Mɑtʉ̈ɔ 15:27 - Kɑɑ Fí

²⁷ Mɑŋɡɛ́ ɛ̂wɑ́ pʉ̈ɔt ŋɡɔ: «Ndɛ, ɔ cú sẅíinu lɑ́, mvú lɔ ńdɑklɛ mɛsɑɑ-yúu mi ɛ́ fúnɛ ndǔ tɑ́pɛlɛ-tɑ̌ɑ wɔp ḿvutɛ sɛ́.»

Mɑtʉ̈ɔ 15:27 ပူးပေါင်းရင်းမြစ်များ

Mɑtʉ̈ɔ 15:26

Yɛ́su pʉ̈ɔt ŋɡɔ: «Ɛ́ kɑ́ pɔŋ nɛcẅɛ́ɛ yúupɛjʉ́ mbɔ́ŋkʉ̈ɔ́, ḿmɑꞋ mbɔ̌ mvú pɔ́.»

Mɑtʉ̈ɔ 15:28

Yɛ́su ɡɔ́ɔ ŋ́kɛ́ ńtsɔ́Ꞌ ŋɡɔ: «Mɑ́ɑmɑɑ! Ɔ zɑ́p tʉ́m nǔu mɔ tɛꞋ. Ɛ́ pɔŋ ŋɡɔ yúu mi ɔ sɛ́ ńtsɑ́ɑ puutɛ!» Yɛ́su cú pɔ́Ꞌɔ, mɔ́ɔ-mɑŋɡɛ́ wɑ́ ɡɔ́ɔ ɛ́fíitɛ pɔ kwɑꞋ ŋkɑ́ ɛ̂yɑ́.

Mɑtʉ̈ɔ 5:45

Pʉʉ lɑɑ ŋ́ɡɛ pɔ́Ꞌɔ, mbɔ pʉʉ ɡʉ ḿbɔ́ kwɑꞋ pɔ́ɔ-Tɑ̌ɑ wʉʉ ẅí ɑ tʉ́nɛ́pú. A ɡɛ mɔ́nɛm wɛ tɑ́ nǔu pʉɔ kɛpɔŋ mbɑ nǔu pʉɔ sʉ́Ꞌnɛ, ḿbɛn ŋ́ɡɛ mbʉŋ lɔ́ nǔu pʉɔ pinɛ pɔ́p ɡẅɛɛnɛ nɛpʉ́ʉ nɛ́ mbɑ pinɛ pɔ́p kɑ́ ɡẅɛɛ.

Mɑtʉ̈ɔ 8:8

Lɑ́ tɑ́tndɑ́-ntsɔ pʉ̈ɔt ŋɡɔ: «Tsɑpʉɔ, n zɑŋɛ ŋu ẅí ɛ́ lɑɑ ḿbɔ́ ɔ tɔ́k tɛ ŋ́kúu ndɑ́ yɛ́. Tʉ́ʉ pɔ pɑ́Ꞌɑ, ńcú nɛ́ ntsu wú mɔ́ŋkʉ̈ɔ́-fɑꞋ wɑɑ fíitɛ.

Mɑ́lɛ́kúshi 7:28

Mɑŋɡɛ́ ɛ̂wɑ́ pʉ̈ɔt ŋɡɔ: «Tsɑpʉɔ, ɔ cú ɛ́sẅíi nu, lɑ́ pɔ́ɔ-mvú kɛ ńdɑklɛ mɛsɑɑ-yúu mi mbɔ́ŋkʉ̈ɔ́ sɛ́ ŋ́kwɛ́t yúu, ɛ́ vutɛ sɛ́.»

Lúkɑ́shi 16:21

ḿbɔ́ ńtsɑ́ɑ ŋɡɔ kɛ ɛ́ lɑɑ ḿbɔ́ ŋɡɑŋkɑ́p ŋ́kwɛ́t yúu tɛ pɛ́ mɛꞋ pfuꞋ, ɑ lɑktɛ ɔ́ɔ, lɑ́, ńnɔɔ zúꞋu, mvú pɔ́nɛ ńtɔ́ ḿbyɑŋ mɛfʉ́ŋ mɛ́.

Lúkɑ́shi 18:13

Ncẅɛ́ɛ ntsup ɛ̂wɑ́ tʉ́ʉ yɛ́ pɔ tɛ nzʉʉ, ḿbɔɔ kuꞋ nɛpʉꞋ tú yɛ́ ńdíŋɛ tʉ́ pɔ́, ɛ́sɔp tú yɛ́ sɛ́ ńcú ŋɡɔ: “Ɔ́ɔ! Sɛ́, tsɑ́ɑ mɛjʉ́ŋ mɑ́ɑ, mɔ yɑ́ɑ pɔ ŋu kɛpɔŋ!”»

