Mɑtʉ̈ɔ 23:8 - Kɑɑ Fí

⁸ Lɑ́ ŋ́ɡʉ nǔu pʉʉ, kɔɔ pʉʉ ɡɛ ŋɡɔ pɛ́ fúŋ wʉ́ʉ ŋɡɔ cícɑ, mbíꞌŋɡɔ pʉʉ pɔ́ pɔ́ɔpɛ́mɑ́, ḿbɛn ŋ́ɡẅɛɛ pɔ tɑ́Ꞌ cícɑ wɛ́mɔ́Ꞌ.

Mɑtʉ̈ɔ 23:8 ပူးပေါင်းရင်းမြစ်များ

Mɑtʉ̈ɔ 10:25

Pɑ́Ꞌ pɛ́ piitɛ́nɛ ɛ́fúŋ ŋɡɑŋndɑ́ ŋɡɔ: Bɛlzɛbûl, pɛ́ ɡʉ ŋ́kúu nǔu pʉɔ-ndɑ́ pɛ́, lɑ ńnɑ́ kɛ́ fúŋ wɔ́p pɔ́Ꞌɔ, kɛkʉ̈ɔ́? Yúu mi ɛ́ ɡɛnɛ cícɑ, yîyɑ́ yúu ɡʉ ńdɑ́Ꞌ ŋ́ɡɛ ŋu ẅí ɑ sɛ́ ńzíꞋ nu yɛ́, ḿbɔ́ yi kʉ̈ɔ́ lɑ́ ɡɛ tɑ̌ɑ pɛ́ ŋkwɑɑ lɑ́, mbɔ yîyɑ́ yúu ɡʉ ḿbɛn ńdɑ́Ꞌ ŋ́ɡɛ ŋkwɑɑ ɡúu.

Mɑtʉ̈ɔ 17:5

A pɛ́t ńcú cúnɛ, yɛcɔ́ lɑ́ɑ, yi ɛ́ ŋwɑŋɛ ŋwɑŋɛ́nɛ ńcúŋ ŋ́kẅíipɛ wɔ́p, ŋɡi-ŋu fú tsɛtú ńcú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ, pʉʉ zúꞋ ntsu wɛ́.»

Mɑtʉ̈ɔ 23:10

Kɔɔ pʉʉ pɛ́m pɛ́ fúŋ wʉ́ʉ ŋɡɔ ntʉ́ʉmbi, mbíꞌŋɡɔ ŋu ẅí ɑ tʉ́ʉnɛ mbi ɑ pɔ́ wɛ́mɔ́Ꞌ, ḿbɔ́ Nzɑ́Ꞌŋkʉ ẅí Sɛ́ kɑ kɑꞋnɛ.

Mɑtʉ̈ɔ 23:7

Pɔ́p kɔŋ ŋɡɔ pɛ́ tʉ́ʉ zɑ́n, ńcɛꞋlɛ wɔ́p nɛ́ mɛkuꞋ, pʉɔ pɛn ńnɑ́ŋ ɛ́fúŋ wɔ́p nɛ́ cícɑ.»

Mɑtʉ̈ɔ 26:25

Jẅidɑ, ŋɡɑŋmɛnɑŋ ɛ̂wɑ́, píkŋɛ yɛ́ Yɛ́su ŋɡɔ: «Cícɑ ɔ lɑ́Ꞌ wɑ́ɑ kɛkʉ̈ɔ́?» Yɛ́su pʉ̈ɔt mbɔ̌ wɛ́ ŋɡɔ: «Gu kɛ́ nɛ́ ńcú!»

Mɑtʉ̈ɔ 26:49

Jẅidɑ tɔ́ ɛ́ pɔɔ lɑ́ɑtɛ ɑ ɡɔ́ɔ ńtsʉ́ʉtɛ mbʉʉ yɛ, ńtɔ́ nɛjɔ́ŋ Yɛ́su, ńcú ŋɡɔ: «Ndɛ, n cɛꞋlɛ,» ŋ́ɡɔ́ɔ ḿmɑ́ɑ wɛ́.

Mɑ́lɛ́kúshi 10:51

Yɛ́su píkŋɛ wɛ́ ŋɡɔ: «Ɔ tsɑ́ɑ ŋɡɔ ŋ ɡɛ ŋɡɔ́ku nǔu ɡu?» Fumík pʉ̈ɔt ŋɡɔ: «Ndɛ n tsɑ́ɑ nɛpɛn ńjʉ́ɔ zʉꞋ.»

Mɑ́lɛ́kúshi 11:21

Pyɛ̂ líŋɛ tʉ́ ɛ̂yɑ́, kẅíitɛ yúu mi ɛ́ kɑ lɛɛnɛ, ńcú mbɔ̌ Yɛ́su ŋɡɔ: «Tɑ̌ɑ wɛk, jʉ́ɔ pɑꞋ tʉ́ yɑ́ yi ɔ kɑ níꞋnɛ ndɔɔ nǔu lɑ́ zúunɛ tɛ ḿmɛ.»

Mɑ́lɛ́kúshi 14:45

Jẅidɑ pɔ́ tɛ ńtɔ́ tɛ ŋ́kúu nɛjɔ́ŋ Yɛ́su, ńcú ŋɡɔ: «Ndɛ, n cɛꞋlɛ,» ŋ́ɡɔ́ɔ ḿmɑ́ɑ wɛ́.

Mɑ́lɛ́kúshi 9:5

Pyɛ̂ ɡɔ́ɔ ḿvukŋɛ vukŋɛnɛ ńcú mbɔ̌ Yɛ́su ŋɡɔ: «Tɑ̌ɑ wɛk, ɛ́ pɔŋ pɑꞋ pɛkŋɛ zɑ́Ꞌnɛ lɑɑ. Pɛ́m pɛk nʉk mɛtɑp mɛ́ntɑ́t, tɑꞋ pɔ́ wú, tɑꞋ pɔ́ wɛ Mɔ̌sɛ̂ɛ, wɛcɔ́ pɔ́ wɛ Ɛlíyɑ.»

Lúkɑ́shi 22:32

Lɑ́, n cɛꞋlɛ Sɛ́ nǔu tú yú, nɛpɔ́ yi ɔ kɛ́ puu ŋ́kɑ́ɑ kɑ́ɑnɛ nǔu nɛzɑ́p tʉ́m nǔu mɔ pɔ́. Ɔ ɡɛ ḿbɛn ḿbɔ́ tɛ ńtsuŋ ńzɑ́p tʉ́m yú nǔu mɔ, ḿbɔ́ ńníꞋ tʉ́m-pɔ́ɔpɛ́mɑ́ pú.»

Jɑ̂ŋ 1:38

Yɛ́su shɔtnɛ, ńjʉ́ɔ pɑ́Ꞌ pɔ́p nzʉʉ yɛ́, ḿbíkŋɛ wɔ́p ŋɡɔ: «Pʉʉ lɔɔ kʉ̈ɔ́?» Pɔ́p pʉ̈ɔt mbɔ̌ wɛ́ ŋɡɔ: «Lɑbi (ńdɔk ŋɡɔ cícɑ), ɔ tswɛ́ ɡɔ́?»

Jɑ̂ŋ 1:49

Nɑtɑnɑyɛ̂l tsɔ́Ꞌ ŋɡɔ: «Lɑbi, ɔ mɔ́ɔ-Sɛ́, ɔ fɔɔ-pɑíslɑyɛ̂l.»

Jɑ̂ŋ 11:8

Gɑŋku pɛ́ pʉ̈ɔt ŋɡɔ: «Cícɑ, ntí kɑ́ sɑk pɑ́Ꞌ pɑyúdɑ kɑ pɔ́ ńdɔɔ nɛlɔk mɛŋɡɔꞋ ńtɛ́m wú ńjẅí pɔ́. Ɔ ɡʉ ḿbɛn ḿbɛn zúꞋu ɔɔ?»

Jɑ̂ŋ 20:16

Yɛ́su fúŋ wɛ́ ŋɡɔ Mɑlíyɑ, ɑ shɔtnɛ ɛ́fúŋ wɛ́ nǔu sẅiŋɛ pʉɔ-Ɛbɛlʉ́ ńcú ŋɡɔ Lɑbuni, ńdɔk ńcú ŋɡɔ cícɑ.

Jɑ̂ŋ 3:2

A ɡɛ ńtɔ́ yɛcɔ́ nɛtúꞋ, ńjʉ́ɔ Yɛ́su, ńcú mbɔ̌ wɛ́ ŋɡɔ: «Cícɑ, pɛk jí ŋɡɔ Sɛ́ kɑ túunɛ wú ŋɡɔ ɔ ɡʉ ńzíꞋ pʉɔ nɛ́ yúu. MbíꞋŋɡɔ ɛ́ lɑɑ ḿbɔ́ ŋu pɔɔ ɡɛ mɛnu mɑ̌ɑmɑɑnɛ mi ɔ ɡɛnɛ lɑɑ kɛ́ pɔ́ yi Sɛ́ túunɛ wɛ́ pɔ́.»

