Mɑtʉ̈ɔ 13:38 - Kɑɑ Fí

³⁸ Ŋkɑ́Ꞌ pɔ́ ndǔ mbí, mbiyúu sʉ́Ꞌnɛ pɔ́ pʉɔ pínɛ Sɛ́ sɑ́Ꞌnɛ wɔ́p, mbiyúu yi kɛpɔŋ pɔ́ pʉɔ pínɛ Sɑ́ttɑ sɛ́ ɛ́sɑ́Ꞌ wɔ́p.

Mɑtʉ̈ɔ 13:38 ပူးပေါင်းရင်းမြစ်များ

Mɑtʉ̈ɔ 13:19

Mbʉʉ-sɛ̂ndúŋ yi mɛcɔ́ mɛmbɑŋ vunɛ zúꞋu, pʉɔ pínɛ pɔ́p zúꞋ nu-nɛfɔɔ-Sɛ́, mbɔɔ zúꞋ tɛ ńzúꞋ pɔ́. Sɑ́ttɑ tɔ́, ɛ́fú tsɛt tʉ́m yɔ́p ńcẅɛɛtɛ.

Mɑtʉ̈ɔ 24:14

Ɛ́ píkŋɛ ŋɡɔ Pɛ́ lɑ́Ꞌ ńcẅi wɔ Ŋkʉʉ sʉ́Ꞌnɛ-nu-nɛfɔɔ-Sɛ́ mbɑ ɡɔ́ lɑ́ ndǔ tsɛ́tsɑ́Ꞌ, nɛpɔ́ yi mɛlɑ́Ꞌ mɛlɑ́Ꞌ tsʉʉ ɡʉ ńzúꞋ, lɑ píi mbí ɡɔ́ɔ ŋ́kɛ́ ḿmɛ.

Mɑtʉ̈ɔ 5:37

Ɔ́ɔŋ wʉʉ pɔ́ pɔ Ɔ́ɔŋ, ŋɡɑ́ŋ wʉʉ pɔ́ pɔ ŋɡɑ́ŋ, yi pɛ́ kẅiꞋnɛ nǔu fú mbɔ̌ Sɑttɑ.

Mɑtʉ̈ɔ 8:12

Pɛɡʉʉ ɡɔ́ ḿbɔ́ zúꞋu, mbɔ pɛ́ cẅɛɛtɛ pʉɔ pínɛ nɛfɔɔ m̄bɔ́ nɔ́p ŋ́ɡɑ́ píi tsɛt fɛ́m nzɛ́nzʉ́ʉ. Pɔ́p pɔ́ zúꞋu ḿbɔ́ ńdɑɑ, ḿbɔ́ ŋ́kwɛ́t mɛsɔŋ.»

Lúkɑ́shi 24:47

Ɛ́ sɛ́ ḿbíkŋɛ ŋɡɔ pɛ́ lɑ́Ꞌ ńdɔk lík yɑ́ɑ, ńcú nu-Sɛ́ mbɔ̌ lɑ́Ꞌ ŋɡɔ mbɑ wɔ̌ lɑ́ kúpmɛ mɑt wɛ, Sɛ́ likŋɛ mɛnu kɛpɔŋ mɛ́. Pɔ́Ꞌɔ, ɛ́ kɛ ńzɛ Yɛlúsɑlɛm.»

Jɑ̂ŋ 12:24

Lɑ́ ɛ sẅíi wʉ́ʉ, kwɑꞋ nɛ́nẅín, mbi yúu lɑɑ mbɔɔ vu sɛ́ tɛ ḿpfú pɔ́, mbɔ ɛ́ ɡʉ ŋ́kɛ́ ḿbɔ́ pɔ yɛ́mɔ́Ꞌɔ́. Lɑ́ ŋ́kɛ́ ḿpfú, mbɔ ɛ́ ɡʉ ɛ́sɑ́Ꞌ, ŋ́ɡɑ́ mɛmbɑŋ tɛ ɛ́ zɑ́ɑ zɑ́ɑnɛ.

Jɑ̂ŋ 8:44

Wʉʉ tɑ́t ɑ sɑ́ttɑ, pʉ́ʉ pɛn mbɔ̌ ŋ́kɔŋ nɛɡɛ yúu mi ɑ sɛ́ ńtsɑ́ɑ. Ɛ́ ɡʉ nǔu wɛ́, mbɔ tɛ ɛ́fú nzɛnɛ, ɑ pɔ́ pɔ njẅíŋu. A ŋkɑɑ mɔ́ ńnɛn tsɛt nu nɛ́nẅín pɔ́. MbíꞋŋɡɔ ɑ kɑ́ ɡẅɛɛ nu nɛ́nẅín tsɛt tʉ́m yɛ́ pɔ́, tɛ kɑ́ɑ mɔ́zʉꞋ. A pɔ́ tɛ ḿbɔ́ ńcɔt nu, ɛ́ pɔ́ pɔ kwɑꞋ sẅiŋɛ yɛ́, mbíꞋŋɡɔ ɑ ŋɡɑŋ cɔtnu, ḿbɔ́ ŋu ẅi jʉ́ kɑ nɔŋnɛ cɔtnu.

