Mɑtʉ̈ɔ 2:6 - Kɑɑ Fí

⁶ “Ɛ́ ɡʉ nǔu ɡu Mbɛ́tɛlɛhɛ̂m, tsɛt pɑk-ŋɡɔŋ-Judɛ̂, ɔ kɑ́ pɔ́ tsɛtsɛt mɛtʉ́sɔŋ-pɑyúdɑ ŋ́ɡɔ́ɔ ḿbɔ́ pɔ ndẅiknzʉʉ pɔ́, mbíꞌŋɡɔ fɔɔ ẅí ɑ ɡʉ ńdɑ́Ꞌ ɛ́sɑ́Ꞌ pʉɔ pɑ́ɑ pɑíslɑyɛ̂l ɡʉ ńdɑ́Ꞌ ńcẅɛt pɔ tsɛtsɛt pʉʉ.”»

Mɑtʉ̈ɔ 2:6 ပူးပေါင်းရင်းမြစ်များ

Mɑtʉ̈ɔ 2:1

Pɛ́ ɡɔ ḿbí Yɛ́su tʉ́sɔŋ-Mbɛ́tɛ́lɛ́hɛm tsɛt pɑk-ŋɡɔŋ-Judɛ̂, ɛ́ pɔ́ ŋkɑ́ Ɛlɔ̂dɛ ḿbɔ́nɛ fɔɔ. Ɛ́ pɔ́ ŋkɑ́ ɛ̂yɑ́, pɛcɔ́ pɑjí nu nǔu pɛcʉ̈ɔ́Ꞌ-sɑŋ fú lɑ́Ꞌ pɔ́p ɡúŋ-sɑ́Ꞌnɛm ńtɔ́ Yɛlúsɑlɛm,

Mɑtʉ̈ɔ 28:18

Yɛ́su tɔ́ nɛjɔ́ŋ pɔ́p, ńcú mbɔ̌ pɔ́p ŋɡɔ: «Sɛ́ kɑ ɡɑ́ mɛtʉʉ tsʉʉ mbɔ̌ mɔ nɛlɔk ɛ́sɑ́Ꞌ yúu mi ɛ́ tʉ́nɛ́pú mbɑ yi ɛ́ ndǔ tsɛ́tsɑ́Ꞌ.»

Jɑ̂ŋ 21:16

Ḿbɛn ḿbíkŋɛ wɛ́ nǔu ḿbɑ́ɑtɛ yɛ́pɑ́ ŋɡɔ: «Símɔ̂ŋ, mɔ́ɔ-Jɑ̂ŋ, tɛ ɔ kɔŋ wɑ́ɑ? A tsɔ́Ꞌ ŋɡɔ ɔ́ɔŋ, mbɑ̌ɑ Tsɑpʉɔ, ɔ jí ŋɡɔ ŋ kɔŋ wú.» Yɛ́su cú ŋɡɔ: «pyɛ́p njinjɔ yɑ́ɑ.»

Jɑ̂ŋ 7:42

Ntɛ́ ŋɡɔ pɛ́ kɑ ŋwɑꞋnɛ tsɛt ŋwɑꞋnɛ-ndɛn kɑɑ ŋɡɔ: «Nzɑ́Ꞌŋkʉ ẅi Sɛ́ kɑ kɑꞋnɛ ɡʉ ńdɑ́Ꞌ ɛ́fú pɔ nǔu njẅɛtndɑ́-fɔɔ Ndɑvît, ŋɡɔ Nzɑ́Ꞌŋkʉ ẅi Sɛ́ kɑ kɑꞋnɛ ɡʉ ńdɑ́Ꞌ ɛ́fú pɔ Mbɛ́tɛlɛhɛ̂m ẅí ɛ́ lɑ́Ꞌ pɛ́ fɔɔ Ndɑvît.»

