Mɑtʉ̈ɔ 4:17 - Kɑɑ Fí

¹⁷ Yɛ́su pɔ́ Kɑpɛɛnɑwûm pɔ́Ꞌɔ, ńzɛ nɛsẅíi nu-Sɛ́, ḿbɔ́ ńcú ŋɡɔ: «Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»

Mɑtʉ̈ɔ 4:17 ပူးပေါင်းရင်းမြစ်များ

Mɑtʉ̈ɔ 10:7

Pʉʉ ɡʉ ńnɛn mɛzʉꞋ mɛzʉꞋ ɛ́sɑ́Ꞌ ɛ́sẅíi pʉɔ ŋɡɔ: Nɛfɔɔ-Sɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.

Mɑtʉ̈ɔ 11:12

Ɛ́ lɔk ḿbɔ́ ŋɡɔ tɛ ɛ́fú nǔu ŋkɑ́-Jɑ̂ŋ Mbɑptíshi, ŋ́kúu ŋkɔ̂ɔnɛ, pɛ́ sɛ́ ńzuŋ ŋ́kúu nǔu nu nɛfɔɔ-Sɛ́.

Mɑtʉ̈ɔ 13:11

Yɛ́su pʉ̈ɔt mbɔ̌ pɔ́p ŋɡɔ: «Sɛ́ kɑ ɡɛ ŋɡɔ pʉʉ wɔ jínɛ nu nɛ́nẅín nǔu nɛfɔɔ-Sɛ́ ni ɛ́ kɑ lʉɔmɛ́nɛ, ŋ́ɡʉ nǔu pɔ́p ɑ pɔɔ ɡɛ ŋɡɔ pɔ́p jí pɔ́.

Mɑtʉ̈ɔ 13:24

Yɛ́su pɛn ɛ́sẅíi wɔ́p nɛ́ yɛcɔ́ sɑknɛkɛt ŋɡɔ: «Nu-nɛfɔɔ-Sɛ́ pɔ́ pɑꞋ nu-ŋu ẅí ɑ kɑ pinɛ mbiyúu sʉ́Ꞌnɛ ŋkɑ́Ꞌ yɛ́.

Mɑtʉ̈ɔ 13:47

Yɛ́su pɛn ŋɡɔ: «Nu-nɛfɔɔ-Sɛ́ pɛn ḿbɔ́ pɔ pɑ́Ꞌ nu-mɛŋkʉ mi ŋu mɑꞋnɛ tsɛt nɛkʉŋ-ŋki, mɛshú kúu tsɛtú ntɛ́ ntɛ́.

Mɑtʉ̈ɔ 13:9

Ŋu lɑɑ ŋ́ɡẅɛɛ mɛtúutɛ́ nɛlɔk ńzúꞋ nu ɑ zúꞋ.»

Mɑtʉ̈ɔ 25:1

Yɛ́su pɛn ńcú ŋɡɔ: «Pɔ́Ꞌɔ lɑ́, nu-nɛfɔɔ-Sɛ́ ɡʉ ńdɑ́Ꞌ ɛ́fí nu-pɔ́ɔŋɡɔɔ nɛɡɛ́m pi pɔ́p kɑ tíinɛ mɛkyɛꞋ mɔ́p, ŋ́ɡʉ nɛzɑ́Ꞌ ŋu mbɛ́ɛnɛ ẅí ɑ ɡʉ ńzɔ́Ꞌ.

Mɑtʉ̈ɔ 3:2

«Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»

Mɑtʉ̈ɔ 6:10

Gɛ nɛfɔɔ nú tɔ́. Gɛ pɛ́ pɔ́ ńzúꞋ ntsu wú ndǔ tsɛ́tsɑ́Ꞌ, pɑ́Ꞌ pɛ́ sɛ́ ńzúꞋ tʉ́nɛ́pú.

Mɑtʉ̈ɔ 9:13

Ɛ́ yɛ́tɛ́ lɑ́ mɔ sɛ́ ńcú mbɔ̌ pʉʉ ŋɡɔ ɡʉnɛ ńzíꞋ yúu mi ɛ́ kɑ cẅɛtnɛ tsu-Sɛ́, ɑ ńcú ŋɡɔ: Mɔ, ŋ kɔŋ ŋɡɔ pʉɔ tsɑ́ɑmɛjʉ́ŋ pɛcɔ́, ńtsɑ pɔꞋ ẅí pɛ́ lɔknɛ ŋ́ɡúꞋlɛ wɑ́ɑ. Yɛ́su ɡɔ ḿmɛkŋɛ n cú ŋɡɔ: Mɔ ŋkɑɑ tɔ́ nɛfúŋ pʉɔ pɔ́p kwɑŋɛ ŋɡɔ pɔ́p nɛ́nẅín pɔ́, mɔ m̄bɔ́ ńtɔ́ ntɛ́ pɔ ɡɑŋmɛfɑɑnɛ ŋɡɔ pɔ́p pɛn mbɔ̌ Sɛ́.»