ŊwɑꞋnɛ-Gɑŋntúu Yɛ́su Kɛlístɔ 13:10

ńcú mbɔ̌ wɛ́ ŋɡɔ: «Mɔ́ɔ-Sɑ́ttɑ, ɔ ŋɡɑŋ cɔtnu. Ɔ jí pɔ nɛfʉ́klɛ pʉɔ. Ɔ ŋɡɑŋmbuu-nu sʉ́Ꞌnɛ tsʉʉ, mbɑ kʉ̈ɔ́ lɑ́ yi Tsɑpʉɔ Sɛ́ ɡɛnɛ ɛ́ tʉ́ʉ ndʉ́ŋndʉŋ, ɔ ɡɔ́ɔ ŋ́kɛ́ ńtɑ́ɑ, ŋ́ŋɔ́Ꞌtɛ. Tɛ ɔ kɑ nɑ́ wɑ́ ndɛn pɑ́Ꞌɑ pɔ́ ɔɔ?

Pʉɔ-Lɔ́mɑ 10:18

Ɛ́ zɛɛ ḿbɔ́ tɛ ḿbɔ́ yi m bɔ́ ḿbíkŋɛ ŋɡɔ tɛ pɑyúdɑ kɑ zɛɛ ńtsuŋ ńzúꞋ wɔ Ŋkʉʉ ɔɔ? N jʉ́ɔ ŋɡɔ pɔ́p kɑ zúꞋ zúꞋnɛ. Ɛ́ pɔ́ pɑ́Ꞌ pɛ́ kɑ ŋwɑꞋnɛ́nɛ tsɛt ŋwɑꞋnɛ-Sɛ́ ŋɡɔ: «Pɛ́ zúꞋ ŋɡi yɔp, pɔ́p sɛ́ ɛ́sẅíi nu-Sɛ́ zʉꞋ tsʉʉ ndǔ tsɛ́tsɑ́Ꞌ.» Nu yi pɔ́p cúnɛ pɛn ńnɛn tɛ ŋ́kúu ndẅiklɛ tsɛ́tsɑ́Ꞌ.

Pʉɔ-Lɔ́mɑ 16:26

Ɛ́ pɛn ḿbɔ́ ŋkɔ̂ɔnɛ, mbɔ ɛ́ cẅɛt mɔ́ mɑ́ntɑ́ɑ. Pɑ́Ꞌ Sɛ́ kɑ cúnɛ lɑ́, pɛ́ ŋkɔ̂ɔnɛ ḿbɔ́ ɛ́fú nǔu yúu mi pɑcẅiŋkʉʉ-Sɛ́ kɑ ŋwɑꞋnɛ́nɛ, ḿbɔ́ ɛ́sɑ́Ꞌ nɛpɔ́ yi pʉɔ pi pɔ́p kɑ́ pɔ́ pɑyúdɑ pɔ́ ɡʉ ńjí Kɛlístɔ, ńzɑ́p tʉ́m nǔu wɛ́, ńzúꞋ ntsu wɛ́.

Pʉɔ-Lɔ́mɑ 8:17

Pɑ́Ꞌ pɛkŋɛ pɔ́ɔ-Sɛ́ lɑ́, pɛkŋɛ ɡʉ ńdɑ́Ꞌ ŋ́ɡẅɛɛ yɛkŋɛ yúu nǔu fuꞋ yi Sɛ́ kɑ kɑꞋnɛ mbɔ̌ pʉɔ pɛ́, ńdɔk ŋ́ɡẅɛɛ yɛkŋɛ yúu nǔu yúu-Sɛ́, pɛkŋɛ pɛ Kɛlístɔ lɔk ńtɛmtɛ ŋ́ɡẅɛɛ. Pɑ́Ꞌ pɛkŋɛ sɛ́ ḿbɛ́m nɛjʉ́ɔ ŋɡʉ̈ɔ́Ꞌ pɑ́Ꞌ ɑ kɑ pɛ́mnɛ yɛ́ lɑ́, pɛkŋɛ pɛpɔ́p ɡʉ ŋ́ɡɛ ḿbɛn tɛmtɛ ḿbɔ́ tsɛt nɛɡúꞋ wɛ.

