Mɑtʉ̈ɔ 28:6 - Kɑɑ Fí

⁶ A kɑ́ pɛ́t ḿbɔ́ zɑꞋnɛ pɔ́, ɑ zẅíimɛ nǔu nɛvú pɑ́Ꞌ ɑ kɑ cúnɛ lɑ́. Pʉʉ tɔ́ ńdíŋɛ zʉꞋ yí pfú yɛ́ ḿbɔ́nɛ zúꞋu lɑ ńjʉ́ɔ.

Mɑtʉ̈ɔ 28:6 ပူးပေါင်းရင်းမြစ်များ

Mɑtʉ̈ɔ 12:40

Ndʉ́ŋndʉŋ pɑ́Ꞌ Yɔ́nɑ́ɑshi kɑ nɑ́ŋnɛ tsɛt nɛpɛm-mɑ́mɑ́ shú lɛ́Ꞌ pɛtɑ́t lɑ́; Mɔ́ɔ-Ŋu ɡʉ ńdɑ́Ꞌ ŋ́ɡɛ yɛ́ lɛ́Ꞌ pɛtɑ́t tsɛt tsɛ́tsɑ́Ꞌ.

Mɑtʉ̈ɔ 16:21

Ɛ́ fú ŋkɑ́ ɛ̂yɑ́, Yɛ́su Kɛlístɔ zɛ nɛsɑ́ɑnɛ sɑ́ɑnɛ́nɛ ḿbʉ́ mbɔ̌ ɡɑŋku pɛ́ ŋɡɔ: «Ɛ́ sɛ́ ḿbíkŋɛ ŋɡɔ ɑ ɡʉ Yɛlúsɑlɛm. A ɡʉ ŋ́kúu zúꞋu ńjʉ́ɔ ŋɡʉ̈ɔ́Ꞌ tɛꞋ mbɔ̌ pɛkɛ́m-lɑ́Ꞌ, pɔ́p pɛtɑ́tndɑ́-pɑnɔŋpɔꞋ, mbɑ pɑkyɛ́ꞌtɛ nɛpʉ́ʉ-Mɔ̌sɛ̂ɛ, pɔ́p ɡɛ pɛ́ jẅí wɛ́. A pɛn ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Mɑtʉ̈ɔ 17:23

Pɔ́p ɡɛ ɑ pfú, ɛ́ ɡɛ ḿbɔ́ mbɑ́ɑtɛ lɛ́Ꞌ pɛtɑ́t ɑ zẅíimɛ nǔu nɛvú.» Gɑŋku pɛ́ zúꞋ, ńtɛmtɛ ḿmʉk tɛꞋ.

Mɑtʉ̈ɔ 17:9

Pɔ́p pɛ́pɔ́p ɡɛ ḿbɔ́ ɛ́fú ndǔ nɛŋkɔ́Ꞌ ńcúŋ, ɑ kwɛn wɔ́p ŋɡɔ, kɔɔ pɔ́p kẅíi tɛ ŋu ndɛꞋ fɛ́ꞌnɛ ńjí yúu mi pɔ́p jʉ́ɔnɛ, tɛ ńdɑ́Ꞌ ŋ́kúu ŋkɑ́ yi Mɔ́ɔ-Ŋu ńzẅíimɛ nǔu nɛvú.

Mɑtʉ̈ɔ 20:19

ŋ́ɡɑ́ wɛ́ mbɔ̌ pʉɔ pɔ́p kɑ́ pɔ́ pɑyúdɑ pɔ́, pɔ́p zɔɔtɛ wɛ́, ńdɔk ŋɡwɑɑ ńtswɑ́ɑ wɛ́, ŋ́kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ. A pɛn ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Mɑtʉ̈ɔ 27:63

ńcú mbɔ̌ wɛ́ ŋɡɔ: «Zɑɑmɛtɑ́ɑ, pɛk sɛ́ ŋ́kẅíitɛ yɛcɔ́ nu.» Ŋɡɑŋcɔtnu wɑ́ kɑ pɛ́t ntʉʉ, ńcú ŋɡɔ: «Ŋ ɡʉ ńdɑ́Ꞌ ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Mɑ́lɛ́kúshi 16:6

Lɑ́, ɑ cú mbɔ̌ pɔ́p ŋɡɔ: «Kɔɔ pʉʉ pɔ́k, pʉʉ lɔɔ Yɛ́su mɔ́ɔ-Nɑ̌zɑlɛt ẅí pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́? A zẅíimɛ nǔu nɛvú, ɑ kɑ́ pɛ́t zɑ́Ꞌnɛ pɔ́. Pʉʉ jʉ́ɔ, yɔ zʉꞋ yí pɛ́ kɑ nɔŋnɛ pfú yɛ́ zúꞋu.

