Mɑtʉ̈ɔ 2:13 - Kɑɑ Fí

¹³ Pɔ́p pɔ́ tɛ ŋ́ɡʉ, Yɔsɛ̂p lɛ́ njʉɔ, ńjʉ́ɔ wɛcɔ́ Cʉ̈ɔꞋ-Sɛ́ tɔ́, ńcú mbɔ̌ wɛ́ ŋɡɔ: «Lɔ sɛ́, ńtíi mɔ́ɔ, pʉʉ pɔ́p pɛ́ mɑ́pfu kʉɔ, ŋ́ɡʉ nɛ́ tsɛt ŋɡɔŋ-Ɛɡíptɔ, ńnɑ́ŋ zúꞋu. Mɔ, ŋ ɡʉ ŋ́ɡɛ ɛ́sẅíi wú nɛ́ ŋkɑ́ yi ɔ ɡʉ ḿbɛn nzʉʉ. MbíꞋŋɡɔ Ɛlɔ̂dɛ ɡʉ ńdɔɔ mɔ́ɔ wɑ́ nɛjẅí wɛ́.»

Mɑtʉ̈ɔ 2:13 ပူးပေါင်းရင်းမြစ်များ

Mɑtʉ̈ɔ 1:20

ḿbɛ́t ŋ́kwɑŋɛ kwɑŋɛ́nɛ, ńdɛ́ njʉɔ ńjʉ́ɔ Cʉ̈ɔꞋ-Sɛ́ fúŋ wɛ́, ńcú mbɔ̌ wɛ́ ŋɡɔ: «Yɔsɛ̂p, ɡu ẅí ɔ nǔu njẅɛt-fɔɔ Ndɑvît, cẅɛ́ɛ nzwɛ́ wu Mɑlíyɑ ńníꞋ ndɑ́ kɛ́ pɔ́k, mbíꞋŋɡɔ ɑ shǔutɛ pɑ́Ꞌɑ, mbɔ Zẅikŋɛ Lɛ́ɛnɛ́nɛ ɡɛnɛ.

Mɑtʉ̈ɔ 10:23

Pɛ́ zɑ́Ꞌ ku yʉ́ʉ tsɛt yɔ tʉ́sɔŋ, pʉʉ kʉɔ ŋ́ɡʉ tsɛt yɛcɔ́. Ŋ ɡʉ ɛ́sẅíi wʉ́ʉ, kwɑꞋ nɛ́nẅín, pʉʉ kɛ́ lɑ́Ꞌ ŋ́kúu mɛtʉ́sɔŋ-Íslɑyɛ̂l tɛ ḿmɛk kɛ́ pɔ́ yi Mɔ́ɔ-Ŋu tɔ́ pɔ́.

Mɑtʉ̈ɔ 2:12

Pɔ́p nɑ́ŋ tɛ ḿbɔ́ ḿbɛn nzʉʉ, Sɛ́ lɔk njʉɔ ɛ́sẅíi wɔ́p ŋɡɔ: «Pɔ́p pɑ́ɑ nɛpɛn ńdɛɛ nɛjɔ́ŋ fɔɔ Ɛlɔ̂dɛ.» Pɔ́p ɡɔ́ɔ ŋ́kɛ́ ńtsʉ́Ꞌ ńdɛɛ pɔ ndúŋ ndɛꞋ lɑ ḿbɛn nɛ́ lɑ́Ꞌ pɔ́p.

Mɑtʉ̈ɔ 2:14

Yɔsɛ̂p lɔ sɛ́ pɔ nɛtúꞋ, ńtíi mɔ́ɔ, pɔ́p pɛ́ mɑ́pfu ɡʉ nɛ́ tsɛt ŋɡɔŋ-Ɛɡíptɔ,

Mɑtʉ̈ɔ 2:16

Ɛlɔ̂dɛ pɔ́ tɛ ńjʉ́ɔ ŋɡɔ pɑjí nu nǔu pɛcʉ̈ɔ́Ꞌ-sɑŋ kɑ fʉ́klɛ wɛ́, ńzɑ́ŋ lɔ́ŋ tɛꞋ, ŋ́ɡɔ́ɔ ńtúu pʉɔ ŋɡɔ pɔ́p ɡʉ tʉ́sɔŋ-Mbɛ́tɛ́lɛ́hɛm tɛ mbɑ mɛpɑt-tʉ́sɔŋ, ḿbuu ńjẅítɛ mbɔ́ŋkʉ̈ɔ́ tsʉʉ pinɛ pɔ́p kuꞋnɛ ŋɡuꞋ yɛ́pɑ́ mbɑ pi pɔ́p pɛ́t kɛ́ kuꞋ ŋɡuꞋ yɛ́pɑ́, ńdɔk ńdʉŋtɛ pɔ́Ꞌɔ, nǔu ŋkɑ́ yi pɔ́p kɑ sẅíinɛ wɛ́ ŋɡɔ cʉ̈ɔ́Ꞌ-sɑŋ kɑ cẅɛt lɑ́.

