Mɑtʉ̈ɔ 20:26 - Kɑɑ Fí

²⁶ Lɑ́ ɛ́ kɛ́ mbɔɔ pɔŋ ŋɡɔ ɛ́ pɔ́ tsɛtsɛt pʉʉ ḿbɔ́ pɔ́Ꞌɔ pɔ́. Ŋu lɑɑ ḿbɔ́ ŋ́kɔŋ nɛpɔ́ ndʉ́m tsɛtsɛt pʉʉ, mbɔ ɛ́ pɔ́ŋ ŋɡɔ ɑ tsʉ́Ꞌ mɔ́ŋkʉ̈ɔ́ wʉʉ.

Mɑtʉ̈ɔ 20:26 ပူးပေါင်းရင်းမြစ်များ

Mɑtʉ̈ɔ 20:27

Ŋu nǔu pʉʉ lɑɑ ḿbɔ́ ŋ́kɔŋ nɛpɔ́ ndʉ́m tsɛtsɛt pʉʉ, mbɔ ɛ́ pɔŋ ŋɡɔ ɑ pɛ́m nɛpɔ́ ŋkwɑɑ wʉʉ.

Mɑtʉ̈ɔ 25:44

Pɔ́p ɡúu pɛn ńcú ŋɡɔ: «Tsɑpʉɔ, pɛk kɑ jʉ́ɔ wú shʉ́n, njí pɔ́ zɑ́ŋ wú, ńjʉ́ɔ wú shʉ́n, ɡɑ́k yú pɔ́ shí, ńjʉ́ɔ wú shʉ́n, ɔ pɔ́ ŋɡʉʉ, ńjʉ́ɔ wú shʉ́n ɔ pɔ́ kɛ́ mɑꞋ ndẅí, ńjʉ́ɔ wú shʉ́n, ɔ pɔ́ ŋ́ɡɔɔ, ńzúꞋ shʉ́n ɔ pɔ́ ndɑ́tsɑ́ŋ, pɛk pɔɔ wú cẅɛ́lɛ́?»

Mɑtʉ̈ɔ 27:55

Pɑŋɡɛ́ tɛ ńzɑ́ɑ tʉ́ʉ ŋɡɑ sɛsɑ ḿbɔ́ ńdíŋɛ, mbɔ pɔ́p kɑ pɔ́ nzʉʉ-Yɛ́su tɛ ɛ́fú Ŋɡɑlilɛɛ, ńnɛn ńtɔ́ɔtɛ wɛ́.

Mɑ́lɛ́kúshi 10:43

Lɑ́, ɛ́ kɛ́ mbɔɔ pɔŋ ŋɡɔ ɛ́ pɔ́ tsɛtsɛt pʉʉ ḿbɔ́ pɔ́Ꞌɔ pɔ́. Ŋu lɑɑ ḿbɔ́ ŋ́kɔŋ nɛpɔ́ ndʉ́m tsɛtsɛt pʉʉ, mbɔ ɛ́ pɔŋ ŋɡɔ ɑ shɔtnɛ ńtsʉ́ꞌ mɔ́ŋkʉ̈ɔ́ wʉʉ.

Mɑ́lɛ́kúshi 10:45

MbíꞋŋɡɔ Mɔ́ɔ-Ŋu ŋ́kɑɑ zɛɛ ńtɔ́ ndǔ tsɛ́tsɑ́Ꞌ pɔ pɑꞋ pʉɔmɛsɔŋ ɡʉ ɛ́fɑꞋ mbɔ̌ wɛ́ pɔ́, ɑ kɑ tɔ́ pɔ nɛfɑꞋ mbɔ̌ pʉɔmɛsɔŋ, ɛ́fɑꞋ fɑꞋnɛ tɛ ḿbɛn ŋ́ɡɑ́ tú yɛ́ nɛlɔk ńcẅɛ́ɛ tú-pʉɔ tɛ ńzɑ́ɑ.»

