Mɑtʉ̈ɔ 22:40 - Kɑɑ Fí

⁴⁰ Nɛpʉ́ʉ-Mɔ̌sɛ̂ɛ tsʉʉ mbɑ mɛnu mi pɛŋɡɛ́mndʉ̈ɔ́Ꞌ-Sɛ́ kɑ cúnɛ fú pɔ nǔu mɛnɛpʉ́ʉ mɔnɛ mɛmbɑ́.

Mɑtʉ̈ɔ 22:40 ပူးပေါင်းရင်းမြစ်များ

Mɑtʉ̈ɔ 7:12

Yúu mi pʉʉ sɛ́ ńtsɑ́ɑ ŋɡɔ pɛ́ ɡɛ nǔu pʉʉ lɑ́, pʉʉ ɡɛ kwɑꞋ yɛ́tɛ́ ɡúu nǔu pɛcɔ́ pʉɔ. Pʉʉ lɑɑ ŋ́ɡɛ pɔ́Ꞌɔ, mbɔ ɛ́ ɡʉ ḿbɔ́ yúu mi nɛpʉ́ʉ-Mɔ̌sɛ̂ɛ mbɑ mɛŋwɑꞋnɛ pɛŋɡɛ́mndʉ̈ɔ́Ꞌ-Sɛ́ píkŋɛnɛ.

Jɑ̂ŋ 1:17

Sɛ́ kɑ lɛɛ nǔu Mɔ̌sɛ̂ɛ, ŋ́ɡɑ́ nɛpʉ́ʉ, nu nɛ́nẅín pɔ́p fuꞋ níinɛ yɛkŋɛ pɛn ńdɛɛ pɔ nǔu Yɛ́su Kɛlístɔ.

Pʉɔ-Lɔ́mɑ 13:9

Pʉʉ zɛɛ ńjí nɛpʉ́ʉ ni ɛ́ cúnɛ ŋɡɔ: «Kɔɔ ɡɛ ɡɑp. Kɔɔ jẅí ŋu. Kɔɔ jʉ̈ɔ. Kɔɔ tík mík nǔu yúu-ŋu». Lɔk ŋ́kút mɛtú mɔnɛ mbʉ́ʉ tɛ mbɑ mɛcɔ́ pɔ́ ŋɡɔ: «Kɔŋ mɔ́ɔmɑ́ wu ŋumɛsɔŋ pɑ́Ꞌ ɔ kɔŋnɛ túmbʉʉ yú».

Ŋɡɑlɑ̂t 5:14

MbíꞋŋɡɔ nu yi ɛ́ kútnɛ mɛtú mɛnu mi ɛ́ tsɛt nɛpʉ́ʉ cú ŋɡɔ: Kɔŋ mɔ́ɔmɑ́ wu ŋumɛsɔŋ pɑ́Ꞌ túmbʉʉ yú.

1 Timɔtɛ́ɛ 1:5

Ɔ cú yîyɑ́ nu mbɔ̌ pɔ́p nɛpɔ́ yi pɔ́p ɡʉ ŋ́kɔŋ pɛcɔ́ pʉɔ tɛ ɛ́sẅíi nu. Nɛkɔŋ ŋu tɛ ɛ́sẅíi nu, ɛ́ píkŋɛ nɛɡẅɛɛ tʉ́m Lɛ́ɛnɛ́nɛ, ḿbíkŋɛ nɛɡɛ yúu mi mbʉʉ yu kɛ́ tswɑ́ɑ wú nǔu pɔ́, ḿbɛn ḿbíkŋɛ nɛzɑ́p tʉ́m nǔu Sɛ́, kwɑꞋ nɛ́nẅín.

Jɑ̂k 2:8

Ɛ́ tsʉ́Ꞌ yi pʉʉ ɡɛ pɔ́Ꞌɔ, mbɔ pʉʉ ńnɛn nǔu pɑ́Ꞌ nɛpʉ́ʉ nɛ ɡwɛ́ nǔu nu-nɛfɔɔ-Sɛ́ cúnɛ tsɛt ŋwɑꞋnɛ-Sɛ́, ɛ́ cú ŋɡɔ: «Kɔŋ mɔ́ɔmɑ́ wu ŋumɛsɔŋ pɑ́Ꞌ ɔ kɔŋ túmbʉʉ yú. Pʉʉ lɔk pɔ́Ꞌɔ, ŋ́ɡɛ sʉ́Ꞌnɛ.»