Mɑtʉ̈ɔ 22:8 - Kɑɑ Fí

⁸ ḿbɛn ńcú mbɔ̌ pɛtsiindɑ́ pɛ́ ŋɡɔ: «Pɛ́ ńdɑ́Ꞌmɔ́ ńtík yúupɛjʉ́-lɑ́ɑndɑ́ sɛ́. Pʉɔ pínɛ ŋ kɑ zɛɛnɛ ɛ́fúŋ wɔ́p ŋkɑɑ pi pɔ́p kuꞋnɛ nɛkwɛ́t pɔ́.»

Mɑtʉ̈ɔ 22:8 ပူးပေါင်းရင်းမြစ်များ

Mɑtʉ̈ɔ 22:7

Nu pʉ́k fɔɔ. A túu pɑlʉ̈ɔ́Ꞌntsɔ pɛ́, ŋɡɔ pɔ́p ɡʉ ńjẅítɛ pɛfút ɛ̂pɑ́, ńtɔɔ tʉ́sɔŋ yɔ́p,

Mɑtʉ̈ɔ 22:9

Pʉʉ ɡɔ́ɔ ŋ́kɛ́ ŋ́ɡʉ ŋkɔ̂ɔnɛ nǔu mɛtú-ndúŋ, ńjʉ́ɔ mbɑ wɛ́t ŋu zúꞋu lɑ́, ɛ́fúŋ wɛ́ fúŋnɛ.

Mɑtʉ̈ɔ 9:15

Yɛ́su tsɔ́Ꞌ mbɔ̌ pɔ́p ŋɡɔ: «Tɛ ɛ́ lɑɑ ḿbɔ́ pɛ́ ɡʉ nɛlúŋ-ŋu, ɑ pɛ́t ńnɑ́ŋ nɑ́ŋnɛ pɛsúu pɛ́ pi pɛ́ lɑ́Ꞌnɛ ɛ́fúŋ nɑ́ŋ tsɛt nɛmʉk mɛlɑ́Ꞌ kʉ̈ɔ́? Lɑ́ pɛ́ ɡʉ ńdɑ́Ꞌ ɛ́fú mbɔ̌ pɔ́p yɛcɔ́ lɛ́Ꞌ ɛ́sɑꞋ wɛ́, pɔ́Ꞌɔ lɑ́, pɔ́p nɑ́ŋ nji ŋkɑ́ ɛ̂yɑ́.»

Lúkɑ́shi 20:35

Lɑ́ ŋ́ɡʉ nǔu pʉɔ pinɛ Sɛ́ jʉ́ɔnɛ ŋɡɔ ɑ ɡʉ ńzẅíimɛ wɔ́p, pɔ́p kúu yɔ́p tsɛt ŋɡɔŋ fí, wɛcɔ́ nɛzɔ́Ꞌ pɔɔ pɛn ḿbɛ́t ɡú pɔ́.

Lúkɑ́shi 21:36

Pʉʉ pɑ́ɑ nɛlɛ́, ḿbɔ́ ńcɛꞋlɛ Sɛ́ ŋkɑ́ tsʉʉ, ɑ ɡɑ́ wʉ́ʉ nɛ́ mɛtʉʉ nɛlɔk ńdɛɛ mɔ mɛnu mi ɛ́ sɛ́ ńtɔ́ lɑ́ɑ, mbɑ nɛlɔk ńtʉ́ʉ kɛ́ kɔ́ sʉ́ʉ mbi Mɔ́ɔ-Ŋu.»

ŊwɑꞋnɛ-Gɑŋntúu Yɛ́su Kɛlístɔ 13:46

Pɔ̂l pɔ́p Pɑnɛpɑ́ɑshi ɡɔ́ɔ ɛ́sɑ́ɑnɛ sɑ́ɑnɛ́nɛ ńcú mbɔ̌ pɔ́p ŋɡɔ: «Pɛk ŋ́kɛ́ zɛɛ ŋ́ɡẅɛɛ nɛpiitɛ ɛ́sẅíi nu-Sɛ́ pɔ mbɔ̌ pʉʉ pɑyúdɑ. Pɑ́Ꞌ pʉʉ kɛ́ ńdʉꞋ lʉꞋnɛ, ńnyɛt ŋɡɔ pʉʉ kɑ́ kuꞋ pɑ́Ꞌ ḿbɔ́ pʉʉ ɡẅɛɛ luk kɛ́mɛ pɔ́ lɑ́, pɛk ɡʉ ɛ́shɔtnɛ ŋ́ɡʉ ńdɔɔ pʉɔ pí pɔ́p kɑ́ pɔ́ pɑyúdɑ pɔ́,

2 Tɛsɑlɔník 1:5

Ɛ́ lɔk ńnyɛt ŋɡɔ Sɛ́ ŋɑk ntsɑŋ pɔ ndʉ́ŋndʉŋ. MbíꞋŋɡɔ ŋɡʉ̈ɔ́Ꞌ yi pʉʉ sɛ́ ńjʉ́ɔ ŋkɔ̂ɔnɛ, ɛ́ ɡɛ ŋɡɔ pʉʉ kuꞋ pʉɔ pi pʉʉ ɡʉ ńdɑ́Ꞌ ŋ́kúu tsɛt nɛfɔɔ-Sɛ́. Pʉʉ jʉ́ɔ ŋɡʉ̈ɔ́Ꞌ ntɛ́ pɔ pɔ́Ꞌɔ.

Mɛnu ɛ́ ńdɑ́Ꞌ ńcẅɛt 22:14

Pɛpɔ́ttú ɛ́ pʉɔ pí pɔ́p suknɛ mɛndẅí mɔ́p tɛ ɛ́ lɛ́ɛnɛ, nɛpɔ́ yi pɔ́p ɡʉ ŋ́kuꞋ nɛfú nǔu mɛntsu-ŋkɑ́Ꞌ, ŋ́kúu tʉ́sɔŋ, ńjʉ́ ntɑ́ɑ-tʉ́ yɑ́ yi ɛ́ ɡɛnɛ pɛ́ tsuŋ ḿbɔ́ ɡú lɑ́.

Mɛnu ɛ́ ńdɑ́Ꞌ ńcẅɛt 3:4

Ŋ kɛ́ ńcú pɑ́Ꞌɑ, pɛcɔ́ ntɑ́Ꞌ pʉɔ pɔ́ tsɛtsɛt pʉʉ tʉ́sɔŋ-Sɑldɛs, mbɔ pɔ́p ŋ́kɑɑ lɔk ntsɛ́llɛ́ ńzɔ́Ꞌ mɛndẅí mɔ́p pɔ́. Pɔ́p ɡʉ ŋ́ɡɛ ḿmɑꞋ mɛfúfú ndẅí, pɛk pɛpɔ́p pûu ńtɛmtɛ ku ńnɛn, mbíꞋŋɡɔ pɔ́p kuꞋ pɑ́Ꞌ ḿbɔ́ pɛk pɛpɔ́p ńnɛn.