Mɑtʉ̈ɔ 16:13 - Kɑɑ Fí

¹³ Yɛ́su ɡʉ tɛ ŋ́kúu tsɛt pɑk-ŋɡɔŋ-Sɛ́zɑlɛ̂ ẅi Filîp kɑ pɔ́nɛ ɛ́sɑ́Ꞌ, ḿbíkŋɛ ɡɑŋku pɛ́ ŋɡɔ: «Lɑ́Ꞌ pɑ́Ꞌɑ ḿbɔ́ sɛ́ ńcú ŋɡɔ Mɔ́ɔ-Ŋu wɔ̌?»

Mɑtʉ̈ɔ 16:13 ပူးပေါင်းရင်းမြစ်များ

Mɑtʉ̈ɔ 12:32

Ŋu lɑɑ ɛ́sẅíŋɛ kɛpɔŋ nǔu Mɔ́ɔ-Ŋu, mbɔ Sɛ́ ɡʉ ńdɑ́Ꞌ ńdikŋɛ ŋ́ɡɑ́ mbɔ̌ wɛ́. Lɑ́ ŋu kɛ́ ɛ́sẅíŋɛ kɛpɔŋ nǔu Zẅikŋɛ Lɛ́ɛnɛ́nɛ, mbɔ pɛ́ kɛ́ likŋɛ ŋ́ɡɑ́ mbɔ̌ wɛ́ ŋkɔ̂ɔnɛ mbɑ nǔu yɛcɔ́ kɛm-ŋkɑ́ pɔ́.»

Mɑtʉ̈ɔ 12:40

Ndʉ́ŋndʉŋ pɑ́Ꞌ Yɔ́nɑ́ɑshi kɑ nɑ́ŋnɛ tsɛt nɛpɛm-mɑ́mɑ́ shú lɛ́Ꞌ pɛtɑ́t lɑ́; Mɔ́ɔ-Ŋu ɡʉ ńdɑ́Ꞌ ŋ́ɡɛ yɛ́ lɛ́Ꞌ pɛtɑ́t tsɛt tsɛ́tsɑ́Ꞌ.

Mɑtʉ̈ɔ 12:8

Yɛ́su pɛn ńcú mbɔ̌ pɔ́p ŋɡɔ: Mɔ́ɔ-Ŋu zɛɛnɛ ŋ́ɡẅɛɛ nɛcú yúu mi ḿbɔ́ pɛ́ ɡɛ nǔu lɛ́Ꞌnji-Pɑyúdɑ.»

Mɑtʉ̈ɔ 13:37

A cú mbɔ̌ pɔ́p ŋɡɔ: «Ŋu ẅí ɑ pinɛ yúu sʉ́Ꞌnɛ ɑ Mɔ́ɔ-Ŋu.»

Mɑtʉ̈ɔ 13:41

Mɔ́ɔ-Ŋu ɡʉ ńdɑ́Ꞌ ńtúu pɛcʉ̈ɔ́Ꞌ pɛ́, pɔ́p fú tsɛtsɛt pʉɔ pɛ́ ńcẅɛɛtɛ ŋɡɑŋ ŋkwɑꞋnɛ mbɑ pʉɔ kɛpɔŋ,

Mɑtʉ̈ɔ 15:21

Yɛ́su ɡɛ ɛ́fú zúꞋu ŋ́ɡʉ nǔu yɛcɔ́ pɑk-ŋɡɔŋ, shʉ́ tʉ́sɔŋ-Tîi pɔ́p Sidɔŋ,

Mɑtʉ̈ɔ 16:27

Pʉʉ jí ŋɡɔ: «Mɔ́ɔ-Ŋu ɡʉ ŋ́ɡɛ ńtɔ́ pɔ́p pɛcʉ̈ɔ́Ꞌ pɛ́, ńtɔ́ pɔ́Ꞌɔ, tsɛt nɛɡúꞋ-Tɑ́t wɛ, ɑ tsɔ́Ꞌ fɑꞋ mbɑ wɔ̌ lɑ́, pɔ nǔu ŋɡɛnɛ mɛnu mɛ́.

