11 Pɔ́p ɡɔ ńcẅɛ́ɛ lɔ́ŋ wɔp pɔ́ ńzɑ́ŋ ntɛ́ ŋɡɑŋkɑ́Ꞌ.
Pʉɔ pínɛ pɔ́p lɑ́Ꞌnɛ ḿbiitɛ ńzɛ fɑꞋ ɡɔ́ ńtɔ́ yɔ́p, ḿbɔ́ ŋ́kwɑŋɛ ŋɡɔ yɔp ŋkɑ́p ɡʉ nɑꞋ ńzɑ́ɑ, lɑ́ pɛ́ pɛn ŋ́ɡɑ́ pɔ tɑ́Ꞌ pɑk-ŋkɑ́p mbɔ̌ mbɑ wɔ̌ lɑ́ nǔu pɔ́p.
Pɔ́p pɔ́ ńcú ŋɡɔ: «Pʉɔ pɔ́nɛ tɔ́ pɔ nzʉʉ, pɔ́p fɑꞋ pɔ ndɑꞋ nǔu tɑ́Ꞌ nɛm, ɔ kɛ́ ḿbɛn ḿbíi wɔ́p pɔ pɑ́Ꞌ pɛk lɑ́, lɑ́ mbɔ pɛk lɑ́Ꞌ ńzɛ fɑꞋ mbɑ́ꞋmbɑꞋɑ́, pɛk kɛ́ ńjúk ɛ́fɑꞋ pɔ kɛ́ jẅiitɛ, mɔ́nɛm pɔ́ ńtɔɔ wɛ́k.»
Pɛ́ lɑ́Ꞌ ḿbɔ́ pɛꞋnɛ ɛ́fɛn, mbɔ pɛ́ cẅɛ́ɛ mbɑ mɛndɛniyɛ ŋkʉ yɛ́tɑ́t tɛ ŋ́ɡɑ́ mbɔ̌ pɛpúŋ.» Ńcú pɑꞋɑ, ńzɛ nɛcútɛ ntɛ́ mɑŋɡɛ́ ɛ̂wɑ́.
Pɑfɑlísɑy pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ jʉ́ɔ pɔ́Ꞌɔ, ḿbɔ́ ńcútɛ tsɛtsɛt pɔ́p ŋɡɔ: «Ŋu ẅi lɔ ńcúꞋlɛ pʉɔ kɛpɔŋ tɛ pɔ́p pɛpɔ́p tɛmtɛ ńjʉ́ yúujʉ́.»
Lɑ́Ꞌ kɑ jʉ́ɔ pɑꞋ pɔ́pmɛ́ ɡʉnɛ, ɛ́sẅíitɛ ŋɡɔ: «A pʉ́ɔ liinɛ, ɑ ɡʉnɛ ndɑ́-ŋu kɛpɔŋ ńdɛ́ lii!»
Pɛcɔ́ pʉɔ-Fɑlísɑy pɔ́p pɛcɔ́ pɑkyɛ́Ꞌtɛ nɛpʉʉ-Mɔ̌sɛ̂ɛ jʉ́ɔ pɔ́Ꞌɔ, ḿbɔ́ ɛ́sẅíitɛ, ḿbíkŋɛ ɡɑŋku-Yɛ́su ŋɡɔ: «MbíꞋku pʉʉ pɑcẅɛ́ɛntsup pɔ́p pɛcɔ́ pʉɔ kɛpɔŋ tɛmtɛ yúu ńjʉ́?»
Pɑyúdɑ ɡɔ́ɔ ŋ́kɛ́ ńzɛ nɛcútɛ nzʉʉ Yɛ́su, mbíꞋŋɡɔ ɑ cú ŋɡɔ ɑ yúujʉ́ yi ɛ́ fúnɛ tʉ́nɛ́pú.
Yɛ́su jí ŋɡɔ ɡɑŋku pɛ́ sɛ́ ńcútɛ ntɛ́ nu yí ɑ cúnɛ, ḿbíkŋɛ wɔ́p ŋɡɔ sẅiŋɛ yɑ́ɑ sɛ́ ḿbɑ́klɛ wʉ́ʉ pɑ́klɛ́nɛ kɛ?
Pɑyúdɑ jʉ́ɔ ndɛn lɑ́Ꞌ yi ɛ́ kɔ́Ꞌnɛ, ŋ́kɔ́Ꞌ lɔ́ŋ, ńzɛ nɛsɑ shuk-nu yí Pɔ̂l pɔ́p Pɑnɛpɑ́ɑshi cúnɛ, ńzɛ nɛzɔɔtɛ wɔ́p.
Pɔ́p sɛ́ ɛ́sɑ́Ꞌ tʉʉ ńtɔꞋ wɛ́k nɛsẅíi nu-Sɛ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ḿbɔ́k pɑ́Ꞌ ɛ́ ɡʉ ŋ́ɡɛ pɔ́p luk. Ɛ́ pɔ́Ꞌɔ, ńdɔk ŋ́kẅiꞋ ndɛnnú kɛpɔŋ yɔ́p kẅiꞋnɛ. Sɛ́ kɑ kɛ́ ńzɑ́ŋ lɔ́ŋ tɛ ńzɑ́p pɔ́ yɛ́ nǔu pɔ́p.
Pʉɔ ɛ̂pɑ́ nɑ́ŋ ŋkɑ́ tsʉʉ nu pɔ́ ńzɑ́ŋ wɔ́p zɑ́ŋnɛ, ḿbɔ́ ŋ́kíi ŋɡʉ̈ɔ́Ꞌ yɔp, ńnɑ́ŋ ŋ́ɡɛ pɔ yúu mi mbʉʉ yɔp sɛ́ ńtsʉ́ʉnɛ wɔ́p nɛɡɛ, pɔ́p ŋkɑ́ tsʉʉ ɛ́sẅíi pɔ sẅiŋɛ yi pɔ́p lɔk ŋ́ŋɑ́Ꞌtɛ ŋɑ́Ꞌtɛ́nɛ, ḿbɔ́ ńdẅɑklɛ ŋu ḿbɔ́ ńjí pii yi pɔ́p ɡʉ ńjʉ́ nǔu wɛ́.
