Mɑtʉ̈ɔ 21:41 - Kɑɑ Fí

⁴¹ Pɛ́ pʉ̈ɔt ŋɡɔ: «A ɡʉ ńtɔ́ ŋ́ɡɛ pɛ́ jẅítɛ pɛfút ɛ̂pɑ́, ḿbɛn ńníꞋ ŋkɑ́Ꞌ mbɔ̌ pɛcɔ́ pʉɔ pɛndɛꞋ, pínɛ ɛ́ ɡʉ ŋ́ɡɛ kuꞋ ŋkɑ́ yi pɛ́ kíɛnɛ mɛluꞋ, pɔ́p ɡɑ́ mɛ́.»

Mɑtʉ̈ɔ 21:41 ပူးပေါင်းရင်းမြစ်များ

Mɑtʉ̈ɔ 21:34

Ŋkɑ́ nɛkɑ́p ntɑ́ɑ-tʉ́ ɡɛ ŋ́kuꞋ, ɑ túu ɡɑŋfɑꞋ pɛ́ mbɔ̌ pʉɔ pí pɔ́p ŋkɑ́Ꞌ ŋɡɔ pɔ́p ɡʉ ńcẅɛ́ɛ mɛ́ mɛntɑ́ɑ-tʉ́ ńdɔk ńtɔ́.

Mɑtʉ̈ɔ 21:40

Yɛ́su píkŋɛ ŋɡɔ: «Tɛ ndʉ́m wɔ ɡʉ ŋ́ɡɛ ńtɔ́, ŋ́ɡɛ ŋɡɔ́ku nǔu pʉɔ pí ɑ kɑ níꞋnɛ ŋkɑ́Ꞌ mbɔ̌ pɔ́p?»

Mɑtʉ̈ɔ 21:43

Ɛ́ pɔ́Ꞌɔ, lɑ ɛ sẅíi wʉ́ʉ ŋɡɔ pɛ́ ɡʉ cẅɛ́ɛ zʉꞋ yʉ́ʉ tsɛt nɛfɔɔ-Sɛ́, ŋ́ɡɑ́ mbɔ̌ yɛcɔ́ túu yi ɛ́ ɡʉ ŋ́ɡɛ yúu mi Sɛ́ sɛ́ ŋ́kɔŋ.» [

Mɑtʉ̈ɔ 3:12

A ɡʉ ńtɔ́ ńtíitɛ yúu pinɛ pɛ́ lɑknɛ ŋkɑ́Ꞌ. ŃníꞋ yɛ sʉ́Ꞌnɛ tsɛt ŋkɛn. Ńtsʉ́Ꞌ kyɑŋɛ ḿbʉ̈ɔt tsɛt múk ẅi ɛ́ kɛ́ lɑ́Ꞌ ḿbɛ́ pɔ́.»

Lúkɑ́shi 20:16

A ŋ́ɡɛ ńtɔ́ ŋ́ɡɛ pɛ́ jẅítɛ wɔ́p. A níꞋ ŋkɑ́Ꞌ mbɔ̌ pɑniitɛ mɛluꞋ pɛndɛꞋ. Lɑ́Ꞌ zúꞋ pɔ́Ꞌɔ, ńcú ŋɡɔ: «Ŋɡɑ́ŋ, ḿbɔ́ ɛ́ pɔɔ pɔ́ pɑ́Ꞌ pɔ́!»

ŊwɑꞋnɛ-Gɑŋntúu Yɛ́su Kɛlístɔ 15:7

ńdɑ́Ꞌ ŋ́kwɑŋɛ, ɛ́ tɛn tɛnnɛ. Tɛ Pyɛ̂ lɔ sɛ́ ńcú ŋɡɔ: «Pɔ́ɔpɛ́mɑ́, pʉʉ sɛ́ ńjí yʉ́ʉ pɑ́Ꞌ Sɛ́ kɑ tsɔ́Ꞌnɛ wɑ́ɑ tsɛtsɛt pʉʉ tɛ ntí sɑk ŋɡɔ ŋ ɡʉ ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ pʉɔ pí pɔ́p kɑ́ pɔ́ pɑyúdɑ pɔ́ pɑ́Ꞌ pɔ́p ɡʉ ńzúꞋ ńzɑ́p tʉ́m yɔ́p nǔu Yɛ́su.

ŊwɑꞋnɛ-Gɑŋntúu Yɛ́su Kɛlístɔ 18:6

Lɑ́ pɑyúdɑ tɛn pɔ ndʉꞋ, ńzɔɔtɛ Pɔ̂l. A ɡɔ́ɔ ńtsʉ́Ꞌ ḿbúꞋ pɔ pɛ́pɛ́p nǔu mɛndẅí mɛ́, ńcú mbɔ̌ pɔ́p ŋɡɔ mɛci mɔ́p lɑɑ ńtswɛtnɛ tú pɔ́p, mbɔ yɛ́ nu kɑ́ pɔ́ nǔu pɔ́. Ŋɡɔ ɑ fú ŋkɔ̂ɔnɛ, ńtsʉ́Ꞌ ɛ́sẅíi nu-Sɛ́ pɔ mbɔ̌ pʉɔ pinɛ pɔ́p kɑ́ pɔ́ pɑyúdɑ pɔ́.

