Mɑtʉ̈ɔ 20:16 - Kɑɑ Fí

¹⁶ Yɛ́su pɛn ńcú ŋɡɔ: «Ɛ́ pɔ́Ꞌɔ lɑ́ ɡɑŋ nzʉʉ ɡʉ ńdɑ́Ꞌ ńtsʉ́Ꞌ pɑ pɔ́ mbi, ɡɑŋ mbi tsʉ́Ꞌ pɑ pɔ́ nzʉʉ.»

Mɑtʉ̈ɔ 20:16 ပူးပေါင်းရင်းမြစ်များ

Mɑtʉ̈ɔ 19:30

Lɑ́ nɛzɑ́ɑ pɑtʉ́ʉ mbi ŋkɔ̂ɔnɛ, ɡʉ ńdɑ́Ꞌ ńtsʉ́Ꞌ pɑtʉ́ʉ nzʉʉ, nɛzɑ́ɑ pɑtʉ́ʉ nzʉʉ ŋkɔ̂ɔnɛ ńdɑ́Ꞌ ḿbɔ́ pɑtʉ́ʉ mbí.

Mɑtʉ̈ɔ 21:31

Pɔ́Ꞌ lɑ́, wɔ̌ nǔu mbɔ́ŋkʉ̈ɔ́ pɔnɛ pɛ́pɑ́ kɑ ɡɛnɛ yúu mi tɑ̌ɑ wɔp sɛ́ ŋ́kɔŋ? Pɛtɑ́tndɑ́-pɑnɔŋpɔꞋ pɔ́p pɛlʉ́m tsɛt lɑ́Ꞌ pʉ̈ɔt ŋɡɔ: Ɛ́ nduŋmbi. Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, pɑcẅɛ́ɛ ntsup-Lɔ́mɑ pɔ́p ɡɑŋɡɑ́ɑ pɑŋɡɛ́ sɛ́ ńjʉ́ pii nɛkúu nǔu nu-nɛfɔɔ-Sɛ́ ńtsɑ wʉ́ʉ,»

Mɑtʉ̈ɔ 22:14

Yɛ́su mɛkŋɛ ŋɡɔ: «Ɛ́ pɔ́Ꞌɔ, mbíꞋŋɡɔ Sɛ́ sɛ́ ɛ́fúŋ pʉɔ tɛ ńzɑ́ɑ lɑ́ pɑɡʉ tɛ ŋ́kúu pɔɔ zɑ́ɑ.»

Mɑtʉ̈ɔ 7:13

Pʉʉ tsʉ́Ꞌ nɛlɔɔ sɛ̂ndúŋ-tʉ́nɛ́pú, ńdɛɛ pɔ nǔu ntsuŋkɑ́Ꞌ ẅi ɛ́ kʉ́ʉpɛ kʉ́ʉpɛ́nɛ. Ntsuŋkɑ́Ꞌ ẅi ɛ́ ɡúꞋnɛ tɛꞋ, ɡʉ pɔ nɛ́ lɑ́Ꞌ-nɛvú. Sɛ̂ndúŋ ẅi ɛ́ ɡʉnɛ lɑ́Ꞌ-nɛvú ɡúꞋ tɛꞋ, nɛzɑ́ɑ pʉɔ sɛ́ ńdɛɛ pɔ ẅîwɑ́.

Mɑ́lɛ́kúshi 10:31

Lɑ́ pɛcɔ́ nɛzɑ́ɑ pʉɔ pi pɔ́p tʉ́ʉnɛ mbi ŋkɔ̂ɔnɛ ɡʉ ńdɑ́Ꞌ ńtsʉ́ꞌ pɛndẅiknzʉʉ, pɑ pɔ́ nzʉʉ tsʉꞋ pɑ pɔ́ mbi.»

Lúkɑ́shi 14:24

Jí sʉ́Ꞌnɛ ŋɡɔ, ḿbɔ́ sɑ̌ɑ ŋu nǔu pʉɔ pinɛ ŋ kɑ piitɛ ńcú mbɔ̌ pɔ́p lɑ́, pɔɔ zẅíꞋ sɑ̌ɑ yúu nǔu yúujʉ tsɑ́ɑtɛ pɔnɛ pɔ́.»

Lúkɑ́shi 15:7

Ɛ́ pɔ́Ꞌɔ, lɑ́ ɛ sẅíi wʉ́ʉ ŋɡɔ: Tɑ́Ꞌ ŋu kɛpɔŋ lɑɑ ŋ́kúp mɑt wɛ, pɛ́ tsɑ́ɑtɛ tʉ́nɛ́pú tɛꞋ, ńtsɑ pɑ́Ꞌ ɛ́ lɑɑ ḿbɔ́ pɛ́ tsɑ́ɑtɛ nǔu pʉɔ ntsɔ̌pɛ́nɛ́pfuꞋú mɛɡɛ́mɛ́nɛ́pfúꞋú pi pɔ́p jʉ́ɔnɛ ŋɡɔ pɔ́p nɛ́nẅín tɛ ḿbɔ́ pɔ́p pɔɔ kíi ŋ́kúp mɑt wɔp pɔ́.»

