Mɑtʉ̈ɔ 26:41 - Kɑɑ Fí

⁴¹ Kɔɔ pʉʉ pɛn ńdɛ́, pʉʉ cɛꞋlɛ Sɛ́, ḿbɔ́k mɛnu nɛkwɑꞋnɛ wʉ́ʉ, pʉʉ vu. Tʉ́m-ŋu tɛntɛ tɛꞋ lɑ́, mbɑp-mbʉʉ pɔ́t pɔ́tnɛ.»

Mɑtʉ̈ɔ 26:41 ပူးပေါင်းရင်းမြစ်များ

Mɑtʉ̈ɔ 24:42

Ɛ́ yɛ́tɛ́ lɑ́ pʉʉ pɑ́ɑ nɛmɛꞋ ku, mbíꞌŋɡɔ pʉʉ kɑ́ pɔ́ ńjí lɛ́Ꞌ yi Tsɑpʉɔ wʉʉ ɡʉ ńtɔ́ pɔ́.

Mɑtʉ̈ɔ 25:13

Yɛ́su mikŋɛ ŋɡɔ: «Ɛ́ yɛ́tɛ́ lɑ́ pʉʉ pɑ́ɑ nɛmɛꞋ mbʉʉ yʉʉ, mbíꞌŋɡɔ pʉʉ kɑ́ pɔ́ ńjí lɛ́Ꞌ pɔ́, ŋ́kɛ́ ḿbɔɔ ḿbɔ́ ńjí ŋkɑ́ yi Mɔ́ɔ-Ŋu ɡʉ ńdɑ́Ꞌ ńtɔ́ pɔ́.»

Mɑtʉ̈ɔ 26:38

ŋ́ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Tʉ́m yɑ́ɑ pɑ́Ꞌɑ ḿbɔ́ ḿmʉk pɔ nǔu ntɛ́ yi ḿbɔ́ m pfú pfúnɛ. Pʉʉ nɑ́ŋ zɑꞋnɛ, ḿbɑ́ɑ ŋu wɛkŋɛ nɛmɛꞋ mbʉʉ yɛ ńdɛ́,»

Mɑtʉ̈ɔ 6:13

Kɔɔ nɑ́ wɛk pɛk kúu tsɛt ŋkwɑꞋnɛ, cẅɛ́ɛ wɛ́k mbɔ̌ Sɑ́ttɑ. MbíꞋŋɡɔ ɡu pɔ́nɛ fɔɔ, mɛtʉʉ tsʉʉ pɛn ḿbɔ́ pɔ mú, pɛ́ sɛ́ ŋ́ɡúꞋlɛ pɔ ndɑꞋ wú mɛŋɡuꞋ mɛŋɡuꞋ. Ɛ́ pɔ́Ꞌɔ.»

Mɑ́lɛ́kúshi 14:38

Kɔɔ pʉʉ pɛn ńdɛ́, pʉʉ cɛꞋlɛ Sɛ́ ḿbɔ́k mɛnu-njí nɛkwɑꞋnɛ wʉ́ʉ pʉʉ fɑɑnɛ nu. Tʉ́m-ŋu tɛntɛ tɛꞋ, lɑ́ mbʉʉ pɔ́t pɔ́tnɛ,»

Lúkɑ́shi 11:4

likŋɛ mɛnu kɛpɔŋ mɛk ŋ́ɡɑ́ mbɔ̌ pɛk, mbíꞋŋɡɔ pɛk sɛ́ ńdikŋɛ yɛk ŋ́ɡɑ́ mbɔ̌ pʉɔ pinɛ pɔ́p fɑɑnɛ́nɛ nu mbɔ̌ pɛk lɑ́. Kɔɔ pɛ́m ŋɡɔ pɛk kúu tsɛt ŋkwɑꞋnɛ.»

Lúkɑ́shi 21:36

Pʉʉ pɑ́ɑ nɛlɛ́, ḿbɔ́ ńcɛꞋlɛ Sɛ́ ŋkɑ́ tsʉʉ, ɑ ɡɑ́ wʉ́ʉ nɛ́ mɛtʉʉ nɛlɔk ńdɛɛ mɔ mɛnu mi ɛ́ sɛ́ ńtɔ́ lɑ́ɑ, mbɑ nɛlɔk ńtʉ́ʉ kɛ́ kɔ́ sʉ́ʉ mbi Mɔ́ɔ-Ŋu.»

Lúkɑ́shi 22:40

Pɔ́p kɑ ɡʉ tɛ ŋ́kúu zúꞋu, ɑ cú mbɔ̌ pɔ́p ŋɡɔ: «Pʉʉ ńcɛꞋlɛ Sɛ́ ḿbɔ́k nɛkúu tsɛt ŋkwɑꞋnɛ ɛ́ tsɑ wʉ́ʉ.»

