ńcú ŋɡɔ: «Ɛ́ ndʉ́ŋndʉŋ pɑ́Ꞌ Tɑ̌ɑ mɔ ẅí ɑ tʉ́nɛ́pú, ɑ ɡʉ ŋ́ɡɛ nǔu mbɑ wɔ̌ lɑ́ tsɛtsɛt pʉʉ, pɑ́Ꞌ ɑ lɑɑ mbɔɔ likŋɛ mɛfɑɑnɛ mɔ́ɔmɑ́ wɛ nɛ́ ŋɡɔŋ tʉ́m yɛ́ tsʉʉ pɔ́.»

Mɑtʉ̈ɔ 23:15

Pʉʉ pɛpʉ́ktú, pʉʉ pɑfɑlísɑy pɔ́p pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ, pʉʉ pɑŋkɔŋmík. Pʉʉ sɑ́Ꞌ tʉʉ ŋ́kɑ́t ńtúu mɛŋki kɛ nɛpɔ́ ŋ́ɡʉ mɛŋɡɔŋ nɛɡɛ tɑ́Ꞌ ŋu ẅí ɑ kɑ́ jí Sɛ́ pɔ́ cʉ́ɔ nzʉʉ pʉʉ ńjí Sɛ́. Lɑ́ ɑ kɛ ḿbɔ́ tɛ ŋ́kɛ́ ńcʉ́ɔ nzʉʉ pʉʉ, pʉʉ ɡɛ ɑ tsʉ́Ꞌ ŋu ẅí ɑ kuꞋnɛ nɛkúu pɔ tsɛtsɛt múk tɛ ńdɛɛ wʉ́ʉ.

Mɑtʉ̈ɔ 23:33

Pʉʉ njẅɛt-mɛnɔ́, ḿbɔ́ pɛmɑ́sɛ́m-nɔ́, ḿbɔ́ pʉʉ ɡɛ pɑ́Ꞌɑ ńdɑ́Ꞌ ńnɑ́ kɛ́ kúu tsɛt múk?

Mɑtʉ̈ɔ 25:41

Ŋ́ɡɔ́ɔ ŋ́kɛ́ ḿbɛn ńcú mbɔ̌ pʉɔ pí pɔ́p nǔu ɡúŋ-pɔ́ yɛ́ yi ŋkẅɛpmɛ, ɛ́ yɛ́tɛ́: «Pʉʉ ɡɑŋndɔɔ, pʉʉ fú nɛjɔ́ŋ mɔ ŋ́ɡʉ tɛ ŋɡɑ sɑk, ŋ́kúu tsɛt múk ẅi ɛ́ kɛ́ lɑ́Ꞌ ḿbɛ́ pɔ́, ẅi pɛ́ kɑ niitɛ́nɛ ntɛ́ Sɑ́ttɑ pɔ́p pɛcʉ̈ɔ́Ꞌ pɛ́.

Mɑtʉ̈ɔ 26:59

Pɛtɑ́tndɑ́-pɑnɔŋpɔꞋ pɔ́p pɑsɑ́Ꞌlɑ́Ꞌ, pɔ́ ńdɔɔ cɔtnu yí pɔ́p ɡʉ ńzɑ́p tú-Yɛ́su lɑ ńdɔk ŋ́ɡɛ pɛ́ jẅí wɛ́.

Mɑtʉ̈ɔ 3:17

Ŋɡi-ŋu fú tʉ́nɛ́pú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ.»

Mɑtʉ̈ɔ 5:34

Lɑ́, n cúnɛ mbɔ̌ pʉʉ ŋɡɔ: «Kɔɔ pʉʉ cú nu tɛ ńdɔk lík-Sɛ́ ŋ́kɑɑ. Kɔɔ pʉʉ lɔk tʉ́nɛ́pú ŋ́kɑɑ, mbíꞌŋɡɔ ɛ́ zʉꞋ kɔꞋ-nɛfɔɔ-Sɛ́.

