Mɑtʉ̈ɔ 26:55 - Kɑɑ Fí

⁵⁵ Ŋ́ɡɛ pɔ́Ꞌɔ, Yɛ́su ɡɔ́ɔ ŋ́kɛ́ ńcú mbɔ̌ lɑ́Ꞌ ŋɡɔ: «Pʉʉ ɡɔ́ ńtɔ́ nɛɡẅɛɛ wɑ́ɑ, ŋ́ɡẅɛɛ mɛníi-ntsɔ pɔ́p pɛsʉʉ pɑ́Ꞌ ŋkɑ́ yi pʉʉ ɡʉ ɡẅɛɛ ntsɔ́ŋ pɑ́Ꞌɑ ŋɡɔ́ku? Mɔ m̄bɔ́ lɛ́Ꞌ tsʉʉ ḿbɔ́ pɔ tsɛtsɛt pʉʉ zʉꞋ-nɔŋpɔꞋ, ḿbɔ́ ńzíꞋ pʉɔ nɛ́ nu-Sɛ́! Pʉʉ kɛ́ mbɔɔ wɑ́ɑ ɡẅɛɛ.

Mɑtʉ̈ɔ 26:55 ပူးပေါင်းရင်းမြစ်များ

Mɑtʉ̈ɔ 21:23

Yɛ́su pɛn ḿbɛn tsɛt zʉꞋ-nɔŋpɔꞋ tɛ ńzɛ nɛzíꞋ pʉɔ nɛ́ nu-Sɛ́, pɛtɑ́tndɑ́-pɑnɔŋpɔꞋ pɔ́p pɛlʉ́m tsɛt lɑ́Ꞌ tɔ́ ḿbíkŋɛ wɛ́ ŋɡɔ: «Ɔ lɔk lík wɔ̌ ŋ́ɡɛ mɔnɛ mɛnu? KwɑꞋ wɔ̌ túunɛ wú ŋɡɔ ɔ ɡɛ pɔ́Ꞌɔ?»

Mɑtʉ̈ɔ 26:47

Yɛ́su pɛ́t ńcú cúnɛ, Jẅidɑ, ẅí ɑ wɛcɔ́ tɑ́Ꞌ nǔu ɡɑŋku pɛ́ ntsɔ̌ppɑ́ nɛ́ nɛɡɛ́m tɔ́, lɑ́Ꞌ pɔ́ nzʉʉ yɛ́ tɛ ńzɑ́ɑ, ŋ́ɡẅɛɛ mɛníi-ntsɔ pɔ́p pɛsʉʉ, ḿbɔ́ pʉɔ pínɛ pɛtɑ́tndɑ́-pɑnɔŋpɔꞋ pɔ́p pɛkɛ́m-lɑ́Ꞌ túunɛ wɔ́p.

Mɑ́lɛ́kúshi 10:1

Yɛ́su fú zúꞋu, ńcʉ́ɔ sɛ̂ndúŋ, ńdɔk shʉ́-Judɛ̂, ŋ́ɡʉ nǔu yɛcɔ́ njʉ́n-ŋki-Juudɛŋ. LɑꞋ pɛn ńcúꞋlɛ nɛjɔ́ŋ yɛ́ tɛ ńzɑ́ɑ, ɑ pɛn ńzɛ nɛzíꞋ wɔ́p nɛ́ nu-Sɛ́ pɑꞋ ɛ́ ḿbɔ́nɛ mɑt mbɔ̌ wɛ́.

Mɑ́lɛ́kúshi 12:35

Yɛ́su pɛ́t zʉꞋ-nɔŋpɔꞋ ḿbɔ́ ńzíꞋ pʉɔ nɛ́ nu-Sɛ́, ńcú ŋɡɔ: «Pʉʉ kwɑŋɛ yʉ́ʉ ŋɡɔ pɑkyɛ́Ꞌtɛ nɛpʉ́ʉ-Mɔ̌sɛ̂ɛ zíꞋ pʉɔ ŋɡɔ: Nzɑ́Ꞌŋkʉ ẅí Sɛ́ kɑ kɑꞋnɛ ɡʉ ńdɑ́Ꞌ ḿbɔ́ ŋu nǔu njẅɛt-fɔɔ Ndɑvît pɛꞋnɛ, ɛ́ lɔk ḿbɔ́ ŋɡɔ́ku?»

