Mɑtʉ̈ɔ 20:21 - Kɑɑ Fí

²¹ Yɛ́su píkŋɛ wɛ́ ŋɡɔ: «Ɔ tsɑ́ɑ ŋɡɔ ŋ ɡɛ ŋɡɔ́ku?» A pʉ̈ɔt ŋɡɔ: «Mɔ sɛ́ ńtsɑ́ɑ ŋɡɔ ɔ pɛ́m mbɔ̌ mɔ ŋɡɔ, ɔ ɡʉ ŋ́ɡɛ ḿbɔ́ fɔɔ, mbɔ́ŋkʉ̈ɔ́ pɑ́ɑ pɔnɛ pɛ́pɑ́ nɑ́ŋ nɛjɔ́ŋ ɡu, tɑ́Ꞌ pɔ́ nǔu ɡúŋ-pɔ́ yú yɛ tʉʉ, wɛcɔ́ pɔ́ nǔu ɡúŋ-pɔ́ yú yɛ ŋkẅɛpmɛ.»

Mɑtʉ̈ɔ 20:21 ပူးပေါင်းရင်းမြစ်များ

Mɑtʉ̈ɔ 18:1

Ɛ́ pɔ́ ŋkɑ́ yîyɑ́, ɡɑŋku-Yɛ́su tɔ́ ḿbíkŋɛ wɛ́ ŋɡɔ: «Wɔ̌ ŋu ɡwɛ́ tsɛt nu-nɛfɔɔ-Sɛ́.»

Mɑtʉ̈ɔ 19:28

Yɛ́su pʉ̈ɔt ŋɡɔ: «Tsʉ́Ꞌnɛ ɛ sẅíi wʉ́ʉ, kwɑꞋ nɛ́nẅín, pɛ́ ɡʉ ńdɑ́Ꞌ ŋ́kúu tsɛt ŋɡɔŋ fí, Mɔ́ɔ-Ŋu nɑ́ŋ ndǔ kɔꞋ-nɛfɔɔ nɛ́ ni ɛ́ ɡẅɛɛ nɛɡúꞋ, pʉʉ pʉɔ ntsɔ̌ppɑ́ nɛ́ nɛɡɛ́m pi pʉʉ kɑ cʉ́ɔnɛ nzʉʉ mɔ, pɛn ńnɑ́ŋ yʉ́ʉ ndǔ mɛkɔꞋ ntsɔ̌ppɑ́ nɛ́ nɛɡɛ́m, ŋ́ŋɑk pʉɔ-Íslɑyɛ̂l, njẅɛtndɑ́ ntsɔ̌ppɑ́ nɛ́ nɛɡɛ́m.»

Mɑtʉ̈ɔ 20:22

Yɛ́su tsɔ́Ꞌ ŋɡɔ: «Pʉʉ kɑ́ jí yúu mi pʉʉ lɔ́ɔnɛ pɔ́. Pʉʉ kuꞋ nɛnɔ́ ntúꞋ-ŋɡʉ̈ɔ́Ꞌ yi ŋ ɡʉ nɛnɔ́?» Pɔ́p pʉ̈ɔt ŋɡɔ: «Pɛk kuꞋ nɛnɔ́.»

Mɑtʉ̈ɔ 20:32

Yɛ́su tʉ́ʉ ɛ́fúŋ wɔ́p, ḿbíkŋɛ wɔ́p ŋɡɔ: «Pʉʉ tsɑ́ɑ ŋɡɔ ŋ ɡɛ ŋɡɔ́ku nǔu pʉʉ?»

Mɑ́lɛ́kúshi 10:51

Yɛ́su píkŋɛ wɛ́ ŋɡɔ: «Ɔ tsɑ́ɑ ŋɡɔ ŋ ɡɛ ŋɡɔ́ku nǔu ɡu?» Fumík pʉ̈ɔt ŋɡɔ: «Ndɛ n tsɑ́ɑ nɛpɛn ńjʉ́ɔ zʉꞋ.»

Mɑ́lɛ́kúshi 16:19

Tsɑpʉɔ Yɛ́su kɑ cú mbɔ̌ pɔ́p tɛ ḿbɔ́tnɛ ńnɑ́ŋ, Sɛ́ ŋɑ́Ꞌ wɛ́ ńdɔk ŋ́kɔ́Ꞌ nɛ́ tʉ́nɛ́pú. A nɑ́ŋ nǔu ɡúŋ-pɔ́ yɛ́ yi tʉʉ.