Mɑtʉ̈ɔ 5:44

Lɑ́, n cú yɑ́ɑ mbɔ̌ pʉʉ ŋɡɔ: «Pʉʉ kɔŋ ɡɑŋmbuu pʉ́ʉ. [Pʉʉ cɛꞋlɛ Sɛ́ nǔu tú-pʉɔ pinɛ pɔ́p zɑ́Ꞌnɛ ku yʉ́ʉ.]

Mɑ́lɛ́kúshi 14:55

Pɛtɑ́tndɑ́-pɑnɔŋpɔꞋ pɔ́p pɑsɑ́Ꞌlɑ́Ꞌ tsʉʉ pɔ́ ńdɔɔ nu yí pɛ́ ɡʉ ńzɑ́p tú-Yɛ́su lɑ́ ńdɔk ŋ́ɡɛ pɛ́ jẅí wɛ́, ŋ́kɛ́ ḿbɔɔ ḿbɔ́ ńjʉ́ɔ pɔ́.

Mɑ́lɛ́kúshi 15:1

Njí ɡɛ ḿbɔ́ ŋ́kiɛ, pɛtɑ́tndɑ́-pɑnɔŋpɔꞋ, pɔ́p pɛkɛ́m mbɑ pɑkyɛ́Ꞌtɛ nɛpʉ́ʉ-Mɔ̌sɛ̂ɛ, pɔ́p pɑsɑ́Ꞌlɑ́Ꞌ pɛtsʉʉ mʉ́ʉ mbɑꞋmbɑꞋɑ́, ŋ́ɡɛ cúꞋlɛ, ŋ́kút Yɛ́su, ńdɔk wɛ́ ŋ́ɡʉ ŋ́ɡɑ́ mbɔ̌ Pilɑtɔ.

Lúkɑ́shi 12:5

Lɑ́ mɔ ɛ́sẅíi wʉ́ʉ ŋu ẅi pʉʉ ɡẅɛɛ nɛpɔ́k wɛ́: Pʉʉ pɔ́k pɔ ndɑꞋ Sɛ́ mbíꞋŋɡɔ ḿbɔ́ ɑ jẅí ŋu, ḿbɛn ŋ́kuꞋ nɛmɑꞋ wɛ́ tsɛt múk. Ɛ́ pɔ́Ꞌɔ lɑ́, n cú ŋɡɔ pʉʉ pɔ́k pɔ ndɑꞋ Sɛ́.

Lúkɑ́shi 22:66

Njí ɡɛ ḿbɔ́ tɛ ŋ́kiɛ, pɛkɛ́m tsɛt lɑ́Ꞌ pɔ́p pɛtɑ́tndɑ́-pɑnɔ́ŋpɔꞋ, mbɑ pɑkyɛ́Ꞌtɛ nɛpʉ́ʉ-Mɔ̌sɛ̂ɛ cúꞋlɛ, ńcú pɛ́ lɔk Yɛ́su ńtɔ́ zʉꞋ-cúꞋlɛ-ŋɡɔŋ.

Jɑ̂ŋ 11:47

Pɛtɑ́tndɑ́-pɑnɔŋpɔꞋ, pɔ́p pɑfɑlísɑy ɡɔ́ɔ ɛ́fúŋ cúꞋlɛ-pɑsɑ́Ꞌ ŋɡɔŋ, ńtɔ́ tsɛtú ńcú ŋɡɔ: «Pɛkŋɛ ɡʉ ŋ́ɡɛ ŋɡɔ́ku? Ŋu wɔ sɛ́ ŋ́ɡɛ mɛnu mɑ̌ɑmɑɑnɛ tɛꞋ.

Jɑ̂ŋ 15:25

«Ɛ́ pɔ́Ꞌɔ, ńdɔk ḿbuutɛ nǔu nu yí pɛ́ kɑ cúnɛ tsɛt ŋwɑꞋnɛ-nɛpʉ́ʉ nɔ́p ŋɡɔ pɔ́p kɑ pɑɑ wɑ́ɑ pɔ nɛ sɔ́ɔ.»