Mɑtʉ̈ɔ 2:22

ɑ zúꞋ ŋɡɔ Alkɛlɑẅís tsʉ́Ꞌnɛ ɛ́sɑ́Ꞌ pɑk-ŋɡɔŋ-Judɛ̂, tɛ ɛ́fú pɑ́Ꞌ tɑ́t wɛ Ɛlɔ̂dɛ kɑ pfúnɛ, ḿbɔ́ ńcʉ̈ɔꞋ nɛɡʉ Judɛ̂, ŋ́ɡɛ ńdɛ́ njʉɔ, Tsɑpʉɔ ɡɑ́ wɛ́ nɛ́ ntík. A tsʉ́Ꞌ ŋ́ɡʉ pɔ nɛ́ tsɛt pɑk-ŋɡɔŋ-Ŋɡɑlilɛɛ,

ŊwɑꞋnɛ-Gɑŋntúu Yɛ́su Kɛlístɔ 10:22

Pʉɔ ɛ̂pɑ́ cú mbɔ̌ wɛ́ ŋɡɔ: «Kɔ̂lnɛ́ɛ túunɛ wɛk, ḿbɔ́ wɛcɔ́ tɑ́tndɑ́ntsɔ-Pɑlɔ́mɑ, ḿbɔ́ ɛ́sɑ́Ꞌ pʉɔ ŋkʉ. A ŋu ndʉ́ŋndʉŋ, ḿbɔ́k Sɛ́. Pɑyúdɑ pɛtsʉʉ kẅíi lík yɛ́ pɔ sʉ́Ꞌnɛ. Tɑ́Ꞌ Cʉ̈ɔꞋ-Sɛ́ kɑ tɔ́ ńcú mbɔ̌ wɛ́ ŋɡɔ: “Túu pɛ́ ɡʉ ɛ́fúŋ Pyɛ̂, ɑ tɔ́ ndɑ́ wu, ɔ zẅíꞋlɛ nu yí ɑ ɡʉ ɛ́sẅíi wú.”»

ŊwɑꞋnɛ-Gɑŋntúu Yɛ́su Kɛlístɔ 10:7

Cʉ̈ɔꞋ-Sɛ́ cú nu mbɔ̌ wɛ́ tɛ ŋ́ɡʉ, Kɔ̂lnɛ́ɛ tsʉ́Ꞌ ɛ́fúŋ ɡɑŋfɑꞋ pɛ́ pɛ́pɑ́, ŋ́ɡɛ tɑ́Ꞌ ndʉ̈ɔ́Ꞌntsɔ. A pɔ́ ẅi pɔ́pmɛ́ zɛɛ ńtswɛ́. A pɛn ḿbɔ́ ŋu ŋ́ɡɛ yɛ́ mɛkuꞋ-Sɛ́.

ŊwɑꞋnɛ-Gɑŋntúu Yɛ́su Kɛlístɔ 12:11

Jínu yɛ́ ɡɔ́ɔ ŋ́kɛ́ ńtɔ́. A cú ŋɡɔ: «Ŋ ɡɔ́ɔ mɔ ŋ́kɛ́ ńtsuŋ ńjʉ́ɔ sʉ́Ꞌnɛ ŋkɔ̂ɔnɛ ŋɡɔ ɛ́ nu nɛ́nẅín, Tsɑpʉɔ túu cʉ̈ɔ́Ꞌ wɛ, ɑ tɔ́ ńcẅɛ́ɛ wɑ́ɑ mbɔ̌ fɔɔ Ɛlɔ̂dɛ. A pɛn ńcẅɛ́ɛ wɑ́ɑ nǔu nu kɛpɔŋ tsʉʉ yi pɑyúdɑ kɑ pɔ́ ńtsɑ́ɑ ŋɡɔ ɛ́ ɡɛ wɑ́ɑ.»

ŊwɑꞋnɛ-Gɑŋntúu Yɛ́su Kɛlístɔ 12:7

Wɛcɔ́ cʉ̈ɔ́Ꞌ-Tsɑpʉɔ vukŋɛ vukŋɛ́nɛ ńcẅɛt zʉꞋ yí Pyɛ̂ zúꞋu, zʉꞋ kyɛꞋnɛ tsɛt ndɑ́. Cʉ̈ɔꞋ-Sɛ́ púꞋtɛ ɡúŋ mbʉʉ-Pyɛ̂, ńjʉɔmɛ wɛ́, ńcú mbɔ̌ wɛ́ ŋɡɔ: «Lɔ sɛ́ nɛ́ tʉʉ!» Mɛcɛ̂n ɡɔ́ɔ ŋ́kɛ́ ɛ́fú nǔu mbɔ́ mɛ́ ŋ́kíɛꞋnɛ ḿbʉ̈ɔtnɛ sɛ́.

