30 Lii-Mɔ́ɔ-Ŋu ɡɔ́ɔ ŋ́kɛ́ ńcẅɛt nɛpú. Mɛŋɡɔŋ mɛŋɡɔŋ mí ɛ́ ndǔ tsɛ́tsɑ́Ꞌ kʉ́ɔꞋ nɛvú ńdɑɑ, pɛ́ ɡɔ́ɔ ŋ́kɛ́ ńjʉ́ɔ Mɔ́ɔ-Ŋu pɔ́ tsɛt lɑ́ɑ tʉ́ nɛpú ḿbɔ́ ńtɔ́, ŋ́ɡẅɛɛ nɛŋwɑ́ŋɛ mbɑ mɑ́mɑ́ mɛtʉʉ,
Yɛ́su ɡʉ tɛ ńnɑ́ŋ ndǔ nɛŋkɔ́Ꞌ-mɛtʉ́-mɛɡwɛ́t-ɔliivɛ, ɡɑŋku pɛ́ fɑk mbʉʉ yɔp ńtɔ́ ḿbíkŋɛ wɛ́ ŋɡɔ: «Sẅíi wɛ́k nɛ́ ŋkɑ́ yi yɔ nu ɡʉ ńdɑ́Ꞌ ŋ́ɡɛ. Sẅíi wɛ́k nɛ́ lii yi pɛ́ ɡʉ ńdɑ́Ꞌ ńdɔk ńjí ŋɡɔ ɔ sɛ́ ńtɔ́, mbɑ yi ɛ́ ɡʉ ŋ́ɡɛ pɛ́ jí ŋɡɔ lɛ́Ꞌ yi píi mbí ɡʉ ḿmɛ kuꞋ.»
Mɔ́ɔ-Ŋu ɡʉ ńdɑ́Ꞌ ŋ́ɡɔ ńtɔ́, mɛnu mí ɛ́ kɑ ɡɛnɛ ŋkɑ́ Nɔwɛ pɛn ŋ́ɡɛ.
lɑ́Ꞌ zɛɛ ḿbɔɔ ḿbɔ́ ḿmʉk yɛcɔ́ nu pɔ́, tɛ ŋki ɡɛ ŋ́kɔ́Ꞌ, ḿbuu ḿbík wɔ́p pɛtsʉʉ. Mɔ́ɔ-Ŋu ɡʉ ńdɑ́Ꞌ ŋ́ɡɔ ńtɔ́ ɛ́ pɛn ḿbɔ́ pɔ pɔ́Ꞌɔ.
Yɛ́su tsɔ́Ꞌ mbɔ̌ wɛ́ ŋɡɔ: Ɔ cú, lɑ́ ŋ kɛ́ niitɛ ɛ́sẅíi wʉ́ʉ, tɛ ɛ́fú ŋkɔ̂ɔnɛ, pʉʉ ɡʉ ŋ́ɡɛ ńjʉ́ɔ Mɔ́ɔ-Ŋu nɑ́ŋ nǔu ɡúŋ-pɔ́ tʉʉ-Ŋɡɑŋ-mɛtʉʉ tsʉʉ, ḿbɛn ńjʉ́ɔ ɑ pɔ́ ɛ́fú tsɛt lɑ́ɑ tʉ́nɛ́pú ńtɔ́.»
Pɛ́ ɡɔ́ɔ ŋ́kɛ́ ńjʉ́ɔ Mɔ́ɔ-Ŋu pɔ́ tsɛt lɑ́ɑ, ḿbɔ́ ńtɔ́, ŋ́ɡẅɛɛ nɛŋwɑ́ŋɛ mbɑ mɑ́mɑ́ mɛtʉʉ.
«Sẅíi wɛ́k ŋkɑ́ yi yɔ nu ɡʉ ńdɑ́Ꞌ ŋ́ɡɛ. Sẅíi wɛ́k nɛ́ lii yi pɛ́ ɡʉ ńdɔk ńjí ŋɡɔ ŋkɑ́ kuꞋ?»