Jɑ̂ŋ 3:26

Gɑŋku-Jɑ̂ŋ ɡʉ ńjʉ́ɔ Jɑ̂ŋ, ńcú mbɔ̌ wɛ́ ŋɡɔ Cícɑ, ɔ sɛ́ ŋ́kẅíitɛ ŋu wɑ́ ẅi pʉʉnɛ kɑ pɔ́ nǔu yɛcɔ́ njʉ́n-ŋki-Juudɛŋ lɑ́? Ŋu wɑ́ ẅi ɔ kɑ cúnɛ nu yí ɔ jínɛ nǔu wɛ́ lɑ́? A sɛ́ ńnuꞋ yɛ́ pʉɔ ŋki ŋkɔ̂ɔnɛ, tɛ lɑ́Ꞌ mɛnɔɔ mɛnɔɔ pɔ́ ŋ́ɡʉ ńjʉ́ɔ pɔ wɛ́.

Jɑ̂ŋ 4:31

Ŋ́ɡɔ ńtɔ́ pɔ́Ꞌɔ, ɡɑŋku pɛ́ pɔ́ ńdẅɑklɛ wɛ́ ńcú ŋɡɔ: «Cícɑ, kwɛ́t mɔ́yúu lɑ́.»

Jɑ̂ŋ 6:25

Ŋ́ɡʉ tɛ ŋ́kúu nǔu yɛcɔ́ njʉ́n, ńjʉ́ɔ wɛ́, ńcú mbɔ̌ wɛ́ ŋɡɔ: «Cícɑ, ɔ tɔ́ tɛ ŋ́kúu zɑꞋnɛ ŋkɑ́ kʉ̈ɔ́.»

Jɑ̂ŋ 9:2

Gɑŋku-Yɛ́su píkŋɛ wɛ́ ŋɡɔ: «Cícɑ, wɔ ŋu kɑ ɡɔ́ ńcẅɛt nɛpɛm, ḿbɔ́ fʉmík, mbɔ wɔ̌ ɡɛnɛ nu kɛpɔŋ? Jʉ́ kɛ mɑmɑ́ wɛ, kɛ tɑ́t wɛ?»

2 Kɔlɛ̂ŋtɛ 1:24

Pɛk sɛ́ ńjí ŋɡɔ wʉʉ nɛzɑ́p tʉ́m nǔu Yɛ́su Kɛlístɔ tɛntɛ, pɛk kɑ́ pɔ́ ńdɔɔ nɛtɔ́ ɛ́fyɛ́t wʉ́ʉ, ńzɑ́p pɑ́Ꞌ pʉʉ ɡʉ ŋ́ɡɛ pɔ́. Pɛk tsɑ́ɑ pɔ nɛtɔ́ ńcẅɛ́lɛ wʉ́ʉ pʉʉ mɛkŋɛ ńzúꞋ sʉ́Ꞌnɛ.

2 Kɔlɛ̂ŋtɛ 4:5

Pɛk kɑ pɔ́ ŋ́ɡɔ ńcẅi Ŋkʉʉ Sʉ́Ꞌnɛ, mbɔɔ fɑꞋ pɔ pɑ́Ꞌ pɛ́ ɡʉ ńjí wɛ́k pɔ́, pɛk fɑꞋ pɔ pɑ́Ꞌ pɛ́ ɡʉ ńjí ŋɡɔ Yɛ́su Kɛlístɔ Tsɑpʉɔ. Pɛk tʉ́ʉ ḿbɔ́ pɔ pɑfɑꞋ fɑꞋ pi pɔ́p fɑꞋnɛ mbɔ̌ pʉʉ mbíꞋ Yɛ́su,

Ɛ́fɛ̂zɛ 3:15

ẅí mɛtsɛ́nndɑ́ mi ɛ́ tʉ́nɛ́pú mbɑ mi ɛ́ ndǔ tsɛ́tsɑ́Ꞌ tsʉʉ, ɛ́ ɡɔ́ ḿbɔ́ ɡú ńdúꞋnɛ pɔ wɛ́,

Filɛmɔ̂ŋ 1:16

A pɔɔ pɛn ḿbɔ́ pɔ ŋkwɑɑ pɔ́. A lɛɛ ŋkwɑɑ, ńtsʉ́Ꞌ ḿbɔ́ pɔ mɔ́ɔmɑ́ wu ẅí ɔ ɡʉ ŋ́kɔŋ tɛꞋ. A mbɔ̌ mɔ, ḿbɔ́ tʉʉndɛn tɛ ŋkɑ́ yɛ́sʉ́Ꞌ pɑ́Ꞌ ɑ ɡʉ ḿbɔ́ mbɔ̌ ɡu? MbíꞋŋɡɔ ɑ kwɑꞋ ŋumɛsɔŋ, ḿbɛn ḿbɔ́ mɔ́ɔmɑ́ wu nzʉʉ Yɛ́su Kɛlístɔ.

