Mɑtʉ̈ɔ 13:23 - Kɑɑ Fí

²³ Mbiyúu mi ɛ́ vunɛ nǔu tsɛ́tsɑ́ꞌ sʉ́Ꞌnɛ nu-pʉɔ pínɛ pɔ́p zúꞋnɛ sẅíŋɛ-Sɛ́ tɛ ńtsuŋ ńzúꞋ. Pɔ́p pɑ́Ꞌ mɛtsɛ́n-yúu mi mɛcɔ́ ɡɑ́nɛ mɛmbɑŋ ŋkʉ, mɛcɔ́ ɡɑ́ mɛɡɛ́mɛ́nɛ́ntúkú, mɛcɔ́ ɡɑ́ mɛɡɛ́mɛ́ntɑ́t.

Mɑtʉ̈ɔ 13:23 ပူးပေါင်းရင်းမြစ်များ

Mɑtʉ̈ɔ 12:33

Yɛ́su pɛn ŋɡɔ: «Tʉ́ lɑɑ ḿbɔ́ tʉ́ sʉ́Ꞌnɛ, mbɔ ɛ́ ɡʉ ńzɛ́m pɔ ntɑ́ɑ sʉ́Ꞌnɛ. Tʉ́ kɛ́ ḿbɔ́ yi kɛpɔŋ, mbɔ ɛ́ ɡʉ ńzɛ́m pɔ ntɑ́ɑ kɛpɔŋ. Pɛ́ zɛɛ ńjí yîyɑ́ tʉ́ pɔ nǔu mɛntɑ́ɑ mɛ́.»

Mɑtʉ̈ɔ 13:8

Mɛcɔ́ mɛmbɑŋ vu nǔu zʉꞋ-tsɛ́tsɑ́Ꞌ sʉ́Ꞌnɛ, ɛ́sɑ́Ꞌ ŋ́ɡúꞋ, ńzɛ́m. Mɛcɔ́ mɛtsɛ́n pɔ́ ŋ́ɡɑ́ mbɑŋ ŋkʉ, mɛcɔ́ ɡɑ́ mbɑŋ mɛɡɛ́mɛ́nɛ́ntúkú, mɛcɔ́ ɡɑ́ mbɑŋ mɛɡɛ́mɛ́ntɑ́t.

Mɑtʉ̈ɔ 3:10

Pɛ́ zɛɛ mɔ́ ńdɑ́Ꞌ ńtíi nzɑɑ nɛlɔk ŋ́kʉ́ɔꞋ mbɑ yɛ́tɛ́ tʉ́ lɑ́ yi ɛ́ kɑ́ pɔ́ ńzɛ́m ntɑ́ɑ sʉ́Ꞌnɛ pɔ́, ɛ́fú sɛ́ kʉ́ɔꞋ wɛ́, ŋ́kɛ́ ḿmɑꞋ pɔ múk.

Mɑtʉ̈ɔ 3:8

Pʉʉ ɡɛ pɔ mɛnu sʉ́Ꞌnɛ mí ɛ́ nyɛtnɛ ŋɡɔ pʉʉ kúpmɛ mɑt.

Mɑ́lɛ́kúshi 10:15

Ɛ sẅíi wʉ́ʉ, kwɑꞋ nɛ́nẅín, ŋu lɑɑ mbɔɔ tsʉꞋ pɑꞋ mɔ́yúu mɔ́ɔ, ḿbɛ́m ŋɡɔ Sɛ́ tsʉ́Ꞌnɛ ɛ́sɑ́Ꞌ wɛ́ pɔ́, mbɔ ɑ ńdɑ́Ꞌ ŋ́kúu tsɛt ŋɡɔŋ-nɛfɔɔ-Sɛ́ pɔ́.»

Mɑ́lɛ́kúshi 4:20

Mbiyúu mi ɛ́ vunɛ nǔu tsɛ́tsɑ́ꞌ sʉ́Ꞌnɛ, lɔk ḿbɔ́ pʉɔ pi pɔ́p zúꞋ sẅíŋɛ-Sɛ́, ḿbɛ́m, ḿbɛn ḿbɔ́ ŋ́ɡɛ pɑꞋ nu-Sɛ́ píkŋɛnɛ, ńdɔk ŋ́ɡʉ mbi, pɔ́p lɔk ḿbɔ́ pɑꞋ mbiyúu mi yɛcɔ́ mbɑŋ pɔ́ ɛ́sɑ́Ꞌ ńtɔ́ ŋ́ɡɑ́ mɛmbɑŋ mɛɡɛ́mɛ́ntɑ́t, yɛcɔ́ ɡɑ́ mɛɡɛ́mɛ́nɛ́ntúkú, yɛcɔ́ ɡɑ́ ŋkʉ.»