ŊwɑꞋnɛ-Gɑŋntúu Yɛ́su Kɛlístɔ 16:36

Ŋu ẅi ɑ pyɛ́pnɛ ndɑ́tsɑ́ŋ tɔ́ ńcú mbɔ̌ Pɔ̂l ŋɡɔ: «Pɑsɑlɑ́Ꞌ pɛk cú ŋɡɔ n nɑ́ wʉ́ʉ pʉʉ ɡʉ, ḿbɔ́ pʉʉ ńcẅɛt ŋkɔ̂ɔnɛ ŋ́ɡʉ nɛ́ mbɔ́tnɛ!»

ŊwɑꞋnɛ-Gɑŋntúu Yɛ́su Kɛlístɔ 5:19

Lɑ́ ɛ́ ɡɛ ḿbɔ́ nɛtúꞋ, wɛcɔ́ cʉ̈ɔ́Ꞌ-Tsɑpʉɔ tɔ́, ńtsɔ́Ꞌ ndɑ́tsɑ́ŋ, ŋ́ɡɛ ɡɑŋntúu cẅɛt, ɑ cú mbɔ̌ pɔ́p ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 7:19

ɛ́fúklɛ pʉɔ-lɑ́Ꞌ pɛkŋɛ, ŋ́ɡɛ nu kɛpɔŋ nǔu pɛmɑ́ŋɡɑpnjẅɛt pɛkŋɛ, tɛ ńcú mbɔ̌ pɔ́p ŋɡɔ pɔ́p ɡʉ tsɛt nɛɡíi ḿmɛꞋ pɔ́ɔ mbɔ́t pɔ́p, pɔ́p pfútɛ.

Mɛnu ɛ́ ńdɑ́Ꞌ ńcẅɛt 12:14

Pɛ́ ɡɑ́ mɛpɑp mɛmbɑ́, mɛ́ mɑ́mɑ́ mɑ́ɡúu mbɔ̌ mɑŋɡɛ́ ɛ̂wɑ́ pɑ́Ꞌ ɑ ɡʉ ńdɔk ńtɑt ɡʉ nɛ́ kɔ̂ŋtɛt ńnɑ́ŋ, nǔu yɛ́ zʉꞋ, zʉꞋ yi mɑ́mɑ́ nɔ́nɛŋɡɛ́m wɑ́ kɛ́ pɛn ńjʉ́ɔ wɛ́ pɔ́. ZʉꞋ yi pɛ́ kɑ niitɛ́nɛ nɛlɔk ńzẅík mɑŋɡɛ́ ɛ̂wɑ́, nǔu ŋɡuꞋ yɛ́tɑ́t ŋ́ɡɛ pɛsɑŋ pɛ́nɛ́ntúkú.

Mɛnu ɛ́ ńdɑ́Ꞌ ńcẅɛt 12:4

A kɑ pɔ́ ńdɔk sɑ́ŋ wɛ́ ńzʉk tɑ́Ꞌ nji nǔu Pɛcʉ̈ɔ́Ꞌ-sɑŋ nji yɛ́tɑ́t, ḿbʉ̈ɔt ndǔ tsɛ́tsɑ́Ꞌ, ńtʉ́ʉ mbi mɑŋɡɛ́ ɛ̂wɑ́, ḿbɔ́ ḿbyɛ́p pɑ́Ꞌ ɑ ɡʉ ḿbí ɑ ɡɔ́ɔ ńtíi mɔ́ɔ ḿmi.

Mɛnu ɛ́ ńdɑ́Ꞌ ńcẅɛt 12:6

Mɑŋɡɛ́ ɛ̂wɑ́ kʉɔ ŋ́ɡʉ nɛ́ kɔ̂ŋtɛt, nǔu zʉꞋ yí Sɛ́ kɑ niitɛ́nɛ pɑ́Ꞌ ɑ ɡʉ ńnɑ́ŋ zúꞋu, ńjí ŋɡɔ pɛ́ ɡʉ ńniitɛ ńzẅík wɛ́ zẅíknɛ nǔu mɛlɛ́Ꞌlɑ́Ꞌ ntsɑ́Ꞌ nɛ́ ŋkʉ yɛ́pɑ́ nɛ́ mɛɡɛ́mɛ́nɛ́ntúkú (1.260).