Jɑ̂ŋ 7:20

Lɑ́Ꞌ pʉ̈ɔt mbɔ̌ Yɛ́su ŋɡɔ: «zẅikŋɛ kɛpɔŋ nǔu ɡu! Wɔ̌ sɛ́ ńdɔɔ nɛjẅí wú?»

Jɑ̂ŋ 8:48

Pɑyúdɑ cú mbɔ̌ Yɛ́su ŋɡɔ: «pɛk lɑɑ ɛ́fúŋ wú ŋɡɔ ŋu-Sɑmɑlîi, mbɔ pɛk kɑ́ ɛ́fɑɑnɛ pɔ́. Mbɑ nɛcú ŋɡɔ zẅikŋɛ kɛpɔŋ nǔu wu.»

ŊwɑꞋnɛ-Gɑŋntúu Yɛ́su Kɛlístɔ 17:18

Pɔ́p pɛcɔ́ pɑkwɑŋɛ nu, kɑ pɛn ḿbɔ́ ɛ́sẅíŋɛ, pɔ́p pɔ́ pʉɔ pi pɔ́p tsɛtsɛt pʉɔ-Ɛ́pikẅíl mbɑ pinɛ pɔ́p tsɛtsɛt pʉɔ-Sɛtɔyisíyɛ̂ŋ. Ɛ́ kɑ pɔ́ pɔ́Ꞌɔ, Pɔ̂l pɔ́ ńcú nu-Yɛ́su mbɔ̌ pɔ́p, mbɑ nu nǔu nɛzẅíimɛ nǔu nɛvú. Pɛcɔ́ zúꞋ pɔ́Ꞌɔ, ḿbíkŋɛ ŋɡɔ: «Wɑ́ ŋɡɑŋ-nɛsẅii cú ŋɡɔ kʉ̈ɔ́ lɑ́?» Pɛcɔ́ pɔ́ ŋɡɔ ɛ́ fí pɔ pɑ́Ꞌ ɑ sẅíi wɛkŋɛ nɛ́ nu nǔu mɛcɔ́ mɛsɛ́ mɛndɛꞋ.

ŊwɑꞋnɛ-Gɑŋntúu Yɛ́su Kɛlístɔ 22:30

Njí ɡɛ ŋ́kiɛ, Tɑ́tndɑ́-pɛtɑ́tndɑ́-ntsɔ lɔɔ nɛtsuŋ ńniitɛ ńjí yúu mi pɑyúdɑ kɑ ɡɔ́ ɛ́fɛn Pɔ̂l, ɛ́fɛn ntɛ́ yɛ́tɛ́, ńcú pɛ́ kíɛꞋ mɛcɛ̂n nǔu wɛ́, ḿbɛn ńcú pɛ́ fúŋ pɛtɑ́tndɑ́-pɑnɔŋpɔꞋ pɔ́p pɛcɔ́ pɑŋɑkntsɑŋ-pɑyúdɑ, ŋ́ɡɛ pɛ́ lɔk Pɔ̂l ńcúŋ ńtɔ́ ńtík wɛ́ mbi pɔ́p.

ŊwɑꞋnɛ-Gɑŋntúu Yɛ́su Kɛlístɔ 23:1

Pɔ̂l niitɛ ńtík mík mɛ́ nǔu pɑsɑ́Ꞌlɑ́Ꞌ ńcú ŋɡɔ: «Pɔ́ɔpɛ́mɑ́ pɑ́ɑ, n dɔ ńjúk ḿbɔ́ pɔ mbi Sɛ́ nɛ́ tʉ́m lɛ́ɛnɛ́nɛ tɛ ŋ́kúu lɔ́Ꞌnɛ. Yɛcɔ́ yúu kɑ́ pɔ́ tsɛt tʉ́m mɔ ḿbɔ́ ŋ́ɡɑ́ɑnɛ wɑ́ɑ pɔ́.»

