Mɑtʉ̈ɔ 26:28 - Kɑɑ Fí

²⁸ MbíꞋŋɡɔ yɔ mɛci mɑ́ɑ, ɛ́ mɛci mí Sɛ́ lɔknɛ ŋ́ɡwɑt kɑɑ, ɛ́ mi ɛ́ tswɛtnɛ nǔu tú-pʉɔ tɛ ńzɑ́ɑ, pɑ́Ꞌ Sɛ́ ɡʉ ńdɔk ńdikŋɛ mɛnu kɛpɔŋ mɔ́p.

Mɑtʉ̈ɔ 26:28 ပူးပေါင်းရင်းမြစ်များ

Mɑtʉ̈ɔ 20:28

Ndʉ́ŋndʉŋ pɑ́Ꞌ Mɔ́ɔ-Ŋu ŋkɑɑ tɔ́ ndǔ tsɛ́tsɑ́Ꞌ, pɔ pɑ́Ꞌ pʉɔmɛsɔŋ ɡʉ ɛ́fɑꞋ mbɔ̌ wɛ́ pɔ́, ɑ kɑ tɔ́ pɔ nɛfɑꞋ mbɔ̌ pʉɔmɛsɔŋ, ɛ́fɑꞋ fɑꞋ tɛ ḿbɛn ŋ́ɡɑ́ tú yɛ́ nɛlɔk ńtsúꞋ pʉɔ tɛ ńzɑ́ɑ.»

Mɑtʉ̈ɔ 26:27

ḿbɛn ńtíi ntúꞋ-mɛluꞋ, ŋ́ɡɑ́ pɑꞋlɑ́ mbɔ̌ Sɛ́, ŋ́ɡɔ́ ŋ́ɡɑ́ mbɔ̌ ɡɑŋku pɛ́, ńcú ŋɡɔ: «Pʉʉ kɔ ńnɔ́ pɛtsʉʉ.

Mɑtʉ̈ɔ 26:29

Ɛ sẅíi wʉ́ʉ, ŋ kɛ́ lɑ́Ꞌ ḿbɛn ńnɔ́ mɔnɛ mɛluꞋ pɔ́, tɛ ńdɑ́Ꞌ ńtsʉ́Ꞌ ńnɔ́ pɔ mɛ fí ŋkɑ́ yi pɛkŋɛ ńtsʉ́Ꞌ ḿbɔ́ pɔ tsɛt nɛfɔɔ-Tɑ̌ɑ mɔ.»

Mɑtʉ̈ɔ 6:12

likŋɛ mɛfɑɑnɛ mɛ́k, ŋ́ɡɑ́ mbɔ̌ pɛk, pɑ́Ꞌ pɛk sɛ́ ńdikŋɛ yɛ́k ŋ́ɡɑ́ mbɔ̌ pʉɔ pi pɔ́p ɡɛnɛ nǔu pɛk lɑ́.

Mɑ́lɛ́kúshi 1:4

Ɛ́ ɡɔ́ ńdẅiklɛ wɛcɔ́ ŋu ɡɛ ńcẅɛt kɔ̂ŋtɛt lík yɛ́ pɔ́ Jɑ̂ŋ. Ḿbɔ́ ɛ́sɑ́Ꞌ mbɔ̌ lɑ́Ꞌ ŋɡɔ, pɔ́p kúpmɛ mɑt wɔp, ɑ nuꞋ wɔ́p ŋki, Sɛ́ likŋɛ mɛnu kɛpɔŋ mɔ́p ŋ́ɡɑ́ mbɔ̌ pɔ́p.

Mɑ́lɛ́kúshi 14:24

A cú mbɔ̌ pɔ́p ŋɡɔ: «Yɔ mɛci mɑ́ɑ, ɛ́ mɛci mi Sɛ́ lɔknɛ ŋ́ɡwɑt kɑɑ, ɛ́ tswɛtnɛ nǔu tú-pʉɔ tɛ ńzɑ́ɑ.

