Mɑtʉ̈ɔ 4:18 - Kɑɑ Fí

¹⁸ Yɛ́su ɡɛ ḿbɔ́ ńnɛn mbʉʉ nɛkʉŋ-ŋki-Ŋɡɑlilɛɛ, ńjʉ́ɔ pɔ́ɔpɛ́mɑ́ pɛ́pɑ́. Símɔ ẅí pɛ́ pɛnnɛ ɛ́fúŋ wɛ́ ŋɡɔ Pyɛ̂, mbɑ Ndɛlɛ́yɑ ẅí ɑ mɔ́ɔmɑ́ pɛ́ Símɔ ɛ̂wɑ́. Pɔ́p pɔ́ ḿmɑꞋ mɛŋkʉ ŋki. MbíꞋŋɡɔ pɔ́p ḿbɔ́ pɑmɑꞋshú.

Mɑtʉ̈ɔ 4:18 ပူးပေါင်းရင်းမြစ်များ

Mɑtʉ̈ɔ 10:2

Mɛlík-ɡɑŋntúu-Yɛ́su ntsɔ̌ppɑ́ nɛ́ nɛɡɛ́m ɛ̂yɑ́ pʉ́ɔ: Nduŋmbi Símɔ ẅí pɛ́ pɛnnɛ ɛ́fúŋ wɛ́ ŋɡɔ Pyɛ̂. Wɛcɔ́ pɔ́ Ndɛlɛ́yɑ ḿbɔ́ mɔ́ɔmɑ́ pɛ́ Pyɛ̂. Pɛcɔ́ pɔ́ Jɑ̂k mɔ́ɔ-Zɛbɛ́dɛ́ɛ pɔ́p mɔ́ɔmɑ́ wɛ Jɑ̂ŋ,

Mɑtʉ̈ɔ 15:29

Yɛ́su ɡɛ ɛ́fú zúꞋu, ŋ́ɡʉ nɛ́ mbʉʉ nɛkʉŋ-ŋki ni ɛ́ Ŋɡɑlilɛɛ, ŋ́kɔ́Ꞌ tɛ ŋ́kúu ndǔ nɛŋkɔ́Ꞌ, ńnɑ́ŋ sɛ́.

Mɑtʉ̈ɔ 16:18

Ŋ ɡʉ ŋ́kɛ́ ḿbɛn ɛ́sẅíi wú, kwɑꞋ nɛ́nẅín, ŋɡɔ: «Ɔ Pyɛ̂, ńdɔk ńcú ŋɡɔ ŋɡɔꞋ, ŋ ɡʉ ŋ́ɡɛ ńtík cúꞋlɛ-pʉɔ pɑ́ɑ ndǔ ŋɡɔꞋ ɛ̂yɑ́. Tɛ mbɑ nɛvú pɔɔ lɑ́Ꞌ ŋ́kuꞋ nɛnʉꞋnɛ yîyɑ́ cúꞋlɛ pɔ́.

Mɑtʉ̈ɔ 4:19

Yɛ́su cú mbɔ̌ pɔ́p ŋɡɔ: «Pʉʉ tɔ́, ńcʉ́ɔ nzʉʉ mɔ, n dɔk wʉ́ʉ ŋ́ɡɛ pɑlɔɔ pʉɔmɛsɔŋ.»

Mɑ́lɛ́kúshi 7:31

Yɛ́su fú Til, ḿbɔ́ ḿbɛn nɛ́ mbʉʉ Mí-Ŋɡɑlilɛɛ, ńdɔk wɛ́ tʉsɔ́ŋ-Sidɔŋ, ḿbɔ́ ńdɛɛ tsɛt pɑk-lɑ́Ꞌ-mɛtʉ́sɔŋ nɛɡɛ́m.

Lúkɑ́shi 6:14

Yɔ ḿbɔ́ Simɔ̂ŋ ẅí Yɛ́su kɑ cẅi yɛcɔ́ lík yɛ́ ŋɡɔ Pyɛ̂, ŋ́ɡɛ Andɛlɛ́yɑ, mɔ́ɔmɑ́ wɛ, ŋ́ɡɛ Jɑ̂k, ŋ́ɡɛ Jɑ̂ŋ, ŋ́ɡɛ Filîp, ŋ́ɡɛ Bɑtɛlɛmîi,

Jɑ̂ŋ 21:1

Yɛ́su ɡɛ ḿbɛn ńnyɛt mbʉʉ yɛ́ mbɔ̌ ɡɑŋku pɛ́. Ɛ́ ɡɔ́ ḿbɔ́ pɔ́p pɔ́ nɛpɑt ŋki-Tibɛlíyɑ́dɛ. Yúu mi ɛ́ kɑ lɛɛnɛ ɛ́ pʉ́ɔ.

Jɑ̂ŋ 6:1

Mɔ mɛnu lɛɛ, Yɛ́su túu yɛcɔ́ mɑ́mɑ́ pɔ̂lfúꞋ-ŋki ni ɛ́ Ŋɡɑlilɛɛ, pɛ́ pɛn ɛ́fúŋ ŋɡɔ mɑ́mɑ́-pɔ̂lfúꞋ-Tibɛ́liyɑ́dɛ ŋ́ɡʉ nɛ́ yɛcɔ́ njʉ́n.

Jɑ̂ŋ 6:8

Wɛcɔ́ ŋɡɑŋku-Yɛ́su pɔ́ zúꞋu, lík yɛ́ pɔ́ ŋɡɔ Ndɛlɛ́yɑ, ɑ pɔ́ mɔ́ɔmɑ́ pɛ́ Símɔ̂ŋ Pyɛ̂. A cú mbɔ̌ Yɛ́su ŋɡɔ: