Mɑtʉ̈ɔ 12:32 - Kɑɑ Fí

³² Ŋu lɑɑ ɛ́sẅíŋɛ kɛpɔŋ nǔu Mɔ́ɔ-Ŋu, mbɔ Sɛ́ ɡʉ ńdɑ́Ꞌ ńdikŋɛ ŋ́ɡɑ́ mbɔ̌ wɛ́. Lɑ́ ŋu kɛ́ ɛ́sẅíŋɛ kɛpɔŋ nǔu Zẅikŋɛ Lɛ́ɛnɛ́nɛ, mbɔ pɛ́ kɛ́ likŋɛ ŋ́ɡɑ́ mbɔ̌ wɛ́ ŋkɔ̂ɔnɛ mbɑ nǔu yɛcɔ́ kɛm-ŋkɑ́ pɔ́.»

Mɑtʉ̈ɔ 12:32 ပူးပေါင်းရင်းမြစ်များ

Mɑtʉ̈ɔ 11:19

Mɔ́ɔ-Ŋu kɛ́ ńtɔ́ yɛ́ ŋkɔ̂ɔnɛ, ḿbɔ́ ŋ́kwɛ́t yúu ḿbɛn ńnɔ́ mɛluꞋ, pɔ́p cú ŋɡɔ pɛ́ líŋɛ wɛ́ lɑ ńjʉ́ɔ, ŋu wɑ́ pɔ́ ŋkwɛ́tyúu, ḿbɔ́ nɛ́nɔ́mɛluꞋ, ḿbɔ́ súu-pɑcẅɛ́ɛntsup-Pɑlɔ́mɑ mbɑ wɛ pɛcɔ́ pʉɔ kʉʉnɛ́nɛ. Lɑ́ pɛ́ sɛ́ ńjʉ́ɔ jínu yi ɛ́ yɛ́ Sɛ́ ńdɛɛ pɔ nǔu mɛfɑꞋ mí ɛ́ ɡɛnɛ.»

Mɑtʉ̈ɔ 12:31

Pɔ́Ꞌɔ, lɑ́ n cú mbɔ̌ pʉʉ ŋɡɔ ɛ́ lɑɑ ḿbɔ́ Sɛ́ lɑ́Ꞌ ńdikŋɛ mɛnu kɛpɔŋ pʉɔmɛsɔŋ tsʉʉ, ŋ́ɡɑ́ mbɔ̌ pɔ́p, tɛ mbɑ mɛsẅíŋɛ tsʉʉ mí pɔ́p lɔknɛ ńzɔɔtɛ wɛ́. Lɑ́ ŋu kɛ́ ńzɔɔtɛ Zẅikŋɛ-Sɛ́, mbɔ pɛ́ ŋ́ɡʉ ńdɑ́Ꞌ ńdikŋɛ ŋ́ɡɑ́ mbɔ̌ wɛ́ pɔ́.

Mɑtʉ̈ɔ 12:8

Yɛ́su pɛn ńcú mbɔ̌ pɔ́p ŋɡɔ: Mɔ́ɔ-Ŋu zɛɛnɛ ŋ́ɡẅɛɛ nɛcú yúu mi ḿbɔ́ pɛ́ ɡɛ nǔu lɛ́Ꞌnji-Pɑyúdɑ.»

Mɑtʉ̈ɔ 13:22

Mbiyúu mi ɛ́ vunɛ tsɛt nɛɡíi kɛpɔŋ, nu-pʉɔ pínɛ pɔ́p zúꞋnɛ sẅíŋɛ-Sɛ́, ŋ́ɡɛ ńzɛ nɛmʉk mɛnu-njí, ńzɛ nɛzɑ́p tʉ́m yɔ́p nǔu ŋkɑ́p. Yîyɑ́ yúu ɡɛ sẅíŋɛ-Sɛ́ mɛ tʉ́m pɔ́p kɛ́ pii.

Mɑtʉ̈ɔ 13:39

Ŋɡɑŋmbuu ẅí ɑ pinɛ mbiyúu kɛpɔŋ, pɔ́ Sɑ́ttɑ ɛ̂wɑ́. Nɛlɔk yúu pɔ́ ndẅiknzʉʉ lɛ́Ꞌmbí, ɡɑŋfɑꞋ pɔ́ pɛcʉ̈ɔ́Ꞌ-Sɛ́.

Mɑtʉ̈ɔ 13:40

Ndʉ́ŋndʉŋ pɑ́Ꞌ pɛ́ tsɔ́Ꞌnɛ yúu kɛpɔŋ ńtɔɔ múk lɑ́, ɛ́ ɡʉ ńdɑ́Ꞌ ḿbɛn ḿbɔ́ pɔ pɔ́Ꞌɔ, nǔu ndẅiknzʉʉ lɛ́Ꞌlɑ́Ꞌ.

Mɑtʉ̈ɔ 13:55

A kɑ́ pɔ́ mɔ́ɔ-kɑ́pɛ́ndɑɑ pɔ́? Lík-mɑ́ wɛ kɑ́ pɔ́ ŋɡɔ Mɑlíyɑ pɔ́? A kɑ́ pɔ́ mɔ́ɔmɑ́-Jɑ̂k, nɛ́ Yɔsɛ̂p, mbɑ Símɔ nɛ́ Jẅidɛ pɔ́?

Mɑtʉ̈ɔ 8:20

Yɛ́su pʉ̈ɔt mbɔ̌ wɛ́ ŋɡɔ pɛkwɛt ɡẅɛɛ mɛmbʉ́, pɛshʉ́ŋ pɛn ŋ́ɡẅɛɛ mɛŋkɑɑ mɔ́p. Lɑ́ Mɔ́ɔ-Ŋu kɑ́ ɡẅɛɛ zʉꞋ yí ɛ́ lɑɑ ḿbɔ́ ɑ jẅiitɛ zúꞋu pɔ́.

Mɑ́lɛ́kúshi 10:30

tɛ ḿbɛ́t kɛ́ zɛ pɔ ŋkɔ̂ɔnɛ nɛɡẅɛɛ yɛcɔ́ ŋkɑ́ ŋkʉ pɔ́, pɛ́ ɡʉ ŋ́kʉ́ʉnɛ wɛ́, lɑ́, Sɛ́ kɛ́ ŋ́ɡɛ ɑ fú pɔ ŋkɔ̂ɔnɛ ŋ́ɡẅɛɛ mɛndɑ́, ŋ́ɡẅɛɛ pɔ́ɔpɛ́mɑ́, ŋ́ɡẅɛɛ pɛmɑ́ pɛ́, ŋ́ɡẅɛɛ mbɔ́ŋkʉ̈ɔ́ pɛ́, ŋ́ɡẅɛɛ mɛŋkɑ́Ꞌ mɛ́, ḿbɛn ńdɑ́Ꞌ ḿbɔ́ tsɛt ŋɡɔŋ fí, ŋ́ɡẅɛɛ luk kɛ́mɛ.

Mɑ́lɛ́kúshi 3:28

Ŋ kɛ́ ɛ́sẅíi wʉ́ʉ, kwɑꞋ nɛ́nẅín, ɛ́ lɑɑ ḿbɔ́ Sɛ́ lɑ́Ꞌ ńdikŋɛ mɛnu kɛpɔŋ pʉɔmɛsɔŋ tsʉʉ ŋ́ɡɑ́ mbɔ̌ pɔ́p, tɛ mbɑ mɛsẅíŋɛ tsʉʉ mi pɔ́p lɔknɛ ńzɔɔtɛ wɛ́.

Mɑ́lɛ́kúshi 3:29

Lɑ́, ŋu lɑɑ ńzɔɔtɛ Zẅikŋɛ Lɛ́ɛnɛ́nɛ, mbɔ yɛcɔ́ nɛlɑ́Ꞌ ńdikŋɛ ŋ́ɡɑ́ mbɔ̌ ŋɡɑŋ kɛ́ pɛn ḿbɔ́ ɡú pɔ́, mbíꞌŋɡɔ ɑ ɡɛ pɔ́Ꞌɔ, nu kɛpɔŋ ɛ̂yɑ́ ɡɔ́ŋ tú yɛ́ kɛ́ lɑ́Ꞌ ḿmɛ.»

Lúkɑ́shi 12:10

«Ŋu lɑɑ ɛ́sẅíŋɛ kɛpɔŋ nǔu Mɔ́ɔ-ŋu, mbɔ Sɛ́ ɡɛ ńdɑ́Ꞌ ńdikŋɛ ŋ́ɡɑ́ mbɔ̌ wɛ́, lɑ́ ŋ́kɛ́ ńzɔɔtɛ Zẅikŋɛ Lɛ́ɛnɛ́nɛ, mbɔ pɛ́ kɛ́ pɛn ńdɑ́Ꞌ ńdikŋɛ ŋ́ɡɑ́ mbɔ̌ ŋɡɑŋ pɔ́.»

Lúkɑ́shi 16:8

Tɑ́fɑꞋ ɡɛ ńjʉ́ɔ ntɛ́ yi ŋɡɑŋfɑꞋ kɛpɔŋ wɛ lɔknɛ ńtɑ́ɑ zúŋ pɔ́Ꞌɔ, ńtsʉ́Ꞌ ḿbɛ́m pɛ́mnɛ ŋɡɔ jínu yɛ́ ɡú. Yɛ́su cú mbɔ̌ pɔ́p ŋɡɔ: «Ɛ́ nɛ́nẅín ŋɡɔ pʉɔ-mbí yɔ jí nɛtɑ́ɑ zúŋ ńdɔk niitɛ mɛnu tsɛtsɛt pɔ́p, ńdɛɛ pʉɔ pinɛ pɔ́p zɑ́pnɛ tʉ́m yɔ́p nǔu Sɛ́.»

Lúkɑ́shi 18:30

mbɔ ŋɡɑŋ ŋ́ɡɛ ḿbɛn ŋ́ɡẅɛɛ yîyɑ́ yúu tɛ ńdɛɛ yi ɑ kɑ nɑ́nɛ, ńdɑ́Ꞌ ḿbɔ́ tsɛt ŋɡɔŋ fí, ŋ́ɡẅɛɛ luk kɛ́mɛ.»

Lúkɑ́shi 23:34

Yɛ́su cú ŋɡɔ: «Tɑ̌ɑ mɔ, likŋɛ mɛfɑɑnɛ mɔ́p, mbíꞋŋɡɔ pɔ́p kɑ́ pɔ́ ńjí yúu mi pɔ́p ɡɛnɛ pɔ́.» Pɑlʉ̈ɔꞋntsɔ pinɛ pɔ́p ḿbɔ́nɛ zúꞋu mɑꞋ ńtíitɛ tɛ ńdɔk ŋ́ɡɑp mɛndẅí mɛ́.

Lúkɑ́shi 7:34

Mɔ́ɔ-ŋu kɛ́ ńtɔ́ yɛ́ ŋkɔ̂ɔnɛ, ḿbɔ́ ŋ́kwɛ́t yúu, ḿbɛn ḿbɔ́ ńnɔ́ mɛluꞋ, pʉʉ cú ŋɡɔ pɛ́ líŋɛ wɛ́ lɑ́ ńjʉ́ɔ, ŋu wɑ́lɑ́ pɔ́ ŋ́kwɛ́t yúu, ḿbɔ́ nɛ́nɔ́mɛluꞋ, ḿbɔ́ súu pɑcẅɛ́ɛ ntsup-Pɑlɔ́mɑ, mbɑ wɛ pɛcɔ́ pʉɔ kɛpɔŋ.

Jɑ̂ŋ 7:12

Lɑ́Ꞌ pɔ́ ɛ́sẅíŋɛ mɛtsu mɛtsu ntɛ́ Yɛ́su. Pɛcɔ́ pʉɔ pɔ́ ńcú ŋɡɔ ɑ kwɑꞋ ŋu. Pɛcɔ́ pɔ́ ńcú ŋɡɔ ɑ fu pʉɔ funɛ.

Jɑ̂ŋ 7:39

A kɑ pɔ́ ńcú pɔ́Ꞌɔ, ńdɑ́Ꞌ Zẅikŋɛ-Sɛ́ yi pʉɔ pinɛ pɔ́p zɑ́pnɛ tʉ́m nǔu wɛ́ kɑ pɔ́ ŋ́ɡʉ ńcẅɛ́ɛ. Ɛ́ ɡɔ́ ḿbɔ́, Zẅikŋɛ Lɛ́ɛnɛ́nɛ ɛ̂yɑ́ pɛ́t kɛ́ tɔ́, mbíꞋŋɡɔ Yɛ́su kɑ pɛ́t kɛ́ kúu tsɛt nɛɡúꞋ wɛ.

Jɑ̂ŋ 7:52

Lɑ́ pɛcɔ́ pʉɔ tsɔ́Ꞌ mbɔ̌ wɛ́ ŋɡɔ: «Ɔ yú ŋu-Ŋɡɑlilɛɛ kɛkʉ̈ɔ́? Ɔ lɑɑ ńdɔɔ sʉ́Ꞌnɛ, mbɔ ɔ ɡʉ ńjʉ́ɔ ŋɡɔ wɛcɔ́ ŋɡɛ́mndʉ̈ɔ́Ꞌ-Sɛ́ ŋkɑɑ mɔ́ cẅɛt Ŋɡɑlilɛɛ pɔ́.»

ŊwɑꞋnɛ-Gɑŋntúu Yɛ́su Kɛlístɔ 3:19

Pɔ́Ꞌɔ lɑ́, pʉʉ kɛ́ ŋ́kúp mɑt wʉʉ, ḿbɛ́m Yɛ́su Kɛlístɔ. Sɛ́ likŋɛ mɛnu kɛpɔŋ mʉ́ʉ.

Ɛ́fɛ̂zɛ 1:21

A pɔ́ zúꞋu ńdɔk ńdɛɛ ŋɡɔŋ pɛcʉ̈ɔ́Ꞌ-Sɛ́ pɔ́p pɛfɔɔ pɔ́p mbɑ mɛcɔ́ mɛyúu mi ɛ́ ɡẅɛɛnɛ mɛtʉʉ tʉ́nɛ́pú. Ɛ́ lɛɛ pʉɔ tsʉʉ tɛ mbɑ pɑ́Ꞌ ŋɡɑŋ lɑɑ ḿbɔ́ pɔ wɔ̌ lɑ́, kɛ pɔ nǔu yɔ kɛm-njí ɔ́ɔ, kɛ pɔ nǔu yi ɛ́ ɡʉ ńdɑ́Ꞌ lɑ ńtɔ́ ɔ́ɔ.

1 Timɔtɛ́ɛ 1:13

Tɛ mbɑ pɑ́Ꞌ ɛ́ kɑ pɔ́ yɛcɔ́ ŋkɑ́, ɛ sẅiŋɛ nǔu wɛ́ kɛpɔŋ, ńtsɔ́Ꞌ ku-pʉɔ pɛ́ kɛpɔŋ, ńzɔɔtɛ Sɛ́. A kɑ tsɑ́ɑ mɛjʉ́ŋ mɑ́ɑ, mbíꞋŋɡɔ ŋ kɑ pɔ́ ŋ́ɡɛ kɛ́ jí yúu mi ŋ ɡɛnɛ, mbɔ mɔ ŋ́kɑɑ zɑ́p tʉ́m nǔu wɛ́ pɔ́.

1 Timɔtɛ́ɛ 1:15

Yɛ́su Kɛlístɔ kɑ tɔ́ ndǔmbí nɛɡɛ pʉɔ kɛpɔŋ luk, yîyɑ́ nu ɛ́ zúꞋu ḿbɔ́ pɔ́Ꞌɔ, ɛ́ lɑɑ ḿbɔ́ ŋu zɑ́p tʉ́m yɛ́ nǔu tsʉʉ tsʉʉ. M bɛn ḿbɔ́ tsɛtsɛt pʉɔ kɛpɔŋ ḿbɔ́ ndúu.

