Mɑtʉ̈ɔ 5:19 - Kɑɑ Fí

¹⁹ Pɔ́Ꞌɔ lɑ́, ŋu ẅí ɑ ɡʉnɛ nǔu nɛpʉ́ʉ, ɛ́fɑɑnɛ pɔ yɛcɔ́ mɔ́ɔ mɔncɛꞋ ḿbɛn ńzíꞋ pɛcɔ́ pʉɔ nɛɡɛ yɔ́p pɑ́Ꞌ jʉ́, pɛ́ ɡʉ ńdɑ́Ꞌ ŋ́ɡɑ́ wɛ́ tɛ nzʉʉ tsɛt nu-nɛfɔɔ-Sɛ́. Ɛ́ pɛn ŋ́ɡʉ nǔu ŋu ẅí ɑ tíknɛ ku nǔu, ḿbɛn ńzíꞋ pɛcɔ́ pʉɔ nɛɡɛ pɔ́Ꞌɔ, pɛ́ ńdɑ́Ꞌ ŋ́ɡɑ́ wɛ́ tɛ mbi tsɛt nu-nɛfɔɔ-Sɛ́.

Mɑtʉ̈ɔ 5:19 ပူးပေါင်းရင်းမြစ်များ

Mɑtʉ̈ɔ 11:11

Yɛ́su pɛn ŋ́kẅiꞋ ńcú ŋɡɔ: «Ɛ sẅíi wʉ́ʉ, kwɑꞋ nɛ́nẅín, wɛcɔ́ ŋumɛsɔŋ ŋkɑɑ zɛɛ ḿbɔ́ ɡú tɛ ńdɛɛ Jɑ̂ŋ Mbɑptíshi pɔ́. Lɑ́ ɛ́ pʉ́ɔlɑɑ, mbɔ ŋu ẅí ɑ kʉ̈ɔ́knɛ nǔu nu-nɛfɔɔ-Sɛ́ ni ɛ́ zɛnɛ lɑɑ, ɡú ńdɛɛ Jɑ̂ŋ.

Mɑtʉ̈ɔ 19:28

Yɛ́su pʉ̈ɔt ŋɡɔ: «Tsʉ́Ꞌnɛ ɛ sẅíi wʉ́ʉ, kwɑꞋ nɛ́nẅín, pɛ́ ɡʉ ńdɑ́Ꞌ ŋ́kúu tsɛt ŋɡɔŋ fí, Mɔ́ɔ-Ŋu nɑ́ŋ ndǔ kɔꞋ-nɛfɔɔ nɛ́ ni ɛ́ ɡẅɛɛ nɛɡúꞋ, pʉʉ pʉɔ ntsɔ̌ppɑ́ nɛ́ nɛɡɛ́m pi pʉʉ kɑ cʉ́ɔnɛ nzʉʉ mɔ, pɛn ńnɑ́ŋ yʉ́ʉ ndǔ mɛkɔꞋ ntsɔ̌ppɑ́ nɛ́ nɛɡɛ́m, ŋ́ŋɑk pʉɔ-Íslɑyɛ̂l, njẅɛtndɑ́ ntsɔ̌ppɑ́ nɛ́ nɛɡɛ́m.»

Mɑtʉ̈ɔ 20:26

Lɑ́ ɛ́ kɛ́ mbɔɔ pɔŋ ŋɡɔ ɛ́ pɔ́ tsɛtsɛt pʉʉ ḿbɔ́ pɔ́Ꞌɔ pɔ́. Ŋu lɑɑ ḿbɔ́ ŋ́kɔŋ nɛpɔ́ ndʉ́m tsɛtsɛt pʉʉ, mbɔ ɛ́ pɔ́ŋ ŋɡɔ ɑ tsʉ́Ꞌ mɔ́ŋkʉ̈ɔ́ wʉʉ.

Mɑtʉ̈ɔ 28:20

ńzíꞋ wɔ́p nɛtík ku nǔu mɛnu tsʉʉ mi mɔ ńzíꞋnɛ wʉ́ʉ. Pʉʉ jí ŋɡɔ, kwɑꞋ mɔ, ŋ ɡʉ ńdɑ́Ꞌ ḿbɔ́ pɔ tsɛtsɛt pʉʉ tɛ ntsɛ́llɛ́ lɑ́Ꞌ mɛ.

Lúkɑ́shi 1:15

A ŋ́ɡɛ ńdɑ́Ꞌ ḿbɔ́ mbɔ̌ Sɛ́ ḿbɔ́ ŋu tɛꞋ. A ńdɑ́Ꞌ ḿbɔɔ mɛluꞋ ńnɔ́ pɔ́, tɛ mbɑ kʉ̈ɔ́ lɑ́ yi ḿbɔ́ ŋu nɔ́ ḿbɑ́. A ŋ́ɡɛ ńdɑ́Ꞌ ńzɛɛ ŋ́ɡɔ ńcẅɛt nɛpɛm-mɑ́ wɛ, mbɔ Zẅikŋɛ Lɛ́ɛnɛ́nɛ jʉ́ mɔ́ wɛ́.

