Mɑtʉ̈ɔ 28:2 - Kɑɑ Fí

² ŋ́ɡɔ́ ŋ́kúu zúꞋu, ńzúꞋ tsɛ́tsɑ́Ꞌ puu ńtsʉ́Ꞌnɛ tɛꞋ. MbíꞋŋɡɔ Cʉ̈ɔꞋ-Sɛ́ ɛ́fú tʉ́nɛ́pú ńcúŋ, ńtɔ́ ŋ́kiimɛ ŋɡɔꞋ yí pɛ́ kɑ lɔknɛ ńjʉ́ɔꞋ ntsu-nɛshi, ŋ́kɔ́Ꞌ ńnɑ́ŋ ndǔ ŋɡɔꞋ ɛ̂yɑ́.

Mɑtʉ̈ɔ 28:2 ပူးပေါင်းရင်းမြစ်များ

Mɑtʉ̈ɔ 27:60

ńtíi wɛ́ ńdɔk ŋ́ɡʉ ńníꞋ tsɛt nɛshi ni ɑ kɑ pɛ́t ɛ́sʉꞋ nǔu ŋɡɔꞋ, ɛ́ pɔ́ nɛ́ Yɔsɛ̂p. A níꞋ Yɛ́su tsɛtú, ńtsʉ́ʉ mɑ́mɑ́ ŋɡɔꞋ ńdɔk ńjʉ́ɔꞋ ntsu-nɛshi ɛ̂nɑ́ ŋ́ɡʉ.

Mɑtʉ̈ɔ 27:66

Pɔ́p ɡʉ ńdɔk yɛcɔ́ yúu ńnɑŋ ŋɡɔꞋ yí pɛ́ lɑ́Ꞌnɛ ńdɔk ńjʉ́ɔꞋ nɛshi, ŋ́ɡɔ́ɔ ńtík pɑlʉ̈ɔ́Ꞌntsɔ, pɔ́p pɔ́ ḿbyɛ́p, ḿbɔ́k yúu nɛɡɛ nǔu nɛshi.

Jɑ̂ŋ 20:1

Ɛ́ ɡɛ ḿbɔ́ Sɔ́ndii, nduŋmbi lɛ́Ꞌlɑ́Ꞌ nǔu ŋɡɑplɑ́Ꞌ, lɑ́ ḿbɛ́t ḿbɔ́ pɔ mbɑꞋmbɑꞋɑ́, zʉꞋ pɛ́t kɛ́ fúk, Mɑlíyɑ-Mɑkdɑlɑ ɡʉ zʉꞋ-nɛshi, ŋ́kúu zúꞋu, ńjʉ́ɔ mbɔ pɛ́ lɑ́Ꞌ ɛ́fú ntsu-nɛshi, ŋ́kẅɛ́Ꞌlɛ ŋɡɔꞋ.

ŊwɑꞋnɛ-Gɑŋntúu Yɛ́su Kɛlístɔ 16:26

ńnɑ́ŋ tɛ ńzúꞋ tsɛ́tsɑ́ꞌ tsʉ́Ꞌnɛ nɛ́ tʉʉ tɛ mɛsɑ́k-ndɑ́tsɑ́ŋ nʉꞋnɛ. Mɛtsundɑ́ ɡɔ́ɔ ńtsɔ́Ꞌnɛ ńtʉ́ʉtɛ. Mɛcɛ̂n fú nǔu ɡɑŋtsɑ́ŋ tsʉʉ kíɛꞋnɛ ḿbʉ̈ɔtnɛ sɛ́.

ŊwɑꞋnɛ-Gɑŋntúu Yɛ́su Kɛlístɔ 5:19

Lɑ́ ɛ́ ɡɛ ḿbɔ́ nɛtúꞋ, wɛcɔ́ cʉ̈ɔ́Ꞌ-Tsɑpʉɔ tɔ́, ńtsɔ́Ꞌ ndɑ́tsɑ́ŋ, ŋ́ɡɛ ɡɑŋntúu cẅɛt, ɑ cú mbɔ̌ pɔ́p ŋɡɔ:

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

1 Pyɛ̂ 1:12

Sɛ́ kɑ ɡɛ pɔ́p jí ŋɡɔ nu yi pɔ́p kɑ pɔ́ ńcú, ŋ́kɑɑ pɔ́ ŋ́ɡʉ ŋ́ɡɛ nǔu yɔ́p ŋkɑ́ pɔ́, ɛ́ kɑ pɔ́ ŋ́ɡʉ ŋ́ɡɛ pɔ nǔu yʉ́ʉ ŋkɑ́. Ɛ́ yîyɑ́ nu yi pʉʉ ŋkɔ̂ɔnɛ ḿbɔ́ ńjí, ɛ́ fú pɔ nǔu nu yi pɛŋɡɛ́mndʉ̈ɔ́Ꞌ-Ŋkʉʉ Sʉ́Ꞌnɛ sɛ́ ńcú, ŋ́ɡɔ́ ńcú, ńdɔk pɔ mɛtʉʉ-Zẅikŋɛ Lɛ́ɛnɛ́nɛ yi Sɛ́ kɑ fúnɛ tʉ́nɛ́pú ńtúu. Pɛcʉ̈ɔ́Ꞌ-Sɛ́ sɛ́ ŋ́kíi ńtsɑ́ɑ nɛjí yîyɑ́ nu.

Mɛnu ɛ́ ńdɑ́Ꞌ ńcẅɛt 11:19

Pɔ́p cú pɔ́Ꞌɔ, tɛ ŋ́ɡɔ ḿmɛkŋɛ, ntsundɑ́-nɔŋpɔꞋ-Sɛ́ yí ɛ́ tʉ́nɛ́pú tsɔ́Ꞌnɛ ńtʉ́ʉ, ŋkɔp ẅi Sɛ́ kɑ lɔknɛ ŋ́ɡwɑt kɑɑ cẅɛt ńtʉ́ʉ tsɛt zʉꞋ yɛ́ yîyɑ́. Mɛnɛ́ɛ-mbʉŋ kyɛꞌ zʉꞋ. Pɛ́ zúꞋ mɛŋɡi, ńzúꞋ nɛfɑŋ kwɛnɛ ŋɡɑ ŋɡɑ. Tsɛ́tsɑ́ꞌ tsʉ́Ꞌnɛ. Mɛzẅii pûu ḿvutɛ pɑ́ꞋtɛꞋ.