Mɑtʉ̈ɔ 24:14 - Kɑɑ Fí

¹⁴ Ɛ́ píkŋɛ ŋɡɔ Pɛ́ lɑ́Ꞌ ńcẅi wɔ Ŋkʉʉ sʉ́Ꞌnɛ-nu-nɛfɔɔ-Sɛ́ mbɑ ɡɔ́ lɑ́ ndǔ tsɛ́tsɑ́Ꞌ, nɛpɔ́ yi mɛlɑ́Ꞌ mɛlɑ́Ꞌ tsʉʉ ɡʉ ńzúꞋ, lɑ píi mbí ɡɔ́ɔ ŋ́kɛ́ ḿmɛ.

Mɑtʉ̈ɔ 24:14 ပူးပေါင်းရင်းမြစ်များ

Mɑtʉ̈ɔ 10:7

Pʉʉ ɡʉ ńnɛn mɛzʉꞋ mɛzʉꞋ ɛ́sɑ́Ꞌ ɛ́sẅíi pʉɔ ŋɡɔ: Nɛfɔɔ-Sɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.

Mɑtʉ̈ɔ 18:19

KwɑꞋ nɛ́nẅín, m bɛn ɛ́sẅíi wʉ́ʉ ŋɡɔ: «Pʉɔ pɛ́pɑ́ tsɛtsɛt pʉʉ lɑɑ ḿbɔ́ tɑ́Ꞌ ntsu ndǔ tsɛ́tsɑ́Ꞌ zɑꞋnɛ, ńdɔ́ɔ pɔ kʉ̈ɔ́ lɑ́ mbɔ̌ Tɑ̌ɑ mɔ ẅí ɑ tʉ́nɛ́pú, mbɔ ɑ ɡʉ ŋ́ɡɑ́ mbɔ̌ pɔ́p.

Mɑtʉ̈ɔ 24:3

Yɛ́su ɡʉ tɛ ńnɑ́ŋ ndǔ nɛŋkɔ́Ꞌ-mɛtʉ́-mɛɡwɛ́t-ɔliivɛ, ɡɑŋku pɛ́ fɑk mbʉʉ yɔp ńtɔ́ ḿbíkŋɛ wɛ́ ŋɡɔ: «Sẅíi wɛ́k nɛ́ ŋkɑ́ yi yɔ nu ɡʉ ńdɑ́Ꞌ ŋ́ɡɛ. Sẅíi wɛ́k nɛ́ lii yi pɛ́ ɡʉ ńdɑ́Ꞌ ńdɔk ńjí ŋɡɔ ɔ sɛ́ ńtɔ́, mbɑ yi ɛ́ ɡʉ ŋ́ɡɛ pɛ́ jí ŋɡɔ lɛ́Ꞌ yi píi mbí ɡʉ ḿmɛ kuꞋ.»

Mɑtʉ̈ɔ 24:6

Pʉʉ ɡʉ ńdɑ́Ꞌ zúꞋu pɛ́ pɔ́ ńcú nu nǔu mɛntsɔ mi ɛ́ cẅɛtnɛ nǔu wʉ́ʉ shʉ́ kɛ ŋɡɑ sɛsɑ ɔɔ, lɑ́ kɔɔ pʉʉ kɛ́ ńdɑ́Ꞌ ńcʉ̈ɔꞋ. Ɛ́ sɛ́ ḿbíkŋɛ ŋɡɔ yîyɑ́ yúu piitɛ ńdɛɛtɛ, lɑ́ ɛ́ pɔɔ ɡɔ́ɔ ńdɔk ḿbɔ́ ŋɡɔ píi mbí mɛ pɔ́.

Mɑtʉ̈ɔ 4:23

Yɛ́su ɡɛ ḿbɔ́ ŋ́ɡɔ́ ńnɛn zʉꞋ tsʉʉ tsɛt Ŋɡɑlilɛɛ, ńzíꞋ pʉɔ nɛ́ nu-Sɛ́ tsɛt mɛndɑ́-cúꞋlɛ-pɑyúdɑ, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ sẅíinɛ pʉɔ pɑ́Ꞌ nɛfɔɔ-Sɛ́ pɔ́nɛ, ḿbɔ́ ŋ́ɡɛ ŋu ẅí ɑ ɡẅɛɛnɛ pɔ yɛ́tɛ́ ntɛ́ ɡɔɔ lɑ́ kɛ yɛ́tɛ́ ntɛ́ lɔ́Ꞌ ɔɔ, fíitɛ.