ŊwɑꞋnɛ-Gɑŋntúu Yɛ́su Kɛlístɔ 28:28

Pɔ̂l pɛn ńcú mbɔ̌ pɔ́p ŋɡɔ: «Pʉʉ ɡẅɛɛ nɛjí ŋɡɔ, ɛ́ kɛ́ ḿbɔ́ ŋkɔ̂ɔnɛ, mbɔ Sɛ́ kɑ túu Ŋkʉʉ Sʉ́Ꞌnɛ ẅi ɛ́ ɡɛnɛ pɛ́ luk, mbɔ̌ pʉɔ pi pɔ́p kɑ́ pɔ́ pɑyúdɑ pɔ́. Ŋ́ɡʉ nǔu pɔ́p, pɔ́p ɡʉ ńzúꞋ ḿbɛ́m.» [

ŊwɑꞋnɛ-Gɑŋntúu Yɛ́su Kɛlístɔ 28:8

Ɛ́ ɡɔ́ ḿbɔ́ tɑ́t pɛ́ Pubilíyus ɛ̂wɑ́ nɔɔ ndɑ́, ḿbɔ́ ŋ́ɡɔɔ. Mbʉʉnút pɔ́ nǔu wɛ́, sɑɑkɔ́Ꞌ pɔ́ ŋ́ɡɛ wɛ́. Pɔ̂l ɡʉ ńjʉ́ɔ wɛ́, ńcɛꞋlɛ Sɛ́ ńzɑ́p mbɔ́ tú yɛ́, ŋ́ɡɛ ɑ fíitɛ.

1 Tɛsɑlɔník 2:16

Pɔ́p sɛ́ ɛ́sɑ́Ꞌ tʉʉ ńtɔꞋ wɛ́k nɛsẅíi nu-Sɛ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ḿbɔ́k pɑ́Ꞌ ɛ́ ɡʉ ŋ́ɡɛ pɔ́p luk. Ɛ́ pɔ́Ꞌɔ, ńdɔk ŋ́kẅiꞋ ndɛnnú kɛpɔŋ yɔ́p kẅiꞋnɛ. Sɛ́ kɑ kɛ́ ńzɑ́ŋ lɔ́ŋ tɛ ńzɑ́p pɔ́ yɛ́ nǔu pɔ́p.

Ɛ́bɛlʉʉ 12:25

Pɔ́Ꞌɔ lɑ́, pʉʉ pɑ́ɑ nɛlʉꞋ nɛzẅíꞋlɛ nu yi ɛ́ cẅɛtnɛ ntsu-ŋu ẅí ɑ sɛ́ ńcú nu mbɔ̌ pʉʉ, mbíꞋŋɡɔ ḿbɔ́ yi pɛ́ kɑ níꞋ ntsɑŋ tú-pʉɔ pi pɔ́p kɑ lʉꞋnɛ nɛzúꞋ nu yi Mɔ̌sɛ̂ɛ kɑ pɔ́ ndǔ tsɛ́tsɑ́Ꞌ ḿbɔ́ ŋ́kɑ́k nɛtúutɛ nɔ́p nǔu, mbɔ pɛkŋɛ lɑɑ tɛ́m ŋkwɛn mbɔ̌ Sɛ́ ẅí ɑ tʉ́nɛ́pú, ḿbɔ́ ɛ́sẅíi wɛkŋɛ nɛ nu, mbɔ ɛ́ ŋ́ɡɛ pɑ́Ꞌ lɑ́ pɛkŋɛ pɔɔ kúu pɔ ŋɡʉ̈ɔ́Ꞌ yi ɛ́ lɛɛ yîyɑ́ pɔ́.

Ɛ́bɛlʉʉ 2:3

Pɑ́Ꞌ ɛ́ kɑ pɔ́ pɔ́Ꞌɔ lɑ́, pɛkŋɛ lɑɑ ŋ́ɡwɑ́k nu nǔu mɑ́mɑ́ nu yi Sɛ́ kɑ ɡɛnɛ pɛkŋɛ luk, mbɔ Sɛ́ ŋ́ɡɛ pɑ́Ꞌ tɛ ńnɑ́ wɛkŋɛ? Tsɑpʉɔ Yɛ́su nɛ́ túmbʉʉ yɛ́ kɑ piitɛ ńzɛ nɛcú nu ɛ̂yɑ́. Pʉɔ pi pɔ́p kɑ zúꞋnɛ ntsu wɛ́, ɡʉ ńtsuŋ ɛ́sẅíi wɛkŋɛ ŋɡɔ ɛ́ kwɑꞋ mɑ́mɑ́ nu.