ŊwɑꞋnɛ-Gɑŋntúu Yɛ́su Kɛlístɔ 24:20

Pɑ́Ꞌ pɔ́p yɔ́p kɑ́ pɔ́ sɛ́ pɔ́ lɑ́, kɛ ɛ́ lɑɑ ḿbɔ́ pʉɔ pɔnɛ pi pɔ́p zɑꞋnɛ lɑɑ, cú yúu mi pɛ́ kɑ lɔknɛ wɑ́ɑ ŋ́ɡʉ mbi pɑsɑ́Ꞌ lɑ́Ꞌ pɛkŋɛ pɛ́Ꞌɛ, pɑsɑ́Ꞌ lɑ́Ꞌ ɛ̂pɑ́ jʉ́ɔ ŋɡɔ ɛ fɑɑnɛ ɔɔ?

ŊwɑꞋnɛ-Gɑŋntúu Yɛ́su Kɛlístɔ 4:15

ńcú pɛ́ ɡɛ pɔ́p fú zʉꞋ-ntsɑŋ ńcẅɛt. Pɔ́p kwɑŋɛ pɑ́Ꞌ pɔ́p ɡʉ ŋ́ɡɛ,

ŊwɑꞋnɛ-Gɑŋntúu Yɛ́su Kɛlístɔ 5:21

Pɔ́p zúꞋ ntsu wɛ́. Njí kiɛ, pɔ́p mʉ́ʉ ŋ́ɡʉ ZʉꞋ-nɔŋpɔꞋ, ńzɛ nɛzíꞋ nu-Sɛ́ mbɔ̌ lɑ́Ꞌ. Ŋ́ɡɔ́ ḿbɔ́ mbɔ tɑ́tndɑ́-pɑnɔŋpɔꞋ pɔ́p Pɑsɑdukɑy nɑ́ŋ tɛ ńcúꞋlɛ pɑsɑ́Ꞌlɑ́Ꞌ-Íslɑyɛ̂l nǔu nu nɛzɑ́Ꞌ ntsɑŋ. Pɔ́p pɛpɔ́p túu ɡɑŋfɑꞋ ŋɡɔ pɔ́p ɡʉ ndɑ́tsɑ́ŋ ńdɔɔ ɡɑŋntúu-Yɛ́su ńdɔk wɔ́p ńtɔ́.

ŊwɑꞋnɛ-Gɑŋntúu Yɛ́su Kɛlístɔ 5:27

Pɔ́p lɔk pɑpɛ́m Yɛ́su ńtɔ́, ńtík wɔ́p mbi pɑsɑ́Ꞌlɑ́Ꞌ. Tɑ́tndɑ́-pɑnɔŋpɔꞋ píkŋɛ wɔ́p ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 6:12

Pɔ́p ɡɛ pɔ́Ꞌɔ, ńdɔk ńtẅítɛ lɑ́Ꞌ, mbɑ pɛkɛ́m mbɑ pɑkyɛ́ꞌtɛ nɛpʉ́ʉ-Mɔ̌sɛ̂ɛ, ḿmɑꞋ wɔ́p nzʉʉ Ɛtiyɛ̂n. Pɔ́p ɡẅɛɛ wɛ́, ńdɔk wɛ́ ŋ́ɡʉ mbi cúꞋlɛ-pɑsɑ́Ꞌ lɑ́Ꞌ pɑ́Ꞌ pɛ́ ɡʉ ŋ́ŋɑk wɛ́.

