Mɑtʉ̈ɔ 2:12 - Kɑɑ Fí

¹² Pɔ́p nɑ́ŋ tɛ ḿbɔ́ ḿbɛn nzʉʉ, Sɛ́ lɔk njʉɔ ɛ́sẅíi wɔ́p ŋɡɔ: «Pɔ́p pɑ́ɑ nɛpɛn ńdɛɛ nɛjɔ́ŋ fɔɔ Ɛlɔ̂dɛ.» Pɔ́p ɡɔ́ɔ ŋ́kɛ́ ńtsʉ́Ꞌ ńdɛɛ pɔ ndúŋ ndɛꞋ lɑ ḿbɛn nɛ́ lɑ́Ꞌ pɔ́p.

Mɑtʉ̈ɔ 2:12 ပူးပေါင်းရင်းမြစ်များ

Mɑtʉ̈ɔ 1:20

ḿbɛ́t ŋ́kwɑŋɛ kwɑŋɛ́nɛ, ńdɛ́ njʉɔ ńjʉ́ɔ Cʉ̈ɔꞋ-Sɛ́ fúŋ wɛ́, ńcú mbɔ̌ wɛ́ ŋɡɔ: «Yɔsɛ̂p, ɡu ẅí ɔ nǔu njẅɛt-fɔɔ Ndɑvît, cẅɛ́ɛ nzwɛ́ wu Mɑlíyɑ ńníꞋ ndɑ́ kɛ́ pɔ́k, mbíꞋŋɡɔ ɑ shǔutɛ pɑ́Ꞌɑ, mbɔ Zẅikŋɛ Lɛ́ɛnɛ́nɛ ɡɛnɛ.

Mɑtʉ̈ɔ 2:13

Pɔ́p pɔ́ tɛ ŋ́ɡʉ, Yɔsɛ̂p lɛ́ njʉɔ, ńjʉ́ɔ wɛcɔ́ Cʉ̈ɔꞋ-Sɛ́ tɔ́, ńcú mbɔ̌ wɛ́ ŋɡɔ: «Lɔ sɛ́, ńtíi mɔ́ɔ, pʉʉ pɔ́p pɛ́ mɑ́pfu kʉɔ, ŋ́ɡʉ nɛ́ tsɛt ŋɡɔŋ-Ɛɡíptɔ, ńnɑ́ŋ zúꞋu. Mɔ, ŋ ɡʉ ŋ́ɡɛ ɛ́sẅíi wú nɛ́ ŋkɑ́ yi ɔ ɡʉ ḿbɛn nzʉʉ. MbíꞋŋɡɔ Ɛlɔ̂dɛ ɡʉ ńdɔɔ mɔ́ɔ wɑ́ nɛjẅí wɛ́.»

Mɑtʉ̈ɔ 2:19

Ɛlɔ̂dɛ kɑ pɔ́ tɛ ḿpfú, Yɔsɛ̂p lɛ́ njʉɔ Ɛɡíptɔ, ńjʉ́ɔ wɛcɔ́ Cʉ̈ɔꞋ-Sɛ́ tɔ́,

Mɑtʉ̈ɔ 2:22

ɑ zúꞋ ŋɡɔ Alkɛlɑẅís tsʉ́Ꞌnɛ ɛ́sɑ́Ꞌ pɑk-ŋɡɔŋ-Judɛ̂, tɛ ɛ́fú pɑ́Ꞌ tɑ́t wɛ Ɛlɔ̂dɛ kɑ pfúnɛ, ḿbɔ́ ńcʉ̈ɔꞋ nɛɡʉ Judɛ̂, ŋ́ɡɛ ńdɛ́ njʉɔ, Tsɑpʉɔ ɡɑ́ wɛ́ nɛ́ ntík. A tsʉ́Ꞌ ŋ́ɡʉ pɔ nɛ́ tsɛt pɑk-ŋɡɔŋ-Ŋɡɑlilɛɛ,

Mɑtʉ̈ɔ 27:19

Pilɑtɔ kɑ pɔ́ ŋ́ŋɑk nu-Yɛ́su, nzwɛ́ wɛ túu ŋu ŋɡɔ ɑ ɡʉ, ńcú mbɔ̌ wɛ́ ŋɡɔ ɑ lɑk tú yɛ́ nǔu ntsɑŋ-ŋu wɑ́, ŋɡɔ ɑ pɑ́Ꞌɑ ḿbɔ́ mbúꞋ, ŋɡɔ ŋɡɑŋ sẅíi wɛ́ ŋɡɔ ɑ lɑ́Ꞌ ńdɛ́ lɑ́Ꞌ, ńdɛ́ njʉɔ nǔu wɛ́ ɛ́ ɡɑ́ɑnɛ wɛ́ tɛꞋ.

Lúkɑ́shi 2:26

Mbɔ ɑ kɑ lɑ́Ꞌ ńzɑ́Ꞌ njí ɛ́sẅíi wɛ́ ŋɡɔ ɑ kɛ́ lɑ́Ꞌ ḿpfú kɛ́ pɔ yi ɑ ńzɑ́p lík nǔu Nzɑ́Ꞌŋkʉ ẅi ɑ túunɛ pɔ́.