Mɑ́lɛ́kúshi 9:35

Yɛ́su nɑ́ŋ sɛ́, ɛ́fúŋ ɡɑŋku pɛ́ ntsɔ̌ppɑ́ nɛ́ nɛɡɛ́m, ɛ́sẅíi wɔ́p ŋɡɔ: «Ŋu wʉʉ lɑɑ ḿbɔ́ ńdɔɔ nɛtʉ́ʉ ḿbɔ́ nduŋmbi, mbɔ ɛ́ pɔŋ ŋɡɔ ɑ pɛ́m nɛpɔ́ nzʉʉ, ɛ́fɑꞋ mbɔ̌ pʉɔ tsʉʉ,»

Lúkɑ́shi 18:14

Yɛ́su mɑꞋ tú yɔ nu ŋɡɔ: «Tsʉ́nɛ ŋ kɛ sẅíi wʉ́ʉ, wɔ ńcẅɛ́ɛ ntsup kɑ ɡɔ́ ḿbɛn nɛ ndɑ́ yɛ, Sɛ́ pɔɔ pɛ́t ḿbɔ́ ńdɑ́Ꞌ wɛ́ pɔ́. Lɑ́, ŋ́ɡʉ nǔu ŋu-Pɑfɑlísɑy ɛ̂wɑ́, Sɛ́ kɛ ḿbɔ́ ńdɑ́Ꞌ wɛ́ lɑ́Ꞌnɛ. Ɛ́ pɔ́Ꞌɔ, lɑ́ ḿbɔ́ yi ŋu lɑɑ ŋ́ŋɑ́Ꞌ mbʉʉ yɛ, mbɔ pɛ́ ɡʉ ŋ́kɔk wɛ́, ŋ́kɔk mbʉʉ yɛ, mbɔ Sɛ́ ɡʉ ŋ́ŋɑ́Ꞌ wɛ́.»

Lúkɑ́shi 22:26

Lɑ́, kɔɔ pʉʉ fʉꞋnɛ wɔ́p. Tɛ ńtsʉ́Ꞌ pɔ́Ꞌɔ, ŋu ẅí ɑ tsɛtsɛt pʉʉ ḿbɔ́ ndʉ́m shɔtnɛ ńtsʉ́Ꞌ mɔ́ɔ, ŋu ẅí ɑ pɛn ńtʉ́ʉ mbi pʉʉ, ḿbɔ́ ɛ́sɑ́Ꞌ wʉ́ʉ, ɑ pɔ́ pɔ pɑꞋ ŋɡɑŋfɑꞋ wʉʉ lɑ́.

Jɑ̂ŋ 18:36

Yɛ́su tsɔ́Ꞌ ŋɡɔ: «Nɑ́ɑ nɛfɔɔ kɑ́ pɔ́ nɛ́ yɔ mbí pɔ́. Nɛfɔɔ nɑ́ɑ pɛ́Ꞌnɛ ḿbɔ́ nɛ́ yɔ mbí, mbɔ pʉɔ pɑ́ɑ lɑ́Ꞌ mbɔɔ nɑ́ nzʉʉ yɑɑ, tɛ pɛ́ níꞋ wɑ́ɑ mbɔ̌ pɛkɛ́m-Pɑyúdɑ pɔ́. Lɑ́, n zɛɛ ńcú ŋɡɔ nɑ́ɑ nɛfɔɔ kɑ́ pɔ́ nɛ́ ndǔmbí yɔ pɔ́.»

ŊwɑꞋnɛ-Gɑŋntúu Yɛ́su Kɛlístɔ 13:5

Pɔ́p ɡʉ tɛ ŋ́kúu zúꞋu, ńcẅɛt tsɛt kɑnúꞋ tʉ́sɔŋ-Sɑlɑminɛ, ḿbɔ́ ɛ́sẅíi nu-Sɛ́ tsɛt mɛndɑ́-cúꞋlɛ-pɑyúdɑ. Pɔ́p pɛ́ Jɑ̂ŋ Mɑ́lɛ́kúshi kɑ ɡɛnɛ ɑ pɔ́ ńcẅɛ́lɛ́ wɔ́p.

2 Kɔlɛ̂ŋtɛ 1:24

Pɛk sɛ́ ńjí ŋɡɔ wʉʉ nɛzɑ́p tʉ́m nǔu Yɛ́su Kɛlístɔ tɛntɛ, pɛk kɑ́ pɔ́ ńdɔɔ nɛtɔ́ ɛ́fyɛ́t wʉ́ʉ, ńzɑ́p pɑ́Ꞌ pʉʉ ɡʉ ŋ́ɡɛ pɔ́. Pɛk tsɑ́ɑ pɔ nɛtɔ́ ńcẅɛ́lɛ wʉ́ʉ pʉʉ mɛkŋɛ ńzúꞋ sʉ́Ꞌnɛ.