Lúkɑ́shi 19:47

Yɛ́su pɛn ḿbɔ́ lɛ́Ꞌ tsʉʉ, ḿbɔ́ pɔ tsɛt ndɑ́-nɛnɔŋpɔꞋ ńzíꞋ pʉɔ nɛ nu-Sɛ́, pɛtɑ́tndɑ́-pɑnɔ́ŋ pɔꞋ, pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ mbɑ pɛkɛ́m-Pɑyúdɑ pɔ́ ńdɔ́ɔ nɛɡɛ pɛ́ jẅí wɛ́.

Lúkɑ́shi 20:1

Yɛ́su pɔ́ yɛcɔ́ lɛ́Ꞌ, ḿbɛ́t ḿbɔ́ pɔ tsɛt ndɑ́-nɛnɔŋpɔꞋ ḿbɔ́ ńzíꞋ pʉɔ nɛ́ yúu ńdɔk ɛ́sɑ́Ꞌ Ŋkʉʉ sʉ́Ꞌnɛ mbɔ̌ lɑ́Ꞌ, pɛtɑ́tndɑ́ pɑnɔŋ pɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ pɔ́p pɛkɛ́m tsɛt lɑ́Ꞌ tɔ́.

Lúkɑ́shi 4:20

Yɛ́su kɑ fúŋ yîyɑ́ zʉꞋ tɛ ɛ́ mɛ, ŋ́kɑ́tɛ ŋwɑꞋnɛ, ŋ́ɡɑ́ mbɔ̌ ŋu ẅí ɑ fɑꞋnɛ ndɑ́ zúꞋu, ńcúŋ, ńnɑ́ŋ sɛ́ nɛkyɛ́Ꞌtɛ. Pʉɔ pinɛ pɔ́p ḿbɔ́nɛ ndɑ́-cúꞋlɛ tík mík nǔu wɛ́, ḿbɔ́ ńzẅíꞋlɛ.

Jɑ̂ŋ 7:14

Ndíinɑ Pɛ́t kɛ́ mɛ, Yɛ́su ɡʉ nɛ́ ndɑ́-nɔŋpɔꞋ, ńzɛ nɛzíꞋ pʉɔ nɛ́ yúu.

Jɑ̂ŋ 7:28

Yɛ́su pɔ́ ŋkɑ́ ɛ̂yɑ́, ḿbɔ́ tsɛt ndɑ́-nɔŋpɔꞋ ḿbɔ́ ńzíꞋ pʉɔ nɛ́ yúu, ńcú nɛ́ ŋɡi tɛnnɛ ŋɡɔ: «Pʉʉ tsuŋ ḿbɔ́ ńjí wɑ́ɑ, ḿbɛn ḿbɔ́ ńjí zʉꞋ yi ɛ fúnɛ nɛ́ zúꞋu? Mɔ ŋkɑɑ zɑ́pnɛ ŋɡɔ ŋ ɡʉ ńtɔ́ pɔ́. Lɑ́ Sɛ́ ẅí ɑ kɑ túunɛ wɑ́ɑ, ɑ ŋu ẅí ɑ lɑɑ ńcú nu, mbɔ ɛ́ nu nɛ́nẅín. Pʉʉ kɑ́ pɔ́ ńjí wɛ́ pɔ́.

Jɑ̂ŋ 8:2

ŋ́ɡɛ ḿmʉ́ʉ mbɑ́ꞋmbɑꞋɑ́ ḿbɛn ndɑ́-nɔŋpɔꞋ. Lɑ́Ꞌ pɔ́ ńtɔ́ nɛ́ nɛjɔ́ŋ yɛ́, ɑ nɑ́ŋ sɛ́, ḿbɔ́ ńzíꞋ wɔ́p nɛ́ yúu.

Jɑ̂ŋ 8:20

Yɛ́su kɑ ɡɔ́ ńcú mɔnɛ mɛnu pɑ́Ꞌɑ, ḿbɔ́ tsɛt ndɑ́-nɔŋpɔꞋ, ḿbɔ́ ńzíꞋ pʉɔ nɛ́ nu-Sɛ́, ḿbɔ́ mbʉʉ zʉꞋ yi pɛ́ níꞋnɛ ŋkɑ́p yi pɛ́ ɡɑ́nɛ mbɔ̌ Sɛ́ zúꞋu. Ŋu kɛ́ mbɔɔ wɛ́ ɡẅɛɛ, mbíꞋŋɡɔ ɛ́ kɑ ɡɔ́ ḿbɔ́, mbɔ yɛ́ ŋkɑ́ kɑ́ kuꞋ.