ŊwɑꞋnɛ-Gɑŋntúu Yɛ́su Kɛlístɔ 10:22

Pʉɔ ɛ̂pɑ́ cú mbɔ̌ wɛ́ ŋɡɔ: «Kɔ̂lnɛ́ɛ túunɛ wɛk, ḿbɔ́ wɛcɔ́ tɑ́tndɑ́ntsɔ-Pɑlɔ́mɑ, ḿbɔ́ ɛ́sɑ́Ꞌ pʉɔ ŋkʉ. A ŋu ndʉ́ŋndʉŋ, ḿbɔ́k Sɛ́. Pɑyúdɑ pɛtsʉʉ kẅíi lík yɛ́ pɔ sʉ́Ꞌnɛ. Tɑ́Ꞌ Cʉ̈ɔꞋ-Sɛ́ kɑ tɔ́ ńcú mbɔ̌ wɛ́ ŋɡɔ: “Túu pɛ́ ɡʉ ɛ́fúŋ Pyɛ̂, ɑ tɔ́ ndɑ́ wu, ɔ zẅíꞋlɛ nu yí ɑ ɡʉ ɛ́sẅíi wú.”»

ŊwɑꞋnɛ-Gɑŋntúu Yɛ́su Kɛlístɔ 4:19

Lɑ́ Pyɛ̂ pɔ́p Jɑ̂ŋ tsɔ́Ꞌ mbɔ̌ pɔ́p ŋɡɔ: «Yúu mi Sɛ́ sɛ́ ŋ́kɔŋ pɔ́ ŋɡɔ pɛ́ zúꞋ pɔ ntsu wʉ́ʉ kɛ wɛ́? Pʉʉ jʉ́ɔ yʉ́ʉ ŋɡɔ kʉ̈ɔ́?

ŊwɑꞋnɛ-Gɑŋntúu Yɛ́su Kɛlístɔ 5:29

Lɑ́ Pyɛ̂ pɔ́p pɛcɔ́ ɡɑnŋtúu pʉ̈ɔt ŋɡɔ: «Ɛ́ píkŋɛ ŋɡɔ pɛ́ zúꞋ ntsu-Sɛ́, ńtsɑ nɛzúꞋ ntsu-pʉɔmɛsɔŋ.

1 Kɔlɛ̂ŋtɛ 3:19

MbíꞋŋɡɔ nu yi ɛ́ tsɛt yɔ ndǔmbí ḿbɔ́ jínu, ɛ́ mbi Sɛ́ ḿbɔ́ pɔ mɛnu-pɛpɑ́lɛ. ŊwɑꞋnɛ-Sɛ́ zɛɛ ńcú ŋɡɔ: «Sɛ́ lɔk pɔ ɡwɑk-njínu ńdɔk ŋ́ɡẅɛɛ wɛ́».

Ɛ́bɛlʉʉ 11:7

Ɛ́ kɑ fú pɔ nǔu pɑ́Ꞌ Nɔwɛ zɑ́pnɛ tʉ́m yɛ́ nǔu Sɛ́, ɑ pɔɔ lɔk yúu mi Sɛ́ zɑ́Ꞌ njí nyɛt wɛ́, ńdɔk ḿmɑꞋ kwɑŋɛ pɔ́. Ɛ́ pɛn ḿbɔ́ yúu mi pɛ́ kɑ pɛ́t kɛ́ jʉ́ɔ. Ɛ́ yɛ́tɛ́ Nɔwɛ kɔ́ɔ mɑ́mɑ́ kɑnúꞋ, nɛlɔk ŋ́ɡɛ ŋɡɔ njẅɛt yɛ́ kúu tsɛtú ńduk, ńdɔk pɔ́Ꞌɔ, ńnyɛt ŋɡɔ ntsɑŋ tú pɛcɔ́ pʉɔ, lɑ́ mbɔ ɛ́ ɡʉ nǔu wɛ́, ɛ́ fú nǔu pɑ́Ꞌ ɑ zɑ́pnɛ tʉ́m yɛ́ nǔu Sɛ́, Sɛ́ tsʉ́Ꞌ ńdíŋɛ wɛ́ ɑ pɔ́ ŋu ẅí ɑ ndʉ́ŋndʉŋ mbi wɛ́.

Ɛ́bɛlʉʉ 8:5

FɑꞋ yi pîpɑ́ pɑnɔŋpɔꞋ fɑꞋnɛ, ɛ́ lɔk ḿbɔ́ pɔ fʉꞋ, ńdɔk ḿbɔ́ pɔ jʉ́jʉ́ŋ nǔu kwɑꞋ nu yi ɛ́ tʉ́nɛ́pú. Ɛ́ lɔk pɔ́Ꞌɔ, ḿbɔ́ pɑ́Ꞌ Sɛ́ kɑ nyɛtnɛ Mɔ̌sɛ̂ɛ pɑ́Ꞌ ɑ ɡʉ ŋ́ɡɛ ŋkɑ́ yi ɑ kɑ pɔ́ ŋ́ɡʉ nʉk ntɑp-Sɛ́, Sɛ́ kɑ cú mbɔ̌ wɛ́ ŋɡɔ: «Lʉŋtɛ pɔ nǔu yi ŋ kɑ nyɛtnɛ wú ndǔ nɛŋkɔ́Ꞌ lɑ́».