Mɑtʉ̈ɔ 13:52 - Kɑɑ Fí

⁵² A cú ŋɡɔ: «Pʉʉ kɛ́ ńjí ŋɡɔ ŋkyɛ́Ꞌtɛ nɛpʉ́ʉ-Mɔ̌sɛ̂ɛ ẅí ɑ pɛ́mnɛ nu-nɛfɔɔ-Sɛ́ ɑ pɔ́ pɔ pɑꞋ wɛcɔ́ ndʉ́m ẅi yúu ŋɡuꞋ pɔ́p yɛ́ ŋɡuꞋ yɔ tsɛt ntɑŋ yɛ́. A nɑ́ŋ tɛ mbʉʉ yɛ pɔŋ, ɑ ɡʉ nǔu ńcẅɛɛtɛ ntɛ́ yi ɑ kɔŋnɛ.»

Mɑtʉ̈ɔ 13:52 ပူးပေါင်းရင်းမြစ်များ

Mɑtʉ̈ɔ 12:35

Pʉʉ jí ŋɡɔ: «Ŋu lɑɑ ŋ́ɡẅɛɛ tʉ́m sʉ́Ꞌnɛ, mbɔ ɑ ɡʉ ŋ́ɡẅɛɛ ntsu sʉ́Ꞌnɛ, ŋ́ɡẅɛɛ tʉ́m kɛpɔŋ, mbɔ sẅiŋɛ kɛpɔŋ ɡʉnɛ ńcẅɛt ntsu wɛ́.»

Mɑtʉ̈ɔ 13:51

Yɛ́su píkŋɛ ɡɑŋku pɛ́ ŋɡɔ: «Tɛ pʉʉ zúꞋ mɔ mɛnu tsʉʉ?» Pɔ́p pʉ̈ɔt ŋɡɔ: «Ɔ́ɔŋ, pɛk zúꞋ.»

Mɑtʉ̈ɔ 13:53

Yɛ́su lɔk mɛsɑknɛkɛt ńcú nu mbɔ̌ pʉɔ tɛ ḿbɔ́tnɛ ńnɑ́ŋ, ɛ́fú zúꞋu ŋ́ɡʉ

Mɑtʉ̈ɔ 23:34

Pʉʉ kɛ́ ńzúꞋ, ŋ ɡʉ ŋ́ɡɛ ńtúu pɛŋɡɛ́mndʉ̈ɔ́Ꞌ-Sɛ́, pɔ́p pɑjínu, pɔ́p pɑkyɛ́ꞌtɛ ŋwɑꞋnɛ-Sɛ́. Pʉʉ jẅítɛ pɛcɔ́, ŋ́kẅii pɛcɔ́ nǔu tʉ́ mbɑ́ŋtɛ pɑ́ŋtɛ́nɛ, ńtswɑ́ɑ pɛcɔ́ nɛ́ mɛŋɡwɑɑ tsɛt mɛndɑ́-cúꞋlɛ mʉ́ʉ, ɛ́fú mɛtʉ́sɔŋ mɛtʉ́sɔŋ ńnɑ́ɑ wɔ́p.

Mɑtʉ̈ɔ 28:19

Pɔ́Ꞌɔ lɑ́, pʉʉ ɡʉ túu nɛ́ túu, ńdɔk pʉɔmɛsɔŋ ŋ́ɡɛ ɡɑŋku pɑ́ɑ, ńnuꞋ wɔ́p ŋki nǔu lík Tɑ́t, mbɑ Mɔ́ɔ, mbɑ zẅikŋɛ Lɛ́ɛnɛ́nɛ,

Lúkɑ́shi 11:49

Mbɔ Sɛ́ kɑ zɑ́Ꞌ njí ńdɔk jínu yɛ́ ńcú ŋɡɔ: «Ŋ ɡɛ túu pɛŋɡɛ́mndʉ̈ɔ́Ꞌ pɑ́ɑ tɛ mbɑ pɛɡɑŋntúu pɑ́ɑ mbɔ̌ pɔ́p, pɔ́p ɡɛ ŋ́ɡẅɛɛ pɛcɔ́ jẅítɛ, ńnyɛt pɛcɔ́ nɛ́ ŋɡʉ̈ɔ́Ꞌ.»

Jɑ̂ŋ 13:34

Ŋ ɡʉ ŋ́ɡɑ́ nɛpʉ́ʉ nɛ fí mbɔ̌ pʉʉ, ɛ́ pɔ́ ŋɡɔ: «Pʉʉ kɔŋɛ pʉʉ nɛ́ pʉʉ. Pɑ́Ꞌ ŋ kɑ kɔŋnɛ wʉ́ʉ lɑ́, pʉʉ yʉ́ʉ kɔŋɛ pʉʉ nɛ́ pʉʉ.