Lúkɑ́shi 11:42

Pɑfɑlísɑy ndɔ́ɔ tú pʉʉ! Pʉʉ lɔ ŋ́ɡɑptɛ yúu nɑ́Ꞌ yʉ́ʉ tɛ mbɑ nzɑp yʉ́ʉ njí nɛɡɛ́m, ŋ́ɡɑ́ tɑ́Ꞌ njí mbɔ̌ Sɛ́. Lɑ́, pʉʉ sɛ́ ńdikŋɛ nɛɡɛ nu sʉ́Ꞌnɛ mbɔ̌ pʉɔmɛsɔŋ, ḿbɛn ńdikŋɛ nɛkɔŋ Sɛ́. Lɑ́ yîyɑ́ pɔ́nɛ yúu mi ɛ́ kɑ pɔ́ ḿbíkŋɛ ŋɡɔ pʉʉ ɡɛ. Pʉʉ ɡɛ pɔ́Ꞌɔ, ḿbɔɔ wɛcɔ́ ɡɛ́ɡɛ́ yúu likŋɛ.

Lúkɑ́shi 9:48

ńcú mbɔ̌ ɡɑŋku pɛ́ ŋɡɔ: «Ŋu lɑɑ ńdɔk lík yɑ́ɑ, ńdɔk ńcẅɛ́ɛ mɔ́yúu mɔ́ɔ wɔ, mbɔ ŋɡɑŋ cẅɛ́ɛ pɔ wɑ́ɑ. Ŋu pɛn ńcẅɛ́ɛ wɑ́ɑ, mbɔ ɑ kɑ́ cẅɛ́ɛ pɔ wɑ́ɑ ndɑꞋ pɔ́, ɑ cẅɛ́ɛ pɔ ŋu ẅi ɑ kɑ túunɛ wɑ́ɑ.» Pʉʉ jí sʉ́Ꞌnɛ ŋɡɔ ŋu ẅi ɑ tsɛtsɛt pʉʉ ḿbɔɔ nyɛt mbʉʉ yɛ pɔ́ pɔ́nɛ kwɑꞋ mɑ́ŋu.

ŊwɑꞋnɛ-Gɑŋntúu Yɛ́su Kɛlístɔ 1:1

Tʉ́ʉndɛn Tɛɔfîl! Mɔ, ŋ kɑ ŋwɑꞋnɛ nduŋmbi ŋwɑꞋnɛ, ŋ́ɡɑ́ mbɔ̌ ɡu ńdɔk ḿbɛ́ɛtɛ mɛnu mi Yɛ́su kɑ ɡɛnɛ, mbɑ mi ɑ kɑ zíꞋnɛ mbɔ̌ pʉɔ tɛ ɛ́fú nzɛnɛ fɑꞋ yɛ́,

Pʉɔ-Lɔ́mɑ 3:8

Ŋu lɑɑ ńcú pɑ́Ꞌnɛ, mbɔ ɛ́ lɑɑ ḿbɔ́ pɛ́ cú ŋɡɔ: Pɛkŋɛ ɡɛ mɛnu kɛpɔŋ, ńjí ŋɡɔ nu sʉ́Ꞌnɛ ɡʉ ńcẅɛt nǔu. Pɛcɔ́ pʉɔ sɛ́ ɛ́sẅíŋɛ nǔu lík yɑ́ɑ ŋɡɔ mɔ cúnɛ pɔ́Ꞌɔ. Pîpɑ́ pʉɔ pi Sɛ́ ɡʉ ŋ́ɡɛ ŋ́ŋɑk wɔ́p.

Pʉɔ-Lɔ́mɑ 6:1

Tɛ ɛ́ pɑ́Ꞌɑ pɛkŋɛ ŋ́ɡɛ ŋɡɔ́ku? Pɛkŋɛ kɛ́ ŋ́kẅiꞋ ŋ́ɡɛ pɔ nu kɛpɔŋ nɛpɔ́ yi Sɛ́ ɡʉ ńdɔk nɛlikŋɛ mɛfɑɑnɛ mɛkŋɛ, pɛ́ tsuŋ ńjʉ́ɔ pɑ́Ꞌ ɑ sɛ́ ŋ́ɡɑ́ fuꞋ níinɛ-pʉɔ kíi?

