Mɑtʉ̈ɔ 22:3 - Kɑɑ Fí

³ Ŋkɑ́ nɛjʉ́ yúu ɡɛ ŋ́kuꞋ, ɑ túu pɛtsiindɑ́ pɛ́, ŋɡɔ pɔ́p ɡʉ ńdɔɔ pʉɔ pínɛ ɑ kɑ cúnɛ mbɔ̌ pɔ́p pɑ́Ꞌ pɔ́p ɡʉ ńtɔ́ pɔ́p pɛ́pɔ́p kwɛ́t yúu. Lɑ́ pɛtsiindɑ́ pɛ́ ɡʉ ńjʉ́ɔ wɛ́t ŋu lɑ́ nǔu pɔ́p, ɑ lʉꞋ lʉꞋnɛ nɛtɔ́.»

Mɑtʉ̈ɔ 22:3 ပူးပေါင်းရင်းမြစ်များ

Mɑtʉ̈ɔ 21:34

Ŋkɑ́ nɛkɑ́p ntɑ́ɑ-tʉ́ ɡɛ ŋ́kuꞋ, ɑ túu ɡɑŋfɑꞋ pɛ́ mbɔ̌ pʉɔ pí pɔ́p ŋkɑ́Ꞌ ŋɡɔ pɔ́p ɡʉ ńcẅɛ́ɛ mɛ́ mɛntɑ́ɑ-tʉ́ ńdɔk ńtɔ́.

Mɑtʉ̈ɔ 23:37

Ŋkɑ́ kuꞋ Yɛ́su cú ŋɡɔ: «Pʉɔ-Yɛlúsɑlɛm, pʉɔ-Yɛlúsɑlɛm, pʉʉ ẅí pʉʉ jẅínɛ pɛŋɡɛ́mndʉ̈ɔ́Ꞌ-Sɛ́ jẅínɛ, ńdɔk mɛŋɡɔꞋ ńtɛ́m pʉɔ pínɛ Sɛ́ túunɛ wɔ́p mbɔ̌ pʉʉ ńjẅítɛ, ŋkɑ́ yɛsʉ́Ꞌʉ́ pɑ́Ꞌ n dɔɔnɛ nɛcúꞋlɛ wʉ́ʉ, pɑ́Ꞌ mɔ̂ŋɡɛ́p cúꞋlɛ pɔ́ɔ pɛ́ mɛpɑp yɛ́, pʉʉ kɛ́ ńdʉꞋ lʉꞋnɛ?

Mɑtʉ̈ɔ 3:2

«Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»

Mɑtʉ̈ɔ 9:15

Yɛ́su tsɔ́Ꞌ mbɔ̌ pɔ́p ŋɡɔ: «Tɛ ɛ́ lɑɑ ḿbɔ́ pɛ́ ɡʉ nɛlúŋ-ŋu, ɑ pɛ́t ńnɑ́ŋ nɑ́ŋnɛ pɛsúu pɛ́ pi pɛ́ lɑ́Ꞌnɛ ɛ́fúŋ nɑ́ŋ tsɛt nɛmʉk mɛlɑ́Ꞌ kʉ̈ɔ́? Lɑ́ pɛ́ ɡʉ ńdɑ́Ꞌ ɛ́fú mbɔ̌ pɔ́p yɛcɔ́ lɛ́Ꞌ ɛ́sɑꞋ wɛ́, pɔ́Ꞌɔ lɑ́, pɔ́p nɑ́ŋ nji ŋkɑ́ ɛ̂yɑ́.»

Lúkɑ́shi 13:34

Ŋkɑ́ kuꞋ, ɑ mɑɑ ŋɡɔ: «Pɑyɛlúsɑlɛm, Pɑyɛlúsɑlɛm, pʉʉ pʉɔ pínɛ pʉʉ ńjẅínɛ pɛŋɡɛ́mndʉ̈ɔ́Ꞌ-Sɛ́ jẅínɛ, ńdɔk mɛŋɡɔꞋ ńtɛ́mtɛ pʉɔ pinɛ Sɛ́ túunɛ mbɔ̌ pʉʉ jẅítɛ, ɛ́ ŋkɑ́ yɛ́sʉ́Ꞌ pɑ́Ꞌ n dɔɔnɛ nɛcúꞋlɛ pɔ́ɔ pʉ́ʉ, pɑ́Ꞌ mɔ̂ŋɡɛ́p cúꞋlɛ pɔ́ɔ pɛ́ tsɛt mɛpɑ́p mɛ́, pʉʉ kɛ́ ńdʉꞋ lʉꞋnɛ?

Lúkɑ́shi 15:28

Ndu wɛ zúꞋ pɔ́Ꞌɔ, ńzɑ́ŋ lɔ́ŋ tɛ ńdʉꞋ nɛkúu ndɑ́. Tɑ́t wɛ cẅɛt píi, ḿbúꞋ mbɔ́ mbɔ̌ wɛ́ ŋɡɔ ɑ kúu ndɑ́.

Lúkɑ́shi 19:27

Ɛ́ ɡʉ nǔu ɡɑŋmbuu pɑ́ɑ, pʉɔ pɑ́ pinɛ pɔ́p kɑ pɔ́ ńdʉꞋ ŋɡɔ ŋ kɛ́ pɔ́ fɔɔ wɔp pɔ́ lɑ́, pʉʉ lɔk wɔ́p ńtɔ́ zɑ́Ꞌnɛ, ŋ́ɡwɑt wɔ́p mbi mɔ.

