Mɑtʉ̈ɔ 17:20 - Kɑɑ Fí

²⁰ A pʉ̈ɔt mbɔ̌ pɔ́p ŋɡɔ: «Ɛ́ pɔ́Ꞌɔ, mbíꞋŋɡɔ pʉʉ zɑ́p tʉ́m nǔu Sɛ́ pɔ mɔ́zʉꞋ ŋɡɔ pítɛ. Pʉʉ lɑɑ sǐi ńzɑ́p tʉ́m yʉ́ʉ nǔu Sɛ́ ɛ́ kʉ̈ɔ́k pɔ mɔ́zʉꞋ pɑ́Ꞌ nɛsɑɑ-sɛ́súk, mbɔ ɛ́ lɑɑ ḿbɔ́ pʉʉ cú mbɔ̌ nɛŋkɔ́Ꞌ nɔ ŋɡɔ: “Tsɔ́Ꞌnɛ ŋ́ɡʉ ńtʉ́ʉ zíꞋnɛ, ɛ́ ɡʉ ńtʉ́ʉ zúꞋu. Mbɔ ɛ́ lɑɑ ḿbɔ́ yɛcɔ́ nu pɔɔ lɑ́Ꞌ ńtsɑ wʉ́ʉ pɔ́.”» [

Mɑtʉ̈ɔ 17:20 ပူးပေါင်းရင်းမြစ်များ

Mɑtʉ̈ɔ 13:31

Yɛ́su pɛn ńcú yɛcɔ́ sɑknɛkɛt mbɔ̌ pɔ́p ŋɡɔ: «Nu-nɛfɔɔ-Sɛ́ ɡɔ́ɔ ḿbɔ́ pɑꞋ yɛcɔ́ ntɛ́ nɛsɑɑ-sɛ́súk yí ŋu kɑ pinɛ ḿbi yɛ ŋkɑ́Ꞌ yɛ́.

Mɑtʉ̈ɔ 14:29

Yɛ́su cú mbɔ̌ wɛ́ ŋɡɔ: Tɔ́! Pyɛ̂ cẅɛt tsɛt kɑnúꞋ, ḿbɔ́ ńnɛn ndǔ ŋki nɛɡʉ ńzɑ́Ꞌ wɛ́.

Mɑtʉ̈ɔ 17:17

Yɛ́su zúꞋ pɔ́Ꞌɔ, ŋɡɔ: «Yɛ̌ɛ! Pʉʉ pʉɔ-ŋɡuꞋ yɔ, pʉʉ pɛkɛ́tú. Pʉʉ kɑ́ zɑ́p tʉ́m nǔu Sɛ́ pɔ́, ɛ́ pɑ́Ꞌɑ pɛkŋɛ ńdɑ́Ꞌ ńnɑ́ŋ tɛ ŋ́kúu pɔ shʉ́n? Ŋ ɡʉ ńdɑ́Ꞌ ɛ́sʉk nǔu mɛnu mʉ́ʉ tɛ ŋ́kúu pɔ shʉ́n? Pʉʉ lɔk mɔ́ɔ ɛ̂wɑ́ ńtɔ́ zɑꞋnɛ ŋ́ɡɑ́ mbɔ̌ mɔ.»

Mɑtʉ̈ɔ 17:19

Pɔ́p ɡɑŋku pɛ́ ɡɛ ḿbɔ́ zɛnɛ pɔ́p, pɔ́p píkŋɛ wɛ́ ŋɡɔ: «Kʉ̈ɔ́ lɑ́Ꞌnɛ ŋ́ɡɛ ŋɡɔ, pɛk pɔɔ kuꞋ nɛzuŋ zẅikŋɛ kɛpɔŋ ɛ̂yɑ́ pɔ́ ɔɔ?»

Mɑtʉ̈ɔ 17:9

Pɔ́p pɛ́pɔ́p ɡɛ ḿbɔ́ ɛ́fú ndǔ nɛŋkɔ́Ꞌ ńcúŋ, ɑ kwɛn wɔ́p ŋɡɔ, kɔɔ pɔ́p kẅíi tɛ ŋu ndɛꞋ fɛ́ꞌnɛ ńjí yúu mi pɔ́p jʉ́ɔnɛ, tɛ ńdɑ́Ꞌ ŋ́kúu ŋkɑ́ yi Mɔ́ɔ-Ŋu ńzẅíimɛ nǔu nɛvú.

Mɑtʉ̈ɔ 21:21

Yɛ́su pʉ̈ɔt mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, pʉʉ lɑɑ ńzɑ́p tʉ́m nǔu Sɛ́, tɛ mbɔɔ mʉꞋlɛ, mbɔ pʉʉ ɡʉ kuꞋ nɛɡɛ yúu mi ŋ ɡɛnɛ nǔu tʉ́-ŋɡɛ̌m lɑɑ tɛ ńdɛɛ pɔ́Ꞌɔ.» Mbɔ ɛ́ lɑɑ ḿbɔ́ pʉʉ kuꞋ nɛcú mbɔ̌ nɛŋkɔ́Ꞌ nɔ ŋɡɔ: «Fú zɑ́Ꞌɑ ŋ́ɡʉ ńtʉ́ʉ tsɛt ŋki kɛ́ nɛpɑt! Ɛ́ zúꞋ ntsu wʉ́ʉ.»

Mɑtʉ̈ɔ 8:26

A cú mbɔ̌ pɔ́p ŋɡɔ: «Pʉʉ pɔ́k kʉ̈ɔ́? Pʉʉ lɔɔ ńzɑ́p tʉ́m nǔu Sɛ́ ŋkɑ́ tsʉʉ pɔ́!» Ńcú pɔ́Ꞌɔ, ńdɔ sɛ́, ńcʉ̈ɔ́k fɛ́m pɔ́p ŋki. ZʉꞋ nɑꞋ ŋ́ɡɔ kɛ̂m.