Mɑtʉ̈ɔ 9:35

Yɛ́su pɔ́ ńdɛɛ tsɛt mɛtʉ́sɔŋ tsʉʉ mbɑ tsɛt mɛlɑ́Ꞌ, ŋ́kúu mbɑ ɡɔ́ lɑ́ ŋ́ɡʉ ndɑ́-cúꞋlɛ, ńzíꞋ pʉɔ nɛ́ nu-Sɛ́, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ cúnɛ pɑ́Ꞌ nɛfɔɔ-Sɛ́ pɔ́nɛ, ŋ́ɡɛ mɛɡɔɔ ntɛ́ nɛ́ ntɛ́ fíitɛ nǔu pʉɔ, mɛlɔ́Ꞌ ntɛ́ nɛ́ ntɛ́ mɛ mbʉʉ-pʉɔ,

Mɑ́lɛ́kúshi 13:10

Ɛ́ kɛ́ ḿbɔ́ ḿbíkŋɛ ŋɡɔ pɛ́ piitɛ ńcẅi Ŋkʉʉ Sʉ́Ꞌnɛ mbɔ̌ mɛŋɡɔŋ tsʉʉ.

Lúkɑ́shi 2:1

Ɛ́ kɑ ɡɔ ḿbɔ́, mbɔ Aɡúshi, ẅi ɑ m̄bɔ́nɛ Kɑ́sɑ-Pɑlɔ́mɑ ŋwɑꞋnɛ ŋwɑꞋnɛ, ńzɑ́p ŋɡɔ pɛ́ sɑ́ŋ ŋɡɔŋ pʉɔ tsʉʉ pi ɑ sɛ́ ɛ́sɑ́Ꞌ wɔ́p.

Lúkɑ́shi 24:47

Ɛ́ sɛ́ ḿbíkŋɛ ŋɡɔ pɛ́ lɑ́Ꞌ ńdɔk lík yɑ́ɑ, ńcú nu-Sɛ́ mbɔ̌ lɑ́Ꞌ ŋɡɔ mbɑ wɔ̌ lɑ́ kúpmɛ mɑt wɛ, Sɛ́ likŋɛ mɛnu kɛpɔŋ mɛ́. Pɔ́Ꞌɔ, ɛ́ kɛ ńzɛ Yɛlúsɑlɛm.»

Lúkɑ́shi 4:5

Sɑ́ttɑ pɛn ńdɔk wɛ́ ŋ́ɡʉ ńtík yɛcɔ́ zʉꞋ tɛ tʉ́, ńtʉ́ʉ zúꞋu ŋ́ɡɛ ɑ jʉ́ɔ mɛŋɡɔŋ mi ɛ́ ndǔ tsɛ́tsɑ́ꞌ tsʉʉ tɑ́Ꞌ ŋkɑ́,

ŊwɑꞋnɛ-Gɑŋntúu Yɛ́su Kɛlístɔ 1:2

ŋ́ɡʉ ŋ́kúu nǔu lɛ́Ꞌ yi Sɛ́ ɡɛnɛ ɑ kɔ́Ꞌ nɛ́ tʉ́nɛ́pú. A kɑ ɡɔ́ ŋ́kɔ́Ꞌ, ńdɛɛ nǔu Zẅikŋɛ Lɛ́ɛnɛ́nɛ, ńdɛꞋlɛ yúu mi ɡɑŋntúu pi ɑ kɑ tsɔ́Ꞌnɛ ɡʉ ńtsʉ́Ꞌ ḿbɔ́ ŋ́ɡɛ.