Jɑ̂ŋ 5:40

Lɑ́, Pʉʉ pɛn ŋ́kɛ́ ḿbɔɔ ḿbɔ́ ŋ́kɔŋ nɛtɔ́ mbɔ̌ mɔ ŋ́ɡẅɛɛ kwɑꞋ luk pɔ́.

ŊwɑꞋnɛ-Gɑŋntúu Yɛ́su Kɛlístɔ 13:45

Pɑyúdɑ jʉ́ɔ ndɛn lɑ́Ꞌ yi ɛ́ kɔ́Ꞌnɛ, ŋ́kɔ́Ꞌ lɔ́ŋ, ńzɛ nɛsɑ shuk-nu yí Pɔ̂l pɔ́p Pɑnɛpɑ́ɑshi cúnɛ, ńzɛ nɛzɔɔtɛ wɔ́p.

Pʉɔ-Lɔ́mɑ 10:21

Lɑ́ ŋ́ɡʉ nǔu pɑíslɑyɛ̂l, Sɛ́ cú ŋɡɔ: «N júk lɛ́Ꞌ tsʉʉ pɔ nɛcɑklɛ pɔ́ ńdɔk ɛ́fúŋ wɔ́p, pɔ́p tʉʉ tú tʉʉnɛ, ɛ́shɔt shʉ́-nu yi n cúnɛ shɔtnɛ.»

Ɛ́bɛlʉʉ 12:25

Pɔ́Ꞌɔ lɑ́, pʉʉ pɑ́ɑ nɛlʉꞋ nɛzẅíꞋlɛ nu yi ɛ́ cẅɛtnɛ ntsu-ŋu ẅí ɑ sɛ́ ńcú nu mbɔ̌ pʉʉ, mbíꞋŋɡɔ ḿbɔ́ yi pɛ́ kɑ níꞋ ntsɑŋ tú-pʉɔ pi pɔ́p kɑ lʉꞋnɛ nɛzúꞋ nu yi Mɔ̌sɛ̂ɛ kɑ pɔ́ ndǔ tsɛ́tsɑ́Ꞌ ḿbɔ́ ŋ́kɑ́k nɛtúutɛ nɔ́p nǔu, mbɔ pɛkŋɛ lɑɑ tɛ́m ŋkwɛn mbɔ̌ Sɛ́ ẅí ɑ tʉ́nɛ́pú, ḿbɔ́ ɛ́sẅíi wɛkŋɛ nɛ nu, mbɔ ɛ́ ŋ́ɡɛ pɑ́Ꞌ lɑ́ pɛkŋɛ pɔɔ kúu pɔ ŋɡʉ̈ɔ́Ꞌ yi ɛ́ lɛɛ yîyɑ́ pɔ́.

Ɛ́bɛlʉʉ 9:15

Yɔ yúu minɛ ɛ́ ɡɛnɛ Kɛlístɔ pɔ́ nǔu nu yɛcɔ́ kɑɑ yi ɛ́ yɛ fí, yi ɛ́ pɛn ńdɔk ḿbɔ́ pɑ́Ꞌ ŋwɑꞋnɛ lɔk ńtík nɛvú, ḿbɔ́ nɛnkɛ́m. A kɑ pfú ɛ́ pɔ́ nɛlɔk pɔ́Ꞌɔ, ɛ́fú ndɑ́tsɑ́ŋ yi mɛnu kɛpɔŋ-pʉɔmɛsɔŋ kɑ níꞋnɛ wɔ́p zúꞋu, ŋkɑ́ yi pɛ́ kɑ pɛ́t pɔ́ nǔu nu nduŋmbi kɑɑ, ńcẅɛɛtɛ wɔ́p. Ɛ́ kɛ́ fú pɔ́Ꞌɔ, pʉɔ pinɛ pɛ́ kɑ tsɔ́Ꞌnɛ wɔ́p, pɔ́p kuꞋ nɛcẅɛ́ɛ mɛyúu sʉ́Ꞌnɛ mi ɑ kɑ pʉ́nɛ, ɛ́ pɔ́ mi ɛ́ ɡʉ ńdɑ́Ꞌ ḿbɔ́ pɔ ɡú.

Mɛnu ɛ́ ńdɑ́Ꞌ ńcẅɛt 22:17

Zẅikŋɛ Lɛ́ɛnɛ́nɛ pɔ́p nzwɛ́ wɛ ɡʉnɛ ńcú ŋɡɔ ńtɔ́. Ɛ́ pɔŋ ŋɡɔ ŋu ẅi ɑ zúꞋnɛ yɔ nu ɑ cú yɛ́ ŋɡɔ tɔ́. Ŋu ẅi nji-ŋki sɛ́ ńzɑ́ŋ wɛ́ ɑ tɔ́. Ŋu ẅí ɑ kɔŋnɛ ɑ nɔ́ ŋki ẅí ɛ́ ɡɛnɛ pɛ́ tsuŋ ḿbɔ́ ɡú, ńnɔ́ pɔ kɛ́ ɡɑ́ yɛcɔ́ yúu.