2 Timɔtɛ́ɛ 1:18

Mɔ sɛ́ ḿbúꞋ mbɔ́ mbɔ̌ Tsɑpʉɔ ŋɡɔ ɑ lɑ́Ꞌ lɛ́Ꞌ nɛzɑ́Ꞌ ntsɑŋ ŋ́ɡẅɛɛ pɔŋtʉ́m nǔu wɛ́. KwɑꞋ ɡu sɛ́ ńjí pɑ́Ꞌ ŋ kɑ pɛ́t tʉ́sɔŋ-Ɛ́fɛ̂zɛ ɑ cẅɛ́lɛ́ wɑ́ɑ pɔ́Ꞌɔ.

Filɛmɔ̂ŋ 1:13

N jʉ́ɔ ŋɡɔ ɛ́ ḿbɔ́ ḿbɔŋ ŋɡɔ ɑ pɔ́ pɔ nɛjɔ́ŋ mɔ, ḿbɔ́ ɛ́fɑꞋ fɑꞋ yi ɔ pɛ́Ꞌnɛ ḿbɔ́ zɑ́Ꞌnɛ, mbɔ ɔ fɑꞋ, nǔu ŋkɔ̂ɔnɛ yi mɔ nǔu mɛŋkʉ ntɛ́ Ŋkʉʉ sʉ́Ꞌnɛ lɑɑ.

Ɛ́bɛlʉʉ 1:14

Nu-pɛcʉ̈ɔ́Ꞌ-Sɛ́ zɛɛ pɑ́Ꞌɑ ḿbɔ́ kʉ̈ɔ́? Pɔ́p pɔ́ pɔ mɛzẅikŋɛ mi ɛ́ fɑꞋnɛ mbɔ̌ Sɛ́, ɑ sɛ́ ńtúu wɔ́p ŋɡɔ pɔ́p ɡʉ ɛ́fɑꞋ fɑꞋ yi ɛ́ ɡʉ cẅɛ́lɛ́ pʉɔ pi jʉ́ Sɛ́ ɡʉ ńtɑ́ɑ ŋ́ɡɛ pɔ́p luk.

1 Pyɛ̂ 4:11

Pɔ́fɑꞋ-ŋu lɑɑ ḿbɔ́ nɛcú nu-Sɛ́, ɑ cú pɔ yi ɛ́ fúnɛ mbɔ̌ Sɛ́. Yɛ ŋu pɔ́ nɛfɑꞋ mɛfɑꞋ tsɛt cúꞋlɛ, ɑ lɔk pɔ mɛtʉʉ mi Sɛ́ ɡɑ́nɛ mbɔ̌ wɛ́ ńdɔk ɛ́fɑꞋ. Pʉʉ ɡɛ pɑ́Ꞌɑ ńjí ŋɡɔ pɛ́ ɡʉ ńdɛɛ nǔu Yɛ́su Kɛlístɔ, ŋ́ɡúꞋlɛ Sɛ́ nǔu mbɑ kʉ̈ɔ́ lɑ́, jʉ́ ẅi mɛtʉʉ tsʉʉ, mbɑ nɛsɑ́Ꞌ mbí mbɔ̌ wɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.

1 Pyɛ̂ 5:3

Kɔɔ pʉʉ lɔk mɛtʉʉ ɛ́sɑ́Ꞌ pʉɔ pi Sɛ́ kɑ ɡɑ́nɛ mbɔ̌ pʉʉ, pʉʉ nɛn pɔ nǔu ntɛ́ yi pɔ́p ɡʉ ḿbɛ́ɛ fʉꞋ nǔu pʉʉ.

Mɛnu ɛ́ ńdɑ́Ꞌ ńcẅɛt 17:6

N jʉ́ɔ mɑŋɡɛ́ ɛ̂wɑ́, mbɔ ɑ nɔ́ mɛci-pʉɔ-Sɛ́ mbɑ mɛ́ pʉɔ pi pɔ́p cúnɛ yúu mi pɔ́p jínɛ nǔu Yɛ́su nɔ́ tɛ ḿbɑ́. N jʉ́ɔ wɛ́ tɛ ḿmɑɑ tɛꞋ.