ŊwɑꞋnɛ-Gɑŋntúu Yɛ́su Kɛlístɔ 11:28

Wɛcɔ́ tɑ́Ꞌ ŋu pɔ́ tsɛtsɛt pɔ́p, pɛ́ fúŋ wɛ́ ŋɡɔ Aɡɑbus. Zẅikŋɛ-Sɛ́ cú, ɑ zɑ́Ꞌ njí ńcú ŋɡɔ: «Wɛcɔ́ mɑ́mɑ́ cʉ́ ŋ́ɡɛ ḿvu ndǔ tsɛ́tsɑ́Ꞌ tsʉʉ». Ńcú pɔ́Ꞌɔ, ẅîwɑ́ cʉ́ kɑ tsúŋ ḿvu ŋkɑ́ yi Kɛlɔ̂dɛ tsʉ́Ꞌnɛ ḿbɔ́ Kɑ́sɑ ɡwɛ́-Pɑlɔ́mɑ.

ŊwɑꞋnɛ-Gɑŋntúu Yɛ́su Kɛlístɔ 17:31

Ɛ́ zɛɛ ŋ́ɡɔ ḿbɔ́ pɔ́Ꞌɔ, mbɔ Sɛ́ zɑ́p lɛ́Ꞌ yi ɑ ɡʉ ńdɑ́Ꞌ ńdɔk ŋu ẅí ɑ kɑ tsɔ́Ꞌnɛ wɛ́, ŋ́ŋɑk mbí, ŋ́kɛ́ ŋ́ŋɑk pɔ nǔu ntɛ́ yi ɛ́ ndʉ́ŋndʉŋ. A kɑ zẅíimɛ ŋɡɑŋ nǔu nɛvú nɛlɔk ńnyɛt mbɔ̌ pʉɔtsʉʉ ŋɡɔ ɑ ɡʉ ńdɑ́Ꞌ ŋ́ɡɛ pɔ́Ꞌɔ.»

ŊwɑꞋnɛ-Gɑŋntúu Yɛ́su Kɛlístɔ 17:6

ŋ́kúu zúꞋu, ḿbɔɔ wɔ́p jʉ́ɔ, ŋ́ɡẅɛɛ Jɑ́sɔŋ pɔ́p pɛcɔ́ pɔ́ɔpɛ́mɑ́ ńdɔk wɔ́p ŋ́ɡʉ tɛ ŋ́kúu mbi pɑsɑ́Ꞌlɑ́Ꞌ, pɑyúdɑ lɔk ŋɡi tɛnnɛ ńcú ŋɡɔ: «Pʉɔ pɔnɛ mɑꞋ vɑꞋ zʉꞋ tsʉʉ. Ɛ́ pʉ́ɔlɑ́ pɔ́p lɔknɛ ńtɔ́ tɛ ŋ́kúu zɑꞋnɛ lɑɑ!

ŊwɑꞋnɛ-Gɑŋntúu Yɛ́su Kɛlístɔ 19:27

Yɔ nu lɔɔ nɛpʉ́ʉpɛ fɑꞋ yɛkŋɛ. A ɡʉ ŋ́ɡɛ pɔ́Ꞌɔ, pɛ́ pɔɔ pɛn ńdɔk ndɑ́-mɑ́mɑ́ sɛ́ Altɛmîs ɛ́fúŋ yɛcɔ́ yúu pɔ́. Pʉɔ pɔɔ pɛn ńcú ŋɡɔ Altɛmîs ɑ mɑ́mɑ́ sɛ́ wɛkŋɛ pɔ́. Lɑ́ pʉɔtsʉʉ sɛ́ ŋ́ɡúꞋlɛ wɛ́ tsɛt pɑk-ŋɡɔŋ-Azîi tɛ mbɑ zʉꞋ tsʉʉ ndǔ tsɛ́tsɑ́Ꞌ.»

ŊwɑꞋnɛ-Gɑŋntúu Yɛ́su Kɛlístɔ 20:25

Ŋ kɑ lɛɛ tsɛtsɛt pʉʉ pɛtsʉʉ, ńnɛn ɛ́sɑ́Ꞌ pɑ́Ꞌ nu-nɛfɔɔ-Sɛ́ pɔ́nɛ. M bɛn ḿbɔ́ ŋkɔ̂ɔnɛ, ḿbɔ́ ńjí ŋɡɔ pʉʉ kɛ́ lɑ́Ꞌ ḿbɛn ńjʉ́ɔ shʉ́ wɑ́ɑ pɔ́.