Lúkɑ́shi 22:19

A kɑ pɛn ḿbɛ́ɛ mbɛlɛ̂ɛt, ŋ́ɡɑ́ pɑ́Ꞌlɑ́ mbɔ̌ Sɛ́, ḿbʉ̈ɔ́Ꞌ ŋ́ɡɔ ŋ́ɡɑ́ mbɔ̌ ɡɑŋku pɛ́ ńcú ŋɡɔ: «Yɔ mbɑp-mbʉʉ yɑɑ yi pɛ́ ɡɑ́nɛ nǔu tú yʉ́ʉ. Pʉʉ tsʉ́Ꞌ ḿbɔ́ ŋ́ɡɛ pɑꞋnɛ ńdɔk ŋ́kẅíitɛ wɑ́ɑ.»

Lúkɑ́shi 22:20

Pɔ́p kɑ kwɛ́t yúujʉ́ tɛ ḿmɛk, Yɛ́su tíi ntúꞋ mɛluꞋ ńcú ŋɡɔ: «NtúꞋ yɔ pɑꞋnɛ ḿbɔ́ kɑɑ fí yi Sɛ́ lɔknɛ mɛci mɑ́ɑ ŋ́ɡwɑt. Ɛ́ tswɛtnɛ ntɛ́ wʉ́ʉ.»

Pʉɔ-Lɔ́mɑ 5:15

Lɑ́ ɛ́ lɑɑ ḿbɔ́ pɛ́ pɔɔ lɔk yúu mi ɛ́ fúnɛ nǔu mɛfɑɑnɛ-Adɑm ḿbɛ́ɛ fʉꞋ nǔu ndɛn fuꞋ yi Sɛ́ sɛ́ ŋ́ɡɑp mbɔ̌ pʉɔ pɔ níinɛ pɔ́, mɛfɑɑnɛ-tɑ́Ꞌ ŋu wɛ́mɔ́Ꞌ kɑ ɡɛ nɛvú kúu nǔu pʉɔ tsʉʉ tsʉʉ lɑ́, ntɛ́ yi Sɛ́ kɑ tsɑ́ɑnɛ pʉɔ ŋ́ɡɑ́ fuꞋ níinɛ yɔ́p pɔ́Ꞌɔ, pɛn ŋ́ɡɔ́ɔ ŋ́ɡúꞋ ńdɛɛ ẅîwɑ́ nɛpɔ́ tɛꞋ. FuꞋ yi ɛ́ kɑ fúnɛ nǔu tɑ́Ꞌ ŋu ẅi ɑ Yɛ́su Kɛlístɔ, Sɛ́ lɔk ŋ́ɡɑ́ fuꞋ níinɛ-pʉɔ tɛ ńzɑ́ɑ ɛ́ ɡẅɛɛ ndɛn tɛꞋ.

Pʉɔ-Lɔ́mɑ 5:19

Ndʉ́ŋndʉŋ pɑ́Ꞌ tɑ́Ꞌ ŋumɛsɔŋ kɑ lʉꞋnɛ nɛzúꞋ ntsu-Sɛ́, nɔɔ-lɑ́Ꞌ fú nǔu ńtsʉ́Ꞌ ɡɑŋmɛfɑɑnɛ lɑ́, tɑ́Ꞌ ŋu wɛ́mɔ́Ꞌ kɑ zúꞋ ntsu-Sɛ́, ɛ́fú nǔu nɔɔ-mɛlɑ́Ꞌ mɛlɑ́Ꞌ tsʉ́Ꞌ pʉɔ pi Sɛ́ líŋɛ́nɛ wɔ́p pɔ́p pɔ́ ndʉ́ŋndʉŋ mbi yɛ́.

1 Kɔlɛ̂ŋtɛ 11:25

Pɔ́p jʉ́ yúu tɛ ḿbɔ́tnɛ ńnɑ́ŋ, ɑ pɛn ńtíi ntúꞋ ńcú ŋɡɔ: «NtúꞋ yɔ pɑ́Ꞌɑ ḿbɔ́ kɑɑ fí yi Sɛ́ lɔknɛ mɛci mɑ́ɑ ŋ́ɡwɑt. Pʉʉ tsʉ́Ꞌ ḿbɔ́ ŋ́ɡɛ pɑ́Ꞌɑ, ńdɔk ŋ́kẅíitɛ wɑ́ɑ ŋkɑ́ tsʉʉ yi pʉʉ ɡʉ ŋ́ɡɛ ḿbɔ́ ńnɔ́.»