Mɑ́lɛ́kúshi 11:22

Yɛ́su tsɔ́Ꞌ mbɔ̌ pɔ́p ŋɡɔ: Pʉʉ zɑ́p tʉ́m yʉ́ʉ nǔu Sɛ́.

Mɑ́lɛ́kúshi 11:23

Ɛ sẅíi wʉ́ʉ, kwɑꞋ nɛ́nẅín, ŋu wʉʉ lɑɑ ńcú mbɔ̌ nɛŋkɔ́Ꞌ ŋɡɔ fú zɑꞋɑ, ŋ́ɡʉ ńtʉ́ʉ tsɛt ŋki kɛ́ ndẅiklɛ, ńcú kɛ́ pɔ́ ḿmʉꞋlɛ, ńzɑ́p tʉ́m nǔu Sɛ́, mbɔ Sɛ́ ɡʉ ḿbɛ́m ɛ́ pɔ́ pɔ́Ꞌɔ.

Mɑ́lɛ́kúshi 4:31

Ɛ́ ɡɔ́ɔ ɛ́fí mbiyúu mi ɛ́ kʉ̈ɔ́knɛ pɑꞋ yɛcɔ́ ntɛ́ nɛsɑɑ-sɛ́súk. Pɛ́ ɡɔ́ mɑꞋ, ɛ́ kʉ̈ɔ́k ńtsɑ mɛcɔ́ mɛmbi-yúupɛjʉ́ pinɛ pɛ́ pinɛ ŋkɑꞋ.

Mɑ́lɛ́kúshi 9:23

Yɛ́su pɑꞋ yɛ́ ŋɡɔ: «Ɔ pɛn ŋɡɔ pɑꞋ ɔ lɑɑ ŋ́kuꞋ ŋɡɔ ku? Nu kɑ́ tsɑ ŋu ẅí ɑ zɑ́pnɛ tʉ́m nǔu Sɛ́ pɔ́.»

Lúkɑ́shi 1:37

Ɛ́ lɔk ḿbɔ́ ŋɡɔ ḿbɔ́ nu pɔɔ Sɛ́ tsɑ.»

Lúkɑ́shi 17:6

Yɛ́su cú ŋɡɔ: «Nɛsɑɑ-sɛ́súk yúu ŋ́kʉ̈ɔ́k tɛꞋ, ŋu wʉʉ lɑɑ ńzɛɛ ńzɑ́p tʉ́m yɛ́ nǔu Sɛ́ mbɑ mɔ́zʉꞋ pɔ́Ꞌɔ, mbɔ ɑ ɡɛ ńcú mbɔ̌ tʉ́ yi ɛ́ tʉ́ʉnɛ lɑɑ ŋɡɔ: Tsɔ́Ꞌnɛ ŋ́ɡʉ ńtʉ́ʉ tsɛt Mí, mbɔ ɛ́ ńzúꞋ ntsu wɛ́.»

Lúkɑ́shi 18:27

Yɛ́su cú ŋɡɔ: «Nu yi ɛ́ tsɑnɛ pʉɔmɛsɔŋ, ɛ́ kɑ́ tsɑ Sɛ́ pɔ́.»

Jɑ̂ŋ 11:40

Yɛ́su tsɔ́Ꞌ mbɔ̌ wɛ́ ŋɡɔ: N dɑ́Ꞌ mbɔɔ cú mbɔ̌ ɡu ŋɡɔ ɔ lɑɑ ńzɑ́p tʉ́m nǔu mɔ, mbɔ ɔ ɡʉ ńjʉ́ɔ nɛɡúꞋ-Sɛ́ pɔ́ ɔɔ?»

1 Kɔlɛ̂ŋtɛ 12:9

Zẅikŋɛ ɛ̂yɑ́ pɛnnɛ ŋ́ɡɛ wɛcɔ́ ŋu pɔ́ ńzɑ́p tʉ́m yɛ́ nǔu Sɛ́ tɛꞋ, wɛcɔ́ ɡẅɛɛ nɛɡɛ ɡɑŋɡɔɔ fíitɛ.

1 Kɔlɛ̂ŋtɛ 13:2

Mbɔ Sɛ́ ɡɑ́ fuꞋ níinɛ yɑ́ɑ n cẅi Ŋkʉʉ ẅi ɛ́ fúnɛ mbɔ̌ wɛ́, ńjínu nǔu mbɑ kʉ̈ɔ́ lɑ́ yi ɛ́ lʉɔmɛ́nɛ, ḿbɛn ńjínu nǔu yúu tsʉʉ. Ɛ́ lɑɑ ḿbɔ́ n zɑ́p tʉ́m nǔu Sɛ́, tɛ ŋ́kuꞋ nɛɡɛ mɛŋkɔ́Ꞌ kẅɛ́Ꞌlɛ, lɑ́ ŋ́kɛ́ ḿbɔ́ yi n dɑɑ mbɔɔ kɔŋ ŋumɛsɔŋ pɔ́, mbɔ ŋ kɑ́ pɔ́ yɛcɔ́ yúu pɔ́.

Ɛ́bɛlʉʉ 3:19

Pɛkŋɛ lɔk ńjʉ́ɔ ŋɡɔ pɔ́p ŋ́kɑɑ ŋ́kúu tsɛt mɔ́fíitɛ ẅi Sɛ́ kɑ kɑꞋnɛ mbɔ̌ pɔ́p pɔ́, mbíꞋŋɡɔ pɔ́p ŋkɑɑ zúꞋ nu yi ɑ kɑ cúnɛ, tɛ ḿbɛ́m pɔ́.