Mɑ́lɛ́kúshi 8:31

Ɛ́fú nǔu, ńzɛ nɛzíꞋ wɔ́p nɛ́ yúu, ńcú ŋɡɔ: «Ɛ́ sɛ́ ḿbíkŋɛ ŋɡɔ Mɔ́ɔ-Ŋu jʉ́ɔ ŋɡʉ̈ɔ́Ꞌ tɛꞋ, pɛkɛ́m-lɑ́Ꞌ mɛꞋ wɛ́, mbɑ pɛtɑ́tndɑ́-pɑnɔŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ, ɛ́ ɡɛ pɔ́Ꞌɔ, pɛ́ jẅí wɛ́. A pɛn ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Lúkɑ́shi 24:12

Lɑ́, Pyɛ̂ lɔ sɛ́, ŋ́kʉɔ tɛ ŋ́kúu zʉꞋ-nɛshi, ŋ́ŋɔ́Ꞌnɛ sɛ́, ńjʉ́ɔ pɔ ndɑꞋ yúu-ndẅí yi pɛ́ kɑ lɔknɛ ŋ́kɑ́tɛ pfú-Yɛ́su, ɛ́ nɔɔ nǔu yɛcɔ́ ɡúŋ. Ŋ́ɡɔ ḿbɛn, ɛ́ nɛn ŋ́kʉꞋnɛ wɛ́, ɑ pɔɔ ḿbɔ́ ńjí yúu mi ɛ́ lɛɛnɛ pɔ́.

Lúkɑ́shi 24:23

ḿbɔɔ pfú yɛ́ jʉ́ɔ, ḿbɛn nzʉʉ ɛ́sẅíi wɛk ŋɡɔ pɔ́p kúu zúꞋu, Pɛcʉ̈ɔ́Ꞌ-Sɛ́ cẅɛt mbi pɔ́p, ńcú ŋɡɔ Yɛ́su pɔ́ ntʉʉ!

Lúkɑ́shi 24:44

A kɑ kwɛ́t tɛ ḿmɛk, ńcú mbɔ̌ pɔ́p ŋɡɔ: «Pʉʉ jʉ́ɔ yúu mi ŋ kɑ pɔ́ ɛ́sẅíi wʉ́ʉ, ŋkɑ́ yi pɛkŋɛ kɑ pɛ́tnɛ ńjúk. Ŋ kɑ sẅíi wʉ́ʉ ŋɡɔ ɛ́ sɛ́ ḿbíkŋɛ ŋɡɔ yɛ́t kʉ̈ɔ́ lɑ́ yi pɛ́ kɑ ŋwɑꞋnɛnɛ nǔu mɔ lɑ́ puutɛ. Mɛnu ɛ̂mɑ́ tsʉʉ tsʉʉ mi ɛ́ tsɛt ŋwɑꞋnɛ-Mɔ̌sɛ̂ɛ, mbɑ tsɛt yi pɛŋɡɛ́mndʉ̈ɔ́Ꞌ-Sɛ́ pɔ́p yi mɛzɔpŋki.»

Jɑ̂ŋ 10:17

Tɑ̌ɑ mɔ kɔŋ wɑ́ɑ, mbíꞋŋɡɔ ŋ ɡɑ́ tú yɑ́ɑ lɑ ŋ́ɡɛ ḿbɛn ńcẅɛ́ɛ.

Jɑ̂ŋ 2:19

Yɛ́su tsɔ́Ꞌ mbɔ̌ pɔ́p ŋɡɔ: «Pʉʉ kɛm ndɑ́-nɔŋpɔꞋ yɔ, n dɔk lɛ́Ꞌ pɛtɑ́t, ḿbʉꞋ ńtík tíknɛ.»

ŊwɑꞋnɛ-Gɑŋntúu Yɛ́su Kɛlístɔ 2:24

Lɑ́ Sɛ́ kɑ kíɛꞋ mɛŋkʉ-nɛvú nǔu wɛ́, ńzẅíimɛ wɛ́ mbíꞋŋɡɔ ɑ kɑ zɛɛ ńtɛn pɑ́Ꞌ ɛ́ lɑɑ ḿbɔ́ nɛvú kúꞋlɛ wɛ́ ndɑ́tsɑ́ŋ.