Mɑtʉ̈ɔ 22:13 - Kɑɑ Fí

¹³ Fɔɔ ɡɔ́ɔ ŋ́kɛ́ ńcú mbɔ̌ pɛtsiindɑ́ pɛ́ ŋɡɔ: «Pʉʉ kút mɛku mɛ́, ŋ́kút mbɔ́ mɛ́, ḿmɑꞋ wɛ́ píi, tsɛt nzɛ́nzʉ́ʉ. A ɡʉ ńnɑ́ŋ zúꞋu ḿbɔ́ ńdɑɑ, ḿbɔ́ ŋ́kwɛ́t mɛsɔŋ.»

Mɑtʉ̈ɔ 22:13 ပူးပေါင်းရင်းမြစ်များ

Mɑtʉ̈ɔ 12:29

Tɛ ɛ́ lɑɑ ḿbɔ́ ŋu ɡɛ ŋɡɔ́ku lɑ ḿbʉ̈ɔ́Ꞌ ndɑ́-ŋu ntʉʉ, ńtíi yúu pɛ́ kɛ́ pɔ́ yi ɑ piitɛ ŋ́kút wɛ́? A piitɛ tɛ ŋ́kút wɛ́, ŋ́kuꞋ nɛkúu ndɑ́ ńtíi yúu pɛ́ tsʉʉ.

Mɑtʉ̈ɔ 13:30

Pʉʉ nɑ́ pɔ́p yúu sʉ́Ꞌnɛ tɛmtɛ ŋ́ɡúꞋ tɛ ŋ́kúu ŋkɑ́ nɛlɔk yúu. Ɛ́ ḿbɔ́ ŋkɑ́ yîyɑ́ n cú mbɔ̌ pɑlɔk yúu ŋɡɔ pɔ́p piitɛ ńtsɔ́Ꞌ yúu kɛpɔŋ, ŋ́kútɛ mɛkɑ́Ꞌ mɛkɑ́Ꞌ pɑ́Ꞌ pɛ́ ɡʉ ńtɔɔ múk, ŋ́ɡʉ nǔu yúu sʉ́Ꞌnɛ pɔ́p lɑk ńníꞋ tsɛt ŋkɛn wɑ́ɑ.

Mɑtʉ̈ɔ 13:42

ḿmɑꞋ wɔ́p tsɛt mɑ́mɑ́ múk, pɔ́p pɔ́ zúꞋu ḿbɔ́ ńdɑɑ, ḿbɔ́ ŋ́kwɛ́t mɛsɔŋ.

Mɑtʉ̈ɔ 13:50

ḿmɑꞋ wɔ́p tsɛt nɛkʉŋ-múk. Pɔ́p pɔ́ zúꞋu ḿbɔ́ ńdɑɑ, ḿbɔ́ ŋ́kwɛ́t mɛsɔŋ.»

Mɑtʉ̈ɔ 24:51

ńtɔ́, ńníꞋ ŋɡʉ̈ɔ́Ꞌ tú yɛ́ tɛꞋ, ńzuŋ wɛ́, ɑ ɡʉ nɛ́ zʉꞋ yi pɛ́ zuŋnɛ pɛŋkɔŋmík ŋ́ɡɑ́ zúꞋu, ńnɑ́ŋ zúꞋu ḿbɔ́ ńdɑɑ, ḿbɔ́ ŋ́kwɛ́t mɛsɔŋ.

Mɑtʉ̈ɔ 25:30

Pʉʉ ɡẅɛɛ ŋɡɑŋfɑꞋ kɛ́ kuꞋ nǔu yɛcɔ́ nu wɑ́, ḿmɑꞋ wɛ́ píi tsɛt fɛ́m nzɛ́nzʉ́ʉ. A nɑ́ŋ zúꞋu ńdɑɑ, ḿbɔ́ ŋ́kwɛ́t mɛsɔŋ.»

Mɑtʉ̈ɔ 8:12

Pɛɡʉʉ ɡɔ́ ḿbɔ́ zúꞋu, mbɔ pɛ́ cẅɛɛtɛ pʉɔ pínɛ nɛfɔɔ m̄bɔ́ nɔ́p ŋ́ɡɑ́ píi tsɛt fɛ́m nzɛ́nzʉ́ʉ. Pɔ́p pɔ́ zúꞋu ḿbɔ́ ńdɑɑ, ḿbɔ́ ŋ́kwɛ́t mɛsɔŋ.»

