Mɑtʉ̈ɔ 17:27 - Kɑɑ Fí

²⁷ Lɑ́ kɔɔ pûu ɡɛ nu pʉ́k pɑcẅɛ́ɛ ntsup. Gʉ ŋki ḿmɑꞋ mbɑꞋ. Ɔ ɡʉ ŋ́ɡẅɛɛ nduŋmbi mbɑŋ shú, ŋíɛꞋ ntsu wɛ́, ńjʉ́ɔ pɑk-ŋkɑ́p, ńcẅɛɛtɛ ńdɔk ŋ́ɡʉ ḿmɑꞋ yúu ntsup.

Mɑtʉ̈ɔ 17:27 ပူးပေါင်းရင်းမြစ်များ

Mɑtʉ̈ɔ 17:26

Pyɛ̂ pʉ̈ɔt ŋɡɔ: «Pʉɔ-lɑ́Ꞌ-ntʉɔꞋ ɡɑ́nɛ. Yɛ́su cú mbɔ̌ wɛ́ ŋɡɔ: Pʉɔ-lɑ́Ꞌ kɑ́ lɔk ŋ́ɡẅɛɛ nɛɡɑ́ yɛcɔ́ yúu pɔ́, ɛ́ pɔ́Ꞌɔ pɔ́ kɛ?»

Mɑtʉ̈ɔ 18:6

Lɑ́ ŋu ẅí ɑ ŋ́kɛ́ ńtsʉ́ʉnɛ wɛcɔ́ tɑ́Ꞌ nǔu pɛɡɛɡʉʉ pɔnɛ pi pɔ́p zɑ́pnɛ tʉ́m nǔu mɔ, ńtsʉ́ʉnɛ wɔ́p nɛpɔ́ yi pɔ́p ɡʉ ɛ́fɑɑnɛ nu, mbɔ mbi pɑ́Ꞌ mbɔ pɛ́ cʉŋɛ mɑ́mɑ́ ŋɡɔꞋ lɔ́ŋ-ŋɡɑŋ, ńtsʉ́ʉ wɛ́, ḿmɑꞋ tsɛt mí zʉꞋ-nzɛnzʉ́ʉ.

Mɑtʉ̈ɔ 18:8

Pɔ́Ꞌɔ lɑ́, ɛ́ lɑɑ ńtsʉ́Ꞌ yi pɔ́ yú kɛ ku yú ɔɔ, tsʉ́ʉnɛ wú, ɔ fɑɑnɛ nu, ɔ zɑ́Ꞌ ḿmɛꞋ tɛ ŋɡɑ sɛsɑ. Mbi ɡu nɛpɔ́ ŋkɛmpɔ́ kɛ kɛmku ɔɔ, ńdɑ́Ꞌ ḿbɔ́ ɡú, ńtsɑ pɑ́Ꞌ ɛ́ lɑɑ ḿbɔ́, ɔ ɡẅɛɛ mbɔ́ mú mɛmbɑ́ kɛ mɛku mú mɛmbɑ́ ɔɔ, ńdɑ́Ꞌ ŋ́kúu tsɛt múk ẅi ɛ́ kɛ́ lɑ́Ꞌ ḿbɛ́ pɔ́.

Mɑtʉ̈ɔ 5:29

Lík yú yɛ́ pɔ́ tʉʉ lɑɑ ńtsʉ́ʉnɛ wú ɔ fɑɑnɛ nu, ɔ tsɔ́Ꞌ ḿmɛꞋ tɛ ŋɡɑ sɛsɑ. Mbi pɑ́Ꞌ mbɔ yɛcɔ́ tɑ́Ꞌ nǔu mɛkɛm mbʉʉ mú pɛ́, pɛ́ pɛn ŋ́kɛ́ ḿbɔɔ lɑ́Ꞌ ḿmɑꞋ wú tsɛt múk pɔ́.

Mɑtʉ̈ɔ 5:30

Pɔ́ yú yɛ́ tʉʉ lɑɑ ńtsʉ́ʉnɛ wú ɔ fɑɑnɛ nu, ɔ zɑ́Ꞌ ḿmɛꞋ tɛ ŋɡɑ sɛsɑ. Mbi pɑ́Ꞌ ḿbɔ́ yɛcɔ́ tɑ́Ꞌ nǔu mɛkɛm mbʉʉ mú pɛ́, pɛ́ pɛn ŋ́kɛ́ ḿbɔɔ lɑ́Ꞌ ḿmɑꞋ wú tsɛt múk pɔ́.»

Mɑ́lɛ́kúshi 9:42

«Lɑ́, ŋu ẅí ɑ ŋ́kɛ́ ńtsʉ́ʉnɛ wɛcɔ́ tɑꞋ ŋu nǔu pɛɡɛɡʉʉ pɑ́ɑ pi pɔ́p zɑ́pnɛ tʉ́m nǔu mɔ, nɛlɔk ŋ́ɡɛ ŋɡɔ ɑ fɑɑnɛ nu, mbɔ ŋɡʉ̈ɔ́Ꞌ yi ɛ́ ɡʉ ńdɑ́Ꞌ ŋ́kúu ŋɡɑŋ, ɡʉ ḿbɔ́ yi ɛ́ ńzɑ́ɑ, tɛ mbii pɔ́ ndɑꞋ pɑꞋ ɛ́ lɑɑ ḿbɔ́ pɛ́ cʉŋɛ mɑ́mɑ́ ŋɡɔꞋ lɔ́ŋ-ŋɡɑŋ, ḿmɑꞋ wɛ́ tsɛt mí.

