Mɑtʉ̈ɔ 11:29 - Kɑɑ Fí

²⁹ Pʉʉ tíi mbɑɑndyɔŋ-piꞋ yɑ́ɑ ńzɑ́p mbʉ̈ɔꞋ pʉʉ, ḿbɛn ḿbɛ́m ŋɡɔ n zíꞋ wʉ́ʉ pɑ́Ꞌ pʉʉ ɡʉ ŋ́ɡɛ, mbíꞌŋɡɔ m bɔ́tnɛ, tʉ́m yɑ́ɑ pɛn ŋ́kɛ́ mbɔɔ cʉ́ɔk. Ŋ ɡʉ ŋ́ɡɑ́ zʉꞋ yí pʉʉ ɡʉ fíitɛ tʉ́m yʉ́ʉ zúꞋu.

Mɑtʉ̈ɔ 11:29 ပူးပေါင်းရင်းမြစ်များ

Mɑtʉ̈ɔ 17:5

A pɛ́t ńcú cúnɛ, yɛcɔ́ lɑ́ɑ, yi ɛ́ ŋwɑŋɛ ŋwɑŋɛ́nɛ ńcúŋ ŋ́kẅíipɛ wɔ́p, ŋɡi-ŋu fú tsɛtú ńcú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ, pʉʉ zúꞋ ntsu wɛ́.»

Mɑtʉ̈ɔ 21:5

pʉʉ cú mbɔ̌ pʉɔ pí pɔ́p tsɛt tʉ́sɔŋ-Syɔ́ŋ ŋɡɔ: «Pɔ́p líŋɛ ńjʉ́ɔ pɑ́Ꞌ fɔɔ wɔp sɛ́ ńtɔ́ nɛ́ nɛjɔ́ŋ pɔ́p, ḿbɔ́ ŋɡɑŋ-mbɔ́tnɛ, ńnɑ́ŋ ndǔ njɑkɑ́ɑshi, ɑ pɔ́ mɔ́ɔ njɑkɑ́ɑshi.»

Mɑtʉ̈ɔ 28:20

ńzíꞋ wɔ́p nɛtík ku nǔu mɛnu tsʉʉ mi mɔ ńzíꞋnɛ wʉ́ʉ. Pʉʉ jí ŋɡɔ, kwɑꞋ mɔ, ŋ ɡʉ ńdɑ́Ꞌ ḿbɔ́ pɔ tsɛtsɛt pʉʉ tɛ ntsɛ́llɛ́ lɑ́Ꞌ mɛ.

Mɑtʉ̈ɔ 7:24

«Ŋu lɑɑ ńtɔ́ ńtsɛ́t wɑ́ɑ, ńzẅíꞋlɛ sẅiŋɛ yɑ́ɑ, ŋ́ɡɛ pɑ́Ꞌ ɛ́ sɛ́ ḿbíkŋɛ, mbɔ ŋɡɑŋ fí wɛcɔ́ njínu wɑ́ ẅi, ɑ kɑ tsʉ́Ꞌ nɛkút ndɑ́ yɛ́, ńtúŋ zʉꞋ tɛ ńjʉ́ɔ mɑ́mɑ́ ŋɡɔꞋ, ńtík ndɑ́ ndǔ.

Lúkɑ́shi 8:35

Lɑ́Ꞌ zúꞋ, ŋ́ɡɔ́ɔ ńcẅɛt, ńtɔ́ nɛjʉ́ɔ nu ɛ̂yɑ́. Ŋ́ɡʉ tɛ ŋ́kúu zʉꞋ yi Yɛ́su kɑ pɔ́nɛ zúꞋu, ńjʉ́ɔ ŋu ẅi mɛzẅikŋɛ kɛpɔŋ lɑ́Ꞌnɛ ńcẅɛt nǔu wɛ́ lɑ́, ɑ nɑ́ŋ nɛjɔ́ŋ Yɛ́su, mbɔ ɑ fíitɛ, jínu yɛ́ pɛn tɛ ɑ mɑꞋ ndẅí. Pɔ́p jʉ́ɔ pɔ́Ꞌɔ, ŋ́ɡɔ́ɔ ńtsʉ́Ꞌ ḿbɔ́k pɔ́knɛ.

Jɑ̂ŋ 13:15

Mbíꞌŋɡɔ, n nyɛt wʉ́ʉ nɛ́ fʉꞋ nɛpɔ́ yi pʉʉ yʉ́ʉ pʉʉ ɡʉ ŋ́ɡɛ pɑ́Ꞌ pʉʉ jʉ́ɔnɛ ŋ ɡɛ lɑɑ.

Jɑ̂ŋ 13:17

Pɑ́Ꞌ pʉʉ sɛ́ ńjí ŋkɔ̂ɔnɛ lɑ́, pʉʉ lɑɑ ŋ́ɡɛ pɔ́Ꞌɔ, mbɔ pʉʉ pɛpɔ́ttú.

ŊwɑꞋnɛ-Gɑŋntúu Yɛ́su Kɛlístɔ 7:37

Jʉ́ Mɔ̌sɛ̂ɛ kɑ pɛnnɛ ńcú mbɔ̌ pɔ́ɔ-pɑíslɑyɛ̂l ŋɡɔ: «Sɛ́ ɡʉ ńdɑ́Ꞌ ḿbɛn ńtúu wɛcɔ́ Ŋɡɛ́mdʉ̈ɔ́Ꞌ-Sɛ́ mbɔ̌ pʉʉ. A pɔ́ pɑ́Ꞌ mɔ. A ɡʉ ńdɑ́Ꞌ ńcẅɛt pɔ tsɛtsɛt pʉʉ.»