Lúkɑ́shi 13:28

Pʉʉ ɡɔ́ɔ ŋ́kɛ́ ńzɛ nɛkíi, lɔ́ŋ wʉʉ pɔ́ kɔ́Ꞌ. Ɛ́ ɡɔ ḿbɔ́, mbɔ pʉʉ mɑꞋ mík ńjʉ́ɔ Ábɛlɛhɑ̂m, ńjʉ́ɔ Ɛ́sɑk, mbɑ Yɑkɔ̂p, mbɑ pɛŋɡɛ́mndʉ̈ɔ́Ꞌ-Sɛ́ pɛtsʉʉ. Pɔ́p pɔ́ tsɛt nɛfɔɔ-Sɛ́. Mbɔ pɛ́ jʉ́ɔꞋ wʉ́ʉ píi.

Jɑ̂ŋ 21:18

Lɑ́ ŋ kɛ́ ɛ́sẅíi wú, kwɑꞋ nɛ́nẅín, ɔ kɑ pɛ́t mɔ́ɔsuu, ɡu pɔ́nɛ ŋ́kút tɑp yú, ḿbɛn ḿbɔ́ ŋ́ɡʉ zʉꞋ yí ɔ kɔŋnɛ, ɔ ɡʉ ŋ́kɛ́ ḿbɔ́ tɛ ńdɛn, ńtsʉ́Ꞌ ŋ́kɑꞋ pɔ mbɔ́ mú, ŋ́ɡɑ́ tʉ́ lɑ ŋu ndɛꞋ kút tɑp yú, ńdɔk wú ŋ́ɡʉ zʉꞋ yi ɔ kɑ́ pɔ́ ŋ́kɔŋ pɔ́.

ŊwɑꞋnɛ-Gɑŋntúu Yɛ́su Kɛlístɔ 21:11

ńtɔ́ pɔ́Ꞌɔ, nɛjʉ́ɔ wɛ́k, ńtɔ́ ḿbɛ́ɛ ŋkʉ-ndẅí ẅi Pɔ̂l lɔknɛ ńtsɔ́ ndẅí yɛ, ńdɔk shɔtnɛ ŋ́kút mɛku mɛ́ pɔ́p mbɔ́ mɛ́ ńcú ŋɡɔ: «Nu yi Zẅikŋɛ-Sɛ́ cúnɛ pʉ̈ɔ́lɑɑ: “Pɛ́ ɡʉ ŋ́kúu Yɛlúsɑlɛm, pɑyúdɑ ɡẅɛɛ ŋɡɑŋ-ŋkʉ-ndẅí wɔ, ŋ́kút wɛ́ pɑ́Ꞌɑ, ŋ́ɡɑ́ wɛ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́.”»

ŊwɑꞋnɛ-Gɑŋntúu Yɛ́su Kɛlístɔ 7:54

Pɑsɑ́Ꞌlɑ́Ꞌ kɑ zúꞋ pɔ́Ꞌɔ, ŋ́kwɛ́t mɛsɔŋ mɔ́p. Pɔ́p lɔ sɛ́ nzʉʉ Ɛtiyɛ̂n.

2 Tɛsɑlɔník 1:9

Ŋɡʉ̈ɔ́Ꞌ yi pɔ́p ɡʉ ńdɑ́Ꞌ jʉ́ɔ ɛ́ pɔ́ pɔ pɑ́Ꞌ pɔ́p ɡʉ ńdɑ́kŋɛ tɑ́Ꞌ ŋkɑ́, Tsɑpʉɔ wɛkŋɛ tsɛ́t ndúŋ mbɔ̌ pɔ́p tɛ pɔ́p pɔɔ sɔp lík nǔu wɛ́ pɔ́, ŋ́kɛ́ mbɔɔ jʉ́ɔ mɑ́mɑ́ nɛŋwɑ́ŋɛ wɛ pɔ́.

