Mɑtʉ̈ɔ 3:7 - Kɑɑ Fí

⁷ Jɑ̂ŋ jʉ́ɔ pɑ́Ꞌ pʉɔ nǔu nɔɔ-pɑfɑlísɑy pɔ́p pʉɔ nǔu nɔɔ-pɑsɑdukɑy tɔ́nɛ yɔ́p tɛ ńzɑ́ɑ, pɑ́Ꞌ ɑ ɡʉ ńnuꞋ wɔ́p ŋki, ɑ cú mbɔ̌ pɔ́p ŋɡɔ: «Njẅɛt mɛnɔ́, pɑtɑ́ɑ mɛzúŋ, wɔ̌ pɛnnɛ ɛ́sẅíi wʉ́ʉ nɛkʉɔ ŋɡʉ̈ɔ́Ꞌ yi pʉʉ lɔɔnɛ tɛ ɛ́ pɔ́ ŋ́ɡʉ ḿvu nǔu pʉʉ?

Mɑtʉ̈ɔ 3:7 ပူးပေါင်းရင်းမြစ်များ

Mɑtʉ̈ɔ 12:24

Lɑ́ pʉɔ-fɑlísɑy zúꞋ pɔ́Ꞌɔ, ńcú ŋɡɔ: «Bɛlzɛbûl, tɑ́tndɑ́-mɛzẅikŋɛ kɛpɔŋ ɡɛnɛ lɑ Yɛ́su kuꞋ nɛzuŋ mɛzẅikŋɛ kɛpɔŋ.»

Mɑtʉ̈ɔ 12:34

Njẅɛt-mɛnɔ́, mbɔ pʉʉ pɔ́ pʉɔ kɛpɔŋ pɑ́Ꞌɑ, ńcú nu sʉ́Ꞌnɛ ŋɡɔ́ku? Ŋu cú pɔ nu yí ɛ́ tsɛt tʉ́m yɛ́.

Mɑtʉ̈ɔ 15:12

Gɑŋku-Yɛ́su ɡɔ́ɔ ŋ́kɛ́ kẅɛ́Ꞌlɛ mbʉʉ yɔp ńtɔ́ ḿbíkŋɛ wɛ́ ŋɡɔ: «Tɛ ɔ sɛ́ ńjí ŋɡɔ: Nu yí ɔ cúnɛ lɑ́ ɡɑ́nɛ pʉɔ-Fɑlísɑy tɛꞋ?»

Mɑtʉ̈ɔ 16:1

Pɑfɑlísɑy pɔ́p pɑsɑdukɑy tɔ́ ńzẅíꞋ ntsu-Yɛ́su, ḿbíkŋɛ wɛ́ ŋɡɔ ɑ ɡɛ tɑ́Ꞌ ŋkʉꞋnɛ nu yí ɛ́ nyɛtnɛ ŋɡɔ Sɛ́ túunɛ wɛ́.

Mɑtʉ̈ɔ 16:6

Yɛ́su ɡɛ ḿbɔ́ ńcú mbɔ̌ pɔ́p ŋɡɔ: «Pʉʉ lɑk tú yʉ́ʉ, ḿbɑ́ɑ fɛntɛ pʉɔ-fɑlísɑy pɔ́p pʉɔ-sɑdukɑy.»

Mɑtʉ̈ɔ 22:15

Ɛ́ ɡɛ pɔ́Ꞌɔ, Pʉɔ-fɑlísɑy ɡɛ cúꞋlɛ, ńdɔɔ pɑ́Ꞌ ɛ́ lɑɑ ḿbɔ́ pɔ́p fú nǔu nu yi Yɛ́su cúnɛ ŋ́ɡẅɛɛ wɛ́,

Mɑtʉ̈ɔ 22:23

Ɛ́ pɛn ḿbɔ́ pɔ lɛ́Ꞌ ɛ̂yɑ́, pɛcɔ́ ntɑ́Ꞌ pʉɔ nǔu nɔɔ-pɑsɑdukɑy ɡɔ́ɔ ŋ́kɛ́ ńtɔ́ nɛjɔ́ŋ Yɛ́su. Pɑsɑdukɑy pʉɔ pí pɔ́p kɑ́ pɛ́m ŋɡɔ pɛpfú ɡʉ ŋ́ɡɛ zẅíimɛ nǔu nɛvú pɔ́. Pɔ́p píkŋɛ mbɔ̌ Yɛ́su ŋɡɔ:

Mɑtʉ̈ɔ 22:34

Pɑfɑlísɑy pɔ́ tɛ ńzúꞋ pɑ́Ꞌ Yɛ́su jʉ́ɔꞋnɛ ntsu-pʉɔ-sɑdukɑy, ńtɛmtɛ ńcúꞋlɛ ńtɑ́ŋ mɛnɑŋ.

Mɑtʉ̈ɔ 23:33

Pʉʉ njẅɛt-mɛnɔ́, ḿbɔ́ pɛmɑ́sɛ́m-nɔ́, ḿbɔ́ pʉʉ ɡɛ pɑ́Ꞌɑ ńdɑ́Ꞌ ńnɑ́ kɛ́ kúu tsɛt múk?

Mɑtʉ̈ɔ 5:20

Ɛ́ yɛ́tɛ́ lɑ n cúnɛ mbɔ̌ pʉʉ ŋɡɔ: «Pʉʉ lɑɑ mbɔɔ ɡẅɛɛ nɛpʉ́ʉ sʉ́Ꞌnɛ ńdɛɛ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pɑfɑlísɑy pɔ́, mbɔ pʉʉ kɛ́ lɑ́Ꞌ ŋ́kúu nǔu nu-nɛfɔɔ-Sɛ́ pɔ́.»

Mɑ́lɛ́kúshi 12:13

Pɔ́p ɡɛ ńtúu pʉɔ nǔu. Nɔɔ-pɑfɑlísɑy, pɔ́p nɔɔ-Ɛlɔ̂dɛ ŋɡɔ pɔ́p ɡʉ ńdɔɔ pɑꞋ ɛ́ lɑɑ ḿbɔ́ pɔ́p fú nǔu nu yí Yɛ́su cúnɛ ŋ́ɡẅɛɛ wɛ́.

Mɑ́lɛ́kúshi 12:18

Pɑsɑdukɑy tɔ́ nɛjɔ́ŋ Yɛ́su. Pɑsɑdukɑy pʉɔ pinɛ pɔ́p kɑ́ pɛ́m ŋɡɔ pɛpfú ɡʉ ŋ́ɡɛ ńzẅíimɛ nǔu nɛvú pɔ́. Pɔ́p píkŋɛ mbɔ̌ Yɛ́su ŋɡɔ:

Mɑ́lɛ́kúshi 8:15

Pɔ́p pɛpɔ́p pɔ́ ŋ́ɡʉ pɔ́Ꞌɔ, Yɛ́su cú mbɔ̌ pɔ́p ŋɡɔ: «Pʉʉ lɑk tú yʉ́ʉ, ḿbɑ́ɑ fɛntɛ-pɑfɑlísɑy mbɑ yɛ fɔɔ Ɛlɔ̂dɛ.»

Lúkɑ́shi 16:14

Yɛ́su cú pɔ́Ꞌɔ, Pɑfɑlísɑy pinɛ pɔ́p ḿbɔ́nɛ zúꞋu zúꞋ, sɔ́ɔ, ŋ́ɡwɛ wɛ́ mbíꞋŋɡɔ pɔ́p ɡʉ̈ɔꞋ ŋkɑ́p tɛꞋ.