Kɔlɔsíyɛ̂ŋ 1:6

Ŋkʉʉ Sʉ́Ꞌnɛ sɛ́ ɛ́sɑt zʉꞋ ndǔmbí kɛ́ vuꞋ yɛcɔ́, ḿbɔ́ pɑ́Ꞌ tʉ́ yi ɛ́ sɛ́ ńzɛ́m ntɑ́ɑ, ḿbɛn ḿbɔ́ ŋ́ɡúꞋ lɑ́, ɛ́ tsɛtsɛt pʉʉ, ḿbɛn ḿbɔ́ ŋ́ɡʉ nɛ́ mbi pɔ pɔ́Ꞌɔ, tɛ ɛ́fú nduŋmbi lɛ́Ꞌ yi pʉʉ kɑ zúꞋnɛ pɛ́ zɛ nɛkẅíi pɑ́Ꞌ Sɛ́ lɔk mɛnu sʉ́Ꞌnɛ mɛ́ ŋ́ɡɑ́ fuꞋ-pʉɔ, yi ɛ́ tsuŋ ḿbɔ́ nɛ́nẅín.

Jɑ̂k 1:18

Jʉ́ kɑ kɔŋnɛ, ńdɔk sẅiŋɛ yi ɛ́ nɛ́nẅín, ŋ́ɡɛ pɛkŋɛ luk, nɛpɔ́ yi pɛkŋɛ ɡʉ ḿbɔ́ mbɔ̌ wɛ́, ḿbɔ́ ntú-nu nǔu ŋɡɔŋ kʉ̈ɔ́ lɑ́ yi ɑ kɑ ɡɛnɛ.

Jɑ̂k 2:5

Pɔ́ɔpɛ́mɑ́ pɑ́ɑ pɛ tʉʉndɛn, pʉʉ zúꞋ sʉ́Ꞌnɛ: Sɛ́ kɑ tsɔ́Ꞌ pʉɔ pí pɛ́ fúŋnɛ ndǔmbí ŋɡɔ pɛpúŋ, ńdɔk ŋ́ɡɛ pɑzɑ́p tʉ́m nǔu wɛ́ tɛꞋ, pɔ́p ɡẅɛɛ yɔ́p zʉꞋ tsɛt nu-nɛfɔɔ ni ɑ kɑ kɑꞋnɛ mbɔ̌ pʉɔ pí pɔ́p kɔŋnɛ wɛ́.

1 Pyɛ̂ 1:23

Pɛ́ kɑ zɛɛ ḿbí wʉ́ʉ nɛpí wɛ fí, tɛ ɛ́ kɑ́ pɔ́ pɔ nɛpí wɛ ŋumɛsɔŋ ẅí ɑ ḿpfú pɔ́. Ɛ́ pɔ́ pɔ ẅi ɛ́ fúnɛ nǔu mbiyúu mi ɛ́ kɛ́ lɑ́Ꞌ ḿpfú pɔ́, yîyɑ́ mbiyúu pɔ́ sẅiŋɛ-sɛ́ yi ɛ́ ɡɑ́nɛ kwɑꞋ luk, ḿbɔ́ yi ɛ́ ɡʉ ńdɑ́Ꞌ ḿbɔ́ pɔ ɡú.

1 Jɑ̂ŋ 3:2

Pɛsúu pɑ́ɑ pɛ́ tʉʉndɛn, pɛkŋɛ ŋkɔ̂ɔnɛ pɑ́Ꞌɑ ḿbɔ́ pʉɔ-Sɛ́, lɑ́ ntɛ́ yi pɛkŋɛ ɡʉ ŋ́ɡɛ ḿbɔ́ pɔ́Ꞌɔ, ɛ́ pɛ́t ḿbɔ́ yi lʉɔmɛ́nɛ. Pɛkŋɛ kɛ́ ḿbɔ́ ńjí ŋɡɔ Kɛlístɔ ɡʉ ŋ́ɡɛ ḿbɔ́ tɛ ńcẅɛt, pɛkŋɛ jʉ́ɔ wɛ́ pɑ́Ꞌ ɑ zúꞋu ḿbɔ́, ḿbɔ́ yi ɑ ŋɡɔ́ku ɔɔ, pɛkŋɛ pɔ́ yɛkŋɛ pɔ pɔ́Ꞌɔ.

Mɛnu ɛ́ ńdɑ́Ꞌ ńcẅɛt 14:6

M bɛn ńjʉ́ɔ wɛcɔ́ tɑ́Ꞌ Cʉ̈ɔꞋ-Sɛ́ pɔ́ tɛ tʉ́nɛfɑŋ ḿbɔ́ ńtɑt, ŋ́ɡẅɛɛ wɛcɔ́ Ŋkʉʉ sʉ́Ꞌnɛ ẅí ɛ́ wɛ kɛ́mɛ, pɑ́Ꞌ ɑ ɡʉ ŋ́ɡʉ ńcẅi mbɔ̌ pʉɔ pí pɔ́p ndǔ tsɛ́tsɑ́Ꞌ, tsɛt mbɑ wɛ́tɛ́ ŋɡɔŋ lɑ́, mbɔ̌ mbɑ yɛ́tɛ́ njẅɛtndɑ́ lɑ́, mbɔ̌ pɑsẅíŋɛ mbɑ yɛ́tɛ́ ntɛ́ sẅiŋɛ lɑ́, mbɔ̌ ntɛ́ nɛ́ ntɛ́ pʉɔmɛsɔŋ.