Lúkɑ́shi 15:10

Tsʉ́Ꞌnɛ, ɛ sẅíi wʉʉ: Ɛ́ pɛn ḿbɔ́ pɔ pɔ́Ꞌɔ, pɛcʉ̈ɔ́Ꞌ-Sɛ́ tsɑ́ɑtɛ ntɛ́ tɑ́Ꞌ ŋu kɛpɔŋ wɛmɔ́Ꞌ ẅi ɑ kúpnɛ mɑt wɛ.»

Lúkɑ́shi 15:7

Ɛ́ pɔ́Ꞌɔ, lɑ́ ɛ sẅíi wʉ́ʉ ŋɡɔ: Tɑ́Ꞌ ŋu kɛpɔŋ lɑɑ ŋ́kúp mɑt wɛ, pɛ́ tsɑ́ɑtɛ tʉ́nɛ́pú tɛꞋ, ńtsɑ pɑ́Ꞌ ɛ́ lɑɑ ḿbɔ́ pɛ́ tsɑ́ɑtɛ nǔu pʉɔ ntsɔ̌pɛ́nɛ́pfuꞋú mɛɡɛ́mɛ́nɛ́pfúꞋú pi pɔ́p jʉ́ɔnɛ ŋɡɔ pɔ́p nɛ́nẅín tɛ ḿbɔ́ pɔ́p pɔɔ kíi ŋ́kúp mɑt wɔp pɔ́.»

Lúkɑ́shi 24:47

Ɛ́ sɛ́ ḿbíkŋɛ ŋɡɔ pɛ́ lɑ́Ꞌ ńdɔk lík yɑ́ɑ, ńcú nu-Sɛ́ mbɔ̌ lɑ́Ꞌ ŋɡɔ mbɑ wɔ̌ lɑ́ kúpmɛ mɑt wɛ, Sɛ́ likŋɛ mɛnu kɛpɔŋ mɛ́. Pɔ́Ꞌɔ, ɛ́ kɛ ńzɛ Yɛlúsɑlɛm.»

Lúkɑ́shi 3:23

Yɛ́su kɑ ɡɔ ńzɛ nɛsɑ́Ꞌ Ŋkʉʉ sʉ́Ꞌnɛ, ɛ́ ńtsʉ́Ꞌ mɔ́yúu ɑ ɡẅɛɛ ŋɡuꞋ mɛɡɛ́mɛ́ntɑ́t, pɛ́ pɔ́ ŋ́kwɑŋɛ ŋɡɔ ɑ mɔ́ɔ-Yɔsɛ̂p. Yɔsɛ̂p pɔ́ mɔ́ɔ-Ɛlîi.

Lúkɑ́shi 5:32

Mɔ ŋkɑɑ tɔ́ pɔ nɛfúŋ pʉɔ ndʉ́ŋndʉŋ pɔ́. Ŋ kɑ tɔ́ ntɛ́ pʉɔ kɛpɔŋ ŋɡɔ pɔ́p kúpmɛ mɑt wɔp.»

Lúkɑ́shi 9:2

Ŋ́kɛ́ ŋ́ɡɔ́ɔ ńtúu wɔ́p ŋɡɔ pɔ́p ɡʉ sẅíi pɑꞋ nu-nɛfɔɔ-Sɛ́ pɔ́nɛ, ḿbɛn ŋ́ɡɛ ɡɑŋɡɔɔ fíitɛ,

ŊwɑꞋnɛ-Gɑŋntúu Yɛ́su Kɛlístɔ 11:18

Pɑpɛm Yɛ́su pi pɔ́p Pɑyúdɑ zúꞋ mɛnu mɔnɛ, ḿbɔ́tnɛ ńnɑ́ŋ, ḿbɛn ḿbɔ́ ŋ́ɡɑ́ pɑꞋlɑ́ mbɔ̌ Sɛ́ ńcú ŋɡɔ: «Ɛ́ pʉ̈ɔ́lɑ́ yi Sɛ́ kɑ ɡɑ́ shʉ́ mbɑ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, nɛkúpmɛ mɑt, ɑ ɡɛ pɔ́p ɡẅɛɛ luk kɛ́mɛ.»