1 Timɔtɛ́ɛ 4:8

Ŋu lɑɑ ŋ́kʉɔ ndʉ́ɔlɛ́, mbɔ ɛ́ ɡʉ ńcẅɛ́lɛ́ ndɑꞋ mbʉʉ yɛ́. Lɑ́ nɛɡɛ yúu mi ɛ́ pɔŋnɛ Sɛ́, cẅɛ́lɛ́ nǔu yúu tsʉʉ. Pɛkŋɛ fú nǔu ńjí ŋɡɔ pɛkŋɛ ɡú ŋkɔ̂ɔnɛ tɛ mbɑ nǔu ŋkɑ́ yi ɛ́ ɡʉ ŋ́ɡɛ lɑ́ ńtɔ́.

1 Timɔtɛ́ɛ 6:17

Ɛ́ ɡʉ nǔu pʉɔ pinɛ pɔ́p ɡɑŋyúu ndǔ yɔ mbí, n cú mbɔ̌ pɔ́p ŋɡɔ pɔ́p pɑ́ɑ nɛŋɑ́Ꞌlɛ mbʉʉ, ŋɡɔ kɔɔ pɔ́p ńnɑ́ŋ ńzẅíꞋlɛ wɔp nɛpɔŋ pɔ nǔu yúu mi pɔ́p ɡẅɛɛnɛ, mbíꞋŋɡɔ ɛ́ pɔ́ pɔ fuꞋnjʉɔ. Cú mbɔ̌ pɔ́p ŋɡɔ pɔ́p zẅíꞋlɛ wɔp nɛpɔŋ pɔ mbɔ̌ Sɛ́ ẅi ɑ ɡɑ́nɛ wɛkŋɛ nɛ́ yúu tsʉʉ tɛ ɛ́ zɑ́ɑ zɑ́ɑnɛ ŋɡɔ pɛkŋɛ lɔk ńtsɑ́ɑtɛ.

2 Timɔtɛ́ɛ 4:10

MbíꞋŋɡɔ Ndɛmɑs ḿmɛꞋ wɑ́ɑ, ɑ kɔŋ yúu-ndǔmbí tɛꞋ. Yîyɑ́ kɑ ɡɛnɛ ɑ ɡʉ nɛ́ tʉ́sɔŋ-Tɛsɑlɔnik. Kɛlɛ́sɛn ɡʉ nɛ́ pɑk-ŋɡɔŋ-Ŋɡɑlɑ̂t, Titɛus ɡʉ nɛ́ pɑk-ŋɡɔŋ-Ndɑlmɑtîi.

Tîtɛ 2:12

Yîyɑ́ ntɛ́ pɔŋtʉ́m sɛ́ ńzíꞋ wɛkŋɛ nɛmɛꞋ mɑt ẅí ɛ́ kɑ́ pɔŋ Sɛ́ pɔ́, mbɑ pɑ́Ꞌ pɛkŋɛ kɛ́ pɛn ŋ́ɡɛ yúu mi mbʉʉ yɛkŋɛ tsʉ́ʉnɛ́nɛ wɛkŋɛ ŋɡɔ pɛkŋɛ ɡɛ pɔ́. Pɛkŋɛ pɔ́ ndǔ yɔ mbí, ḿbɔ́ pʉɔ pí pɔ́p sɑ́ŋnɛ nu lɑ ŋ́ɡɛ, ŋ́ɡɛ pɔ mɛnu mi ɛ́ tʉ́ʉnɛ ndʉ́ŋndʉŋ, ḿbɛn ńzúꞋ pɔ ndɑꞋ ntsu-Sɛ́.

Jɑ̂k 1:27

Nɛɡɛ ŋɡɔ nu-Sɛ́ pɔ́ kɛ́ lɔ́Ꞌ, ɛ́ píkŋɛ ŋɡɔ ŋu líŋɛ pɔ́ɔ pɛcí mbɑ pɛpfúk tsɛt ŋɡʉ̈ɔ́Ꞌ yɔp, ḿbɔ́ ŋu ẅí ɑ pɑ́ɑ mbʉʉ yɛ, ḿbɔ́k ntsɛ́llɛ́ nɛpʉ́ʉpɛ wɛ́.