ŊwɑꞋnɛ-Gɑŋntúu Yɛ́su Kɛlístɔ 6:15

Pɑsɑ́Ꞌ lɑ́Ꞌ pinɛ pɔ́p ḿbɔ́nɛ ndɑ́ cúŋ pɛ́tsʉʉ ɡɔ́ɔ ŋ́kɛ́ ḿbɔ́ ńtík mík nǔu Ɛtiyɛ̂n, ŋ́ɡɔ ńjʉ́ɔ shʉ́ wɛ́ tsʉ́Ꞌ ḿbɔ́ pɔ pɑ́Ꞌ wɛ́ Cʉ̈ɔꞋ-Sɛ́ lɑ́.

ŊwɑꞋnɛ-Gɑŋntúu Yɛ́su Kɛlístɔ 7:37

Jʉ́ Mɔ̌sɛ̂ɛ kɑ pɛnnɛ ńcú mbɔ̌ pɔ́ɔ-pɑíslɑyɛ̂l ŋɡɔ: «Sɛ́ ɡʉ ńdɑ́Ꞌ ḿbɛn ńtúu wɛcɔ́ Ŋɡɛ́mdʉ̈ɔ́Ꞌ-Sɛ́ mbɔ̌ pʉʉ. A pɔ́ pɑ́Ꞌ mɔ. A ɡʉ ńdɑ́Ꞌ ńcẅɛt pɔ tsɛtsɛt pʉʉ.»

Pʉɔ-Lɔ́mɑ 12:10

Pʉʉ lɔk pɑ́Ꞌ pʉʉ pɔ́ɔpɛ́mɑ́, ŋ́kɔŋɛ pʉʉ nɛ́ pʉʉ, ŋu wʉʉ piitɛ ŋ́ɡɑ́ mɛkuꞋ mɔ́ɔmɑ́ wɛ.

1 Kɔlɛ̂ŋtɛ 6:6

Lɑ́ ɛ́ tsɛtsɛt pʉʉ, ŋu-Kɛlístɔ lɔk wɛcɔ́ ŋ́ɡʉ zʉꞋ yi pɛ́ ŋɑknɛ mɛtsɑŋ zúꞋu, tɛ ɛ́ zɛɛ ḿbɔ́ pɔ mbi pʉɔ pi pɔ́p kɑ́ zɑ́p tʉ́m nǔu Kɛlístɔ pɔ́.

1 Tɛsɑlɔník 4:6

Lɑ́ ɛ́ ɡʉ nǔu nu-mɑŋɡɛ́, kɔɔ ŋu ɡɛ nu kɛpɔŋ nǔu mɔ́ɔmɑ́ wɛ, kɔɔ ɑ zɛɛ ɛ́fúklɛ wɛ́ mbɑ fúklɛ́nɛ, mbíꞋŋɡɔ Tsɑpʉɔ wɛkŋɛ ɡʉ ńdɑ́Ꞌ ńníꞋ ŋɡʉ̈ɔ́Ꞌ tú-pʉɔ pinɛ pɔ́p ɡɛnɛ pɔ́Ꞌɔ. Pɛk kɑ lɑ́Ꞌ ɛ́sẅíi wʉ́ʉ tɛ ńtsuŋ ɛ́sẅíi.

Tîtɛ 3:2

Cú mbɔ̌ pɔ́p ŋɡɔ kɔɔ pɔ́p cú nu kɛpɔŋ mbɔ̌ ŋu, ŋɡɔ pɔ́p pɑ́ɑ mɛfɛꞋ, ḿbɔ́ pʉɔ mbɔ́tnɛ pɔ́tnɛ́nɛ, ńnɑ́ŋ ŋ́ɡɑ́ mɛkuꞋ mbɑ wɔ̌ lɑ́.