Lúkɑ́shi 18:11

Ŋu Fɑlísɑy ŋ́kúu zúꞋu, ńtʉ́ʉ mɑ́ntɑ́ɑ ḿbɔ́ ŋ́ɡúꞋlɛ Sɛ́ ŋɡɔ: Ɔ́ɔ! Sɛ́, ŋ ɡɑ́ pɑ́Ꞌlɑ́ mbɔ̌ ɡu tɛꞋ, ntɛ́ pɑꞋ ɔ kɑ ɡɛ m bɔɔ pɔ́ pɑꞋ pɛcɔ́ pʉɔmɛsɔŋ pɔ́. Pɔ́p pɛtsɔ́ŋ, pɔ́p kɑ́ pɔ́ ŋ́ɡɛ yúu mi ɔ sɛ́ ŋ́kɔŋ pɔ́, ɛ́fúklɛ pɛzwɛ́ pɔ́p. Ŋ ɡɑ́ pɑ́Ꞌlɑ́ mbɔ̌ ɡu, mbíꞋŋɡɔ ŋ kɑ́ pɔ́ pɑꞋ ńcẅɛ́ɛ ntsup-Pɑlɔ́mɑ wɑ́ pɔ́.

Lúkɑ́shi 7:30

Lɑ́ ŋ́ɡʉ nǔu Pɑ́fɑlísɑy, pɔ́p pɑkyɛ́Ꞌtɛ nɛpʉ́ʉ-Sɛ́, mbɔ pɔ́p kɑ mɛꞋ yɔ́p yîyɑ́ nu mɛꞋnɛ, lɑ ɛ́ pɔ́ yi Sɛ́ kɑ niitɛ ntɛ́ wɔ́p, ḿmɛꞋ pɔ́Ꞌɔ, ḿbɔɔ pɛ́m Jɑ̂ŋ nuꞋ wɔ́p ŋki pɔ́.

Jɑ̂ŋ 1:24

Pʉɔ pínɛ pɛ́ kɑ túunɛ wɔ́p mbɔ̌ Jɑ̂ŋ lɑ́, m̄bɔ́ pɑfɑlísɑy.

Jɑ̂ŋ 8:44

Wʉʉ tɑ́t ɑ sɑ́ttɑ, pʉ́ʉ pɛn mbɔ̌ ŋ́kɔŋ nɛɡɛ yúu mi ɑ sɛ́ ńtsɑ́ɑ. Ɛ́ ɡʉ nǔu wɛ́, mbɔ tɛ ɛ́fú nzɛnɛ, ɑ pɔ́ pɔ njẅíŋu. A ŋkɑɑ mɔ́ ńnɛn tsɛt nu nɛ́nẅín pɔ́. MbíꞋŋɡɔ ɑ kɑ́ ɡẅɛɛ nu nɛ́nẅín tsɛt tʉ́m yɛ́ pɔ́, tɛ kɑ́ɑ mɔ́zʉꞋ. A pɔ́ tɛ ḿbɔ́ ńcɔt nu, ɛ́ pɔ́ pɔ kwɑꞋ sẅiŋɛ yɛ́, mbíꞋŋɡɔ ɑ ŋɡɑŋ cɔtnu, ḿbɔ́ ŋu ẅi jʉ́ kɑ nɔŋnɛ cɔtnu.

Jɑ̂ŋ 9:40

Pɛcɔ́ ntɑ́Ꞌpʉɔ tsɛt nɔɔ-pɑfɑlísɑy pínɛ pɔ́p ḿbɔ́nɛ zúꞋu, zúꞋ yɔ nu, ḿbíkŋɛ Yɛ́su ŋɡɔ: «Pɛ́ kɑ́ cú cúnɛ pɔ́, ŋɡɔ ɔ cú pɛfʉ pɑ́Ꞌɑ tɛ ɛ́sɑ́ŋ wɛ́k nǔu kɛkʉ̈ɔ́?»

ŊwɑꞋnɛ-Gɑŋntúu Yɛ́su Kɛlístɔ 15:5

Lɑ́ pɛcɔ́ ntɑ́Ꞌ pɑfɑlísɑy, pi pɔ́p zɑ́pnɛ tʉ́m yɔ́p nǔu Yɛ́su, pɔ́ ŋ́kẅiꞋ yɔ́p pɔ ŋɡɔ: «Ɛ́ píkŋɛ ŋɡɔ pɛ́ púꞋ pʉɔ pi pɔ́p ɡɔ́ ńzɑ́p tʉ́m yɔ́p nǔu Yɛ́su, ḿbɔɔ pɑyúdɑ pɔ́, ḿbɛn ḿbíkŋɛ ŋɡɔ pɛ́ cú mbɔ̌ pɔ́p ŋɡɔ pɔ́p nɛn pɑ́Ꞌ nɛpʉ́ʉ-Mɔ̌sɛ̂ɛ sɛ́ ḿbíkŋɛ.»