ŊwɑꞋnɛ-Gɑŋntúu Yɛ́su Kɛlístɔ 17:30

Jínɛ ŋɡɔ Sɛ́ pɛn ŋ́kɛ́ ḿbɔɔ ɛ́sɑ́ŋ yîyɑ́ ŋkɑ́ yi ŋumɛsɔŋ ḿbɔ́ ŋ́ɡɛ pɔ́Ꞌɔ ńdɔk ŋ́ɡʉʉnɛ ɡʉʉnɛnɛ pɔ́. Lɑ́ ɑ ŋkɔ̂ɔnɛ, ḿbɔ́ ɛ́fúŋ ŋɡɔŋ pʉɔ tsʉʉ, tsɛt mɛlɑ́Ꞌ tsʉʉ ŋɡɔ pɔ́p kúpmɛ mɑt wɔp.

ŊwɑꞋnɛ-Gɑŋntúu Yɛ́su Kɛlístɔ 2:38

Pyɛ̂ pʉ̈ɔt mbɔ̌ pɔ́p ŋɡɔ: «Pʉʉ kúpmɛ mɑt. Wɛ́t ŋu lɑ́ nǔu pʉʉ pɛ́m pɛ́ nuꞋ wɛ́ ŋki nǔu lík-Yɛ́su Kɛlístɔ. Nɛpɔ́ yi Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́. Sɛ́ ɡɔ́ɔ ŋ́kɛ́ ŋ́ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ.

ŊwɑꞋnɛ-Gɑŋntúu Yɛ́su Kɛlístɔ 20:21

Ńdɔk pɔ́Ꞌɔ, ɛ́fúŋ pɑyúdɑ, mbɑ pʉɔ pinɛ pɔ́p kɑ́ pɔ́ pɑyúdɑ pɔ́, ŋɡɔ pɔ́p shɔtnɛ ńcʉ́ɔ nzʉʉ Sɛ́, ńzɑ́p tʉ́m nǔu Tsɑpʉɔ wɛkŋɛ Yɛ́su.

ŊwɑꞋnɛ-Gɑŋntúu Yɛ́su Kɛlístɔ 26:20

Tɛ ńtsʉ́Ꞌ pɔ́Ꞌɔ, mbɔ ŋ kɑ zɛ nǔu pʉɔ-Ndɑ́mɑ́s nɛcú nu yɛ́, ḿbɑ́ɑtɛ ŋ́kúu pʉɔ-pɛ́ Yɛlúsɑlɛm, ɛ́fú zúꞋu ŋ́kúu nǔu pɑk-ŋɡɔŋ-Judɛ̂ tsʉʉ, ɛ́fú zúꞋu ŋ́kúu nǔu pʉɔ pi pɔ́p kɑ́ pɔ́ pɑyúdɑ pɔ́, ḿbɔ́ ńcú mbɔ̌ pʉɔ tsʉʉ ŋɡɔ pɔ́p kúpmɛ mɑt wɔp, ḿbɛn mbɔ̌ Sɛ́, ḿbɔ́ ŋ́ɡɛ mɛnu mi ɛ́ nyɛtnɛ ŋɡɔ Pɔ́p kúpmɛ mɑt.

ŊwɑꞋnɛ-Gɑŋntúu Yɛ́su Kɛlístɔ 3:19

Pɔ́Ꞌɔ lɑ́, pʉʉ kɛ́ ŋ́kúp mɑt wʉʉ, ḿbɛ́m Yɛ́su Kɛlístɔ. Sɛ́ likŋɛ mɛnu kɛpɔŋ mʉ́ʉ.

Ɛ́bɛlʉʉ 6:1

Ɛ́ yúu mi ɛ́ ɡɛnɛ ɛ́ pɔ́ ḿbíkŋɛ ŋɡɔ kɔɔ pɛkŋɛ ɡɔ́ŋ tɑ́Ꞌ ŋkɑ́ nǔu mɛnduŋmbi mɛnu mi pɛkŋɛ kɑ zɛnɛ nǔu nɛjí nu-Kɛlístɔ. Pɛkŋɛ sɑ́Ꞌ tʉʉ ńzíꞋ mɛnu mɛ́ mi pɛ́ zíꞋnɛ pʉɔ pi pɔ́p tsʉklɛnɛ nǔu nu wɛ́, tɛ pɛkŋɛ pɔɔ lɑ́Ꞌ ńjúk ńnɔŋ pɔ cʉ́ ndɛꞋ pɔ́. Pɛ́ cú nɛpɛn ḿbɛn nǔu mɛnu pɑ́Ꞌ nɛtɛ́m ŋkwɛn nǔu mɛfɑꞋ mi ɛ́ ɡɑ́nɛ pɔ nɛvú, pɑ́Ꞌ nɛzɑ́p tʉ́m nǔu Sɛ́,