Mɑtʉ̈ɔ 17:22 - Kɑɑ Fí

²² Ɛ́ pɔ́ yɛcɔ́ lɛ́Ꞌ, ɡɑŋku-Yɛ́su tɛmtɛ ńcúꞋlɛ Ŋɡɑlilɛɛ, Yɛ́su cú mbɔ̌ pɔ́p ŋɡɔ: «Pɛ́ ɡʉ ɛ́fɛn Mɔ́ɔ-Ŋu mbɔ̌ pʉɔmɛsɔŋ.

Mɑtʉ̈ɔ 17:22 ပူးပေါင်းရင်းမြစ်များ

Mɑtʉ̈ɔ 16:21

Ɛ́ fú ŋkɑ́ ɛ̂yɑ́, Yɛ́su Kɛlístɔ zɛ nɛsɑ́ɑnɛ sɑ́ɑnɛ́nɛ ḿbʉ́ mbɔ̌ ɡɑŋku pɛ́ ŋɡɔ: «Ɛ́ sɛ́ ḿbíkŋɛ ŋɡɔ ɑ ɡʉ Yɛlúsɑlɛm. A ɡʉ ŋ́kúu zúꞋu ńjʉ́ɔ ŋɡʉ̈ɔ́Ꞌ tɛꞋ mbɔ̌ pɛkɛ́m-lɑ́Ꞌ, pɔ́p pɛtɑ́tndɑ́-pɑnɔŋpɔꞋ, mbɑ pɑkyɛ́ꞌtɛ nɛpʉ́ʉ-Mɔ̌sɛ̂ɛ, pɔ́p ɡɛ pɛ́ jẅí wɛ́. A pɛn ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Mɑtʉ̈ɔ 16:28

Ɛ sẅíi wʉ́ʉ, kwɑꞋ nɛ́nẅín, pɛcɔ́ mbɔ ntɑ́Ꞌ nǔu pʉɔ pínɛ pɔ́p zɑꞋnɛ ŋkɔ̂ɔnɛ kɛ́ ɡɛ mpfú, kɛ́ pɔ́ yi pɔ́p jʉ́ɔ pɑ́Ꞌ Mɔ́ɔ-Ŋu tɔ́nɛ pɑ́Ꞌ fɔɔ pɔ́.»

Mɑtʉ̈ɔ 17:12

Ɛ sẅíi wʉ́ʉ ŋɡɔ Ɛlíyɑ kɑ tɔ́ mɔ́ lɑ́, pʉɔ pɔɔ wɛ́ pɛ́m, ńnyɛt wɛ́ nɛ́ ŋɡʉ̈ɔ́Ꞌ pɑ́Ꞌ pɔ́p kɔŋnɛ, pɔ́p ɡʉ ŋ́ɡɛ ḿbɛn ńnyɛt Mɔ́ɔ-Ŋu nɛ́ ŋɡʉ̈ɔ́Ꞌ pɔ pɔ́Ꞌɔ.»

Mɑtʉ̈ɔ 17:23

Pɔ́p ɡɛ ɑ pfú, ɛ́ ɡɛ ḿbɔ́ mbɑ́ɑtɛ lɛ́Ꞌ pɛtɑ́t ɑ zẅíimɛ nǔu nɛvú.» Gɑŋku pɛ́ zúꞋ, ńtɛmtɛ ḿmʉk tɛꞋ.

Mɑtʉ̈ɔ 17:9

Pɔ́p pɛ́pɔ́p ɡɛ ḿbɔ́ ɛ́fú ndǔ nɛŋkɔ́Ꞌ ńcúŋ, ɑ kwɛn wɔ́p ŋɡɔ, kɔɔ pɔ́p kẅíi tɛ ŋu ndɛꞋ fɛ́ꞌnɛ ńjí yúu mi pɔ́p jʉ́ɔnɛ, tɛ ńdɑ́Ꞌ ŋ́kúu ŋkɑ́ yi Mɔ́ɔ-Ŋu ńzẅíimɛ nǔu nɛvú.

Mɑtʉ̈ɔ 24:10

Ɛ́ ɡʉ ńdɑ́Ꞌ ḿbɔ́ pɔ́nɛ tɛ pʉɔ tɛ ńzɑ́ɑ tsɛtsɛt pʉʉ pɔɔ pɛn ńzɑ́p tʉ́m nǔu mɔ pɔ́, pɔ́p shɔtnɛ ɛ́fɛn mɛmbʉʉ mɔ́p, ɛ́shɔtnɛ ḿbɑɑ mɛmbʉʉ mɔ́p.

Mɑtʉ̈ɔ 26:16

A cẅɛ́ɛ, ńzɛ nɛlɔɔ shʉ́ pɑ́Ꞌ ɑ ɡʉ ɛ́fɛn Yɛ́su mbɔ̌ pɔ́p.

Mɑtʉ̈ɔ 26:46

Pʉʉ lɔ sɛ́ pɛkŋɛ ɡʉ! Ŋu ẅí ɑ fɛnnɛ wɑ́ɑ mbɔ̌ pɔ́p pʉ́ɔlɑ́ ɑ tɔ́nɛ lɑɑ!

