Mɑtʉ̈ɔ 21:34 - Kɑɑ Fí

³⁴ Ŋkɑ́ nɛkɑ́p ntɑ́ɑ-tʉ́ ɡɛ ŋ́kuꞋ, ɑ túu ɡɑŋfɑꞋ pɛ́ mbɔ̌ pʉɔ pí pɔ́p ŋkɑ́Ꞌ ŋɡɔ pɔ́p ɡʉ ńcẅɛ́ɛ mɛ́ mɛntɑ́ɑ-tʉ́ ńdɔk ńtɔ́.

Mɑtʉ̈ɔ 21:34 ပူးပေါင်းရင်းမြစ်များ

Mɑtʉ̈ɔ 21:35

Pɔ́p ɡʉ tɛ ŋ́kúu zúꞋu, pʉɔ pí pɔ́p ŋkɑ́Ꞌ yɛ́ kɑ vu nǔu nduŋmbi ńtswɑ́ɑ wɛ́, ńjẅí mbɑ́ɑtɛ, ḿbɛn ńdɔk mɛŋɡɔꞋ ńtɛ́mtɛ mbɑ́ɑtɛ yɛ́tɑ́t ńjẅí.

Mɑtʉ̈ɔ 21:38

Lɑ́ pʉɔ pɑ́ jʉ́ɔ mɔ́ɔ-ndʉ́m wɑ́, ńcú tsɛtsɛt pɔ́p ŋɡɔ: «Njʉ́ndɑ́ wɛ pʉɔlɑ́ ɑ tɔ́nɛ lɑɑ. Pʉʉ tɔ́ pɛkŋɛ jẅí wɛ́ ńjʉ́ ŋkɑ́Ꞌ,»

Mɑtʉ̈ɔ 21:40

Yɛ́su píkŋɛ ŋɡɔ: «Tɛ ndʉ́m wɔ ɡʉ ŋ́ɡɛ ńtɔ́, ŋ́ɡɛ ŋɡɔ́ku nǔu pʉɔ pí ɑ kɑ níꞋnɛ ŋkɑ́Ꞌ mbɔ̌ pɔ́p?»

Mɑtʉ̈ɔ 21:41

Pɛ́ pʉ̈ɔt ŋɡɔ: «A ɡʉ ńtɔ́ ŋ́ɡɛ pɛ́ jẅítɛ pɛfút ɛ̂pɑ́, ḿbɛn ńníꞋ ŋkɑ́Ꞌ mbɔ̌ pɛcɔ́ pʉɔ pɛndɛꞋ, pínɛ ɛ́ ɡʉ ŋ́ɡɛ kuꞋ ŋkɑ́ yi pɛ́ kíɛnɛ mɛluꞋ, pɔ́p ɡɑ́ mɛ́.»

Mɑtʉ̈ɔ 22:3

Ŋkɑ́ nɛjʉ́ yúu ɡɛ ŋ́kuꞋ, ɑ túu pɛtsiindɑ́ pɛ́, ŋɡɔ pɔ́p ɡʉ ńdɔɔ pʉɔ pínɛ ɑ kɑ cúnɛ mbɔ̌ pɔ́p pɑ́Ꞌ pɔ́p ɡʉ ńtɔ́ pɔ́p pɛ́pɔ́p kwɛ́t yúu. Lɑ́ pɛtsiindɑ́ pɛ́ ɡʉ ńjʉ́ɔ wɛ́t ŋu lɑ́ nǔu pɔ́p, ɑ lʉꞋ lʉꞋnɛ nɛtɔ́.»

Mɑ́lɛ́kúshi 12:1

Yɛ́su tsɔ́Ꞌ pɔ́Ꞌɔ, ńzɛ nɛlɔk sɑknɛkɛt ńcú mbɔ̌ pɔ́p ŋɡɔ: «Wɛcɔ́ ndʉ́m kɑ ɡẅɛɛ ŋkɑꞋ wɛ́, ŋ́ɡʉ tsɛtú, ḿbi mɛtʉ́ mi pɛ́ kíɛ mɛntɑ́ɑ mɛ́ ńdɔk ńniitɛ mɛluꞋ, ḿbɔ́ɔ tɑ́ɑŋkɑ́Ꞌ ńdɔk ŋ́kíitɛ, ŋ́ɡʉ tsɛt ŋkɑꞋ, ḿbuꞋ ɡʉ́ɔ nǔu ŋɡɔꞋ zʉꞋ yí pɛ́ ɡʉ kíɛ mɛntɑ́ɑ zúꞋu, ḿbɛn ḿbɔ́ɔ tɑꞋ sɛsɑ ndɑ́ ẅi pɛ́ ɡʉ ŋ́kɔ́Ꞌ ńtʉ́ʉ tsɛtú lɑ́ ḿbyɛ́p ŋkɑ́Ꞌ, ŋ́ɡɛ pɔ́Ꞌɔ, ńníꞋ ŋkɑ́Ꞌ mbɔ̌ pɑniitɛ mɛluꞋ ŋ́ɡɔ́ɔ ŋ́ɡʉ nɛ́ nɛnɛn.

Mɑ́lɛ́kúshi 12:7

Lɑ́ ɑ ŋ́kúu zúꞋu, pʉɔ pɑ́ cú tsɛtsɛt pɔ́p ŋɡɔ: Njʉ́ndɑ́ wɛ pʉ́ɔlɑ́ ẅi ɑ tɔ́nɛ lɑ́, pɛkŋɛ jẅí wɛ́, ńjʉ́ ŋkɑ́Ꞌ,

Mɑ́lɛ́kúshi 12:9

Yɛ́su píkŋɛ ŋɡɔ: «Pʉʉ jʉ́ɔ yʉ́ʉ ŋɡɔ ŋɡɑŋkɑ́Ꞌ ɡʉ ŋ́ɡɛ ŋɡɔ́ku nǔu pɔ́p? A ɡʉ ńtɔ́ ŋ́ɡɛ pɛ́ jẅítɛ pɔnɛ pɑniitɛ mɛluꞋ, ɑ níꞋ ŋkɑ́Ꞌ mbɔ̌ pɛndɛꞋ.»

Lúkɑ́shi 20:9

Ńcú pɔ́Ꞌɔ, ńzɛ nɛlɔk sɑknɛkɛt ńcú mbɔ̌ lɑ́Ꞌ ŋɡɔ: «Wɛcɔ́ ndʉ́m kɑ lɑ́Ꞌ ŋ́ɡẅɛɛ ŋkɑ́Ꞌ wɛ́, ŋ́ɡʉ tsɛtú ḿbi mɛtʉ́ mi pɛ́ kíɛ mɛntɑ́ɑ mɛ́ ńdɔk ńniitɛ mɛluꞋ, ńjʉ́ɔꞋ mbɔ̌ pʉɔ, ńdɔ sɛ́ ŋ́ɡʉ nɛnɛn, ŋ́ɡʉ ńtɔ́ zúꞋu ńnɑ́ŋ tɛꞋ.»