Lúkɑ́shi 13:9

Pɔ́Ꞌɔ, kɛ ɛ́ lɑɑ ḿbɔ́ ɛ́ lɑ́Ꞌ ŋɡuꞋ lɑ́ɑnɛ ńzɛ́m mɛntɑ́ɑ ɔ́ɔ? Ŋ́kɛ́ ḿbɛn ḿbɔɔ zɛ́m ɔ cú ŋ kʉ́ɔꞋ.”»

Lúkɑ́shi 8:15

Mbiyúu mi ɛ́ vunɛ nǔu tsɛ́tsɑ́Ꞌ sʉ́Ꞌnɛ lɔk ḿbɔ́ pʉɔ pinɛ pɔ́p zúꞋ sẅíŋɛ-sɛ́, ḿbɛ́m nɛ́ tʉ́m sʉ́Ꞌnɛ, ŋ́ɡɛ pɑꞋ ɛ́ sɛ́ ḿbíkŋɛ, ḿbɛn ḿbɔ́ ɛ́sɑ́Ꞌ tʉʉ nɛɡẅɛɛ ŋkɑ́ tsʉʉ, ḿbɛn ḿbɔ́ ńzɛ́m ntɑ́ɑ.»

Lúkɑ́shi 8:8

Mɛcɔ́ mɛmbɑŋ vu nǔu zʉꞋ tsɛ́tsɑ́Ꞌ sʉ́Ꞌnɛ, ŋ́ɡúꞋ, ŋ́ɡɛ ńzɛ́m, mbɑ nɛ́tɛ́ nɛtsɛ́n lɑ́ ɡɑ́ mbɑŋ ŋkʉ. Yɛ́su cú pɔ́Ꞌɔ, ŋɡɔ, ŋu ẅí ɑ ɡẅɛɛnɛ mɛtúutɛ́ nɛlɔk ńzúꞋ ɑ zúꞋ.»

Jɑ̂ŋ 15:16

«Pʉʉ ŋkɑɑ nɛ́ tsɔ́Ꞌ wɑ́ɑ pɔ́, mɔ kɑ tsɔ́Ꞌnɛ wʉ́ʉ, ńtúu wʉ́ʉ ŋɡɔ pʉʉ ɡʉ ɛ́fɑꞋ fɑꞋ yɑ́ɑ. Yúu mi pʉʉ ɡɛnɛ ńdɑ́Ꞌ ḿbɔ́ pɔ ɡú, mbɔɔ lɑ́Ꞌ ḿbɛ́ pɔ́. Ɛ́ lɛɛ pɔ́Ꞌɔ, ḿbɔ́ yi pʉʉ lɑɑ ńdɔk lík yɑ́ɑ ńdɔ́ɔ pɔ ku mbɔ̌ Tɑ̌ɑ lɑ́, mbɔ ɑ ɡʉ ŋ́ɡɑ́ mbɔ̌ pʉʉ.»

Jɑ̂ŋ 8:47

Ŋu ẅí ɑ ŋu-Sɛ́ ɑ zẅíꞋlɛ sẅíŋɛ-Sɛ́. Pʉʉ pɛn ḿbɔɔ ńzẅíꞋlɛ sẅiŋɛ yɑ́ɑ pɔ́, mbíꞋŋɡɔ pʉʉ kɑ́ pɔ́ pʉɔ-Sɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 16:14

Wɛcɔ́ tɑ́Ꞌ pɔ́ tsɛtsɛt pɔ́p, pɛ́ fúŋ wɛ́ ŋɡɔ Lítíyɑ. Mbɔ ɑ kɑ fú tʉ́sɔŋ-Tiyɑtil. A tɑ́ŋtɛ yɛcɔ́ pɛpɑŋ ndẅí ɛ́ pɔŋ tɛꞋ. Mbɔ ɑ kɑ pɛ́m nu-Sɛ́-pɑyúdɑ. Pɛk pɔ́ ńcú nu, ɑ niitɛ ńzẅíꞋlɛ kwɑꞋ sʉ́Ꞌnɛ, mbíꞌŋɡɔ Tsɑpʉɔ kɑ tsɔ́Ꞌ tʉ́m yɛ́ pɑ́Ꞌ ɑ ɡʉ ńtʉ̈ɔ́ŋɛ nɛtúutɛ nɛ́ ńniitɛ zẅíꞋlɛ nu yí Pɔ̂l sɛ́ ńcú.