Mɑ́lɛ́kúshi 8:31

Ɛ́fú nǔu, ńzɛ nɛzíꞋ wɔ́p nɛ́ yúu, ńcú ŋɡɔ: «Ɛ́ sɛ́ ḿbíkŋɛ ŋɡɔ Mɔ́ɔ-Ŋu jʉ́ɔ ŋɡʉ̈ɔ́Ꞌ tɛꞋ, pɛkɛ́m-lɑ́Ꞌ mɛꞋ wɛ́, mbɑ pɛtɑ́tndɑ́-pɑnɔŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ, ɛ́ ɡɛ pɔ́Ꞌɔ, pɛ́ jẅí wɛ́. A pɛn ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Lúkɑ́shi 24:26

Pʉʉ kɑ́ jí ŋɡɔ, ɛ́ kɑ pɔ́ ḿbíkŋɛ ŋɡɔ Nzɑ́Ꞌŋkʉ piitɛ ńjʉ́ɔ ŋɡʉ̈ɔ́Ꞌ lɑ́ ŋ́kúu tsɛt nɛɡúꞋ wɛ pɔ́ kɛ?

Lúkɑ́shi 24:46

Ńcú ŋɡɔ: «Ɛ́ tsɛt ŋwɑꞋnɛ-Sɛ́ ḿbɔ́ ŋɡɔ: Nzɑ́Ꞌŋkʉ ɡẅɛɛ nɛ lɑ́Ꞌ ńjʉ́ɔ ŋɡʉ̈ɔ́Ꞌ, ḿpfú, lɑ́ Sɛ́ pɛn ńzẅíi wɛ́ nǔu nɛvú nǔu mbɑ́ɑtɛ lɛ́Ꞌ pɛ́tɑ́t.

Lúkɑ́shi 9:22

ḿbɛn ńcú mbɔ̌ pɔ́p ŋɡɔ: «Ɛ́ píknɛ ŋɡɔ mɔ́ɔ-ŋu ɡɛ ńjʉ́ɔ ŋɡʉ̈ɔ́Ꞌ tɛꞋ, ŋɡɔ Pɛkɛ́m-lɑ́Ꞌ-Pɑyúdɑ pɔ́p pɛtɑ́tndɑ́-pɑnɔŋpɔꞋ mbɑ pɑkyɛ́Ꞌtɛ nɛpʉ́ʉ-Mɔ̌sɛ̂ɛ ɡɛ ńdʉꞋ wɛ́, ŋ́ɡɛ pɛ́ jẅí wɛ́, lɑ́ mbɑ́ɑtɛ lɛ́Ꞌ pɛ́tɑ́t ɑ zẅíimɛ nǔu nɛvú.»

Lúkɑ́shi 9:43

Lɑ́Ꞌ yi ɛ́ ḿbɔ́nɛ zúꞋu, jʉ́ɔ yɔ nu, mɑɑ pɑꞋ mɛtʉʉ Sɛ́ lɔknɛ ŋ́ɡúꞋ pɔ́Ꞌɔ. Lɑ́Ꞌ pɔ́ ŋ́ɡʉ̈ɔꞋtɛ mɛnu mi Yɛ́su ɡɛnɛ tsʉʉ. A ɡɛ ńcú mbɔ̌ ɡɑŋku pɛ́ ŋɡɔ:

ŊwɑꞋnɛ-Gɑŋntúu Yɛ́su Kɛlístɔ 7:52

Sẅíinɛ wɑ́ɑ nɛ lík-Ŋɡɛ́mndʉ̈ɔ́Ꞌ-Sɛ́ ẅi pɛtɑ̌ɑ ŋkɑɑ wɛ́ kʉʉnɛ. Pɔ́p kɑ jẅítɛ pʉɔ pi pɔ́p kɑ zɑ́Ꞌnɛ njí ḿbɔ́ ḿbʉ́ ŋɡɔ ŋu ẅí ɑ ndʉ́ŋndʉŋ zɛ́nɛjʉ́ ɡʉnɛ ŋ́ɡɛ ńtɔ́. Ŋu ndʉ́ŋndʉŋ ɛ̂wɑ́ ɑ Yɛ́su, ɑ kɑ kɛ́ mɔ́ ńtɔ́, pʉʉ wɔ jẅí wɛ́.

1 Kɔlɛ̂ŋtɛ 11:23

Ŋ kɑ kɛ́ ńzíꞋ wʉ́ʉ nɛ́ yúu mi ŋ kɑ zúꞋnɛ mbɔ̌ Tsɑpʉɔ, ɛ́ pɔ́ ŋɡɔ: «Ɛ́ kɑ pɔ́ nɛtúꞋ ẅi pɛ́ kɑ fɛnnɛ Tsɑpʉɔ Yɛ́su, ɑ́ pɛ́ɛ mbɛlɛ̂ɛt,