Ɛ́bɛlʉʉ 12:25

Pɔ́Ꞌɔ lɑ́, pʉʉ pɑ́ɑ nɛlʉꞋ nɛzẅíꞋlɛ nu yi ɛ́ cẅɛtnɛ ntsu-ŋu ẅí ɑ sɛ́ ńcú nu mbɔ̌ pʉʉ, mbíꞋŋɡɔ ḿbɔ́ yi pɛ́ kɑ níꞋ ntsɑŋ tú-pʉɔ pi pɔ́p kɑ lʉꞋnɛ nɛzúꞋ nu yi Mɔ̌sɛ̂ɛ kɑ pɔ́ ndǔ tsɛ́tsɑ́Ꞌ ḿbɔ́ ŋ́kɑ́k nɛtúutɛ nɔ́p nǔu, mbɔ pɛkŋɛ lɑɑ tɛ́m ŋkwɛn mbɔ̌ Sɛ́ ẅí ɑ tʉ́nɛ́pú, ḿbɔ́ ɛ́sẅíi wɛkŋɛ nɛ nu, mbɔ ɛ́ ŋ́ɡɛ pɑ́Ꞌ lɑ́ pɛkŋɛ pɔɔ kúu pɔ ŋɡʉ̈ɔ́Ꞌ yi ɛ́ lɛɛ yîyɑ́ pɔ́.

Ɛ́bɛlʉʉ 5:9

ḿbɛn ńzúꞋ tɛ ŋ́kuꞋ ŋu ẅí ḿbɔ́ ɑ ɡɛ pʉɔ pi pɔ́p zúꞋnɛ ntsu wɛ́ tɛmtɛ ńduk ndɑꞋ ndɑꞋ.

Jɑ̂k 2:20

Gɛɡʉʉ yɑ́ɑ, ɔ kɔŋ kʉ̈ɔ́? Mɔ, ŋ ɡʉ ńnyɛt wú ŋɡɔ nɛzɑ́p tʉ́m nǔu Sɛ́ yi ɛ́ kɑ́ ɡẅɛɛ mɛfɑꞋ pɔ́ fɛ̌ɛ.

Jɑ̂k 3:6

Lʉ́m pɛn ḿbɔ́ yɛ́ pɔ pɑ́Ꞌ múk, ḿbɔ́ zʉꞋ yí mɛnu kɛpɔŋ fúnɛ zúꞋu. Lʉ́m-ŋu nǔu mɛkɛm-mbʉʉ-ŋu, ḿbɔ́ yi kɛm ɛ́ níꞋnɛ ntsɛ́llɛ́ nǔu mbɑp-mbʉʉ tsʉʉ. Ɛ́ ɡʉ nɛkɛlɛmúk, ḿbɛ́ɛ múk, ńtɔ́ ńdɔk ńtɔɔ nɛnɑ́ŋ-ŋu pɔ tsʉʉ.

1 Pyɛ̂ 2:23

Pɛ́ kɑ zɔɔtɛ wɛ́, ɑ kɛ́ ḿbɔɔ tsɔ́Ꞌ. A kɑ pɔ́ ńjʉ́ɔ ŋɡʉ̈ɔ́Ꞌ, ŋ́kɛ́ mbɔɔ ŋu vukŋɛ, ńnɑ́ yɛ́ nu tsʉʉ pɔ nǔu mbɔ́-ŋu ẅí ɑ zɑ́Ꞌnɛ ntsɑŋ ndʉ́ŋndʉŋ.

1 Pyɛ̂ 3:9

Kɔɔ pʉʉ lɔk nu kɛpɔŋ ḿbɑꞋ nu kɛpɔŋ. Kɔɔ pɛ́ zɔɔtɛ wʉ́ʉ pʉʉ pɑ́Ꞌ. Tɛ tsʉꞋ pɔ́Ꞌɔ, pʉʉ cú ŋɡɔ Sɛ́ pɔ́ nɛ́ ŋɡɑŋ, Sɛ́ kɑ tsɔ́Ꞌ wʉ́ʉ pɔ pɑ́Ꞌ ɑ ɡʉ ḿbɔ́ nɛ́ pʉʉ.

