Mɑtʉ̈ɔ 12:25 - Kɑɑ Fí

²⁵ Yɛ́su jí kwɑŋɛ yɔ́p, ńcú mbɔ̌ pɔ́p ŋɡɔ: «Pʉɔ-tɑ́Ꞌ lɑ́Ꞌ lɑɑ ɛ́shɔtnɛ ńdʉ́ɔꞋ ntsɔ tsɛtsɛt pɔ́p, mbɔ yîyɑ́ lɑ́Ꞌ ɡʉ ḿbɛ́. Pʉɔ-tɑ́Ꞌ tʉ́sɔŋ kɛ tɑ́Ꞌ-tsɛnndɑ́ ɔɔ pɛn ɛ́shɔtnɛ ńdʉ́ɔꞋ ntsɔ tsɛtsɛt pɔ́p, mbɔ yîyɑ́ tʉ́sɔŋ kɛ yîyɑ́ tsɛ́nndɑ́ ɔɔ ɡʉ ḿbɛ́.

Mɑtʉ̈ɔ 12:25 ပူးပေါင်းရင်းမြစ်များ

Mɑtʉ̈ɔ 9:4

Yɛ́su jí yúu mi pɔ́p sɛ́ ŋ́kwɑŋɛ, ńcú mbɔ̌ pɔ́p ŋɡɔ: «Pʉʉ ɡɛ ŋɡɔ́ku ŋ́ɡẅɛɛ yɔ ntɛ́ kwɑŋɛ kɛpɔŋ tsɛt tʉ́m yʉ́ʉ?

Mɑ́lɛ́kúshi 2:8

Yɛ́su ɡɔ́ɔ ńjí yúu mi pɔ́p sɛ́ ŋ́kwɑŋɛ, ḿbíkŋɛ wɔ́p ŋɡɔ: «Pʉʉ ɡɛ pɑꞋɑ ŋ́ɡẅɛɛ yɑ́ ntɛ́ kwɑŋɛ tú pʉʉ?

Jɑ̂ŋ 21:17

Ḿbɛn ḿbíkŋɛ wɛ́ nǔu ḿbɑ́ɑtɛ yɛ́tɑ́t ŋɡɔ: «Símɔ̂ŋ mɔ́ɔ-Jɑ̂ŋ tɛ ɔ kɔŋ wɑ́ɑ?» Shʉ́ pyɛ̂ kɔkŋɛ, mbíꞋŋɡɔ Yɛ́su píkŋɛ wɛ́ tɛ ŋkɑ́ yɛ́tɑ́t ŋɡɔ tɛ ɑ kɔŋ wɛ́ ɔɔ. A tsɔ́Ꞌ ŋɡɔ: «Tsɑpʉɔ, ɔ jí ŋɡɔŋ nu tsʉʉ, ɔ jí ŋɡɔ ŋ kɔŋ wú.» Yɛ́su cú mbɔ̌ wɛ́ ŋɡɔ: «Tsiinɛ njinjɔ yɑ́ɑ.»

1 Kɔlɛ̂ŋtɛ 2:11

Mbɔ wɔ̌ jí nu yi ŋumɛsɔŋ sɛ́ ŋ́kwɑŋɛ tʉ́m yɛ́ kɛ́ pɔ́ pɔ ŋɡɑŋ? Ɛ́ pɛn ḿbɔ́ ndʉ́ŋndʉŋ pɑ́Ꞌ wɛcɔ́ ŋu lɑɑ ḿbɔ́ ɑ pɔɔ jí nu yi Sɛ́ sɛ́ ŋ́kwɑŋɛ kɛ́ pɔ́ pɔ Zẅikŋɛ-Sɛ́ pɔ́.

Ŋɡɑlɑ̂t 5:15

Lɑ́ ḿbɔ́ yi pʉʉ lɑɑ ḿbɔ́ ŋ́ɡɛ pɑ́Ꞌ mɛnɑɑ tɛt ḿbɔ́ ńnɛ́mtɛ mɛmbʉʉ mʉ́ʉ ńníꞋ mɛfʉ́ŋ, pʉʉ lɑk tú yʉ́ʉ, mbíꞋŋɡɔ pʉʉ pɔ́Ꞌɔ, ńtsʉ́Ꞌ ńdɔɔ pɔ nɛpʉ́ʉpɛ mɛmbʉʉ mʉ́ʉ.

Ɛ́bɛlʉʉ 4:13

Ɛ́ mbi Sɛ́ yɛcɔ́ yúu pɔɔ yi lʉɔmɛ́nɛ pɔ́, tsɛt yɔ ndǔmbí yi ɑ kɑ niitɛ́nɛ. A jʉ́ɔ yúu tsʉʉ, ɑ mɑꞋ mík ńjʉ́ɔ mbɑ kʉ̈ɔ́lɑ́ pɑ́Ꞌ ɛ́ pɔ́nɛ. Pɛkŋɛ ɡʉ ŋ́ɡɛ ńtɛmtɛ tʉ́ʉ mbi yɛ́ ḿbɛ́ɛtɛ ntsu wɛkŋɛ.

Mɛnu ɛ́ ńdɑ́Ꞌ ńcẅɛt 16:19

Mɑ́mɑ́ tʉ́sɔŋ ɛ̂wɑ́ sɑ́ɑnɛ nji yɛ́tɑ́t. Mɛtʉ́sɔŋ mi ɛ́ ŋɡɔŋ nɛ́ ŋɡɔŋ kɛ́mɛ. Sɛ́ ɡɔ́ɔ ŋ́kɛ́ ŋ́kẅíitɛ mɑ́mɑ́ tʉ́sɔŋ-Mbɑbilɔ̂nɛ, ŋ́ɡɛ ɑ ńnɔ́ ntúꞋ-mɛluꞋ zɑ́ŋlɔ́ŋ yɛ́ yi ɛ́ ɡɑ́Ꞌ mɔ́ tɛꞋ.

Mɛnu ɛ́ ńdɑ́Ꞌ ńcẅɛt 2:23

Ŋ ɡʉ ńjẅítɛ mbɔ́ŋkʉ̈ɔ́ pɛ́. Ɛ́ lɛɛ pɔ́Ꞌɔ, mɛcúꞋlɛ-pʉɔ-Kɛlístɔ tsʉʉ jí ŋɡɔ mɔ ŋu ẅí ɑ jínɛ kwɑŋɛ-pʉɔmɛsɔŋ, ḿbɛn ńjí mbɑ yúu mi pɔ́p sɛ́ ńtsɑ́ɑ. Ŋ ɡʉ ŋ́ɡɛ ɛ́fú pɔ nǔu yúu mi mbɑ wɔ̌ lɑ́ ɡɛnɛ, lɑ ńjí pɑ́Ꞌ ŋ ɡʉ ŋ́ɡɛ nǔu ŋɡɑŋ.