Mɑtʉ̈ɔ 28:16 - Kɑɑ Fí

¹⁶ Gɑŋku-Yɛ́su ntsɔ̌pmɔꞋ nɛ́ nɛɡɛ́m ɡɛ pɔ́Ꞌɔ ŋ́ɡʉ nɛ́ Ŋɡɑlilɛɛ, ŋ́kɔ́Ꞌ ndǔ nɛŋkɔ́Ꞌ ni Yɛ́su kɑ pɔ́nɛ zúꞋu, mbɔ ɑ kɑ lɛꞋlɛ mbɔ̌ pɔ́p, ŋɡɔ pɔ́p pɛ́pɔ́p ɡʉ ńdɑ́Ꞌ ḿbuutɛ zúꞋu.

Mɑtʉ̈ɔ 28:16 ပူးပေါင်းရင်းမြစ်များ

Mɑtʉ̈ɔ 26:32

Yɛ́su pɛn ńcú ŋɡɔ: «Mɔ, ŋ ɡʉ ŋ́ɡɛ ḿbɔ́ tɛ ńzẅíimɛ nǔu nɛvú, ḿbiitɛ Ŋɡɑlilɛɛ ńzẅíꞋlɛ wʉ́ʉ.»

Mɑtʉ̈ɔ 28:10

Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Kɔɔ pʉʉ pɔ́k.» Pʉʉ ɡʉ ńcú mbɔ̌ pɔ́ɔpɛ́mɑ́ pɑ́ɑ, ŋɡɔ pɔ́p ɡʉ nɛ́ Ŋɡɑlilɛɛ, ŋɡɔ pɔ́p ɡʉ ńjʉ́ɔ wɑ́ɑ pɔ zúꞋu.

Mɑtʉ̈ɔ 28:7

Pʉʉ ɡɔ́ɔ ŋ́ɡʉ ɛ́sẅíi ɡɑŋku pɛ́ ŋɡɔ ɑ zẅíimɛ nǔu nɛvú, ŋɡɔ ɑ piitɛ Ŋɡɑlilɛɛ ḿbɔ́ ńzẅíꞋlɛ wʉ́ʉ pɛ́ pɔ́p, pʉʉ ɡʉ ŋ́kúu zúꞋu lɑ ńjʉ́ɔ wɛ́. Yɔ nu yí mɔ ḿbɔ́ ŋ́ɡẅɛɛ nɛsẅíi wʉ́ʉ.

Mɑ́lɛ́kúshi 14:28

Yɛ́su pɛn ńcú ŋɡɔ: «Ŋ ɡʉ ŋ́ɡɛ ḿbɔ́ tɛ zẅíimɛ nǔu nɛvú, ḿbiitɛ Ŋɡɑlilɛɛ ńzẅíꞋlɛ wʉ́ʉ.»

Mɑ́lɛ́kúshi 15:41

ḿbɔ́ pɑŋɡɛ́ pi pɔ́p kɑ cʉ́ɔnɛ nzʉʉ Yɛ́su, ŋkɑ́ yi ɑ kɑ pɔ́nɛ Ŋɡɑlilɛɛ, ńnɛn ńcẅɛ́lɛ́ wɛ́. Pɛcɔ́ pɑŋɡɛ́ pɔ́ pi pɔ́p pɛ́ Yɛ́su pɛ́tsʉʉ kɑ tɛmtɛ́nɛ ŋ́kɔ́Ꞌ tɛ ŋ́kúu Yɛlúsɑlɛm.

Mɑ́lɛ́kúshi 16:14

Ŋ́ɡɔ́ ńdẅiklɛYɛ́su ɡɛ ḿbɛn ńnyɛt mbʉʉ yɛ mbɔ̌ ɡɑŋku pɛ́ ntsɔ̌pmɔꞋ nɛ́ nɛɡɛ́m pɛ́tsʉʉ. Pɔ́p pɔ́ ndɑ́ ŋ́kwɛ́t yúu. A kɑkŋɛ wɔ́p nǔu pɑ́Ꞌ pɔ́p lɑ́Ꞌ mbɔɔ pɛ́m, ḿbɛn ńdʉꞋ mbɑ nɛpɛ́m nu ntsu-pʉɔ pí ɑ zẅíimɛ́nɛ ńnyɛt mbʉʉ yɛ mbɔ̌ pɔ́p pɔ́.

Mɑ́lɛ́kúshi 16:7

Pʉʉ ɡʉ ŋkɔ̂ɔnɛ ɛ́sẅíi ɡɑŋku Yɛ́su mbɑ mbɔ̌ Pyɛ̂ ŋɡɔ ɑ piitɛ Ŋɡɑlilɛɛ, ḿbɔ́ ńzẅíꞋlɛ wʉ́ʉ pɑꞋ ɑ kɑ sẅíinɛ wʉ́ʉ ŋɡɔ pʉʉ ɡʉ ńdɑ́Ꞌ ńjʉ́ɔ wɛ́ zúꞋu lɑ́.»

Jɑ̂ŋ 6:70

Yɛ́su pʉ̈ɔt mbɔ̌ pɔ́p ŋɡɔ: «Pʉʉ wɔ ntsɔ̌ppɑ́ nɛ́ nɛɡɛ́m, mɔ ŋkɑɑ nɛ tsɔ́Ꞌ wʉ́ʉ pɔ́ ɔɔ? Wɛcɔ́ ŋu kɛ́ ḿbɔ́ tsɛtsɛt pʉʉ, ḿbɔ́ ŋu-Sɑ́ttɑ.»

1 Kɔlɛ̂ŋtɛ 15:15

Ɛ́ lɑɑ ḿbɔ́ yi pɛ́ kɑ́ pfú ḿbɛn ńzẅíimɛ nǔu nɛvú pɔ́, mbɔ pɛk pi pɛk sɛ́ ńcú nu yi pɛk jínɛ nǔu Sɛ́ lɑ́, pɛk lɔk ḿbɔ́ pɔ ɡɑŋcɔtnu, mbíꞋŋɡɔ pɛk cɔt pɔ nu lɑ ńcú ŋɡɔ pɛk sɛ́ ńjí ŋɡɔ Sɛ́ kɑ zẅíimɛ Kɛlístɔ nǔu nɛvú ɛ́ pɔ́ zúꞋu ŋ́kɛ́ mbɔɔ pɔ́Ꞌɔ pɔ́,