Mɑtʉ̈ɔ 16:28

Ɛ sẅíi wʉ́ʉ, kwɑꞋ nɛ́nẅín, pɛcɔ́ mbɔ ntɑ́Ꞌ nǔu pʉɔ pínɛ pɔ́p zɑꞋnɛ ŋkɔ̂ɔnɛ kɛ́ ɡɛ mpfú, kɛ́ pɔ́ yi pɔ́p jʉ́ɔ pɑ́Ꞌ Mɔ́ɔ-Ŋu tɔ́nɛ pɑ́Ꞌ fɔɔ pɔ́.»

Mɑtʉ̈ɔ 25:31

Mɔ́ɔ-Ŋu ɡʉ ḿbɔ́ tɛ ńtɔ́ tsɛt nɛɡúꞋ wɛ, tɛ pɔ́p pɛcʉ̈ɔ́Ꞌ pɛ́ pɔ́nɛ, ɑ nɑ́ŋ ndǔ kɔꞋ yɛ́, ḿbɔ́ fɔɔ ẅí yɛcɔ́ yúu kɑ́ tsɑ wɛ́ pɔ́.

Mɑtʉ̈ɔ 8:20

Yɛ́su pʉ̈ɔt mbɔ̌ wɛ́ ŋɡɔ pɛkwɛt ɡẅɛɛ mɛmbʉ́, pɛshʉ́ŋ pɛn ŋ́ɡẅɛɛ mɛŋkɑɑ mɔ́p. Lɑ́ Mɔ́ɔ-Ŋu kɑ́ ɡẅɛɛ zʉꞋ yí ɛ́ lɑɑ ḿbɔ́ ɑ jẅiitɛ zúꞋu pɔ́.

Mɑtʉ̈ɔ 9:6

Ŋ ɡʉ ŋ́kɛ́ ńnyɛt wʉ́ʉ ŋɡɔ: Mɔ́ɔ-Ŋu ɡẅɛɛ mɛtʉʉ ndǔ tsɛ́tsɑ́Ꞌ yɔ, nɛlɔk ńdikŋɛ mɛnu kɛpɔŋ pʉɔmɛsɔŋ ŋ́ɡɑ́ mbɔ̌ pɔ́p.» Pɔ́Ꞌɔ lɑ́, ńcú mbɔ̌ ŋɡɑŋkẅíꞋlɛ ŋɡɔ: «Lɔ sɛ́, ńtíi pɑ́ŋtɛ wu, ńdɔk ŋ́ɡʉ nɛ́ njɛ́Ꞌ ɡu.»

Mɑ́lɛ́kúshi 10:45

MbíꞋŋɡɔ Mɔ́ɔ-Ŋu ŋ́kɑɑ zɛɛ ńtɔ́ ndǔ tsɛ́tsɑ́Ꞌ pɔ pɑꞋ pʉɔmɛsɔŋ ɡʉ ɛ́fɑꞋ mbɔ̌ wɛ́ pɔ́, ɑ kɑ tɔ́ pɔ nɛfɑꞋ mbɔ̌ pʉɔmɛsɔŋ, ɛ́fɑꞋ fɑꞋnɛ tɛ ḿbɛn ŋ́ɡɑ́ tú yɛ́ nɛlɔk ńcẅɛ́ɛ tú-pʉɔ tɛ ńzɑ́ɑ.»

Mɑ́lɛ́kúshi 8:38

Ŋu lɑɑ ŋ́kɔ́ sʉ́ʉ nɛpɔ́ wɑɑ ŋu, mbɑ nɛsẅíi nu yɑ́ɑ mbɔ̌ pʉɔ pɔnɛ pí pɔ́p ndǔ mbí ŋkɔ̂ɔnɛ, ḿbɔ́ njẅɛt-pʉɔ kɛpɔŋ lɑɑ, ḿbɔ́ pɑkɛ́jí Sɛ́, mbɔ Mɔ́ɔ-Ŋu ɡʉ ńdɑ́Ꞌ ḿbɛn ŋ́kɔ́ yɛ́ sʉ́ʉ nɛlɔk wɛ́ ŋ́ɡɛ wɛ ŋu, ŋkɑ́ yi ɑ ɡʉ ńdɑ́Ꞌ ḿbɛn nzʉʉ tsɛt nɛɡúꞋ-Tɑ́t wɛ, pɔ́p pɛcʉ̈ɔ́Ꞌ-Sɛ́ pɔ́nɛ.