Lúkɑ́shi 22:46

A cú ŋɡɔ: «Pʉʉ nɑ́ŋ kɛ́ lɛ́, ḿbɔ́k nɛkúu tsɛt ŋkwɑꞋnɛ, ɛ́ tsɑ wʉ́ʉ.»

Lúkɑ́shi 8:13

Mbiyúu mi ɛ́ vunɛ zʉꞋ-mɛŋɡɔꞋ pɔ́ pʉɔ pinɛ pɔ́p zúꞋ sẅíŋɛ-Sɛ́, ɛ́fɛ́Ꞌnɛ ḿbɛ́m nɛ́ tsɑ́ɑtɛ lɑ́ ɛ́ pɔɔ lɑt mɛŋɑŋ pɔ́, ḿbɔ́ pʉɔ lɛ́Ꞌ lɑ́Ꞌ, ŋɡʉ̈ɔ́Ꞌ pɔ́ tɛ ńtɔ́, pɔ́p ɡɔ́ɔ mɛꞋ.

Pʉɔ-Lɔ́mɑ 8:3

Nɛpʉ́ʉ-Mɔ̌sɛ̂ɛ ŋ́kɑɑ kuꞋ nɛɡɛ yîyɑ́ yúu pɔ́, mbíꞋŋɡɔ ŋumɛsɔŋ kɑ lɔk pɑ́Ꞌ ɑ zɑŋɛ zɑŋɛ́nɛ ńtɑɑtɛ. Lɑ́ Sɛ́ kɑ kɛ́ ŋ́ɡɛ yîyɑ́ yúu, ńtsʉ́Ꞌ nɛɡɛ, ńtúu kwɑꞋ Mɔ́ɔ nɛ ɑ shɔtnɛ ńtsʉ́Ꞌ ŋumɛsɔŋ, ḿbɔ́ ŋumɛsɔŋ ẅi ɑ ŋɡɑŋmɛfɑɑnɛ nǔu pɑ́Ꞌ ɑ ɡʉ ńcẅɛɛtɛ wɛ́ tsɛt nu kɛpɔŋ. Sɛ́ kɑ lɔk pɔ́Ꞌɔ, ńjẅí mɛtʉʉ-nu kɛpɔŋ yi ɛ́ sɑ́Ꞌnɛ pʉɔmɛsɔŋ.

1 Kɔlɛ̂ŋtɛ 10:13

MɛŋkwɑꞋnɛ mi ɛ́ kɑ kúunɛ wʉ́ʉ, ɛ́ mi ɛ́ kúunɛ ŋumɛsɔŋ. Sɛ́ ẅi ɑ lɔɔ ńcú nu ḿbɛn ŋ́kúpmɛ pɔ́, ɑ kɛ́ pɛ́m ŋɡɔ ŋkwɑꞋnɛ kúu wʉ́ʉ tɛ ŋ́ɡɑ́Ꞌ mɛtʉʉ mʉ́ʉ pɔ́. ŊkwɑꞋnɛ ɡʉ ḿbɔ́ tɛ ńtɔ́, ɑ ɡɑ́ mɛtʉʉ mbɔ̌ pʉʉ nɛlɔk sʉk ḿbɛn ŋ́ɡɑ́ shʉ́ nɛlɔk ɛ́fú tsɛtú ńcẅɛt.

1 Kɔlɛ̂ŋtɛ 16:13

Kɔɔ pʉʉ mɛꞋ mbʉʉ yʉʉ ńdɛ́, pʉʉ zɑ́p tʉ́m nǔu Sɛ́ kɛ́ kɑ́ɑ, pʉʉ pɔ́ɔ mbɛ́ɛnɛ, pʉʉ tɛntɛ tɛntɛ́nɛ.

1 Kɔlɛ̂ŋtɛ 9:27

Mɔ sɛ́ ŋ́ɡẅɛɛ mbʉʉ yɑɑ pɑ́ꞋtɛꞋ, ŋ́kúꞋlɛ tɛ ńjí yúu mi ŋ ɡɛnɛ, ḿbɔ́k nɛcẅi Ŋkʉʉ Sʉ́Ꞌnɛ mbɔ̌ pʉɔ, pɛ́ pɛn ŋ́ɡɛ ḿbɑꞋnɛ wɑ́ɑ ŋ́ɡɑ́ nzʉʉ.

Ŋɡɑlɑ̂t 5:24

Pʉɔ pi pɔ́p pɛ́ Yɛ́su Kɛlístɔ kɑ ḿmɛꞋnɛ yúu kɛpɔŋ yi ɛ́ pɔŋnɛ mbʉʉ yɔp, pɔ́p minɛ mbʉʉ ɛ̂yɑ́ tsɑ́ɑnɛ, lɑ ɛ́ pɔ́ pɑ́Ꞌ ŋkɑ́ yi pɔ́p kɑ kẅii mbʉʉ ɛ̂yɑ́ nǔu tʉ́ mbɑ́ŋtɛ pɑ́ŋtɛ́nɛ lɑ́.

