Mɑtʉ̈ɔ 16:12 - Kɑɑ Fí

¹² Ɛ́ lɛɛ pɔ́Ꞌɔ, Gɑŋku-Yɛ́su ɡɔ́ɔ ŋ́kɛ́ ńzúꞋ ŋɡɔ, ɑ lɑ́Ꞌ ḿbɔɔ ńcú ŋɡɔ pɔ́p pɑ́ɑ fɛntɛ lɔk ńniitɛ mbɛlɛ̂ɛt pɔ́. A lɑ́Ꞌ ńcú pɔ ŋɡɔ pɔ́p pɑ́ɑ yúu mi pɑfɑlísɑy pɔ́p pɑsɑdukɑy zíꞋnɛ pʉɔ.

Mɑtʉ̈ɔ 16:12 ပူးပေါင်းရင်းမြစ်များ

Mɑtʉ̈ɔ 16:11

Ɛ́ pɛn ŋ́ɡɛ ŋɡɔ́ku, pʉʉ pɔɔ zúꞋ ŋɡɔ n dɑ́Ꞌ mbɔɔ ńcú nu nǔu mbɛlɛ̂ɛt ŋkɑ́ yi pɔ́ ɔɔ?» M bɛn ńcú ŋɡɔ: «Pʉʉ pɑ́ɑ fɛntɛ-Pɑfɑlísɑy pɔ́p pɑsɑdukɑy.»

Mɑtʉ̈ɔ 3:7

Jɑ̂ŋ jʉ́ɔ pɑ́Ꞌ pʉɔ nǔu nɔɔ-pɑfɑlísɑy pɔ́p pʉɔ nǔu nɔɔ-pɑsɑdukɑy tɔ́nɛ yɔ́p tɛ ńzɑ́ɑ, pɑ́Ꞌ ɑ ɡʉ ńnuꞋ wɔ́p ŋki, ɑ cú mbɔ̌ pɔ́p ŋɡɔ: «Njẅɛt mɛnɔ́, pɑtɑ́ɑ mɛzúŋ, wɔ̌ pɛnnɛ ɛ́sẅíi wʉ́ʉ nɛkʉɔ ŋɡʉ̈ɔ́Ꞌ yi pʉʉ lɔɔnɛ tɛ ɛ́ pɔ́ ŋ́ɡʉ ḿvu nǔu pʉʉ?

Mɑtʉ̈ɔ 5:20

Ɛ́ yɛ́tɛ́ lɑ n cúnɛ mbɔ̌ pʉʉ ŋɡɔ: «Pʉʉ lɑɑ mbɔɔ ɡẅɛɛ nɛpʉ́ʉ sʉ́Ꞌnɛ ńdɛɛ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pɑfɑlísɑy pɔ́, mbɔ pʉʉ kɛ́ lɑ́Ꞌ ŋ́kúu nǔu nu-nɛfɔɔ-Sɛ́ pɔ́.»

ŊwɑꞋnɛ-Gɑŋntúu Yɛ́su Kɛlístɔ 23:8

Ɛ́ zɛɛ ŋ́ɡɔ ḿbɔ́, pɑfɑlísɑy cú ŋɡɔ pɛpfú ɡʉ ńdɑ́Ꞌ ńzẅíimɛ, ŋɡɔ pɛcʉ̈ɔ́Ꞌ-Sɛ́ mbɑ mɛzẅikŋɛ kɛpɔŋ ɡú, lɑ́ ŋ́ɡʉ nǔu pʉɔ sɑdukɑy pɔ́p pɔɔ ḿbɛ́m yɔ́p pɔ́Ꞌɔ pɔ́.

1 Kɔlɛ̂ŋtɛ 5:6

Ɛ́ kɑ́ pɔŋ ŋɡɔ pʉʉ ŋɑ́Ꞌlɛ nɛ́ yîyɑ́ ntɛ́ nu tsɛtsɛt pʉʉ pɔ́. Pʉʉ kɑ pɔ́ ńjí ŋɡɔ mɔ́zʉꞋ fɛntɛ ɡɛnɛ fɑlîn tsɛpnɛ kɔ́Ꞌ pɔ́ kɛ?