Pʉɔ-Lɔ́mɑ 10:18

Ɛ́ zɛɛ ḿbɔ́ tɛ ḿbɔ́ yi m bɔ́ ḿbíkŋɛ ŋɡɔ tɛ pɑyúdɑ kɑ zɛɛ ńtsuŋ ńzúꞋ wɔ Ŋkʉʉ ɔɔ? N jʉ́ɔ ŋɡɔ pɔ́p kɑ zúꞋ zúꞋnɛ. Ɛ́ pɔ́ pɑ́Ꞌ pɛ́ kɑ ŋwɑꞋnɛ́nɛ tsɛt ŋwɑꞋnɛ-Sɛ́ ŋɡɔ: «Pɛ́ zúꞋ ŋɡi yɔp, pɔ́p sɛ́ ɛ́sẅíi nu-Sɛ́ zʉꞋ tsʉʉ ndǔ tsɛ́tsɑ́Ꞌ.» Nu yi pɔ́p cúnɛ pɛn ńnɛn tɛ ŋ́kúu ndẅiklɛ tsɛ́tsɑ́Ꞌ.

Kɔlɔsíyɛ̂ŋ 1:23

Lɑ́, ɛ́ kɛ́ ḿbɔ́ ḿbíkŋɛ ŋɡɔ pʉʉ zɑ́p tʉ́m nǔu jʉ́ Yɛ́su ńjí ŋɡɔ pʉʉ ɡʉ tʉ́ʉ kɛ́ zɔŋɛ, kwɑŋɛ yʉ́ʉ kɛ́ ńtʉ́ʉ pɔ nǔu yúu mi pʉʉ sɛ́ ńzẅíꞋlɛ mbɔ̌ Sɛ́, mbɔ pʉʉ kɑ zúꞋ yîyɑ́ yúu ŋkɑ́ yi pɛ́ kɑ pɔ́ ńcẅii Ŋkʉʉ Sʉ́Ꞌnɛ mbɔ̌ pʉʉ, ɛ́ pɔ́ pɔ wɛ́tɛ́ ẅí pɛ́ cẅinɛ mbɔ̌ ŋumɛsɔŋ tsʉʉ ndǔ ŋɡɔŋ. Mɔ Pɔ̂l yɑ́ɑ fɑꞋ nɛcẅi ẅîwɑ́ Ŋkʉʉ.

Kɔlɔsíyɛ̂ŋ 1:6

Ŋkʉʉ Sʉ́Ꞌnɛ sɛ́ ɛ́sɑt zʉꞋ ndǔmbí kɛ́ vuꞋ yɛcɔ́, ḿbɔ́ pɑ́Ꞌ tʉ́ yi ɛ́ sɛ́ ńzɛ́m ntɑ́ɑ, ḿbɛn ḿbɔ́ ŋ́ɡúꞋ lɑ́, ɛ́ tsɛtsɛt pʉʉ, ḿbɛn ḿbɔ́ ŋ́ɡʉ nɛ́ mbi pɔ pɔ́Ꞌɔ, tɛ ɛ́fú nduŋmbi lɛ́Ꞌ yi pʉʉ kɑ zúꞋnɛ pɛ́ zɛ nɛkẅíi pɑ́Ꞌ Sɛ́ lɔk mɛnu sʉ́Ꞌnɛ mɛ́ ŋ́ɡɑ́ fuꞋ-pʉɔ, yi ɛ́ tsuŋ ḿbɔ́ nɛ́nẅín.