1 Jɑ̂ŋ 2:9

Ŋu ẅí ɑ cúnɛ ŋɡɔ ŋɡɛnɛ mɛnu mɛ́ ɛ́ mɛ́ zʉꞋ fúknɛ, ḿbɛn ḿbɔ́ ḿbɑɑ mɔ́ɔmɑ́ wɛ, ŋɡɑŋ lɔk ḿbɛ́t ḿbɔ́ pɔ tsɛt nzɛ́nzʉ́ʉ.

1 Jɑ̂ŋ 3:10

Pʉʉ jʉ́ɔ yúu mi pɛ́ fúnɛ nǔu ńdɔk ńjí pʉɔ-Sɛ́, ḿbɛn ńjí pɛ́ Sɑ́ttɑ. Ŋu lɑɑ ŋ́kɛ́ ŋ́ɡɛ yúu mi ɛ́ ndʉ́ŋndʉŋ mbi Sɛ́, ŋ́kɛ́ mbɔɔ kɔŋ mɔ́ɔmɑ́ wɛ pɔ́, mbɔ ŋɡɑŋ kɑ́ pɔ́ mɔ́ɔ-Sɛ́ pɔ́.

1 Jɑ̂ŋ 5:16

Ŋu lɑɑ ńjʉ́ɔ mɔ́ɔmɑ́ wɛ pɔ́ ŋ́ɡɛ nu kɛpɔŋ, ɛ́ kɛ́ mbɔɔ nu kɛpɔŋ yi ŋɡɑŋ ɡʉ ɛ́fú nǔu ḿpfú pfúnɛ pɔ́, ɑ ḿbúꞋ mbɔ́ mbɔ̌ Sɛ́ nǔu tú-ŋɡɑŋ, mbɔ Sɛ́ ɡʉ ŋ́ɡɛ ŋɡɑŋ luk, pɑ́Ꞌ ɛ́ lɑɑ ńtsuŋ ḿbɔ́ nu kɛpɔŋ yi ɑ kɛ́ fú nǔu ḿpfú pfúnɛ pɔ́. Lɑ́, yɛcɔ́ nu kɛpɔŋ ɡú yi ŋu ɡɛnɛ, ɛ́fú nǔu ḿpfú pfúnɛ, ŋ kɑ́ pɔ́ ńcú ŋɡɔ pɛ́ cɛꞋlɛ Sɛ́ nǔu yîyɑ́ ntɛ́ pɔ́.

Jẅidɛ 1:9

Lɑ́ mbɔ Míshɛ̌ɛ, tɑ́tndɑ́ pɛcʉ̈ɔ́Ꞌ-Sɛ́ kɑ kɛ́ ḿbɔɔ pɔ́Ꞌɔ ɡɛ. Ɛ́ kɑ pɔ́ yɛcɔ́ lɛ́Ꞌ yi pɔ́p Sɑ́ttɑ kɑ pɔ́ ńzɔŋ nu nǔu pfú-Mɔ̌sɛ̂ɛ, ɑ kɛ́ mbɔɔ Sɑ́ttɑ zɔɔtɛ, ŋ́kɛ́ mbɔɔ fʉꞋ nɛcú nu-lɔ́Ꞌ yɛ́ ńdɔk ńzɔɔtɛ wɛ́ pɔ́. NdɑꞋ ŋɡɔ ɑ kɑ cú pɔ ŋɡɔ: «Tsɑpʉɔ ńdɑ́Ꞌnɛ ńníꞋ ŋɡʉ̈ɔ́Ꞌ tú ɡu.»

Mɛnu ɛ́ ńdɑ́Ꞌ ńcẅɛt 20:14

Pɛ́ ɡɔ́ɔ ŋ́kɛ́ ńjɛ́Ꞌ nɛvú mbɑ lɑ́Ꞌ yi pɛpfú zúꞋu, ḿmɑꞋ tsɛt nɛpʉ́-múk. Nɛpʉ́-múk ɛ̂nɑ́ lɔk ḿbɔ́ nɛvú mbɑ́ɑtɛ yɛ́pɑ́.