Mɑtʉ̈ɔ 24:24 - Kɑɑ Fí

²⁴ mbíꞋŋɡɔ pɛnzɑ́Ꞌŋkʉ pɛ́ cɔtnu, pɔ́p pɛŋɡɛ́mndʉ̈ɔ́Ꞌ-Sɛ́ pɛ́ cɔtnu ɡʉ ńdɑ́Ꞌ ńcẅɛt, ńnyɛt mɛmɑ́ mɛlii, ŋ́ɡɛ mɛŋkʉꞋnɛ mɛnu nɛlɔk fu pʉɔ tɛ ńzɑ́ɑ, tɛ ḿbɔ́ yi pɔ́p ḿbɔ́ pɛ́Ꞌnɛ ŋ́kuꞋ, mbɔ ɛ́ lɑɑ ḿbɔ́ pɔ́p fu mbɑ pʉɔ pínɛ Sɛ́ kɑ tsɔ́Ꞌnɛ.»

Mɑtʉ̈ɔ 24:24 ပူးပေါင်းရင်းမြစ်များ

Mɑtʉ̈ɔ 22:14

Yɛ́su mɛkŋɛ ŋɡɔ: «Ɛ́ pɔ́Ꞌɔ, mbíꞋŋɡɔ Sɛ́ sɛ́ ɛ́fúŋ pʉɔ tɛ ńzɑ́ɑ lɑ́ pɑɡʉ tɛ ŋ́kúu pɔɔ zɑ́ɑ.»

Mɑtʉ̈ɔ 24:11

Pɛŋɡɛ́mndʉ̈ɔ́Ꞌ-Sɛ́ pɛ́ cɔtnu cẅɛt tɛ ńzɑ́ɑ, ɛ́fúklɛ nɛzɑ́ɑ pʉɔ.

Mɑtʉ̈ɔ 24:22

Lɑ́ ḿbɔ́ yi Sɛ́ ŋkɑɑ pɔ́ pɛ́Ꞌnɛ, ńzɛɛ mbɔɔ jʉ́ɔ ŋɡɔ ɑ ɡʉ ńcẅɛɛtɛ mîmɑ́ mɛlɛ́Ꞌ pɔ́, mbɔ ɛ́ lɑɑ ḿbɔ́ sɑ̌ɑ ŋu lɑ́Ꞌ ḿbɔɔ luk. Lɑ́ ɑ kɑ lɔk nu-pʉɔ pínɛ ɑ kɑ tsɔ́Ꞌnɛ, lɑ ńcẅɛɛtɛ mɛlɛ́Ꞌlɑ́Ꞌ ɛ̂mɑ́.

Mɑtʉ̈ɔ 24:25

Ɛ́ pʉ̈ɔ́lɑɑ, mbɔ ŋ kɛ́ ńzɑ́Ꞌ njí ɛ́sẅíi wʉ́ʉ.

Mɑtʉ̈ɔ 24:31

ńtúu pɛcʉ̈ɔ́Ꞌ pɛ́, ŋkɑ́ yi pɛ́ tɔ́ŋnɛ mɑ́mɑ́ ntɑŋ-nɛsɔŋ-shʉ́ɔ, ńdɔk ńcúꞋlɛ pʉɔ pɛ́ pi ɑ kɑ tsɔ́Ꞌnɛ ndǔ mbí mɛsɑ́k mɛ́nɛ́kwɑ, pɔ́p fú mɛshʉ́ mɛshʉ́ ńtɔ́.

Mɑtʉ̈ɔ 24:5

MbíꞋŋɡɔ pʉɔ tɛ ńzɑ́ɑ ɡʉ ŋ́ɡɛ tík lík yɑ́ɑ mbi, mbɑ wɔ̌ lɑ́ nǔu pɔ́p pɔ́ cú ŋɡɔ: «A Nzɑ́Ꞌŋkʉ, ńcú pɔ́Ꞌɔ ńdɔk fu pʉɔ tɛ ńzɑ́ɑ.»