ŊwɑꞋnɛ-Gɑŋntúu Yɛ́su Kɛlístɔ 17:11

Pɑyúdɑ pinɛ pɔ́p nǔu yîyɑ́ tʉ́sɔŋ ɡẅɛɛ tʉ́m sʉ́Ꞌnɛ ńdɛɛ pinɛ pɔ́p Tɛsɑlɔnik. Pɔ́p pɛ́m sẅíŋɛ-Pɔ̂l pɔ́p Sílɑs nɛ́ tʉ́m sʉ́Ꞌnɛ, ḿbɔ́ lɛ́Ꞌ tsʉʉ, ḿbɔ́ ɛ́fúŋ ŋwɑꞋnɛ-Sɛ́, ńtúŋtɛ nu ŋ́ɡɑ́ nǔu, ńdɔɔ nɛjí kɛ nu yi pɔ́p sẅíinɛ wɔ́p, ɛ́ pɔ́Ꞌɔ ɔɔ.

2 Kɔlɛ̂ŋtɛ 9:10

Sɛ́ ẅí ɑ ɡɑ́nɛ mbiyúu mbɔ̌ ŋu ẅí ɑ pinɛ, ŋ́ɡɑ́ yúu pɛjʉ́ ɑ ŋ́kwɛ́t, ɑ ɡʉ ŋ́ɡɛ ŋ́kɛ́ ḿbɔ́ kẅiꞋ yúu pʉ́ʉ kẅiꞋnɛ, ɛ́ ɡɛ sɑ́ɑ, nɛpɔ́ yi pʉʉ ɡʉ ńdɔk pɔŋtʉ́m ŋ́kẅiꞋ ŋ́ɡɑ́ yúu mbɔ̌ pʉɔ.

Filipɛ 1:11

Yɛ́su ɡʉ ńcẅɛ́lɛ́ wʉ́ʉ nɛfɑꞋ pɔ mɛfɑꞋ sʉ́Ꞌnɛ, nɛlɔk ŋ́ɡúꞋlɛ Sɛ́, ŋ́kɑꞋ lík yɛ́.

Filipɛ 4:17

N cú pɑ́Ꞌɑ, ɛ́ pɔɔ pɔ́ pɔ ŋɡɔ mɔ sɛ́ ńdɔɔ pɔ yúu mi pɛ́ ɡʉ ńtúu ŋ́ɡɑ́ mbɔ̌ mɔ pɔ́. Mɔ sɛ́ ńtsɑ́ɑ pɔ ŋɡɔ Sɛ́ fú nǔu ńníꞋ mbɔ́tnɛ nǔu pʉʉ.

Kɔlɔsíyɛ̂ŋ 1:10

Pɔ́Ꞌɔ, pʉʉ kuꞋ nɛnɑ́ŋ nǔu ntɛ́ yi Tsɑpʉɔ sɛ́ ŋ́kɔŋ, ḿbɔ́ ŋ́ɡɛ pɔ yúu mi ɛ́ pɔŋnɛ wɛ́, ɛ́fɑꞋ mɛfɑꞋ sʉ́Ꞌnɛ mɛntɛ́ mɛntɛ́, ŋ́kẅiꞋ ńjí jʉ́ Sɛ́.

Kɔlɔsíyɛ̂ŋ 1:6

Ŋkʉʉ Sʉ́Ꞌnɛ sɛ́ ɛ́sɑt zʉꞋ ndǔmbí kɛ́ vuꞋ yɛcɔ́, ḿbɔ́ pɑ́Ꞌ tʉ́ yi ɛ́ sɛ́ ńzɛ́m ntɑ́ɑ, ḿbɛn ḿbɔ́ ŋ́ɡúꞋ lɑ́, ɛ́ tsɛtsɛt pʉʉ, ḿbɛn ḿbɔ́ ŋ́ɡʉ nɛ́ mbi pɔ pɔ́Ꞌɔ, tɛ ɛ́fú nduŋmbi lɛ́Ꞌ yi pʉʉ kɑ zúꞋnɛ pɛ́ zɛ nɛkẅíi pɑ́Ꞌ Sɛ́ lɔk mɛnu sʉ́Ꞌnɛ mɛ́ ŋ́ɡɑ́ fuꞋ-pʉɔ, yi ɛ́ tsuŋ ḿbɔ́ nɛ́nẅín.