Ɛ́fɛ̂zɛ 1:7

Mɔ́ɔ nɛ ɛ̂wɑ́ kɑ lɔk mɛci mɛ́ ńdɔk ńtsúꞋ wɛkŋɛ, pɛkŋɛ luk. Sɛ́ likŋɛ mɛfɑɑnɛ mɛkŋɛ ŋ́ɡɑ́ mbɔ̌ pɛkŋɛ. Yɔ nu kɛ́ fʉꞋ yi Sɛ́ kɑ lɔknɛ ŋ́ɡɑ́ fuꞋ fɛ̌ɛ yɛkŋɛ,

Kɔlɔsíyɛ̂ŋ 1:14

Jʉ́ mɔ́ɔ nɛ ɛ̂wɑ́ kɑ ɡɛnɛ Sɛ́ fú tsɛt nu kɛpɔŋ ńtsúꞋ wɛkŋɛ, ńdikŋɛ mɛfɑɑnɛ mɛkŋɛ, ŋ́ɡɑ́ mbɔ̌ pɛkŋɛ.

Kɔlɔsíyɛ̂ŋ 1:20

ḿbɛn ŋ́kɔŋ ŋɡɔ ɑ ɡʉ ɛ́fú pɔ nǔu wɛ́, ɛ́shuŋ mbɑ kʉ̈ɔ́ lɑ́, ḿbɛn tík nɛjɔ́ŋ wɛ́, kɛ ɛ́ pɔ yúu mi ɛ́ ndǔ tsɛ́tsɑ́Ꞌ ɔɔ, kɛ tʉ́nɛ́pú ɔɔ, ɛ́ lɔk pɑ́Ꞌ Mɔ́ɔ nɛ kɑ tswɛtnɛ mɛci mɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́, ḿmik mbuu yi ɛ́ kɑ pɔ́nɛ tsɛtsɛt jʉ́ pɔ́p pʉɔmɛsɔŋ.

Ɛ́bɛlʉʉ 10:29

Tɛ ɛ́ lɑɑ ḿbɔ́ pɔ́Ꞌɔ, mbɔ pʉʉ kwɑŋɛ yʉ́ʉ ŋɡɔ ŋɡʉ̈ɔ́Ꞌ yi ɛ́ sɛ́ ḿbíkŋɛ ŋɡɔ pɛ́ zɑ́p tú ŋu ẅi ɑ lɔknɛ mɔ́ɔ-Sɛ́ ɛ́fúŋ yɑ́ yúu ɡʉ ńdɑ́Ꞌ ḿbɔ́ pɑꞋ? Pɛ́ lɑ́Ꞌ ŋu ẅí ɑ ɡwɑ́knɛ nu mɛci mi Sɛ́ lɔknɛ ŋ́ɡwɑt kɑɑ, ɛ́ pɔ́ mi pɛ́ kɑ lɔknɛ ŋ́ɡɛ ɑ tsʉ́Ꞌ ŋu-Sɛ́, ɑ ŋu ẅi ɑ zɔɔtɛ Zẅikŋɛ Lɛ́ɛnɛ́nɛ yi ɛ́ ɡɛnɛ pɛkŋɛ jí pɑ́Ꞌ tʉ́m Sɛ́ pɔŋnɛ nzʉʉ pɛkŋɛ pɔ́Ꞌɔ.