Mɑtʉ̈ɔ 7:15

Pʉʉ lɑk tú yʉ́ʉ nǔu pʉɔ pí pɔ́p cɔtnɛ nu ŋɡɔ pɔ́p pɛŋɡɛ́mndʉ̈ɔ́Ꞌ-Sɛ́. Pɔ́p júk ńtɔ́ nɛjɔ́ŋ pʉʉ ŋɡɔ pɔ́p mɛnjinjɔ, lɑ́ kwɑŋɛ yɔ́p pɔ́ pɔ yɛ́ mɛnɑɑŋɡwɛ.

Mɑ́lɛ́kúshi 13:22

Mbíꞌŋɡɔ ɡɑŋ-cɔtnu ɡʉ ŋ́ɡɛ ńcẅɛt, pɛcɔ́ cú ŋɡɔ: «Mɔ nzɑ́Ꞌŋkʉ Sɛ́ kɑ kɑꞋnɛ, pɛcɔ́ pɔ́ ŋɡɔ pɔ́p pɛŋɡɛ́mndʉ̈ɔꞋ-Sɛ́, ńnyɛt mɛlii, ŋ́ɡɛ mɛŋkʉꞋnɛ mɛnu nɛlɔk ḿbʉ́ʉpɛ tú-pʉɔ, tɛ ḿbɔ́ mbɔ pɔ́p lɔk ḿbʉ́ʉpɛ mbɑ yɛ pʉɔ pi Sɛ́ kɑ tsɔ́Ꞌnɛ.

Lúkɑ́shi 18:7

Tɛ ŋkɑ́ yɛ́sʉ́Ꞌ nǔu Sɛ́? A ɡʉ ŋ́ɡɛ pɑ́Ꞌ lɑ́ ḿbɔɔ fɛ́Ꞌnɛ ńtɔ́ ńcẅɛ́lɛ́ pʉɔ pinɛ ɑ kɑ tsɔ́Ꞌnɛ wɔ́p ńdɔk ŋ́ɡɛ pɛ́ pɔ? Lɑ́ pɔ́p pɔ́ ŋ́kíi ɛ́fúŋ wɛ́ nɛnɛm pɔ́p nɛtúꞋ?

Jɑ̂ŋ 4:48

Yɛ́su cú mbɔ̌ wɛ́ ŋɡɔ: «Pʉʉ lɑɑ mbɔɔ jʉ́ɔ mɛnu mɑ̌ɑmɑɑnɛ mi ɛ́ nyɛtnɛ mɛtʉʉ-Sɛ́ pɔ́, pɔ́p mɛŋkʉꞋnɛ nu pɔ́, pʉʉ pɔɔ lɑ́Ꞌ ńzɑ́p tʉ́m nǔu mɔ pɔ́!»

Jɑ̂ŋ 6:37

Mbɑ wɔ̌ lɑ́ ẅi Tɑ̌ɑ mɔ ɡɑ́nɛ mbɔ̌ mɔ, ɑ ɡʉ ńtɔ́ ńtsɛ́t wɑ́ɑ. M bɛn ŋ́kɛ́ mbɔɔ lɑ́Ꞌ yɛcɔ́ lɛ́Ꞌ ńcẅɛɛtɛ ŋu ẅí ɑ tɔ́nɛ ńtsɛ́t wɑ́ɑ, ŋ́ɡɑ́ píi pɔ́.

Jɑ̂ŋ 6:39

Yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ, ɛ́ pɔ́ pɔ ŋɡɔ kɔɔ mɔ nɑ́ tɛ wɛcɔ́ tɑ́Ꞌ nǔu pʉɔ pí ɑ kɑ ɡɑ́nɛ mbɔ̌ mɔ pɛ́. Ndẅiknzʉʉ lɛ́Ꞌlɑ́Ꞌ ńdɑ́Ꞌ ḿbɔ́, n zẅíimɛ wɔ́p nǔu nɛvú.