1 Tɛsɑlɔník 4:1

Pɔ́ɔpɛ́mɑ́, nu yi pɛk ɡʉ ńdɔk ńdẅiklɛ ɛ́ pɔ́ pɔ ŋɡɔ pɛk kɑ sẅíi wʉ́ʉ nɛ́ ntɛ́ yi ɛ́ lɑɑ ḿbɔ́ pʉʉ lɔk ńnɑ́ŋ pɔ́Ꞌɔ, nu yʉ́ʉ pɔŋ Sɛ́. Ɛ́ ɡʉ ŋ́ɡɛ pɑ́Ꞌ lɑ́ pʉʉ pɔ́ ńnɑ́ŋ pɔ pɔ́Ꞌɔ. Lɑ́ pɛk pɛn ḿbɔ́ ḿbíkŋɛ mbɔ̌ pʉʉ, tɛ ḿbúꞋ pɔ mbɔ́ nǔu lík-Tsɑpʉɔ Yɛ́su ŋɡɔ, pʉʉ ɡɛ pɔ pɔ́Ꞌɔ, ńdɔk ŋ́ɡʉ nɛ́ mbi.

2 Tɛsɑlɔník 2:10

A ɡʉ ńdɑ́Ꞌ ńdɔk mɛnu mi ɛ́ kɑ́ pɔ́ nu pɔ́ mɛntɛ́ mɛntɛ́, ɛ́fúklɛ pʉɔ pi pɔ́p ɡʉ ńdɑꞋ pɛ́. Pɔ́p pɛ́ pɔ́Ꞌɔ, mbíꞋŋɡɔ pɔ́p lʉꞋ nɛkɔŋ nu yi ɛ́ nɛ́nẅín yi ɛ́ ḿbɔ́ ŋ́ɡʉ ŋ́ɡɛ pɔ́p luk.

Ɛ́bɛlʉʉ 4:2

Pɛkŋɛ kɑ zɛɛ ḿbɛn ńzúꞋ yɛkŋɛ Ŋkʉʉ Sʉ́Ꞌnɛ ɛ̂wɑ́ pɔ pɑ́Ꞌ pʉɔ pi pɔ́p kɑ pɔ́ kɔ̂ŋtɛt kɑ zúꞋnɛ yɔ́p. Lɑ́ pɔ́p kɑ kɛ́ ńzúꞋ yɔ́p ɛ́ pɔɔ wɔ́p cẅɛ́lɛ́, mbíꞋŋɡɔ pɔ́p ŋ́kɑɑ zɑ́p tʉ́m yɔ́p nǔu pɔ́.

Ɛ́bɛlʉʉ 6:7

Pɛkŋɛ zɛɛ ńjí ŋɡɔ, mbʉŋ lɑɑ ńdɔ́ nǔu tsɛ́tsɑ́Ꞌ kwɑꞋ sʉ́Ꞌnɛ, yúu mi ɛ́ ɡʉ cẅɛ́lɛ́ pʉɔ pi pɔ́p ɡɛnɛ pɛ́ zʉ́Ꞌ yîyɑ́ tsɛ́tsɑ́Ꞌ ɛ́ kɔ́Ꞌ, ɛ́ pɑ́Ꞌ Sɛ́ ɡʉ níꞋ mbɔ́tnɛ nǔu yîyɑ́ zʉꞋ tsɛ́tsɑ́Ꞌ.

Ɛ́bɛlʉʉ 8:10

Lɑ́ kɑɑ yi mɔ ŋ́ɡwɑt tsɛtsɛt pɛkŋɛ pɛ pʉɔ-Íslɑyɛ̂l pʉ́ɔ. Yîyɑ́ ŋkɑ́ ɡʉ ŋ́ɡɛ ḿbɔ́ tɛ ńdɛɛ, mɔ Tsɑpʉɔ cúnɛ Mɔ ŋ́ɡɛ jínu yɔ́p nɑ́ŋ ńtʉ́ʉ pɔ nǔu mɛnɛpʉ́ʉ mɑ́ɑ mbɑ tʉ́m yɔ́p tʉ́ʉ pɔ nǔu. M bɔ́ Sɛ́ yɔp pɔ́p pɔ́ pʉɔ pɑ́ɑ.

2 Pyɛ̂ 3:18

Pʉʉ lɔk pɔ pɑ́Ꞌ pʉʉ sɛ́ ńjí Yɛ́su Kɛlístɔ, Tsɑpʉɔ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk, ńdɔk ŋ́ɡʉ nɛ́ mbi, ńjí ŋɡɔ ɑ ɡʉ kẅiꞋ ŋ́ɡɑ́ fuꞋ yʉ́ʉ, ɛ́ pɔ́ mbɔ̌ pʉʉ. NɛɡúꞋ pɔ́ mbɔ̌ wɛ́ tɛ ɛ́fú ŋkɔ̂ɔnɛ, ɛ́ ńdɑ́Ꞌ ḿbɔ́ pɔ pɔ́Ꞌɔ! Ɛ́ pɔ́Ꞌɔ.

1 Jɑ̂ŋ 5:20

Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.