Mɑtʉ̈ɔ 24:22 - Kɑɑ Fí

²² Lɑ́ ḿbɔ́ yi Sɛ́ ŋkɑɑ pɔ́ pɛ́Ꞌnɛ, ńzɛɛ mbɔɔ jʉ́ɔ ŋɡɔ ɑ ɡʉ ńcẅɛɛtɛ mîmɑ́ mɛlɛ́Ꞌ pɔ́, mbɔ ɛ́ lɑɑ ḿbɔ́ sɑ̌ɑ ŋu lɑ́Ꞌ ḿbɔɔ luk. Lɑ́ ɑ kɑ lɔk nu-pʉɔ pínɛ ɑ kɑ tsɔ́Ꞌnɛ, lɑ ńcẅɛɛtɛ mɛlɛ́Ꞌlɑ́Ꞌ ɛ̂mɑ́.

Mɑtʉ̈ɔ 24:22 ပူးပေါင်းရင်းမြစ်များ

Mɑtʉ̈ɔ 22:14

Yɛ́su mɛkŋɛ ŋɡɔ: «Ɛ́ pɔ́Ꞌɔ, mbíꞋŋɡɔ Sɛ́ sɛ́ ɛ́fúŋ pʉɔ tɛ ńzɑ́ɑ lɑ́ pɑɡʉ tɛ ŋ́kúu pɔɔ zɑ́ɑ.»

Mɑtʉ̈ɔ 24:24

mbíꞋŋɡɔ pɛnzɑ́Ꞌŋkʉ pɛ́ cɔtnu, pɔ́p pɛŋɡɛ́mndʉ̈ɔ́Ꞌ-Sɛ́ pɛ́ cɔtnu ɡʉ ńdɑ́Ꞌ ńcẅɛt, ńnyɛt mɛmɑ́ mɛlii, ŋ́ɡɛ mɛŋkʉꞋnɛ mɛnu nɛlɔk fu pʉɔ tɛ ńzɑ́ɑ, tɛ ḿbɔ́ yi pɔ́p ḿbɔ́ pɛ́Ꞌnɛ ŋ́kuꞋ, mbɔ ɛ́ lɑɑ ḿbɔ́ pɔ́p fu mbɑ pʉɔ pínɛ Sɛ́ kɑ tsɔ́Ꞌnɛ.»

Mɑtʉ̈ɔ 24:31

ńtúu pɛcʉ̈ɔ́Ꞌ pɛ́, ŋkɑ́ yi pɛ́ tɔ́ŋnɛ mɑ́mɑ́ ntɑŋ-nɛsɔŋ-shʉ́ɔ, ńdɔk ńcúꞋlɛ pʉɔ pɛ́ pi ɑ kɑ tsɔ́Ꞌnɛ ndǔ mbí mɛsɑ́k mɛ́nɛ́kwɑ, pɔ́p fú mɛshʉ́ mɛshʉ́ ńtɔ́.

Mɑ́lɛ́kúshi 13:20

Lɑ́ ḿbɔ́ yi Tsɑpʉɔ-Sɛ́ ŋkɑɑ pɔ́ pɛꞋnɛ ńzɛɛ ḿbɔɔ jʉ́ɔ ŋɡɔ ɑ ɡʉ ńcẅɛɛtɛ mîmɑ́ mɛlɛ́Ꞌ pɔ́, mbɔ ɛ́ ńdɑɑ ḿbɔ́ wɛcɔ́ ŋu lɑ́Ꞌ mbɔɔ luk. Lɑ́ ɑ kɑ lɔk nu-pʉɔ pi ɑ kɑ tsɔ́Ꞌnɛ wɔ́p ńdɔk ŋ́ɡɛ pʉɔ pɛ́, lɑ ńcẅɛɛtɛ mɛlɛ́Ꞌ ɛ̂mɑ́.

Lúkɑ́shi 18:7

Tɛ ŋkɑ́ yɛ́sʉ́Ꞌ nǔu Sɛ́? A ɡʉ ŋ́ɡɛ pɑ́Ꞌ lɑ́ ḿbɔɔ fɛ́Ꞌnɛ ńtɔ́ ńcẅɛ́lɛ́ pʉɔ pinɛ ɑ kɑ tsɔ́Ꞌnɛ wɔ́p ńdɔk ŋ́ɡɛ pɛ́ pɔ? Lɑ́ pɔ́p pɔ́ ŋ́kíi ɛ́fúŋ wɛ́ nɛnɛm pɔ́p nɛtúꞋ?

Pʉɔ-Lɔ́mɑ 9:11

Sɛ́ kɑ cú mbɔ̌ Lɛbɛ́kɑ ŋɡɔ, nduŋmbi mɔ́ɔ ɡʉ ŋ́ɡɛ ɛ́fɑꞋ mbɔ̌ wɛ nzʉʉ. Sɛ́ kɑ pɔ́ ńcú pɑ́Ꞌnɛ, mɑ́ wɔ́p pɛ́t pɔ́ shǔutɛ nǔu pɔ́p, mbɔ ɑ ŋ́kɑɑ pí wɔ́p lɑ pɔ́p jí nu sʉ́Ꞌnɛ kɛ yi kɛpɔŋ ɔɔ. Sɛ́ kɑ ɡɛ pɑ́Ꞌnɛ nɛlɔk ńnyɛt ŋɡɔ ɑ nɑ́ŋ ḿbɔ́ ŋ́ɡɛ pɔ yúu mi jʉ́ Sɛ́ sɛ́ ŋ́kɔŋ. A pɔ́ ŋ́ɡʉ tsɛtsɛt pʉɔ ńtsɔ́Ꞌ ŋu wɛ, mbɔɔ ɛ́fú pɔ́ nǔu nu sʉ́Ꞌnɛ yi ŋɡɑŋ ɡɛnɛ pɔ́.

2 Timɔtɛ́ɛ 2:10

Ɛ́ yúu mi ɛ́ ɡɛnɛ m bɔ́ ńjʉ́ɔ ŋɡʉ̈ɔ́Ꞌ pɔ ŋɡɔ́ku ɔɔ, mbíꞋ pʉɔ pi Sɛ́ tsɔ́Ꞌnɛ wɔ́p ńdɔk ŋ́ɡɛ pʉɔ pɛ́, sʉk sʉknɛ, ńjí ŋɡɔ Yɛ́su Kɛlístɔ ɡʉ ŋ́ɡɛ pɔ́p luk yɔ́p. Pɔ́p fu pɔ́Ꞌɔ, ŋ́kúu tsɛt nɛŋwɑ́ŋɛ-luk kɛ́mɛ.

1 Pyɛ̂ 1:1

A mɔ Pyɛ̂, ŋɡɑŋntúu-Yɛ́su Kɛlístɔ, ŋ ɡɑ́ yɔ ŋwɑꞋnɛ mbɔ̌ pʉʉ pí Sɛ́ kɑ tsɔ́Ꞌnɛ wʉ́ʉ, pʉʉ kɑ sɑt mɔ́ zʉꞋ, ŋ́ɡʉ ḿbɔ́ tsɛt ŋɡɔŋ Pɔŋnɛ, tsɛt wɛ Ŋɡɑlɑ̂t, tsɛt wɛ Kɑpɑdɔ̂s, tsɛt wɛ Azîi, mbɑ tsɛt wɛ Mbitinî. Pʉʉ tsɛt mɛŋɡɔŋ ɛ̂mɑ́ ḿbɔ́ pɛɡʉʉ.