ŊwɑꞋnɛ-Gɑŋntúu Yɛ́su Kɛlístɔ 20:16

Pɛk kɑ ɡɔ́ ńnɛn yɔ ntɛ́, tɛ ńdɛɛ mbʉʉ-tʉ́sɔŋ-Ɛ́fɛ̂zɛ lɛɛnɛ, ɛ́ pɔ́ ŋɡɔ Pɔ̂l kɑ zɑ́p ŋɡɔ ɑ kɛ́ ɡɛ ńjúk ńdɑ́ɑtɛ tsɛt pɑk-ŋɡɔŋ-Azîi pɔ́, ḿbɔ́ ŋ́ɡwɛtnɛ ńtsɑ́ɑ nɛpɔ́ Yɛlúsɑlɛm lɛ́Ꞌ-Pɑŋntɛkɔ̂t pɑ́Ꞌ ɑ lɑɑ ŋ́kuꞋ.

Pʉɔ-Lɔ́mɑ 12:18

Mbɑ yɛ́tɛ́ nu lɑ́ lɑɑ ḿbɔ́ sɛ́, tɛ shʉ́ pɔ́ mbɔ̌ ɡu, ɔ ɡɛ pɔ pɑ́Ꞌ pʉʉ pɛ́ pʉɔ tsʉʉ ɡʉ ńnɑ́ŋ nɛ́ mbɔ́tnɛ.

Ŋɡɑlɑ̂t 4:15

Tsɑ́ɑtɛ yi ɛ́ kɑ pɔ́nɛ tʉ́m pʉʉ, lɛɛ nɛɡɔ́? Ŋ kuꞋ nɛcú ŋɡɔ ɛ́ kɑ pɔ́ pɛ́Ꞌnɛ ḿbɔ́ yi ḿbɔ́ pʉʉ tsɔ́Ꞌ mík mʉ́ʉ ńdɔk ŋ́kúpmɛ mɑ́ɑ, mbɔ pʉʉ tsɔ́Ꞌ ńdɔk ŋ́kúpmɛ ŋkɔ̂ɔnɛ.

2 Timɔtɛ́ɛ 2:19

Tɛ mbɑ pɔ́Ꞌɔ, cʉ́ndɑ́ yi Sɛ́ kɑ nɔŋnɛ pɛ́t ńtɛn tɛnnɛ. Pɛ́ kɑ ŋwɑꞋnɛ ndǔ ŋɡɔ: «Tsɑpʉɔ sɛ́ ńjí pʉɔ pɛ́, ḿbɛn ŋ́ŋwɑꞋnɛ ŋɡɔ: Ŋu lɑɑ ŋɡɔ ɑ ŋu-Tsɑpʉɔ, ɑ kʉɔ nu kɛpɔŋ.»

1 Pyɛ̂ 1:5

ɛ́ yúu yʉ́ʉ, pʉʉ pʉɔ pi Sɛ́ sɛ́ ńdɔk mɛtʉʉ mɛ́ ḿbyɛ́p wʉ́ʉ, ɛ́ pɔ́ pɑ́Ꞌ pʉʉ sɛ́ ńzɑ́p tʉ́m nǔu wɛ́. Jʉ́ pyɛ́pnɛ wʉ́ʉ pɑ́Ꞌ pʉʉ ɡʉ ŋ́ɡɛ ŋ́ɡẅɛɛ luk yi ɛ́ ɡʉ ńdɑ́Ꞌ ndẅiknzʉʉ lɛ́Ꞌ ŋ́ɡɛ pɛ́ jʉ́ɔ.