Ɛ́bɛlʉʉ 1:6

Lɑ́ ɛ́ kɑ kɛ́ ŋ́ɡʉ ŋkɑ́ yi Sɛ́ kɑ pɔ́ ŋ́ɡʉ ŋ́ɡɛ Mɔ́ɔ nɛ ẅí jʉ́ pɔ́nɛ túmbi nǔu mbɑ kʉ̈ɔ́lɑ́ tɔ́ ndǔmbí, jʉ́ Sɛ́ cú ŋɡɔ: «Ɛ́ pɔŋ ŋɡɔ pɛcʉ̈ɔ́Ꞌ pɛ́ jʉ́ Sɛ́ pɛ́tsʉʉ ɡúꞋlɛ wɛ́,»

Ɛ́bɛlʉʉ 2:5

Sɛ́ kɑ zɛɛ mbɔɔ ɡɛ ŋɡɔ pɛcʉ̈ɔ́Ꞌ pɛ́ ɡẅɛɛ nu nǔu nɛsɑ́Ꞌ ŋɡɔŋ ẅí ɛ́ sɛ́ ńtɔ́ pɔ́, ŋɡɔŋ ẅí pɛkŋɛ sɛ́ ńcú nu nǔu.

Mɛnu ɛ́ ńdɑ́Ꞌ ńcẅɛt 14:6

M bɛn ńjʉ́ɔ wɛcɔ́ tɑ́Ꞌ Cʉ̈ɔꞋ-Sɛ́ pɔ́ tɛ tʉ́nɛfɑŋ ḿbɔ́ ńtɑt, ŋ́ɡẅɛɛ wɛcɔ́ Ŋkʉʉ sʉ́Ꞌnɛ ẅí ɛ́ wɛ kɛ́mɛ, pɑ́Ꞌ ɑ ɡʉ ŋ́ɡʉ ńcẅi mbɔ̌ pʉɔ pí pɔ́p ndǔ tsɛ́tsɑ́Ꞌ, tsɛt mbɑ wɛ́tɛ́ ŋɡɔŋ lɑ́, mbɔ̌ mbɑ yɛ́tɛ́ njẅɛtndɑ́ lɑ́, mbɔ̌ pɑsẅíŋɛ mbɑ yɛ́tɛ́ ntɛ́ sẅiŋɛ lɑ́, mbɔ̌ ntɛ́ nɛ́ ntɛ́ pʉɔmɛsɔŋ.

Mɛnu ɛ́ ńdɑ́Ꞌ ńcẅɛt 16:14

ɛ́ pɔ́ pɔ́Ꞌɔ, ḿbɔ́ mɛzẅikŋɛ kɛpɔŋ mí ɛ́ ŋ́ɡɛ mɛnu mɑɑ mɑɑnɛ. Pɔ́p ɡɛ ŋ́ɡʉ ńjʉ́ɔ pɛfɔɔ pi ɛ́ ndǔ tsɛ́tsɑ́Ꞌ tsʉʉ, nɛpɔ́ yi pɔ́p ɡʉ ńcúꞋlɛ wɔ́p ńdɔk ńzẅíꞋlɛ ntsɔ ẅí ɛ́ ɡʉ ńdɑ́Ꞌ ḿbɔ́ nǔu mɑ́mɑ́ lɛ́Ꞌlɑ́Ꞌ yi, Sɛ́ ŋɡɑŋmɛtʉʉ tsʉʉ ɡʉ ńdɑ́Ꞌ ŋ́ŋɑk pʉɔ pʉɔmɛsɔŋ.

Mɛnu ɛ́ ńdɑ́Ꞌ ńcẅɛt 3:10

Pɑ́Ꞌ pʉʉ kɑ ɡẅɛɛnɛ sẅiŋɛ yɑ́ɑ tɛ ḿbɔɔ kɑ́ɑ lɑ́, mɔ yɑ́ɑ ŋ ɡʉ ŋ́ɡɛ ńtʉ̈ɔ́Ꞌlɛ wʉ́ʉ nǔu ŋkɑ́ yi ŋɡʉ̈ɔ́Ꞌ ɡʉ ŋ́ɡɛ ńtɔ́ ndǔ yɔ mbí tsʉʉ, ŋ́kwɑꞋlɛ pʉɔmɛsɔŋ pi pɔ́p ndǔ tsɛ́tsɑ́Ꞌ.