2 Pyɛ̂ 2:17

PɑzíꞋ pʉɔ nɛ́ nu-Sɛ́ pɛ́ cɔtnu ɛ̂pɑ́ pɔ́ pɔ pɑꞋ zʉꞋ yi ŋki kɑ pɔ́ ńcẅɛt zúꞋu, ɛ́ kɑ kɛ́ mɔ́ ńzúu lɑ́, pɔ́p pɔ́ pɔ pɑ́Ꞌ mbʉŋ yi ɛ́ kɔ́Ꞌnɛ́nɛ, fɛ́m tíi ńdɔk ŋ́ɡʉ. Sɛ́ kɑ kɛ́ ńniitɛ zʉꞋ yɔ́p ńtík tsɛt nzɛ́nzʉ́ʉ.

2 Pyɛ̂ 2:4

Pɛcʉ̈ɔ́Ꞌ-Sɛ́ kɑ zɛɛ ɛ́fɑɑnɛ nu, Sɛ́ pɔɔ wɔ́p nɑ́. A kɑ tsʉ́ʉ wɔ́p ḿmɑꞋ tsɛt nɛpʉ́ kɛ́ ndúŋ zʉꞋ-nzɛnzʉ́ʉ, pɔ́p ɡɔ́ ḿbɔ́ tsɛt mɛŋkʉ, ḿbɔ́ ńzẅíꞋlɛ lɛ́Ꞌ yi pɛ́ ɡʉ ŋ́ŋɑk mɛtsɑŋ.

Jẅidɛ 1:13

Pɔ́p pɑ́Ꞌ mɛnʉ́ʉ-ŋki mi ɛ́ sɛ́ ńtɛ́mɛ, mɛfɑꞋ-sʉ́ʉ mɔ́p sɑt zʉꞋ pɑ́Ꞌ mɛkyɑŋɛ mi ŋki lɔknɛ ɛ́sɑt zʉꞋ tsʉʉ lɑ́. Pɔ́p pɑ́Ꞌ pɛcʉ̈ɔ́Ꞌ-sɑŋ pi pɔ́p ɡɔ́ ḿbɔ́ ḿbúunɛ, mbɔ Sɛ́ kɑ niitɛ zʉꞋ yɔ́p tɑ́Ꞌ ŋkɑ́ tsɛt fɛ́m nzɛ́nzʉ́ʉ.

Jẅidɛ 1:6

Pʉʉ kẅíitɛ pɛcʉ̈ɔ́Ꞌ-Sɛ́ pi pɔ́p ŋkɑɑ kɔŋ nɛnɑ́ŋ zʉꞋ yi Sɛ́ kɑ tíknɛ wɔ́p zúꞋu pɔ́, ńnɑ́ zʉꞋ yi pɔ́p kɑ pɔ́nɛ. Pɔ́Ꞌɔ lɑ́ Sɛ́ cʉŋɛ nɛ́ mɛcɛ̂n tɛ ndɑꞋ zʉꞋ yi nzɛ́nzʉ́ʉ zúꞋu, pɔ́p zúꞋu ḿbɔ́ ńzẅíꞋlɛ lɛ́Ꞌ ɡwɛ́ yi ɑ ɡʉ ńdɑ́Ꞌ ńzɑ́Ꞌ mɛtsɑŋ.

Mɛnu ɛ́ ńdɑ́Ꞌ ńcẅɛt 21:27

Lɑ́ yɛcɔ́ yúu mi ntsɛ́llɛ́ nǔu, kɛ́ ɡɛ ńdɛɛ tɛ ŋ́kúu zúꞋu pɔ́. Tɛ mbɑ sɑ̌ɑ ŋu ɑ nǔu pɑɡɛ mɛnu ndǔmbí, mbɑ nǔu ɡɑŋcɔtnu. NdɑꞋ pʉɔ pi mɛlík mɔ́p tsɛt ŋwɑꞋnɛ-Mɔ́ɔ-Njinjɔ yi lík-pʉɔ pí pɔ́p ɡẅɛɛnɛ luk kɛ́mɛ tsɛtú, ɡʉ ńdɑ́Ꞌ ŋ́kúu zúꞋu.