Ɛ́bɛlʉʉ 13:20

Sɛ́ ẅí mbɔ́tnɛ fúnɛ mbɔ̌ wɛ́, ɑ kɑ ɡɛ Yɛ́su, Tsɑpʉɔ wɛkŋɛ fú lɑ́Ꞌ-pɛpfú ŋ́kɔ́Ꞌ. Jʉ́ Tsɑpʉɔ wɛkŋɛ kɑ lɔk pɑ́Ꞌ ɑ tswɛtnɛ mɛci mɛ́, Sɛ́ lɔk ŋ́ɡwɑt kɑɑ yi ɛ́ kɛ́ lɑ́Ꞌ ḿmɛ pɔ́, ńtsʉ́Ꞌ mbyɛ́p mbí wɛ ɡwɛ́, pɑ́Ꞌ ɑ ɡʉ ḿbyɛ́p njinjɔ yɛ́.

Ɛ́bɛlʉʉ 9:28

ɛ́ ndʉ́ŋndʉŋ pɑ́Ꞌ ɑ kɑ ɡɛ Kɛlístɔ lɔk túmbʉʉ yɛ́, ńnɔŋ pɔꞋ pɔ tɑ́Ꞌ ŋkɑ́, nɛlɔk ńjɛ́p mɛnu kɛpɔŋ pʉɔ tɛ ńzɑ́ɑ. A ɡʉ ŋ́ɡɛ ḿbɛn ńcẅɛt nǔu mbɑ́ɑtɛ yɛ́pɑ́. A pɔɔ pɛn ńtɔ́ ŋkɑ́ yîyɑ́ nɛjɛ́p mɛnu kɛpɔŋ-pʉɔmɛsɔŋ pɔ́. A tɔ́ pɔ́Ꞌɔ, nɛɡɛ pʉɔ pi pɔ́p sɛ́ ńzẅíꞋlɛ wɛ́ luk.

1 Jɑ̂ŋ 2:2

A kɑ zɛɛ ńdɔk tú yɛ́, ńnɔŋ pɔꞋ pɑ́Ꞌ ɛ́ lɑɑ ḿbɔ́ Sɛ́ likŋɛ mɛnu kɛpɔŋ mɛkŋɛ. Pɑ́Ꞌ ɛ́ lɑɑ ḿbɔ́ ɑ pɔɔ likŋɛ pɔ ndɑꞋ mɛkŋɛ pɔ́, pɑ́Ꞌ mbɔ ɑ pɛn ńdikŋɛ mɛ́ pʉɔmɛsɔŋ tsʉʉ ndǔmbí.

Mɛnu ɛ́ ńdɑ́Ꞌ ńcẅɛt 7:14

N tsɔ́Ꞌ ŋɡɔ, Ndɛ, ɡu jínɛ. A cú ŋɡɔ pɔ́p pʉɔ pi pɔ́p fúnɛ tsɛt mɑ́mɑ́ ŋɡʉ̈ɔ́Ꞌ yɑ́. Pɔ́p kɑ lɔk mɛci-mɔ́ɔ-Njinjɔ, ɛ́suk mɛndẅí mɔ́p tɛ ɛ́ lɛ́ɛnɛ, ńtsʉ́Ꞌ fúfú.

Mɛnu ɛ́ ńdɑ́Ꞌ ńcẅɛt 7:9

N jʉ́ɔ mɔ mɛyúu tɛ ḿbɔ́tnɛ ńnɑ́ŋ, m bɛn ńjʉ́ɔ nɔɔ-lɑ́Ꞌ yi mbɔ ŋu pɔɔ sɑ́ŋ tɛ ńjí ndɛn pɔ́. Mbɔ pʉɔ fú nǔu mɛŋɡɔŋ tsʉʉ, ɛ́fú nǔu mɛnjẅɛt mɛnjẅɛt, ḿbɔ́ mɛntɛ́ mɛntɛ́, ɛ́sẅíŋɛ mɛsẅíŋɛ ntɛ́ ntɛ́ mi ɛ́ ndǔ tsɛ́tsɑ́Ꞌ. Pɔ́p kɑ tʉ́ʉ mbi kɔꞋ-nɛfɔɔ, mbɑ mbi Mɔ́ɔ-Njinjɔ, ḿmɑꞋ mɛfúfú ndẅí, ŋ́ɡẅɛɛ mɛzɑ́ŋ-nɛtʉ́ɔ,