Pɛ́ kɛ́ ŋ́ɡɔ́ɔ ńjʉ́ɔ Mɔ́ɔ-Ŋu pɔ́ tsɛt lɑ́ɑ ḿbɔ́ ńtɔ́, ŋ́ɡẅɛɛ Nɛŋwɑ́ŋɛ mbɑ mɑ́mɑ́ mɛtʉʉ.
Tɛ mbɑ pɔ́Ꞌɔ, ɛ́ ŋkɔ̂ɔnɛ pɑꞋɑ, mbɔ ɛ́ kɛ ŋ́ɡɔ́ɔ ŋ́kuꞋ pɑꞋ Sɛ́ ŋɡɑŋmɛtʉʉ tsʉʉ ɡʉ ńníꞋ Mɔ́ɔ-Ŋu nǔu ɡúŋ-pɔ́ yɛ yi tʉʉ.»
ńcú mbɔ̌ pɔ́p ŋɡɔ: «Pɑŋɡɑlíliyɑ, pʉʉ tʉ́ʉ ńdíŋɛ tʉ́nɛ́pú mɛlɑ́Ꞌ kʉ̈ɔ́? Yɛ́su pʉ́ɔlɑ́, mbɔ Sɛ́ fú mbɔ̌ pʉʉ ɛ́sɑ́Ꞌ wɛ́ ńdɔk ŋ́ɡʉ nɛ́ tʉ́nɛ́pú, ɑ ɡʉ ŋ́ɡɛ ḿbɛn ḿbɛn nzʉʉ pɔ nǔu ntɛ́ yi pʉʉ jʉ́ɔnɛ ɑ lɔk ŋ́ɡʉ lɑ́.»
ŋ́ɡɑ́ mɔ́fíitɛ mbɔ̌ pʉʉ pi pʉʉ sɛ́ ńjʉ́ɔ ŋɡʉ̈ɔ́Ꞌ ŋkɔ̂ɔnɛ lɑɑ, ḿbɛn ŋ́ɡɑ́ mbɑ mbɔ̌ pɛk ɡúu. Mɔnɛ mɛnu ɡʉ ńdɑ́Ꞌ ńdɛɛtɛ ŋkɑ́ yi Tsɑpʉɔ wɛkŋɛ Yɛ́su Kɛlístɔ ɡʉ ńdɑ́Ꞌ ɛ́fú tʉ́nɛ́pú ńcẅɛt, ńnyɛt mbʉʉ yɛ. Pɔ́p pɛcʉ̈ɔ́Ꞌ pɛ́ pi pɔ́p ɡẅɛɛnɛ mɛtʉʉ tɛꞋ pɔ́nɛ.
Pʉʉ kɛ́ ńjí ŋɡɔ ɑ sɛ́ ńtɔ́. A ɡʉ ńdɑ́Ꞌ ńtɔ́ pɔ tsɛt mɛlɑ́ɑ. Mbɑ wɔ̌ lɑ́ ɡʉ ńdɑ́Ꞌ ńzɑ́p lík nǔu wɛ́, tɛ mbɑ pʉɔ pi pɔ́p kɑ sɔpnɛ ɡúŋ ŋɡíi yɛ́. Pʉɔ ŋɡɔŋ nɛ́ ŋɡɔŋ ndǔ tsɛ́tsɑ́Ꞌ ɡʉ ńdɑ́Ꞌ ńzẅík ŋɡɔ́ɔ, ŋ́kʉ́ɔꞋ nɛvú ntɛ́ wɛ́. Ɔ́ɔŋ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ, tɛ yúu pɔɔ nǔu kúpmɛ. Ɛ́ pɔ́ꞌɔ.
Yɛcɔ́ ŋkʉꞋnɛ yúu cẅɛt nɛfɑŋ ḿbɔ́ wɛcɔ́ mɑŋɡɛ́, ɑ mɑꞋ yɛ́ ndẅí, ɛ́ pɔ́ pɔ lík-nɛm, ńtík mɛku mɛ́ nǔu sɑŋ, ńtɔꞋ cɔꞋ-nɛfɔɔ, pɛcʉ̈ɔ́Ꞌ-sɑŋ pɔ́ yúu ntsɔ̌ppɑ́ nɛ́ nɛɡɛ́m.