ŊwɑꞋnɛ-Gɑŋntúu Yɛ́su Kɛlístɔ 20:31

Pʉʉ pɑ́ɑ nɛmɛꞋ ku. Pʉʉ kẅíitɛ ŋɡɔ ŋ kɑ lɔk ŋɡuꞋ yɛ́tɑ́t, ɛ́ pɔ́ pɔ nɛtúꞋ, ḿbɔ́ pɔ nɛnɛm, m bɔ́ ŋ́ɡɑ́ ntík mbɔ̌ mbɑ wɔ̌ lɑ́ tsɛtsɛt pʉʉ kɛ́ kɑ́ɑ. Tɛ ŋ́ɡɔ ŋ́ɡɑ́, ḿbɔ́ ńdɑɑ.

ŊwɑꞋnɛ-Gɑŋntúu Yɛ́su Kɛlístɔ 26:5

Ŋ kɑ nɑ́ŋ nǔu ntɛ́ yi ŋu nǔu nɔɔ-pɑfɑlísɑy nɑŋnɛ pɔ́Ꞌɔ, pɔ́p pɛn ḿbɔ́ pʉɔ ńcʉŋɛ nǔu nɛpʉ́ʉ-nu-Sɛ́ yɛ́k tɛ ńtsɑ pɛcɔ́ pʉɔ. Pɑyúdɑ lɑɑ ŋ́kɔŋ, pɔ́p sẅíi zɑɑmɔɔ ŋɡɔ, nu yi n cúnɛ lɑɑ, ɛ́ nu nɛ́nẅín. Pɔ́p zɛɛ ńjí wɑ́ɑ tɛ ɛ́fú tɛ lɛ́Ꞌ.

ŊwɑꞋnɛ-Gɑŋntúu Yɛ́su Kɛlístɔ 5:17

Tɑ́tndɑ́-pɑnɔŋpɔꞋ pɔ́p pʉɔ pí pɔ́p kɑ pɔ́ ńtɔ́ɔtɛ nu yɛ́ zɛ nɛkɔ́Ꞌ lɔ́ŋ ntɛ́ ɡɑŋntúu. Pɑtɔ́ɔtɛ nu yɛ́ yîyɑ́ pɔ́ nǔu nɔɔ yi pɛ́ kɑ pɔ́ ɛ́fúŋ ŋɡɔ yɛ́ pɑsɑdukɑy.

Pʉɔ-Lɔ́mɑ 1:18

Sɛ́ zɛɛ ḿbɔ́ tʉ́nɛ́pú ḿbɔ́ ńnyɛt ŋɡɔ ɑ sɛ́ ńzɑ́ŋ lɔ́ŋ, mbíꞋŋɡɔ pʉɔmɛsɔŋ muŋɛ wɛ́, ńnɑ́ŋ ŋ́ɡɛ mɛnu kɛpɔŋ. Pɔ́p sɛ́ ńdɔk ŋɡɛnɛ mɛnu kɛpɔŋ mɔ́p ɛ́fɛ́mɛ nu nɛ́nẅín nɛfɑꞋ fɑꞋ. Sɛ́ sɛ́ ńníꞋ ndɔɔ tú pɔ́p,

Pʉɔ-Lɔ́mɑ 5:9

Ɛ́ nǔu ŋkɔ̂ɔnɛ, mbɔ mɛci mɛ́ ɡɛ Sɛ́ tsʉ́Ꞌ ńdíŋɛ wɛkŋɛ pɛkŋɛ pɔ́ ndʉ́ŋndʉŋ mbi yɛ́, mbɔ kʉ̈ɔ́ pɛn ŋ́ɡɛ tɛ Kɛlístɔ lɑ́Ꞌ ńnɑ́ kɛ́ ɡɛ pɛkŋɛ luk ŋɡʉ̈ɔ́Ꞌ yi ɛ́ ɡʉ ńdɑ́Ꞌ ɛ́fú nǔu pɑ́Ꞌ Sɛ́ sɛ́ ńzɑ́ŋ lɔ́ŋ?