Ɛ́fɛ̂zɛ 1:22

Sɛ́ kɑ níꞋ yúu tsʉʉ mbɔ̌ wɛ́. Sɛ́ kɑ pɔ́ tɛ ńníꞋ kʉ̈ɔ́ lɑ́ nǔu mbɔ́ mɛ́, ŋ́ɡɛ ɑ pɔ́ mbɔ̌ cúꞋlɛ-pʉɔ Sɛ́, ḿbɔ́ tú, nɛpɔ́ yi pʉɔ-cúꞋlɛ ɡʉ ḿbɔ́ ńzúꞋ ntsu wɛ́.

Kɔlɔsíyɛ̂ŋ 1:18

Jʉ́ pɔ́nɛ tú nǔu mbɑp-mbʉʉ yi ɛ́ cúꞋlɛ pʉɔ pɛ́. A nzɛnɛ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ. Pɔ́Ꞌɔ lɑ́, ḿbɔ́ nduŋmbi nǔu mbɑ kʉ̈ɔ́ lɑ́.

Ɛ́bɛlʉʉ 7:14

Pʉɔ pɛtsʉʉ zɛɛ ḿbɔ́ ńjí ŋɡɔ, Tsɑpʉɔ wɛkŋɛ fúnɛ nǔu njẅɛt-Jẅídɑ, njẅɛt yi Mɔ̌sɛ̂ɛ ŋkɑɑ ŋ́kẅíi lík yɔ́p ŋkɑ́ yi ɑ kɑ pɔ́ ńcú nu nǔu pɑnɔŋpɔꞋ pɔ́.

Mɛnu ɛ́ ńdɑ́Ꞌ ńcẅɛt 11:15

Cʉ̈ɔꞋ-Sɛ́ mbɑ́ɑtɛ sɑɑmbɑ́ tɔ́ŋ wɛ́ ntɑŋ. Pɛ́ zúꞋ mɛŋɡi pɔ́ tʉ́nɛ́pú ńdɔk ŋɡi tɛnnɛ ńcú ŋɡɔ: «Nɛsɑ́Ꞌ mbí tsʉ́Ꞌ ḿbɔ́ pɔ nǔu mbɔ́-Tsɑpʉɔ wɛkŋɛ mbɑ nǔu mbɔ́-Nzɑ́Ꞌŋkʉ ẅi ɑ kɑ tsɔ́Ꞌnɛ.» Ẅîwɑ́ nɛsɑ́Ꞌ ɡʉ ńdɑ́Ꞌ ḿbɔ́ nǔu mɛŋɡuꞋ mɛŋɡuꞋ.

Mɛnu ɛ́ ńdɑ́Ꞌ ńcẅɛt 2:27

Ŋɡɑŋ ɡʉ ńdɑ́Ꞌ ńdɔk ntẅí-tʉ́n, ɛ́sɑ́Ꞌ wɔ́p, ńtswɑ́ɑ wɔ́p ńnẅiꞋlɛ pɑ́Ꞌ ɛ́ lɑɑ ḿbɔ́ pɛ́ ŋẅiꞋlɛ mɛkʉŋ-tsɑ́Ꞌ pɔ́Ꞌɔ. Ŋ ɡʉ ńdɑ́Ꞌ ŋ́ɡɑ́ mɛtʉʉ mbɔ̌ ŋɡɑŋ pɑ́Ꞌ Tɑ̌ɑ mɔ kɑ ɡɑ́nɛ mɛtʉʉ mbɔ̌ mɔ ɡúu,

Mɛnu ɛ́ ńdɑ́Ꞌ ńcẅɛt 7:17

MbíꞋŋɡɔ mɔ́ɔ-Njinjɔ ẅí ɑ tʉ́ʉnɛ tsɛtsɛt kɔꞋ-nɛfɔɔ ɡʉ ḿbɔ́ ŋɡɑŋpyɛ́p wɔ́p, ńdɔk wɔ́p ŋ́ɡʉ nǔu mɛtẅɛ́Ꞌ-ŋki, zʉꞋ yi ŋki ɡʉ ŋ́ɡɛ pɛ́ pɔ́ ɡú. Sɛ́ ɡʉ ńtuk ŋki-mík mɔ́p tsʉʉ.