Mɑtʉ̈ɔ 13:44 - Kɑɑ Fí

⁴⁴ Yɛ́su pɛn ńcú ŋɡɔ: «Nu-nɛfɔɔ-Sɛ́ pɛn ḿbɔ́ pɔ pɑ́Ꞌ yɛcɔ́ yúu tʉʉndɛn yi ɛ́ lʉɔmɛ́nɛ tsɛt wɛcɔ́ ŋkɑ́Ꞌ, ŋu pɔ́ tɛ ńjʉ́ɔ, ḿbɛn ńdẅɛꞋ, ńdɔk nɛtsɑ́ɑtɛ ŋ́kʉɔ ŋ́ɡʉ ɛ́fɛn yúu pɛ́ tsʉʉ, ńdɔk ŋkɑ́p ńtɔ́ ńzúu ẅîwɑ́ ŋkɑ́Ꞌ.

Mɑtʉ̈ɔ 13:44 ပူးပေါင်းရင်းမြစ်များ

Mɑtʉ̈ɔ 13:24

Yɛ́su pɛn ɛ́sẅíi wɔ́p nɛ́ yɛcɔ́ sɑknɛkɛt ŋɡɔ: «Nu-nɛfɔɔ-Sɛ́ pɔ́ pɑꞋ nu-ŋu ẅí ɑ kɑ pinɛ mbiyúu sʉ́Ꞌnɛ ŋkɑ́Ꞌ yɛ́.

Mɑtʉ̈ɔ 13:46

A pɔ́ tɛ ńjʉ́ɔ yɛcɔ́ túkcí yi ɛ́ cɔ́knɛ ŋkɑ́p tɛꞋ, ŋ́ɡʉ ɛ́fɛn yúu pɛ́ tsʉʉ tsʉʉ, ńdɔk ŋkɑ́p ńtɔ́ ńzúu yɛ́tɛ́.»

Mɑtʉ̈ɔ 13:47

Yɛ́su pɛn ŋɡɔ: «Nu-nɛfɔɔ-Sɛ́ pɛn ḿbɔ́ pɔ pɑ́Ꞌ nu-mɛŋkʉ mi ŋu mɑꞋnɛ tsɛt nɛkʉŋ-ŋki, mɛshú kúu tsɛtú ntɛ́ ntɛ́.

Mɑtʉ̈ɔ 19:21

Yɛ́su pʉ̈ɔt mbɔ̌ wɛ́ ŋɡɔ: «Ɔ lɑɑ ḿbɔ́ ńdɔɔ nɛmɛkŋɛ ńdẅiklɛ, ɔ ɡʉ ɛ́fɛn yúu pinɛ ɔ ɡẅɛɛnɛ tsʉʉ, ŋ́ɡɑ́ ŋkɑ́p mbɔ̌ pɑkɛ́yúu, ŋ́ɡɔ́ɔ ŋ́kɛ́ ńdɑ́Ꞌ ŋ́ɡẅɛɛ yúu tʉʉndɛn tʉ́nɛ́pú. Gʉ ŋ́ɡɛ pɔ́Ꞌɔ, ḿbɛn ńtɔ́ ńcʉ́ɔ nzʉʉ mɔ.»

Mɑtʉ̈ɔ 19:27

Pyɛ̂ cú mbɔ̌ Yɛ́su ŋɡɔ: «Tɛ pɛk kɑ nɑ́ yúu tsʉʉ, ńcʉ́ɔ nzʉʉ ɡu pɑ́Ꞌɑ, tɛ yɛ́k nu ɡʉ ńdɑ́Ꞌ ḿbɔ́ ŋɡɔku?»

Mɑtʉ̈ɔ 19:29

Mbɑ wɔ̌ lɑ́ ẅi ɑ kɑ nɑ́nɛ mɛndɑ́, ńnɑ́ pɔ́ɔpɛ́mɑ́ pɛ́ pɛ́ mbɛ́ɛnɛ mbɑ pɛ́ pɑŋɡɛ́, kɛ pɔ tɑ́t wɛ, kɛ pɔ mɑ́ wɛ, kɛ pɔ mbɔ́ŋkʉ̈ɔ́ pɛ́, kɛ pɔ mɛŋkɑ́Ꞌ mɛ́ ɔɔ, ntɛ́ lík yɑ́ɑ, ɑ ɡʉ ńdɑ́Ꞌ ḿbɛn ŋ́ɡẅɛɛ yîyɑ́ yúu ŋkɑ́ ŋkʉ, ḿbɛn ŋ́ɡẅɛɛ luk kɛ́ mɛ.

Mɑtʉ̈ɔ 6:21

Jínɛ ŋɡɔ yúu tʉʉndɛn ŋu lɑɑ ḿbɔ́ ɡɔ́ lɑ́, mbɔ tʉ́m yɛ́ ɡʉ ḿbɔ́ pɔ zúꞋu.

Lúkɑ́shi 14:33

Pɔ́Ꞌɔ Yɛ́su cú mbɔ̌ pɔ́p ŋɡɔ: «Ɛ́ ndʉ́ŋndʉŋ pɔ́Ꞌɔ, mbɑ wɔ̌ lɑ́ tsɛtsɛt pʉʉ lɑɑ ḿbɔɔ piitɛ ńnɑ́ yúu tsʉʉ yi ɑ ɡẅɛɛnɛ pɔ́, mbɔ ɑ kɛ́ kuꞋ nɛpɔ́ ŋɡɑŋkuwɑɑ pɔ́.»

