Mɑtʉ̈ɔ 24:6 - Kɑɑ Fí

⁶ Pʉʉ ɡʉ ńdɑ́Ꞌ zúꞋu pɛ́ pɔ́ ńcú nu nǔu mɛntsɔ mi ɛ́ cẅɛtnɛ nǔu wʉ́ʉ shʉ́ kɛ ŋɡɑ sɛsɑ ɔɔ, lɑ́ kɔɔ pʉʉ kɛ́ ńdɑ́Ꞌ ńcʉ̈ɔꞋ. Ɛ́ sɛ́ ḿbíkŋɛ ŋɡɔ yîyɑ́ yúu piitɛ ńdɛɛtɛ, lɑ́ ɛ́ pɔɔ ɡɔ́ɔ ńdɔk ḿbɔ́ ŋɡɔ píi mbí mɛ pɔ́.

Mɑtʉ̈ɔ 24:6 ပူးပေါင်းရင်းမြစ်များ

Mɑtʉ̈ɔ 2:3

Pɔ́p pɔ́ ŋ́kɑ́t ḿbíkŋɛ pɔ́Ꞌɔ, nu ɛ̂yɑ́ vu mɛtúutɛ́ fɔɔ Ɛlɔ̂dɛ, ḿbuu ńtsuꞋ tú yɛ́, tsuꞋ tú-pʉɔ tsʉʉ tsɛt tʉsɔ́ŋ-Yɛlúsɑlɛm.

Mɑtʉ̈ɔ 24:14

Ɛ́ píkŋɛ ŋɡɔ Pɛ́ lɑ́Ꞌ ńcẅi wɔ Ŋkʉʉ sʉ́Ꞌnɛ-nu-nɛfɔɔ-Sɛ́ mbɑ ɡɔ́ lɑ́ ndǔ tsɛ́tsɑ́Ꞌ, nɛpɔ́ yi mɛlɑ́Ꞌ mɛlɑ́Ꞌ tsʉʉ ɡʉ ńzúꞋ, lɑ píi mbí ɡɔ́ɔ ŋ́kɛ́ ḿmɛ.

Mɑtʉ̈ɔ 26:54

N dɑɑ ŋ́kɛ́ ŋ́ɡɛ pɔ́Ꞌɔ, yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-Sɛ́ ɡɛ pɑ́Ꞌɑ lɑ ḿbuutɛ? Pɛ́ kɑ ŋwɑꞋnɛ tsɛtú ŋɡɔ: Mɛnu ɡʉ ńdɑ́Ꞌ ńdɛɛtɛ pɔ pɑ́Ꞌ ɛ́ lɛɛtɛ́nɛ ŋkɔ̂ɔnɛ lɑɑ.

Lúkɑ́shi 21:19

Pʉʉ ńdɑ́Ꞌ ńdɔk nɛsʉk wʉ́ʉ ŋ́ɡẅɛɛ luk kɛ́mɛ.

Lúkɑ́shi 21:9

Pʉʉ lɑɑ ḿbɔ́ tɛ ńzúꞋ pɛ́ pɔ́ ńcú nu nǔu mɛntsɔ mi ɛ́ cẅɛtnɛ, kɛ pɔ nǔu pɑ́klɛ yi ɛ́ shɔtnɛnɛ ḿvu tsɛt mɛlɑ́Ꞌ ɔ́ɔ, kɔɔ pʉʉ pɔ́k. Ɛ́ sɛ́ ḿbíkŋɛ ŋɡɔ yîyɑ́ yúu piitɛ ńdɛɛ, lɑ́ ɛ́ lɔk ḿbɔɔ nyɛt pɔ ŋɡɔ njí ɡɔ́ɔ ḿmɛ pɔ́.»

Lúkɑ́shi 22:37

N cú pɑꞋnɛ, nu yí pɛ́ kɑ ŋwɑꞋnɛnɛ ntɛ́ wɑ́ɑ sɛ́ ŋ́ɡʉ ḿbuutɛ. Pɛ́ kɑ ŋwɑꞋnɛ tsɛt ŋwɑꞋnɛ ŋɡɔ: «Pɛ́ ɡʉ ńdɑ́Ꞌ ɛ́sɑ́ŋ wɛ́ tsɛtsɛt pɛfút. Mbɑ kʉ̈ɔ́ lɑ́ kɛ ḿbɔ́ pɑꞋnɛ ńzɛ zɛnɛ nɛpuutɛ.»

Jɑ̂ŋ 14:1

Yɛ́su pɛn ńcú mbɔ̌ ɡɑŋku pɛ́ ŋɡɔ: «Kɔɔ tʉ́m yʉ́ʉ pɛn ḿbɑ́klɛ. Pʉʉ zɑ́p tʉ́m yʉ́ʉ nǔu Sɛ́, ḿbɛn ńzɑ́p tʉ́m yʉ́ʉ nǔu mɔ.

Jɑ̂ŋ 14:27

«Kɔɔ pʉʉ tsʉꞋ nzʉʉ tʉ́m yʉ́ʉ pɛn ḿvukŋɛ, kɔɔ pʉʉ cʉɔꞌ. Ŋ ɡʉ ńníꞋ mbɔ́tnɛ tsɛt tʉ́m yʉ́ʉ, ɛ́ pɔ́ mbɔ́tnɛ yi ɛ́ fúnɛ nǔu mɔ, ɛ́ kɑ́ pɔ́ yi pɛ́ lɔɔnɛ ndǔ yɔ mbí pɔ́.»

2 Tɛsɑlɔník 2:2

«Kɔɔ pʉʉ zúꞋ pɑ́Ꞌ pɛcɔ́ pʉɔ sɛ́ ńcú ŋɡɔ lɛ́Ꞌlɑ́Ꞌ-Tsɑpʉɔ tɔ́, ḿvukŋɛ vukŋɛ́nɛ. Kɔɔ pʉʉ pɔ́k. Tɛ mbɑ pɑ́Ꞌ ŋu ẅí ɑ nɑŋnɛ ńcẅi Ŋkʉʉ ẅí ɛ́ fúnɛ mbɔ̌ Sɛ́ lɑɑnɛ ńcú, tɛ ńzɛɛ ḿbɔ́ yi pʉʉ zúꞋ pɔ mbɔ̌ ŋu ẅi ɑ sɛ́ ɛ́sẅíi nu-Sɛ́, kɛ pɛ́ zɛɛ ɛ́sẅíi wʉ́ʉ pɔ ŋɡɔ pɛk ŋwɑꞋnɛnɛ pɔ́Ꞌɔ ɔɔ, kɔɔ pʉʉ pɛ́m.»

Mɛnu ɛ́ ńdɑ́Ꞌ ńcẅɛt 6:4

Wɛcɔ́ tɑ́Ꞌ lʉ́ɔ ɡɔ́ɔ ńcẅɛt, ḿbɑŋ pɑ́Ꞌ múk lɑ́. Pɛ́ ɡɑ́ mɛtʉʉ mbɔ̌ ŋu ẅí ɑ kɑ nɑ́ŋnɛ ndǔ ŋɡɔ ɑ ɡʉ ḿmɑꞋ tɑ́kŋɛ ndǔ tsɛ́tsɑ́Ꞌ, ńjí ŋɡɔ pʉɔmɛsɔŋ ɡʉ ɛ́shɔtnɛ sɔptɛ mɛmbʉʉ mɔ́p ḿpfútɛ, ŋ́ɡɛ pɔ́Ꞌɔ, ŋ́ɡɑ́ mɑ́mɑ́ níi-ntsɔ mbɔ̌ wɛ́.