2 Kɔlɛ̂ŋtɛ 6:10

Pɛ́ kwɑŋɛ ŋɡɔ pɛk sɛ́ ḿmʉk yɛcɔ́ nu, lɑ́ pɛk ńnɑ́ŋ ŋkɑ́ tsʉʉ pɔ nɛ́ tsɑ́ɑtɛ. Pɛ́ sɛ́ ńdɔk wɛ́k ɛ́fúŋ pɛpúŋ, lɑ́ pɛk pɔ́ ńdɔk pʉɔ tɛ ńzɑ́ɑ ŋ́ɡɛ ɡɑŋyúu. Pɛ́ sɛ́ ńdíŋɛ wɛ́k pɑ́Ꞌ ŋkɑ́ yi yúu yɛ́k kɑ́ pɔ́ ɡú pɔ́ lɑ́, lɑ́ pɛk kɛ́ ŋ́ɡẅɛɛ yúu tsʉʉ.

Ɛ́fɛ̂zɛ 3:4

Pʉʉ ɡʉ fúŋ yɔ ŋwɑꞋnɛ ńzúꞋ ntɛ́ yi n dɔknɛ ńjí ntsɛm yi ɛ́ nǔu nu-Kɛlístɔ.

Ɛ́fɛ̂zɛ 3:8

Tɛ mbɑ pɑ́Ꞌ mɔ tsɛtsɛt pʉɔ-Sɛ́ pɛtsʉʉ ḿbɔ́ pɔ ndẅiknzʉʉ, ɑ kɑ kɛ́ ḿbɛ́m pɛ́mnɛ ŋɡɔ mɔ ɡʉnɛ ńcẅi Ŋkʉʉ Sʉ́Ꞌnɛ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńdɛꞋlɛ pii kɛ́mɛ yi ɛ́ nǔu nu-Kɛlístɔ.

Kɔlɔsíyɛ̂ŋ 1:7

Pɛk sɛ́ ńjí ŋɡɔ Ɛpɑfɑlɑs kɑ zíꞋnɛ wʉ́ʉ nɛ yîyɑ́ nu. A mɔ́ɔmɑ́ wɛk wɛ tʉʉndɛn, pɛkŋɛ pɛpɔ́p fɑꞋnɛ. Pʉʉ jí ŋɡɔ, jʉ́ ẅí ɑ nɛjɔ́ŋ pʉʉ lɑ́, ɑ jí pɔ ndɑꞋ nu-Kɛlístɔ.

Kɔlɔsíyɛ̂ŋ 3:16

Pʉʉ lɔk sẅiŋɛ-Kɛlístɔ ńzɛ tʉ́m yʉ́ʉ kwɑꞋ sʉ́Ꞌnɛ. Ɛ́ lɛɛ pɔ́Ꞌɔ, pʉʉ ɡẅɛɛ jínu nɛlɔk ńzíꞋ yúu tsɛtsɛt pʉʉ, mbɑ nɛlɔk ńtík mɛmbʉʉ mʉ́ʉ. Pʉʉ zɔp ŋki ńdɔk ŋ́ɡúꞋlɛ Sɛ́ nɛ́ ŋɡɔŋ tʉ́m yʉ́ʉ tsʉʉ, ńdɔk ŋ́ɡɑ́ pɑ́Ꞌlɑ́ mbɔ̌ wɛ́. Pʉʉ zɔp pɔ́Ꞌɔ, mɛzɔp mi ɛ́ tsɛt ŋwɑꞋnɛ-Sɛ́, ńzɔp zɔp-pʉɔ-Kɛlístɔ, ńzɔp mɛzɔp mi Zẅikŋɛ-Sɛ́ sɛ́ ńníꞋ tʉ́m pʉʉ.

1 Timɔtɛ́ɛ 3:6

Ɛ́ kɑ́ pɔ́ ḿbíkŋɛ ŋɡɔ ŋu ẅí ɑ líŋɛ́nɛ cúꞋlɛ pɔ́ ŋu ẅí ɑ kɑ pɛ́t lɑ ḿbɔ́ ŋu-Kɛlístɔ pɔ́, mbɔ ḿbɔ́ ɑ tɔ́ nɛŋɑ́Ꞌlɛ mbʉʉ, ɛ́fɑɑnɛ nu, ḿvu ntsɑŋ pɑ́Ꞌ Sɑ́ttɑ.

Tîtɛ 1:9

Ɛ́ píkŋɛ ŋɡɔ ɑ niitɛ ŋ́ɡẅɛɛ Ŋkʉʉ ẅí ɛ́ ẅi ḿbɔ́ pɛ́ zɑ́p tʉ́m nǔu, ɛ́ pɔ́ ẅi ɛ́ cẅɛ́Ꞌnɛ́nɛ nǔu ẅi pɛk zíꞋnɛ pʉɔ. Ɛ́ lɛɛ pɔ́Ꞌɔ, ɑ kuꞋ nɛlɔk sẅiŋɛ yi ɛ́ nɛ́nẅín, ńníꞋ mɛtʉʉ-pɛcɔ́ pʉɔ, ŋ́kuꞋ nɛnyɛt mɛlɔꞋ-pʉɔ pi pɔ́p lʉꞋnɛ nu yi ɑ cúnɛ kwɑꞋ mbɔ̌ pɔ́p.