Jɑ̂ŋ 6:35

Yɛ́su pʉ̈ɔt mbɔ̌ pɔ́p ŋɡɔ: «Yúujʉ́ pi ɛ́ ɡɛnɛ ŋu pɔ́ ɡú, mɔ. Ŋu lɑɑ ńtɔ́ ńtsɛ́t wɑ́ɑ, mbɔ njí kɛ́ lɑ́Ꞌ ḿbɛn ńzɑ́ŋ wɛ́ pɔ́. Ŋu lɑɑ ńzɑ́p tʉ́m yɛ́ nǔu mɔ, mbɔ ɡɑ́k yɛ́ kɛ́ lɑ́Ꞌ ḿbɛn ɛ́shí pɔ́.

Pʉɔ-Lɔ́mɑ 15:4

Ɛ́ zɛɛ ŋ́ɡɔ ḿbɔ́, mbɔ mbɑ kʉ̈ɔ́ lɑ́ yi pɛ́ kɑ lɑ́Ꞌnɛ ńzɑ́Ꞌ njí ŋ́ŋwɑꞋnɛ tsɛt ŋwɑꞋnɛ-Sɛ́, pɛ́ kɑ pɔ́ ŋ́ŋwɑꞋnɛ pɔ nɛlɔk ńnɑ́ŋ ńzíꞋ wɛkŋɛ nɛ́ yúu, nɛpɔ́ yi ɛ́ ɡʉ ńdɔk pɑ́Ꞌ ɛ́ sɛ́ ńníꞋ mɛtʉʉ mɛkŋɛ, ḿbɛn ḿbɔ́ ŋ́ɡɛ ŋɡɔ kɔɔ pɛkŋɛ kɑ́ɑ, pɛkŋɛ jí ŋɡɔ pɛkŋɛ ɡẅɛɛ yúu mi Sɛ́ kɑ kɑꞋnɛ mbɔ̌ pɛkŋɛ.

Kɔlɔsíyɛ̂ŋ 2:3

FuꞋ-jínu tsʉʉ, mbɑ yi kwɑŋɛ nu tsʉʉ tɛmtɛ ńcúꞋlɛ ńdʉɔmɛ pɔ nǔu Kɛlístɔ.

Kɔlɔsíyɛ̂ŋ 3:16

Pʉʉ lɔk sẅiŋɛ-Kɛlístɔ ńzɛ tʉ́m yʉ́ʉ kwɑꞋ sʉ́Ꞌnɛ. Ɛ́ lɛɛ pɔ́Ꞌɔ, pʉʉ ɡẅɛɛ jínu nɛlɔk ńzíꞋ yúu tsɛtsɛt pʉʉ, mbɑ nɛlɔk ńtík mɛmbʉʉ mʉ́ʉ. Pʉʉ zɔp ŋki ńdɔk ŋ́ɡúꞋlɛ Sɛ́ nɛ́ ŋɡɔŋ tʉ́m yʉ́ʉ tsʉʉ, ńdɔk ŋ́ɡɑ́ pɑ́Ꞌlɑ́ mbɔ̌ wɛ́. Pʉʉ zɔp pɔ́Ꞌɔ, mɛzɔp mi ɛ́ tsɛt ŋwɑꞋnɛ-Sɛ́, ńzɔp zɔp-pʉɔ-Kɛlístɔ, ńzɔp mɛzɔp mi Zẅikŋɛ-Sɛ́ sɛ́ ńníꞋ tʉ́m pʉʉ.

Ɛ́bɛlʉʉ 10:34

Ŋɡɑŋtsɑ́ŋ kɑ pɔ́ ńjʉ́ɔ ŋɡʉ̈ɔ́Ꞌ, pʉʉ kúu yʉ́ʉ tsɛtsɛt pɔ́p. Ŋkɑ́ yi pɛ́ kɑ ɡẅɛɛnɛ yúu pʉ́ʉ ńcẅɛ́ɛ, pʉʉ lɔk pɔ tsɑ́ɑtɛ ḿbɛ́m pɛ́ cẅɛ́ɛ, mbíꞋŋɡɔ pʉʉ kɑ pɔ́ ńjí ŋɡɔ pʉʉ ɡẅɛɛ mɛcɔ́ mɛyúu ɛ́ pɔ́ mi ɛ́ pɔŋ ńdɛɛ mîmɑ́ ḿbɛn ḿbɔ́ mi ɛ́ ɡʉ ńdɑ́Ꞌ ḿbɔ́ pɔ ɡú.

Mɛnu ɛ́ ńdɑ́Ꞌ ńcẅɛt 3:18

ŋ ɡʉ ŋ́kɛ́ ɛ́sẅíi wú ŋɡɔ ɔ tɔ́ mbɔ̌ mɔ, ńzúu tʉ́n-ŋɡɔ̂l yi pɛ́ kɑ lɔk mɔ́ múk ńcẅɛɛtɛ lɔ́Ꞌ ndǔmbí yɔ tsʉʉ, ŋ́ɡɔ́ɔ ŋ́kɛ́ ḿbɔ́ ŋɡɑŋyúu ŋkɔ̂ɔnɛ, ḿbɛn ńzúu mɛfúfú ndẅí mbɔ̌ mɔ, ńjí ŋɡɔ ɔ ɡʉ ŋ́ɡẅɛɛ ndẅí yi ɔ ɡʉ mɑꞋ, sʉ́ʉ pɔɔ pɛn ŋ́kɔ́ wú ŋɡɔ ɔ tʉ́ʉ kɛ́ zẅík ndẅí pɔ́. Ɔ ɡʉ ḿbɛn ńzúu fumík mbɔ̌ mɔ, ńníꞋ nǔu mík mú nɛpɔ́ yi ɔ ɡʉ jʉ́ɔ zʉꞋ.