1 Tɛsɑlɔník 1:10

Pɔ́Ꞌɔ, ńtsʉ́Ꞌ ńzẅíꞋlɛ pɔ ŋɡɔ Mɔ́ɔ nɛ fú tʉ́nɛ́pú ńtɔ́, Mɔ́ɔ nɛ ɛ̂wɑ́ Yɛ́su, mbɔ Sɛ́ kɑ zẅíimɛ wɛ́ nǔu nɛvú. Jʉ́ sɛ́ nɛ mbɑ́ɑ wɛkŋɛ nǔu zɑ́ŋlɔ́ŋ-Sɛ́ yi ɛ́ sɛ́ ńtɔ́.

Ɛ́bɛlʉʉ 11:7

Ɛ́ kɑ fú pɔ nǔu pɑ́Ꞌ Nɔwɛ zɑ́pnɛ tʉ́m yɛ́ nǔu Sɛ́, ɑ pɔɔ lɔk yúu mi Sɛ́ zɑ́Ꞌ njí nyɛt wɛ́, ńdɔk ḿmɑꞋ kwɑŋɛ pɔ́. Ɛ́ pɛn ḿbɔ́ yúu mi pɛ́ kɑ pɛ́t kɛ́ jʉ́ɔ. Ɛ́ yɛ́tɛ́ Nɔwɛ kɔ́ɔ mɑ́mɑ́ kɑnúꞋ, nɛlɔk ŋ́ɡɛ ŋɡɔ njẅɛt yɛ́ kúu tsɛtú ńduk, ńdɔk pɔ́Ꞌɔ, ńnyɛt ŋɡɔ ntsɑŋ tú pɛcɔ́ pʉɔ, lɑ́ mbɔ ɛ́ ɡʉ nǔu wɛ́, ɛ́ fú nǔu pɑ́Ꞌ ɑ zɑ́pnɛ tʉ́m yɛ́ nǔu Sɛ́, Sɛ́ tsʉ́Ꞌ ńdíŋɛ wɛ́ ɑ pɔ́ ŋu ẅí ɑ ndʉ́ŋndʉŋ mbi wɛ́.

Ɛ́bɛlʉʉ 6:18

Pɔ́Ꞌɔ lɑ́, yúu ɡú yɛ́pɑ́ yi ḿbɔ́ ɛ́ pɔɔ kúpmɛ, pɑ́Ꞌ Sɛ́ kɑ kɑꞋnɛ nu mbɑ pɑ́Ꞌ ɑ kɑ kɑ́ɑnɛ, ɛ́ pɔ́ mɛnu mi ɛ́ tɛnnɛ tɛ Sɛ́ cú pɛ́ lɔɔ kɛ́kɑ́ŋ. Ẅîwɑ́ nɛpɔ́ níꞋ mɛtʉʉ mɛ́k tɛꞋ, pɛk pi pɛk kɑ nɑ́nɛ mbɑ kʉ̈ɔ́ lɑ́, kwɑŋɛ wɛ́k tsʉ́Ꞌ ńtʉ́ʉ pɔ nǔu yúu mi pɛk zẅíꞋlɛ́nɛ mbɔ̌ wɛ́.

1 Jɑ̂ŋ 3:10

Pʉʉ jʉ́ɔ yúu mi pɛ́ fúnɛ nǔu ńdɔk ńjí pʉɔ-Sɛ́, ḿbɛn ńjí pɛ́ Sɑ́ttɑ. Ŋu lɑɑ ŋ́kɛ́ ŋ́ɡɛ yúu mi ɛ́ ndʉ́ŋndʉŋ mbi Sɛ́, ŋ́kɛ́ mbɔɔ kɔŋ mɔ́ɔmɑ́ wɛ pɔ́, mbɔ ŋɡɑŋ kɑ́ pɔ́ mɔ́ɔ-Sɛ́ pɔ́.