Pʉɔ-Lɔ́mɑ 10:12

Pɔ́Ꞌɔ lɑ́, yɛcɔ́ tɔŋ kɑ́ pɛn ḿbɔ́ tsɛtsɛt ŋu-Pɑyúdɑ pɔ́p ŋu ẅí ɑ kɑ́ pɔ́ ŋu-Pɑyúdɑ pɔ́ pɔ́. Pɔ́p pɛ́tsʉʉ tɛmtɛ ŋ́ɡẅɛɛ pɔ tɑ́Ꞌ Tsɑpʉɔ wɛ́mɔ́Ꞌ ẅí ɑ ɡɛnɛ mɛnu sʉ́Ꞌnɛ mɛ́ nǔu pʉɔ tsʉʉ pi pɔ́p lɑɑnɛ ɛ́fúŋ wɛ́.

Pʉɔ-Lɔ́mɑ 3:19

Mɔnɛ mɛnu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-nɛpʉ́ʉ-Sɛ́, pɛkŋɛ pɛn ńjí ŋɡɔ nu tsʉʉ yí nɛpʉ́ʉ cúnɛ, m biitɛ ńcú mbɔ̌ pɑyúdɑ pi nɛpʉ́ʉ ɛ̂nɑ́ sɑ́Ꞌnɛ wɔ́p. Pɑ́Ꞌ pɔ́p pɛn ḿbɔ́ yɔ́p pɔ ɡɑŋ-mɛfɑɑnɛ lɑ́, ntsu mbɑ wɛ́tɛ́ ŋumɛsɔŋ lɑ́, ɡʉ ńjʉ́ɔꞋnɛ, mbɑ wɔ̌ lɑ́ pɛn tʉ́ʉ mbi Sɛ́ ḿbɔ́ pɔ ŋu ẅí ɑ vunɛ ntsɑŋ.

Pʉɔ-Lɔ́mɑ 3:29

Ɛ́ pɛꞋnɛ ḿbɔ́ pɔ́Ꞌɔ, mbɔ Sɛ́ tsʉ́Ꞌ ḿbɔ́ pɔ wɛ pɑyúdɑ zɛ́nɛ pɔ́p, lɑ́ ɑ pɛn ḿbɔ́ Sɛ́-pʉɔ pinɛ pɔ́p kɑ́ pɔ́ pɑyúdɑ pɔ́.

Pʉɔ-Lɔ́mɑ 3:4

Ŋɡɑ́ŋ, ḿbɔ́ ɑ pɔɔ pɔ́Ꞌɔ ɡɛ. Tɛ mbɑ pɑ́Ꞌ pʉɔmɛsɔŋ tsʉʉ pɔ́ pɔ ɡɑŋcɔtnu, jʉ́ Sɛ́ lɔɔ ŋ́kɛ́ ńcú nu ḿbɛn ŋ́kúpmɛ pɔ́. Ɛ́ ndʉ́ŋndʉŋ pɑ́Ꞌ pɛ́ kɑ ŋwɑꞋnɛ́nɛ tsɛt ŋwɑꞋnɛ Sɛ́ ŋɡɔ: «Gu Sɛ́ pɔ́ tɛ ńcú nu pɛ́ ɡẅɛɛ nɛjí ŋɡɔ sẅiŋɛ yú ndʉ́ŋndʉŋ, ḿbɔ́ yi ŋu lɑɑ ŋ́ŋɑk wú ɑ pɔɔ wú jʉ́.»

Ɛ́fɛ̂zɛ 3:19

Yɔ pɑ́Ꞌ mɔ sɛ́ ḿbɔ́ ḿbúꞋ mbɔ́ mbɔ̌ Sɛ́ pɔ́Ꞌɔ. A ɡʉ ɛ́fú nǔu pʉʉ kuꞋ nɛjí pɑ́Ꞌ ŋkɔŋɛ-Kɛlístɔ pɔ́Ꞌɔ, tɛ mbɑ pɑ́Ꞌ ɛ́ lɛɛnɛ jínu tsʉʉ. Pʉʉ ɡʉ ḿbɔ́ tɛ ńjí yîyɑ́ ŋkɔŋɛ, yúu tsʉʉ yi ɛ́ tʉ́m-Sɛ́ pɛn ḿbɔ́ tsɛt tʉ́m pʉʉ tɛ yúu pɔɔ nǔu jɑ́k.

Ɛ́fɛ̂zɛ 3:8

Tɛ mbɑ pɑ́Ꞌ mɔ tsɛtsɛt pʉɔ-Sɛ́ pɛtsʉʉ ḿbɔ́ pɔ ndẅiknzʉʉ, ɑ kɑ kɛ́ ḿbɛ́m pɛ́mnɛ ŋɡɔ mɔ ɡʉnɛ ńcẅi Ŋkʉʉ Sʉ́Ꞌnɛ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńdɛꞋlɛ pii kɛ́mɛ yi ɛ́ nǔu nu-Kɛlístɔ.