Lúkɑ́shi 7:47

Ɛ́ lɛɛ pɔ́Ꞌɔ, lɑ́ ɛ sẅíi wú ŋɡɔ, mɑŋɡɛ́ wɔ ńnyɛt yɔ ntɛ́ kɔŋɛ pɑꞋɑ, mbíꞋŋɡɔ pɛ́ ńdikŋɛ mɛnu kɛpɔŋ mɛ́ mi ɛ́ kɑ zɑ́ɑ mɔ́ tɛꞋ, ŋ́ɡɑ́ mbɔ̌ wɛ́. Lɑ́ ŋ́ɡʉ nǔu ŋu ẅi ɑ jʉ́ɔ ŋɡɔ mɛnu kɛpɔŋ mɛ́ mi pɛ́ likŋɛ́nɛ kɛ́ ḿbɔɔ zɛɛ ńzɑ́ɑ tɛꞋ pɔ́, mbɔ yɛ́ ŋkɔŋɛ ɡʉ ḿbɛn ḿbɔ́ pɔ mɔ́zʉꞋ.

Pʉɔ-Lɔ́mɑ 5:20

Lɑ́ ɛ́ pɛn ŋ́ɡʉ nǔu nɛpʉ́ʉ-Mɔ̌sɛ̂ɛ, mbɔ Sɛ́ kɑ pɔ́ ńzɑ́p nɛpɔ́ yi pʉɔ ɡʉ ŋ́ɡɛ ɛ́fú nǔu ńjʉ́ɔ ndɛn ẅi pɔ́p lɔknɛ ŋ́ɡɛ nu kɛpɔŋ pɔ́Ꞌɔ. Pɑ́Ꞌ mɛnu kɛpɔŋ sɛ́ ńzɑ́ɑ ŋɡɔ́ku lɑ́ Sɛ́ pɔ́ ńtsɑ́ɑ mɛjʉ́ŋ pʉɔ ŋ́ɡɑ́ fuꞋ níinɛ yɔ́p tɛ ńdɛɛ ntɛ́.

Pʉɔ-Lɔ́mɑ 8:30

Pʉɔ pi Sɛ́ kɑ zɑ́Ꞌnɛ njí ńtsɔ́Ꞌ wɔ́p, ɑ lɛɛ tɛ ḿbɛn ɛ́fúŋ pɔ wɔ́p, ɛ́fúŋ wɔ́p pɔ́Ꞌɔ, ḿbɛn ńtsʉ́Ꞌ ńdíŋɛ wɔ́p pɔ́p pɔ́ pɔ ndʉ́ŋndʉŋ mbi yɛ́, ɛ́ pɔɔ kuꞋ pɔ ndɑꞋ pɔ́Ꞌɔ pɔ́, ɑ kɑ pɛn ŋ́ɡɑ́ nɛɡúꞋ mbɔ̌ pɔ́p.

Pʉɔ-Lɔ́mɑ 9:30

Pɛkŋɛ fú nǔu yɔ nu ńjʉ́ɔ ŋɡɔ kʉ̈ɔ́? Pɛkŋɛ jʉ́ɔ ŋɡɔ tɛ mbɑ pɑ́Ꞌ pʉɔ pi pɔ́p kɑ́ pɔ́ pɑyúdɑ pɔ́ ŋkɑɑ ŋ́kɛ́ ḿbɔ́ ńdɔɔ shʉ́ nɛpɔ́ pʉɔ pi pɔ́p ndʉ́ŋndʉŋ mbi Sɛ́ pɔ́, shʉ́ kɑ cẅɛt mbɔ̌ pɔ́p. Ɛ́ pɔ́ pɑ́Ꞌ pɔ́p kɑ zɑ́pnɛ tʉ́m yɔ́p nǔu Kɛlístɔ, Sɛ́ tsʉ́Ꞌ ńdíŋɛ wɔ́p pɔ́p pɔ́ pɔ ndʉ́ŋndʉŋ mbi yɛ́,

1 Tɛsɑlɔník 2:13

Yɛcɔ́ yúu mi ɛ́ ɡɛnɛ pɛk ɡɑ́ pɑ́Ꞌlɑ́ mbɔ̌ Sɛ́ ŋkɑ́ tsʉʉ, ɛ́ mbíꞋŋɡɔ pɛk kɑ sẅíi nu-Sɛ́ mbɔ̌ pʉʉ, pʉʉ zúꞋ, ḿbɛ́m ŋɡɔ ɛ́ sẅiŋɛ-sɛ́, ŋɡɔ ɛ́ kɑ́ pɔ́ sẅiŋɛ-ŋumɛsɔŋ pɔ́. Ɛ́ sɛ́ ɛ́fɑꞋ tsɛt tʉ́m yʉ́ʉ, pʉʉ pí pʉʉ kɑ zɑ́pnɛ tʉ́m yʉ́ʉ nǔu Yɛ́su.