Mɑ́lɛ́kúshi 6:22

Pɛ́ pɔ́ ŋ́ɡɛ ndínɑ, mɔ́ɔ-Ɛlɔ̂díyɑ ɛ̂wɑ́ wɛ mɑŋɡɛ́ tɔ́ ńnʉŋ yúu, ńnʉŋ tɛ nu pɔŋ fɔɔ Ɛlɔ̂dɛ pɔ́p pʉɔ pi ɑ lɑ́Ꞌnɛ ɛ́fúŋ wɔ́p. Fɔɔ cú mbɔ̌ mɔ́ɔ mɑŋɡɛ́ ɛ̂wɑ́ ŋɡɔ: «Píkŋɛ yú yúu mi ɔ kɔŋnɛ ŋɡɔ n dɔk ɛ́sɔŋ wú, tɛ ɛ́ pɔŋ wú,

Lúkɑ́shi 18:41

«Ɔ tsɑ́ɑ ŋɡɔ ŋ ɡɛ ŋ́ɡɔ ku nǔu ɡu?» Fumík ɛ̂wɑ́ cú ŋɡɔ: «Tsɑpʉɔ, n tsɑ́ɑ nɛpɛn ńjʉ́ɔ zʉꞋ.»

Lúkɑ́shi 19:11

Yɛ́su pɔ́ ńcú nu, lɑ́Ꞌ pɔ́ ńzẅíꞋlɛ tɛ ńcú ḿbɔ́ ŋ́kwɑŋɛ ŋɡɔ nɛfɔɔ-Sɛ́ ɡʉ ŋ́ɡɔ́ɔ ńtɔ́ pɔ ŋkɑ́ ɛ̂yɑ́, ńzɛɛ ŋ́ɡɔ ḿbɔ́, mbɔ ɑ ɡʉ tɛ ńtsʉ́Ꞌ ŋ́kúu pɔ Yɛlúsɑlɛm. Yɛ́su lɔk sɑknɛkɛt ńcú mbɔ̌ pɔ́p ŋɡɔ:

Lúkɑ́shi 22:24

Gɑŋku-Yɛ́su ɡɛ ńzɛ nɛzɔŋ nu, ńdɔ́ɔ ŋu ẅí ɑ tsɛtsɛt pɔ́p ḿbɔ́ ndʉ́m.

Jɑ̂ŋ 15:7

«Pʉʉ lɑɑ ńdɑtnɛ mbʉʉ yʉʉ nǔu mɔ, sẅiŋɛ yɑ́ɑ pɔ́ tsɛt tʉ́m pʉʉ, pʉʉ lɔ́ɔ yúu mi pʉʉ kɔŋnɛ, mbɔ pɛ́ ɡʉ ŋ́ɡɑ́ yîyɑ́ yúu mbɔ̌ pʉʉ.»

ŊwɑꞋnɛ-Gɑŋntúu Yɛ́su Kɛlístɔ 1:6

Gɑŋntúu kɑ cúꞋlɛ pɔ́Ꞌɔ, ḿbíkŋɛ Yɛ́su ŋɡɔ: «Ndɛ, yɔ lɔk ḿbɔ́ ŋkɑ́ yi ɔ ɡʉ ŋ́ɡɛ lɑ nɛfɔɔ pɛn mbɔ̌ Íslɑɛ̂l kɛkʉ̈ɔ́?»

Pʉɔ-Lɔ́mɑ 12:10

Pʉʉ lɔk pɑ́Ꞌ pʉʉ pɔ́ɔpɛ́mɑ́, ŋ́kɔŋɛ pʉʉ nɛ́ pʉʉ, ŋu wʉʉ piitɛ ŋ́ɡɑ́ mɛkuꞋ mɔ́ɔmɑ́ wɛ.

Pʉɔ-Lɔ́mɑ 8:34

mbɔ wɔ̌ kuꞋ nɛcú ŋɡɔ ntsɑŋ jʉ́nɛ wɔ́p? Ŋɡɑŋ kɑ pɔ́ ɡú pɔ́, mbíꞋŋɡɔ Yɛ́su Kɛlístɔ kɑ pfú nǔu tú yɔ́p, mbɔɔ ɡɔ́ŋ pɔ́Ꞌɔ pɔ́, ɑ kɑ zẅíimɛ nǔu nɛvú. A nɑ́ŋ nǔu ɡúŋ-pɔ́-Sɛ́ yi tʉʉ, ḿbɔ́ ḿbúꞋ mbɔ́ mbɔ̌ wɛ́ nǔu tú yɛkŋɛ.

Kɔlɔsíyɛ̂ŋ 3:1

Pɑ́Ꞌ pʉʉ pɛ́ Kɛlístɔ kɑ tɛmtɛ ńzẅíimɛ nǔu nɛvú lɑ́, pʉʉ tík lík yʉ́ʉ pɔ nǔu yúu mi ɛ́ tʉ́nɛ́pú, zʉꞋ yi Kɛlístɔ zúꞋu, ńnɑ́ŋ nǔu ɡúŋ pɔ́ Sɛ́ yi tʉʉ.