Mɑtʉ̈ɔ 23:16 - Kɑɑ Fí

¹⁶ Pʉʉ pɛpʉ́ktú, pʉʉ ẅí pʉʉ pɛfʉmík, ḿbɛn ḿbɔ́ ŋ́ɡẅɛɛ pɔ́-pɛcɔ́ pʉɔ, ńnyɛt wɔ́p nɛ́ sɛ̂ndúŋ. Pʉʉ yɛcɔ́ ŋkɑ́ ńzíꞋ pʉɔ ŋɡɔ ŋu lɑɑ ńdɔk zʉꞋ-nɔŋpɔꞋ ŋ́kɑɑ Sɛ́, mbɔ ɑ kɑ́ tíi ndɔɔ pɔ́. Lɑ́ ḿbɔ́ yi ɑ lɔk tʉ́n-ŋɡɔ̂l yi ɛ́ tsɛt zʉꞋ-nɔŋpɔꞋ ŋ́kɑɑ Sɛ́, mbɔ ɑ tíi ndɔɔ.

Mɑtʉ̈ɔ 23:16 ပူးပေါင်းရင်းမြစ်များ

Mɑtʉ̈ɔ 15:14

Pʉʉ nɑ́ wɔ́p! Pɔ́p pɛfʉmík pínɛ pɔ́p ɡẅɛɛnɛ pɔ́ pɛcɔ́. Fʉmík lɑɑ ŋ́ɡẅɛɛ pɔ́ wɛcɔ́, mbɔ pɔ́pmɛ pɛ́pɑ́ ɡʉ ńcʉ́ɔ tsɛt ɡɛm.

Mɑtʉ̈ɔ 23:13

Pʉʉ pɛpʉ́ktú, pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pʉʉ pɑfɑlísɑy. Pʉʉ pɑkɔŋmík, pʉʉ sɛ́ ŋ́kíitɛ ntsundɑ́ ẅi pʉɔmɛsɔŋ lɛɛnɛ nǔu lɑ ŋ́kúu tsɛt nu-nɛfɔɔ-Sɛ́, kwɑꞋ pʉʉ yʉ́ʉ sɛ́ mbɔɔ ŋ́kúu pɔ́, ŋ́kɛ́ ḿbɔɔ ńnɑ́ pʉɔ pí pɔ́p sɛ́ ŋ́kɔŋ nɛkúu tsɛtú kúu zúꞋu pɔ́.

Mɑtʉ̈ɔ 23:17

Pʉʉ kɑ́ pɔ́ pɛɡɛɡʉʉ ḿbɔ́ pɛfʉmík pɔ́ pɛ́Ꞌɛ, ɛ́ ɡʉ nǔu tʉ́n-ŋɡɔ̂l pɔ́p zʉꞋ-nɔŋpɔꞋ kʉ̈ɔ́ lɛɛ kʉ̈ɔ́? ZʉꞋ-nɔŋpɔꞋ kɑ́ nɛ́ ɡɛ lɑ́ tʉ́n-ŋɡɔ̂l tsʉ́Ꞌ yɛ́ Sɛ́ pɔ́ kɛ?

Mɑtʉ̈ɔ 23:19

Pɛfʉmík, ɛ́ ɡʉ nǔu zʉꞋ yí pɛ́ nɔŋnɛ pɔꞋ zúꞋu, pɔ́p pɔꞋ, kʉ̈ɔ́ tsɑ kʉ̈ɔ́? ZʉꞋ yí pɛ́ nɔŋnɛ pɔꞋ zúꞋu kɑ́ nɛ́ ɡɛ pɔꞋ tsʉ́Ꞌ wɛ́ Sɛ́ pɔ́ ɔɔ?)

Mɑtʉ̈ɔ 23:24

Pʉʉ ẅí pʉʉ pɛfʉmík, ḿbɛn ḿbɔ́ ŋ́ɡẅɛɛ pɔ́ pɛcɔ́ pʉɔ, ńnyɛt wɔ́p nɛ́ sɛ̂ndúŋ. Pʉʉ pɔ́k nɛmi njinji nǔu yúu mi pʉʉ ɡʉ ńnɔ́, ḿbɛn ḿmi shʉ́ɔ.

Mɑtʉ̈ɔ 23:26

Ŋu-Fɑlísɑy, ɔ fʉmík, ɔ lɑɑ ḿbiitɛ ńtuk tsɛt ntúꞋ, tɛ ɛ́ lɛ́ɛnɛ, mbɔ nzɛmpíi ɡʉ ḿbɑ́ɑtɛ ńdɛ́ɛnɛ.

Ŋɡɑlɑ̂t 5:3

Mɔ ḿbɛn ńcú nǔu yɛcɔ́ ŋkɑ́ mbɔ̌ mbɑ wɛ́tɛ́ ŋu lɑ́ ẅí ɛ́ píkŋɛ ŋɡɔ pɛ́ púꞋ wɛ́, ŋɡɔ ɑ ɡẅɛɛ nɛɡɛ yúu tsʉʉ yi nɛpʉ́ʉ-Mɔ̌sɛ̂ɛ sɛ́ ḿbíkŋɛ.

Jɑ̂k 5:12

Pɔ́ɔpɛ́mɑ́ pɑ́ɑ, ɛ́ lɑɑ ḿbɔ́ pɔ nu kʉ̈ɔ́ ɔɔ, kɔɔ pʉʉ cú nu tɛ ŋ́kɑɑ. Kɔɔ pʉʉ lɔk nɛpú ŋ́kɑɑ nu, kɔɔ pʉʉ lɔk tsɛ́tsɑ́Ꞌ ŋ́kɑɑ. Ɛ́ pɔŋ ŋɡɔ wʉʉ ɔ́ɔŋ pɔ́ pɔ ɔ́ɔŋ, wʉʉ ŋɡɑ́ŋ pɔ́ pɔ ŋɡɑ́ŋ. Ɛ́ lɛɛ pɔ́Ꞌɔ, lɑ Sɛ́ pɔɔ ɡɛ ŋɡɔ pʉʉ vu ntsɑŋ pɔ́.