Ɛ́fɛ̂zɛ 6:18

Pʉʉ pɔ́ ŋkɑ́ tsʉʉ ḿbɔ́ ḿbúꞋ mbɔ́ mbɔ̌ Sɛ́, ḿbɔ́ ḿbúꞋ pɔ́Ꞌɔ nǔu mɛntɛ́ tsʉʉ, pɑ́Ꞌ Zẅikŋɛ ɡʉ ḿbɔ́ ńnyɛt wʉ́ʉ ŋɡɔ pʉʉ ɡɛ pɔ́Ꞌɔ. Kɔɔ pʉʉ ḿmɛꞋ jínu, pʉʉ púꞋ mbɔ́ mbɔ̌ Sɛ́ nǔu tú-pʉɔ-Sɛ́ pɛ́tsʉʉ.

1 Pyɛ̂ 4:7

Ndẅiknzʉʉ ŋkɑ́ yɛ mbɑ kʉ̈ɔ́ lɑ́ sɛ́ ŋ́kuꞋ. Pɑ́Ꞌ ɛ́ pɔ́Ꞌɔ lɑ́, pʉʉ pɔ́ pɑjínu. Kɔɔ pʉʉ ḿmɛꞋ mbʉʉ yʉʉ, ńjí ŋɡɔ pʉʉ ɡʉ ŋ́kuꞋ nɛcɛꞋlɛ Sɛ́.

1 Pyɛ̂ 5:8

Kɔɔ pʉʉ mɛꞋ mbʉʉ yʉʉ, kɔɔ pʉʉ lɛ́. Ŋɡɑŋmbuu wʉʉ, Sɑ́ttɑ, ɑ sɛ́ ḿbɔ́ ŋ́kɑ́t ńzɛmɛ, ńdɔ́ɔ ŋu ẅí ɑ ɡʉ ŋ́ɡẅɛɛ wɛ́, pɑ́Ꞌ púꞋntʉʉ ẅí ɑ kíinɛ ḿbɔ́ ńdɔɔ yúu mi ɑ ɡʉ ŋ́kwɛ́t lɑ́.

2 Pyɛ̂ 2:9

Pɛ́ fú nǔu mɔnɛ mɛnu ńjʉ́ɔ ŋɡɔ Tsɑpʉɔ kɔŋ nɛfú tsɛt ŋɡʉ̈ɔ́Ꞌ ńcẅɛɛtɛ pʉɔ pi pɔ́p jínɛ pɔ ndɑꞋ wɛ́, ɛ́ tsʉ́Ꞌ pʉɔ kɛpɔŋ ɑ nyɛt wɔ́p ŋɡɔ pɔ́p ńzẅíꞋlɛ ŋɡʉ̈ɔ́Ꞌ lɛ́Ꞌ nɛŋɑk mɛtsɑŋ.

Mɛnu ɛ́ ńdɑ́Ꞌ ńcẅɛt 16:15

Tsɑpʉɔ cú ŋɡɔ: «Pʉʉ kɛ́ ńjí ŋɡɔ, mɔ ńtɔ́ pɑ́Ꞌ ntsɔ́ŋ lɑ́. Pɔ́ttú ɑ ŋu ẅí mɔ ŋ́ɡɛ ŋ́ɡɔ ńtɔ́, ɑ pɔɔ ḿbɔ́ ńdɛ́ pɔ́, mɛndẅí mɛ́ pɔ́ nǔu wɛ́, ḿbɔ́k pɑ́Ꞌ ɑ ɡʉ ńdɔ sɛ́ ńnɛn kɛ́ zẅík ndẅí, sʉ́ʉ kɔ́ wɛ́.»

Mɛnu ɛ́ ńdɑ́Ꞌ ńcẅɛt 3:10

Pɑ́Ꞌ pʉʉ kɑ ɡẅɛɛnɛ sẅiŋɛ yɑ́ɑ tɛ ḿbɔɔ kɑ́ɑ lɑ́, mɔ yɑ́ɑ ŋ ɡʉ ŋ́ɡɛ ńtʉ̈ɔ́Ꞌlɛ wʉ́ʉ nǔu ŋkɑ́ yi ŋɡʉ̈ɔ́Ꞌ ɡʉ ŋ́ɡɛ ńtɔ́ ndǔ yɔ mbí tsʉʉ, ŋ́kwɑꞋlɛ pʉɔmɛsɔŋ pi pɔ́p ndǔ tsɛ́tsɑ́Ꞌ.