2 Pyɛ̂ 3:17

Pɛsúu pɑ́ɑ pɛ́ tʉʉndɛn, ɛ́ ɡʉ nǔu pʉʉ, mbɔ mɔ ńzɑ́Ꞌ njí ɛ́sẅíi wʉ́ʉ. Pʉʉ kɛ́ ńdɑk tú yʉ́ʉ, ḿbɔ́k pɑkɛ́kɔ́sʉ́ʉ nɛfúklɛ wʉ́ʉ pʉʉ fɑɑnɛ sɛ̂ndúŋ, ńzɛ nɛmʉ́Ꞌlɛ nǔu yúu mi tʉ́m yʉ́ʉ kɑ zɛɛnɛ ńtʉ́ʉ nǔu tɛ ńtʉ́ʉ.

1 Jɑ̂ŋ 2:18

Mbɔ́ŋkʉ̈ɔ́ pɑ́ɑ, ndẅiknzʉʉ ŋkɑ́ sɛ́ ŋ́kuꞋ. Pʉʉ kɑ zúꞋ pɛ́ cú ŋɡɔ, ŋɡɑŋmbuu-Kɛlístɔ ɡʉ ńdɑ́Ꞌ ńtɔ́. Ɛ́ ŋkɔ̂ɔnɛ, mbɔ ɡɑŋmbuu-Kɛlístɔ tɔ́ tɛ ńzɑ́ɑ zɑ́ɑnɛ. Ɛ́ yúu mi ɛ́ ɡɛnɛ pɛkŋɛ jí ŋɡɔ ndẅiknzʉʉ ŋkɑ́ sɛ́ ŋ́kuꞋ.

1 Jɑ̂ŋ 2:22

Ŋɡɑŋ cɔtnu wɔ̌? A kɑ́ pɔ́ pɔ ŋu ẅí ɑ cúnɛ ŋɡɔ Yɛ́su kɑ́ pɔ́ Nzɑ́Ꞌŋkʉ pɔ́ pɔɔ? A ŋɡɑŋmbuu-Kɛlístɔ, ḿbɔ́ ŋu ẅí ɑ ɡɔ́ ńdʉꞋnɛ nu-Tɑ̌ɑ, ńdʉꞋ mbɑ nu-Mɔ́ɔ.

1 Jɑ̂ŋ 5:18

Pɛkŋɛ sɛ́ ńjí ŋɡɔ ŋu pɔ́ tɛ ńtsʉ́Ꞌ mɔ́ɔ-Sɛ́, mbɔɔ pɛn ńnɑ́ŋ ɛ́fɑɑnɛ nu fɑɑnɛ́nɛ pɔ́, mbíꞋŋɡɔ mɔ́ɔ-Sɛ́ sɛ́ ńtík wɛ́, ŋu kɛpɔŋ pɔɔ ɡẅɛɛ shʉ́ nɛzɑ́p pɔ́ nǔu wɛ́ pɔ́.

Mɛnu ɛ́ ńdɑ́Ꞌ ńcẅɛt 19:20

Pɛ́ jʉ́ɔ ŋkʉꞋnɛ nɑɑ ɛ̂wɑ́, ŋ́ɡẅɛɛ wɛ́, ḿbɛn ŋ́ɡẅɛɛ mbɑ ŋɡɛ́mndʉ̈ɔ́Ꞌ-Sɛ́ wɛ cɔtnu ẅi, ɑ kɑ tʉ́ʉnɛ mbi yɛ́, ŋ́ɡɛ mɛnu mɑ̌ɑmɑɑnɛ ńdɔk ɛ́fúklɛ pʉɔ pi pɔ́p kɑ pɛ́m pɛ́ cʉɔꞌ lii ŋkʉꞋnɛ nɑɑ ɛ̂wɑ́ nǔu pɔ́p, pɔ́p pɛn ŋ́ɡúꞋlɛ tɛ́tɔ́k-nɑɑ ɛ̂wɑ́ lɑ́. Pɛ́ ɡẅɛɛ wɔ́p pɔ́Ꞌɔ, ńjɛ́Ꞌ wɔ́p pɛ́pɑ́ pɔ ntʉʉ, ḿmɑꞋ tsɛt ɡʉ́ɔ-ntʉʉ múk.