Jɑ̂k 3:1

Pɔ́ɔpɛ́mɑ́ pɑ́ɑ, kɔɔ pʉʉ pɛtsʉʉ tsɑ́ɑ nɛpɔ́ pɑzíꞋ pʉɔ nɛ́ yúu, pʉʉ sɛ́ ńjí sʉ́Ꞌnɛ ŋɡɔ, pɛk pí pɛk zíꞋnɛ pʉɔ nɛ́ yúu, ntɛ́ yi pɛ́ ɡʉ ńdɑ́Ꞌ ńdɔk ŋ́ŋɑk wɛ́k, ɛ́ ɡʉ ńdɑ́Ꞌ ńtɛn ńdɛɛ yɛ́ pɛcɔ́ pʉɔ.

1 Pyɛ̂ 5:3

Kɔɔ pʉʉ lɔk mɛtʉʉ ɛ́sɑ́Ꞌ pʉɔ pi Sɛ́ kɑ ɡɑ́nɛ mbɔ̌ pʉʉ, pʉʉ nɛn pɔ nǔu ntɛ́ yi pɔ́p ɡʉ ḿbɛ́ɛ fʉꞋ nǔu pʉʉ.

Mɛnu ɛ́ ńdɑ́Ꞌ ńcẅɛt 1:9

A mɔ Jɑ̂ŋ, mɔ́ɔmɑ́ wʉʉ, ńdɛɛ nǔu pɑ́Ꞌ pɛkŋɛ lɑtnɛ mbʉʉ nǔu Yɛ́su, Pɛkŋɛ tɛmtɛ ḿbɔ́ ńjʉ́ɔ ŋɡʉ̈ɔ́Ꞌ, ḿbɔ́ tsɛt nu-nɛfɔɔ-Sɛ́, ḿbɛn ḿbɔ́ ńdɔk kɔkmbʉʉ ńzẅíꞋlɛ Yɛ́su. Pɛ́ kɑ ɡʉ Pɑtmɔs, ɛ́ pɔ́ lɑ́Ꞌ yi ŋki kɑ zɛmɛnɛ ńníꞋ sɔŋ, ńnɑ́ wɑ́ɑ, mbíꞋŋɡɔ ɛ sẅíi nu-Sɛ́ ḿbɛn ŋ́kúꞋlɛ yúu mi Yɛ́su Kɛlístɔ kɑ ɡɛnɛ pɛ́ jí.

Mɛnu ɛ́ ńdɑ́Ꞌ ńcẅɛt 19:10

N zúꞋ pɔ́Ꞌɔ, ńnɔɔ mɛku wɛ́ nɛɡúꞋlɛ wɛ́. Lɑ́ ɑ cú mbɔ̌ mɔ ŋɡɔ: «Kɔɔ ɡɛ pɑ́Ꞌɑ lɑ́.» M bɛn ḿbɔ́ yɑ́ɑ pɔ wɛcɔ́ ŋu nǔu ɡɑŋkufɑꞋ yʉ́ʉ, ḿbɛn ḿbɔ́ wɛ pɛcɔ́ pɔ́ɔpɛ́mɑ́ pú pi, pʉʉ pɛ́pɔ́p ɡẅɛɛnɛ yúu mi Yɛ́su Kɛlístɔ kɑ ɡɛnɛ pɛ́ jí. Nɛpɔ́ jʉ́njʉ́ɔ-Yɛ́su, ɛ́ nɛcú ŋɡɔ yúu mi pɛ́ ŋɡɛ́mndʉ̈ɔ́Ꞌ-Sɛ́ kɑ cúnɛ ɛ́ nɛ́nẅín!

Mɛnu ɛ́ ńdɑ́Ꞌ ńcẅɛt 22:9

Lɑ́ ɑ cú mbɔ̌ mɔ ŋɡɔ: Kɔɔ ɡɛ pɑ́Ꞌɑ. M bɛn ḿbɔ́ yɑ́ɑ pɔ wɛcɔ́ ŋɡɑŋku wu nǔu fɑꞋ, mbɑ wɛ pɔ́ɔpɛ́mɑ́ pú pɑyúdɑ pɑcẅiŋkʉʉ-Sɛ́, mbɑ wɛ pʉɔ pi pɔ́p ɡẅɛɛnɛ mɛnu mi ɛ́ tsɛt yɔ ŋwɑꞋnɛ. Ŋ́ɡúꞋlɛ pɔ Sɛ́.