Mɑ́lɛ́kúshi 9:43

Pɔ́ yú lɑɑnɛ ḿbɔ́ ńtsʉ́ʉnɛ wú ńníꞋ tsɛt mɛfɑɑnɛ, ɔ zɑꞋ ḿmɛꞋ, mbi nɛpɔ́ ŋkɛmpɔ́, lɑ́ ŋ́kɛ́ ńdɑ́Ꞌ ḿbɔ́ ɡú, ńtsɑ nɛɡẅɛɛ mbɔ́ mɛmbɑ́, lɑ́ ḿbɛn ŋ́kúu tsɛt zʉꞋ yí múk zúꞋu, ḿbɔ́ yi ɛ́ ńdɑ́Ꞌ ḿbɛ́ yɛcɔ́ lɛ́Ꞌ pɔ́,

Lúkɑ́shi 17:2

Mbi pɑꞋ mbɔ pɛ́ cʉŋɛ mɑ́mɑ́ luŋ lɔ́ŋ-ŋɡɑŋ, ḿmɑꞋ wɛ́ tsɛt Mí, ńtsɑ pɑꞋ ḿbɔ́ pɛ́ nɑ́ wɛ́, ɑ ɡɛ tɛ wɛcɔ́ tɑ́Ꞌ nǔu pɛɡɛɡʉʉ pɑ́ɑ lɛɛ nzʉʉ yɛ́ lɑ ɛ́fɑɑnɛ nu.

Jɑ̂ŋ 6:61

Yɛ́su jí ŋɡɔ ɡɑŋku pɛ́ sɛ́ ńcútɛ ntɛ́ nu yí ɑ cúnɛ, ḿbíkŋɛ wɔ́p ŋɡɔ sẅiŋɛ yɑ́ɑ sɛ́ ḿbɑ́klɛ wʉ́ʉ pɑ́klɛ́nɛ kɛ?

Pʉɔ-Lɔ́mɑ 14:21

Yúu mi ɛ́ pɔŋnɛ, ɛ́ nɛlʉꞋ mbɑ kʉ̈ɔ́ lɑ́ yi mbɔ mɔ́ɔmɑ́ wu kɔɔtɛ nǔu ḿvu Sɛ́, kɛ ḿbɔ́ ɛ́ pɔ́ pɔ nɛkwɛ́t mbɑp ɔɔ, kɛ nɛnɔ́ mɛluꞋ ɔɔ.

1 Kɔlɛ̂ŋtɛ 8:13

Ɛ́ pɔ́Ꞌɔ lɑ́ ḿbɔ́ yi n dɑɑ ńjʉ́ yúupɛ́jʉ́, yi mɔ ńjʉ́ ɛ́ ɡɛ mɔ́ɔmɑ́ mɔ vu sɛ́, mbɔ ɛ́ lɑɑ ńtsʉ́Ꞌ yi ŋ ɡɛ pɔ́Ꞌɔ, m bɔɔ lɑ́Ꞌ ḿbɛn ŋ́kwɛ́t mbɑp pɔ́.

1 Kɔlɛ̂ŋtɛ 8:9

Lɑ́, pʉʉ kɛ́ ḿbɑ́ɑ pɑ́Ꞌ mbɔ yʉ́ʉ yúu mi pʉʉ sɛ́ ńjí ŋɡɔ pʉʉ kuꞋ nɛɡɛ, tsʉ́Ꞌ yúu mi pʉɔ pi pɔ́p pɛ́t ḿbɔ́t pɔ́tnɛ ɡʉ ŋ́kɔɔtɛ nǔu ḿvu Sɛ́,

2 Kɔlɛ̂ŋtɛ 6:3

Ɛ́ ɡʉ nǔu pɛk ɡɑŋntúu, pɛk kɑ́ pɔ́ ŋ́ɡɛ yɛcɔ́ yúu mi mbɔ ŋu kɔɔtɛ nǔu ḿvu sɛ́ pɔ́, pɛ́ fú nǔu ńdɔk ńzɔɔtɛ fɑꞋ yɛ́k pɔ́.

2 Kɔlɛ̂ŋtɛ 8:9

Pʉʉ zɛɛ ḿbɔ́ ńjí yúu mi Tsɑpʉɔ Yɛ́su Kɛlístɔ kɑ lɔknɛ pɔ tʉ́m sʉ́Ꞌnɛ ŋ́ɡɑ́. A kɑ ɡẅɛɛ yúu tsʉʉ, lɑ́ ńtsʉ́Ꞌ mbúŋ mbíꞋ wʉ́ʉ, pɑ́Ꞌ pʉʉ ɡʉ ɛ́fú nǔu púŋ yɛ́, ńtsʉ́Ꞌ pʉɔ pi Sɛ́ ɡɑ́nɛ yúu yɛ́ mbɔ̌ pɔ́p tɛꞋ.

1 Tɛsɑlɔník 5:22

mbuu ŋ́kʉɔ nu kɛpɔŋ tsʉʉ.

Jɑ̂k 2:5

Pɔ́ɔpɛ́mɑ́ pɑ́ɑ pɛ tʉʉndɛn, pʉʉ zúꞋ sʉ́Ꞌnɛ: Sɛ́ kɑ tsɔ́Ꞌ pʉɔ pí pɛ́ fúŋnɛ ndǔmbí ŋɡɔ pɛpúŋ, ńdɔk ŋ́ɡɛ pɑzɑ́p tʉ́m nǔu wɛ́ tɛꞋ, pɔ́p ɡẅɛɛ yɔ́p zʉꞋ tsɛt nu-nɛfɔɔ ni ɑ kɑ kɑꞋnɛ mbɔ̌ pʉɔ pí pɔ́p kɔŋnɛ wɛ́.