1 Kɔlɛ̂ŋtɛ 9:21

Mɔ ŋkɑ́ yi mɔ sɛ́ ɛ́fɑꞋ tsɛtsɛt pʉɔ pi nɛpʉ́ʉ-Mɔ̌sɛ̂ɛ kɑ́ pɔ́ ɛ́sɑ́Ꞌ wɔ́p pɔ́, n nɑ́ŋ pɑ́Ꞌ ŋu ẅí nɛpʉ́ʉ kɑ́ pɔ́ ɛ́sɑ́Ꞌ wɛ́ pɔ́ lɑ́, ńjí ŋɡɔ ŋ ɡʉ ńdɔk pɔ́Ꞌɔ, ŋ́ɡɛ pʉɔ pi nɛpʉ́ʉ kɑ́ pɔ́ ɛ́sɑ́Ꞌ wɔ́p pɔ́, ńtsʉ́Ꞌ pʉɔ-Kɛlístɔ, ńnɑ́ŋ pɔ́Ꞌɔ, ɛ́ pɔɔ lɔk ńcú pɔ ŋɡɔ nɛpʉ́ʉ-Sɛ́ kɑ́ pɔ́ ɛ́sɑ́Ꞌ wɑ́ɑ pɔ́ pɔ́, ɛ́ pɔ́ ɛ́sɑ́Ꞌ wɑ́ɑ sɑ́Ꞌnɛ, mbíꞋŋɡɔ n nɑ́ŋ pɔ nǔu pɑ́Ꞌ nɛpʉ́ʉ-Kɛlístɔ sɛ́ ḿbíkŋɛ.

2 Kɔlɛ̂ŋtɛ 10:1

Mɔ Pɔ̂l, ŋ ɡʉ ńdɔk pɑ́Ꞌ Yɛ́su Kɛlístɔ pɔ́tnɛ́nɛ tɛꞋ ḿbɛn ḿbɔ́ ŋɡɑŋ-pɔŋtʉ́m, ɛ́sẅíi wʉ́ʉ nɛ́ tɑ́Ꞌ nu. A kwɑꞋ mɔ pɔ̂l wɑ́ ẅí pɛ́ cúnɛ ŋɡɔ ŋkɑ́ yi mɔ tsɛtsɛt pʉʉ, n nẅɛɛ nẅɛɛnɛ, ŋ́kɛ́ ḿbɔ́ ŋkɑ́ yi ŋ ɡʉnɛ ŋɡɑ sɛsɑ, ńcú nu mbɔ̌ pʉʉ tsɛt ŋwɑꞋnɛ kɛ́ pɔ́k lɑ́.

2 Kɔlɛ̂ŋtɛ 10:5

Pɛk sɛ́ ńnyɛt ŋɡɔ mɛsẅíŋɛ mi pʉɔ lɔknɛ ŋ́ŋɑ́Ꞌlɛ, ɛ́ pɔ́ ńtɔꞋ pʉɔ nɛjí nu-Sɛ́, ɛ́ kɑ́ pɔ́ yɛcɔ́ nu pɔ́, ɛ́sɑ́Ꞌ tʉʉ ŋ́kúpmɛ yúu mi pʉɔ ɡẅɛɛnɛ tʉ́m pɔ́p, ŋ́ɡɛ pîpɑ́ pʉɔ tsʉ́Ꞌ ńzúꞋ pɔ ntsu-Kɛlístɔ.

Filipɛ 2:5

Pʉʉ ɡẅɛɛ kwɑŋɛ yí Yɛ́su Kɛlístɔ kɑ ɡẅɛɛnɛ.

1 Tɛsɑlɔník 4:2

Pʉʉ zɛɛ ḿbɔ́ ńjí yúu mi pɛk kɑ lɔknɛ lík-Tsɑpʉɔ Yɛ́su ńcú ŋɡɔ pʉʉ ɡɛ.

2 Tɛsɑlɔník 1:8

A ɡʉ ńdɑ́Ꞌ ŋ́ɡɔ ńtɔ́ pɛkŋɛ jʉ́ɔ múk tʉ̈ɔ́Ꞌlɛ wɛ́ ńníꞋ sɔŋ, ɑ ɡɛ pʉɔ pi pɔ́p kɑ jí Sɛ́ pɔ́ ḿbɛn ńdʉꞋ Ŋkʉʉ Sʉ́ꞌnɛ wɛ́ jʉ́ɔ ŋɡʉ̈ɔ́Ꞌ.

Ɛ́bɛlʉʉ 5:9

ḿbɛn ńzúꞋ tɛ ŋ́kuꞋ ŋu ẅí ḿbɔ́ ɑ ɡɛ pʉɔ pi pɔ́p zúꞋnɛ ntsu wɛ́ tɛmtɛ ńduk ndɑꞋ ndɑꞋ.

1 Jɑ̂ŋ 2:6

Ŋu lɑɑ ńcú ŋɡɔ: Pɛk Sɛ́ kɑ tɛmtɛ, ɛ́ píkŋɛ ŋɡɔ ŋɡɛnɛ mɛnu mɛ́ pɔ́ pɑ́Ꞌ mɛ́ Yɛ́su Kɛlístɔ kɑ pɔ́nɛ pɔ́Ꞌɔ.