Jɑ̂ŋ 1:51

Yɛ́su pɛn ŋ́kẅiꞋ ńcú ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, pʉʉ ɡʉ ŋ́ɡɛ ńjʉ́ɔ ntsu-tʉ́nɛ́pú tsɔ́Ꞌnɛ ńtʉ́ʉ, pɛcʉ̈ɔ́Ꞌ-Sɛ́ pɔ́ ɛ́fú zúꞋu, ńcúŋ ńtɔ́ nǔu Mɔ́ɔ-Ŋu ḿbɛn ŋ́kɔ́Ꞌ nɛ́ tʉ́nɛ́pú.»

Jɑ̂ŋ 12:34

Lɑ́Ꞌ tsɔ́Ꞌ mbɔ̌ wɛ́ ŋɡɔ: «Pɛk kɑ zúꞋ tsɛt ŋwɑꞋnɛ-nɛpʉ́ʉ ŋɡɔ: Nzɑ́Ꞌŋkʉ ẅi Sɛ́ kɑ kɑꞋnɛ ɡʉ ńdɑ́Ꞌ ḿbɔ́ pɔ ɡú. Ɔ pɛn ŋ́ɡɛ pɑ́Ꞌɑ lɑ ńcú ŋɡɔ, pɛ́ ɡʉ ŋ́kɑꞋ Mɔ́ɔ-ŋu nǔu tʉ́ mɛkʉ́Ꞌ ŋ́ɡɑ́ tʉ́ ɔɔ? Mɔ́ɔ-ŋu ɛ̂wɑ́ wɔ̌?»

Jɑ̂ŋ 3:14

Ndʉ́ŋndʉŋ pɑ́Ꞌ Mɔ̌sɛ̂ɛ kɑ kútnɛ nɔ́ nǔu tɑ́Ꞌ tʉ́, ŋ́kɑꞋ ŋ́ɡɑ́ tʉ́, kɔ̂ŋtɛt lɑ́, ɛ́ sɛ́ ḿbíkŋɛ ŋɡɔ pɛ́ ɡɛ ŋ́kɑꞋ Mɔ́ɔ-Ŋu pɔ pɔ́Ꞌɔ.

Jɑ̂ŋ 5:27

A kɑ pɛn ŋ́ɡɑ́ wɛ́ nɛ́ mɛtʉʉ nɛlɔk ńzɑ́Ꞌ mɛtsɑŋ-pʉɔmɛsɔŋ, mbíꞋŋɡɔ jʉ́ pɔ́nɛ Mɔ́ɔ-Ŋu.

ŊwɑꞋnɛ-Gɑŋntúu Yɛ́su Kɛlístɔ 10:38

Pʉʉ pɛn ḿbɔ́ ńjí ŋɡɔ Sɛ́ kɑ ɡɑ́ mɛtʉʉ-Zẅikŋɛ Lɛ́ɛnɛ́nɛ mbɔ̌ Yɛ́su mɔ́ɔ-Nɑ̌zɑlɛt ńdɔk pɔ́Ꞌɔ, ńcɔꞋ wɛ́ ḿbɛn ḿbɔ́ ńtʉ̈ɔ́Ꞌlɛ wɛ́. A ɡʉ zʉꞋ tsʉʉ, ḿbɔ́ ŋ́ɡɛ mɛnu sʉ́Ꞌnɛ, ḿbɔ́ ńcẅɛ́ɛ pʉɔ tsʉʉ pí pɔ́p ḿbɔ́nɛ ɡɑŋtsɑ́ŋ nǔu mbɔ́-Sɑ́ttɑ mbíꞋŋɡɔ Sɛ́ kɑ pɔ́ nɛ́ jʉ́.

ŊwɑꞋnɛ-Gɑŋntúu Yɛ́su Kɛlístɔ 7:56

Ɛtiyɛ̂n cú ŋɡɔ: «Mɔ sɛ́ ńjʉ́ɔ pɑ́Ꞌ ntsu-tʉ́nɛ́pú tsɔ́Ꞌnɛnɛ ńtʉ́ʉ. Mɔ́ɔ-Ŋu tʉ́ʉ nǔu ɡúŋ-pɔ́-Sɛ́ yi tʉʉ.»