Pʉɔ-Lɔ́mɑ 6:15

Pɔ́Ꞌɔ, ńdɔk ńcú ŋɡɔ kʉ̈ɔ́? Pɛ́ lɔk ńcú ŋɡɔ pɛkŋɛ ɡɛ mɛnu kɛpɔŋ, mbíꞋŋɡɔ pɛkŋɛ kɑ́ pɛ́t ńnɛn nǔu sɛ̂ndúŋ-nɛpʉ́ʉ pɔ́, ńtsʉ́Ꞌ ńnɛn pɔ nǔu ẅi Sɛ́ ńdɛɛ nǔu ŋ́ɡɑ́ fuꞋ níinɛ yɛkŋɛ, ńdɔk wɛkŋɛ ŋ́ɡɛ pʉɔ pɛ́ kɛkʉ̈ɔ́? Ŋɡɑ́ŋ ḿbɔ́ pɛkŋɛ pɔɔ pɔ́Ꞌɔ ɡɛ.

1 Timɔtɛ́ɛ 6:11

Ɛ́ kɛ́ ŋ́ɡʉ nǔu ɡu ẅí ɔ ŋu-Sɛ́, pɔ́ ŋ́kʉɔ mîmɑ́ mɛnu kɛpɔŋ, ḿbɔ́ ɛ́sɑ́Ꞌ tʉʉ ŋ́ɡɛ pɔ mɛnu mi ɛ́ tʉ́ʉnɛ ndʉ́ŋndʉŋ, ḿbɛn ḿbɔ́ yúu mi ɛ́ pɔŋnɛ Sɛ́, ḿbɔ́ ńzɑ́p tʉ́m yú pɔ nǔu wɛ́, ḿbɔ́ ŋ́kɔŋ ŋumɛsɔŋ, ḿbɔ́ ńtɛntɛ tɛntɛnɛ nzʉʉ Sɛ́, ńtʉ́ʉ nǔu yɛ́tɛ́ nu ɔɔ, ḿbɔ́tnɛ pɔ́tnɛ́nɛ.

Tîtɛ 3:8

Mɛnu mɔnɛ mi ɛ fúnɛ nɛcú lɑɑ zúꞋu ḿbɔ́ pɔ́Ꞌɔ. M bɛn ḿbɔ́ ŋ́kɔŋ ŋɡɔ ɔ tsuŋ ɛ́sẅíi wɔ́p sʉ́Ꞌnɛ, ńjí ŋɡɔ pʉɔ tsʉʉ pi pɔ́p zɑ́pnɛ tʉ́m yɔ́p nǔu Sɛ́ ɡʉ ɛ́sɑ́Ꞌ tʉʉ nɛɡɛ mɛfɑꞋ sʉ́Ꞌnɛ, ɛ́ pɔ́ pɔ́Ꞌɔ, yúu mi ɔ zíꞋnɛ pɔŋ ḿbɛn ḿbɔ́ yúu mi ɛ́ ńcẅɛ́lɛ́ pʉɔmɛsɔŋ.

1 Pyɛ̂ 5:4

Pʉʉ lɑɑ ŋ́ɡɛ pɔ́Ꞌɔ, mbɔ ɛ́ ɡʉ ńdɑ́Ꞌ lɛ́Ꞌ yi mbyɛ́pmbí wɛ ɡwɛ́ ńtɔ́, ɑ tɔꞋ ŋɡúꞋ tú pʉʉ, yi ndɛn wɛ kɛ́ lɑ́Ꞌ ḿmɛ pɔ́.

1 Jɑ̂ŋ 3:4

Ŋu lɑɑ ńnɑ́ŋ ŋ́ɡɛ nu kɛpɔŋ, mbɔ ŋɡɑŋ lʉꞋ nɛnɛn nǔu nɛpʉ́ʉ-Sɛ́, mbíꞋŋɡɔ nɛɡɛ nu kɛpɔŋ ɛ́ nɛlʉꞋ nɛnɛn nǔu nɛpʉ́ʉ-Sɛ́.

Mɛnu ɛ́ ńdɑ́Ꞌ ńcẅɛt 2:20

Lɑ́, ŋ kɛ́ ḿbɔ́ ńdɑ́Ꞌ wʉ́ʉ, mbíꞋŋɡɔ Jizɑbɛl nɛjɔ́ŋ pʉʉ, pʉʉ pɛ́m pɛ́mnɛ. Mɑŋɡɛ́ ɛ̂wɑ́ sɛ́ ɛ́sẅíi pʉɔ ŋɡɔ ɑ cẅi Ŋkʉʉ ẅí ɛ́ fúnɛ mbɔ̌ Sɛ́, ńdɔk pɔ́Ꞌɔ, ɛ́fúklɛ ɡɑŋfɑꞋ pɑ́ɑ, ḿbɔ́ ńzíꞋ wɔ́p pɑ́Ꞌ mbɛ́ɛnɛ pɔ́p pɑŋɡɛ́ tsɛtsɛt pɔ́p lɑɑ ŋ́kẅɛ́ɛtɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ nɛkwɛ́t pfuꞋ-mbɑp yi pɛ́ lɔknɛ ḿmɑꞋ mɛsɛ́.